壹家小廚

Open Now

Now Closed

下山路經西灣河,隨便在附近找一間茶餐廳食下午餐.餐廳雖然叫”小廚“但是竟然有下午茶餐👍🏻下午茶時段不多客人,普通卡位及少量圓檯,冷氣也充足.一行5人,其中2位朋友選了下午茶餐炸雞脾沙律薯條（$47）,等候大約十幾分鐘就有得食. 雞俾炸得少少過火😅整體沙律及薯條份量也算多.我們3人各選了一碟炒粉麵（$51）, 全部份量也超級多.一般茶餐廳下午茶的份應該不會太多.現在的份量等同其他茶餐廳的午餐份量.我們3人也吃不完😅豉椒肉片炒河~3碟炒類最好味的. 豉椒味香又有鑊氣👍🏻我們也聽到廚房爆炒的聲音🤣星洲炒米粉~味道不夠辣,但是材料豐富火腿絲,叉燒絲,蝦,洋蔥,青椒.咸魚雞粒炒飯~普普通通.

食物味道不差，但加料，餐廳仍不承認責任。味道再好都唔會再幫襯。今日係加紙，下次真係唔知會係咩。第一次見識呢啲餐廳！雖然係經外賣平台下單，亦無直接同餐廳聯絡，不過從佢地俾我地既食物，同埋回覆平台既回應，已經知道呢間餐廳係點樣。就係唔值得再俾機會。

原本點左魚香茄子，貨不對辦。原本香辣味帶小小甜的川味菜式變到阿媽都唔認得，竟然變成香蔥醬油味，不難吃但絕不是我要的。另一個咖喱海鮮炒飯也是離譜，沒有用冷藏過的米飯去炒，炒的火候也不夠。總結，求其到出汁。

叫左個西蘭花炒蝦球 份量少到嚇死人 得八舊西蘭花 加幾隻蝦 $85 仲要完全無味 同阿姐講佢竟然叫我加鼓油。。。菠蘿生炒骨 $70 份量味道正常唔會再幫襯 食到成肚氣 食完再去左買宵夜

一個難食早餐，最極又黑又鹹味重，千年一 遇見，店無心做食負氣重，環境差到入座位更差。不用考慮再試一下，得什麼廚房也出什麼產品，香港味精還有好健康，食完沒有好心情低落壞左～

呢間餐廳食物質素好一般, 不過因為附近街坊間唔中都幫襯下今朝食完嘢諗住埋單, 見到有支付寶, 咁就同佢講話支付寶畀錢佢無啦啦冇頭冇尾叫我scan q r code, 不嬲畀錢都係我開個q r code, 跟住佢scan我個code㗎嘛, 佢只是牆上邊嗰張紙叫我scan q r code, 我話唔明. 第一個好大聲同第二個講- 佢話佢唔明喎！ 大聲到成間餐廳嘅人都聽到第二個衝過嚟想㩒我部電話, 我同佢講你唔好掂我部電話, 話畀我聽點做, 佢即刻黑曬面發曬老皮, 跟住一路好晦氣咁樣, 之後我同佢講- 啲公公婆婆你就幫佢啫, 我哋嘅話你唔使掂我部電話, 佢仲好忟憎咁話我淨係教你, 唔係想掂你部電話咁樣, 眼神兇狠語氣晦氣！ 一間餐廳嘅職員咁樣去到個客嘅？！

試過好多次外賣自取，經常比原定時間遲20分鐘不等。有試過等咗好耐，問極侍應冇反應，甚至叫我取消訂單，又問我係咪玩嘢。食物質素普通，服務態度惡劣冇禮貌。餐廳環境逼夾，雜物亂放，唔建議幫襯。

A real local (and not a chain) cha chaan teng (Hong Kong-style café) for quick meals. This isn't a restaurant you should have high expectation on, but you can surely enjoy some home-cooked food. Set dinners range around $45-$55 with Chinese soup or hot drinks. I prefer the former 🍲. You can also choose from the à la carte menu.Steamed Minced Pork with Dried Squid ($45) (comes along with white rice 🍚)This kind of cha chaan teng usually changes their menus daily, subject to what they have in the k

運動後路經西湾河，被這間不像茶餐廳的下午茶餐牌吸引，雖不是很有特色，但與平時的茶記又有些分別，價錢介乎$20多元到$40。筆者點了一份炸魚柳配生果沙律及薯條，加阿華田熱飲，以$32元的價錢算抵食。等了10多分鐘，新鮮熱辣的食物呈現眼前，大大塊魚柳比一只成人手掌還要大，加上一堆份量不小的薯條，全部熱辣辣，新鮮即製，實在是一頓豐富的下午茶，又幸好配上小量的生果沙律，可以減輕了煎炸食品的油膩感，若沙律醬份量可以輕手一點就更完美。

一家平平無奇既茶餐廳，從來未食過，就入去試下，試新餐廳。平時食開西多士，食次黎到呢間都食下西多士，比較下。狐狸仔就食常餐。價錢公道。一黎到杯凍飲勁大杯😂加上肥身杯，奶茶茶奶份量剛好，沒有偏頗。黎到重點！西多士，新鮮熱辣！個邊炸到脆卜卜，中間多軟，唔會多油到冧，油份剛好而不膩，糖醬份量剛好覆蓋整件西多，裡面系粗粒花生醬。惹味。可翻食！狐狸仔叫炸菜肉絲腸仔米，外貌一般，但有應有既水準。腸仔如常好食。系個樣頹啲，味道OK。

沿電車路行下街, 想食返個下午茶休息下, 見佢新新咃就試下. 同一般茶餐廳差唔多, 下午茶選擇都係任選任配.價錢廿幾三十蚊, 夠哂大眾化. 有埋熱飲凍飲可供選擇!T06 蛋牛治餡料似奄列, 足料即整夠味, 唔錯!! T11 雞睥+雜果沙律+薯條份量足, 又好食, 香脆可口.雖然未好食到店舖寫嘅<<家的味道>>, 不過以小店來講, 其實唔錯.

今晚到西灣河探朋友，夜了落街揾食，行過壹家小廚已有人在等位，又見是新開張，一於捧下場啦！這裡的晚市套餐非常經濟實惠，除了主菜外，亦包埋一碗白飯，及湯或飲品。我們點了豆豉魚雲煲，和枝竹炆火腩，湯是紅蘿白粟米豬骨湯。味道不過不失，湯都很夠火候，也是街坊之選的。