Sio Kan (Closed)

一個人的晚餐。今日來到港島區，吃個日本菜，特登來到位於炮台山附近的居酒屋，就要試試有別以往的味道的晚餐。塩館。餐廳有緣分餐牌。有師傅推介的食物。先來一份枝豆。好鐘意清甜的豆香，開一開味蕾。黑松露帶子拉麵。濃香黑松露味噌湯底，味道偏濃，松露菌香極重，帶子半熟刺身狀態，入口鮮甜嫩口。溏心蛋更是驚喜，沒有用醬油滷香，更帶出蛋香。塩館小籠包。有別中式小籠包，用上生菜包上小籠包皮，再選擇蝦肉或者蟹肉餡料，入口香濃多汁，更有一種鮮味。…Read More

你是一個不容易滿足的人嗎? 想樣樣東西都得到? 常常覺得自己有缺失?有時會問為何別人所擁有的東西比我多? 以上的問題, 我通通答 “是”, 但今日一頓晚餐, 為我帶來一些不同的體會……店子位於開在轉角位置, 門面裝潢很優雅脫俗, 帶和風的色彩, 跟附近的食店很不同, 給我一種很舒適安靜的感覺。門外貼上餐牌、有關店子的報導, 還有一塊<緣份推介>黑板, 一眼便中了“塩燒鰤魚鮫”, 看來我今晚跟鰤魚很有緣。拉門而入, 地方不大, 但整齊企理, 內裏設有三張四人枱和一張兩人枱, 還有數個吧枱座位。吧枱前方設有一個放滿串燒的凍箱和一個養活着大蝦鮑魚的水缸, 只要一站起便看到師傅們用心地為客人製作串燒。而最特別是牆身並不是掛上日式的擺設, 而是看極都不明白的數學題, 有趣! 為何是數學題, 想知便問問店主吧!先看看餐簿, 主要是拉麵和串燒, 還有黑板上的緣份推介, 當然不少得啤酒和冰飲, 吃串燒必備。既然今日有緣遇上鰤魚, 就先來一客塩燒鰤魚鮫。******************************製作需時, 在等候之時, 先嚐餐前小吃, 是既營養豐富，亦很飽肚的枝豆 ($10)。它又名毛豆，是日本人常用來佐啤酒的小吃之一。枝豆 色澤青綠，灑上少許幼鹽 提味，啖啖豆香，煮至半腍，仍存咬口。等下食下，不自不覺間很快便吃光了!****************************時間岩岩好, 一客塩燒鰤魚鮫 ($118) 便出場。塩燒三文魚鮫和油甘魚鮫都見得多, 鰤魚鮫是……一問之下, 原來也是油甘魚, 但比一般的油甘魚大, 就叫鰤魚, 而由這件魚鮫的大小可見這條魚很有份量, 看着大大件的鰤魚鮫, 很滿足呀! 熱辣辣上枱, 散出陣陣的燒香, 底面同樣燒的金黃, 色澤平均, 特別是金黃的魚皮, 香脆可口。把其挾開, 魚香四溢, 雪白的魚肉口感扎實, 但絶不嚡口, 內存肉汁, 魚鮮味十足, 弄得入味, 鹹鮮有致, 吃時再蘸些塩醋汁, 酸咪咪的味道中和了魚肉的油膩感, 配搭美味。****************************另一主打是拉麵, 當然不能錯過。拉麵選擇眾多, 好多款都很吸引, 真是難以下決定, 最後揀了一碗黑松露帆立貝拉麵 ($138)。不出一會, 一碗熱辣辣的黑松露帆立貝拉麵便送到我倆面前, 黑松露 的幽香隨熱煙直湧鼻子, 真的非常誘人。數數看, 配料包括不少爽口的海帶、翠綠且清香的蔥花、甘香的芝麻、清甜飽滿的粟米粒、半隻溏心蛋, 當然不少得大大粒的帆立貝。本已急不及待, 幸兒店員馬上講解品嚐的方法, 就是先呷一口湯底, 再嚐一粒帆立貝, 繼而別把麵拌勻, 要直接品嚐, 最後才吃溏心蛋。 好吧! 會聽話! 湯底 乃是拉麵的靈魂, 黑松露麵豉湯 味道濃而不鹹, 還帶有黑松露的幽香, 喝起來沒有乾涸之感, 口感濃厚兼富膠質, 的確很濃郁。接着是品嚐肥美肉厚的帆立貝, 半刺身狀, 肉質保持嫰口兼帶點彈性, 鮮味十足, 配埋幽香的黑松露醬,啖啖令人回味, 很滿足! 輪到吃一口拉麵, 幼身拉麵煮弄時間剛好, 彈牙兼有嚼勁, 本身已烹調入味, 加埋掛湯力佳, 口感和味道一流。最後便是那半隻糖心蛋，製作時間合宜，蛋黃呈鮮橙流心狀，黏滑兼富蛋香，沾滿口腔，而蛋白亦挺軟滑，烹調入味。吃時再拌些黑松露麵豉湯底 更加吸引。------------------------------要令自己滿足真的咁困難嗎? 今晚單單望着自己眼前所擁有的, 用心去逐一品嚐它們的味道, 感受大廚對食物的熱誠, 嚐到美味的食物, 不需要大魚大肉, 也不需要枱子擺得滿滿的, 今晚只是一碗拉麵+燒魚= 滿足。…Read More

砲台山到柴灣呢條地鐵線 平時自己好少去開呢頭食野 上次係喺筲箕灣行完山 先發現原來有條小食街 仲要有咁多好味既野 好似發現新大陸似的今次朋友話睇雜誌見到呢間日本餐廳 介紹得相當唔錯 當然要黎試下喇餐廳面積不大 但有麻雀雖小五臟俱全既感覺印象最深刻既係牆身有幅大黑板 上面寫上數學equation 唔通店主好鍾意數學？店員安排bar枱位置俾我地 所以可以睇住廚師煮野冇聽錯嘅話應該有個廚師係日本人第一道：小籠包呢款小籠包唔同中式嗰款 咬落裡面似係蟹膏（我覺得）連埋上面d菜一齊食感覺幾fresh第二道：大頭蝦拉麵隻蝦超級大隻 幾重手一碗麵配一隻蝦 隻蝦燒過先放落湯 咬落啖啖肉個人建議有個地方可以改善得更好 就係撩走埋蝦腸 蝦大條腸亦大 撩走埋觀感上會好d:)…Read More

是晚跟友人相約居酒屋，吃吃串燒，談談天:)黎左位於炮台山shell street既日本餐廳環境唔錯，簡單整潔:)由於我地未7點就黎到，所以唔需要等位我地揀左個緣份推介既拉麵，再加幾個小食坐底後，立即為我們遞上枝豆給熱茶服務很好首先叫個小籠包先咁得意既？小籠包？唔係日本餐廳咩？ 小籠包用了一個小碗盤著，底下舖了椰菜絲！而主角則是被生菜包著的，面在放上飛魚子作點綴，賣相唔錯咬落原來是這樣的，有驚喜，滲透出蟹香味道，好味緣份推介既大蝦拉麵隻蝦真係好巨型我地兩個人share先食到糖心蛋也做得很好，值得一贊拉麵既質地唔會太淋，煮得岩岩好,是我喜歡的再叫個芝士年糕我是不折不扣的芝士控見到都興奮好味，咬落好軟，暖暖地，芝士香味撲鼻點上沙律醬，唔錯個人推介的是安格斯牛！必叫燒得好淋，完全沒有根位牛味十足yummy!…Read More

【岩手拉麵】曾經係元朗盛極一時嘅隱世小店，主打日式風味嘅拉麵，可惜前幾年將店舖遷移至市區，無再打探其下落，無緣再品嚐到師傅嘅手勢同心機。及後睇到美食雜誌嘅宣傳， 得知岩手拉麵嘅師傅進砫砲台山， 打嘅旗號同之前嘅街頭拉麵店好唔同。拉麵店亦改稱為【塩館】， 裝修環境都變得更高格調。拉麵店嘅大門甚有日式風格，簡樸嘅木製大門， 加上牆上日本字， 唔講真係以為飛咗去日本一趟。【塩館】嘅餐牌經常都會有轉變，皆因老闆喜歡不時不食， 用最啱季節嘅食材， 用心去研發同創作富有個人特色嘅料理。老闆將餐牌定為緣份餐牌，寓意有緣嘅話， 就可以品嘗到當日嘅特色美食。今日我就有緣品嘗拉麵店嘅兩款拉麵，同埋三款日式小食。《鹽漬蒜頭》， 原粒蒜頭用麵豉去醃製， 第一口咬下， 質地非常爽口， 而且一啲都冇蒜頭嘅辛辣味， 反而帶有濃郁嘅煙燻香氣， 而且仲微微滲出木魚嘅甜， 非常醒神開胃。《芥辣八爪魚》， 師傅選用新鮮八爪魚刺身， 用自家磨製嘅芥末醃製，八爪魚口感煙靭，芥辣夠曬攻鼻， 而且八爪魚刺身亦帶有海水嘅咸鮮，同平時喺超級市場買到嘅芥辣八爪魚甚有分別，由此可以見到師傅對食材嘅用心製作。《地獄拉麵》，我曾經喺元朗岩手拉麵店食過呢個地獄拉麵， 對於佢嘅辣記憶猶新，皆因地獄拉麵嘅辣度並唔可以講笑，赤紅色嘅湯底有如煉獄嘅火爐，令人有食到噴火嘅感覺，不過由於本人好鍾意食辣，呢碗地獄拉麵就令我越食越過癮。湯底除咗有辣味之外，仲可以品嘗到豬骨湯底， 而且地獄拉麵都有好多嘅配料， 既有 流心蛋，亦有兩片叉燒， 不知不覺就將呢碗辣到噴火嘅拉麵K.O.。《巨輪豬骨濃湯拉麵》，巨輪叉燒又厚又肥美，比平時嘅叉燒足足厚成一倍有多， 叉燒肥瘦分佈五/五比例，腩肉夠爽口，而脂肪部分夠曬肉香， 兩者合而為一 ， 簡直係人間極品。 而且師父細心地在拉麵中放入酸梅，用以中和叉燒嘅油膩感。豬骨濃湯湯底夠曬濃厚， 奶白色嘅豬骨湯味道鮮甜， 可見大廚用心淆製。最後就叫咗一個《日式小籠包》，呢款創意小食係由師傅自己研發，有蝦肉同蟹肉兩款選擇，小籠包嘅皮係由椰菜取代，食落較為爽口， 而入邊嘅蝦肉亦相當彈牙， 一口咬下流出肉汁，係一個極具創意同健康嘅小食。估唔到【塩館】拉麵店搬咗嚟砲台山都可以保持佢一貫嘅作風， 而且環境、氣氛都比以前嘅街頭拉麵店更加舒服、高檔。鍾意食拉麵嘅朋友，一定要嚟睇下同師傅有冇緣分， 睇下有冇機會品嘗師父嘅秘製菜式。…Read More

今日又去咗天后搵食，呢頭開咗好多拉麵站，塩館係其中一間，想搵間坐得舒服啲嘅，所以決定試下呢間。一入到去侍應就介紹左緣份推介既塩館沙律，同燒鯖魚，另外我地各自叫左安格斯牛肉拉麵同和牛拉麵，超滿足！呢度既拉麵真係好有質素，用料新鮮，另外仲可以根據你自己喜好加唔同嘅配料，Mr Tea 加左粟米同溫泉蛋，佢超滿足！最有趣係侍應會敎點樣食個拉麵，因為個湯底有唔同層次，非常講究，確實根據佢咁樣食法個味道係Rich d 如果各位黎一定要跟指示呀呀，(因為有人冇跟指示，而家後悔中)…Read More

芥辣八爪魚，用新鮮嘅八爪魚刺身切粒，再混入餐廳特製嘅醬汁，入口新鮮爽脆，清新彈牙，喺微微嘅芥辣刺激下再加上點點嘅甜味，唔錯，咀嚼嘅後期八爪魚嘅筋性漸現。自家製小籠包（蟹），小籠包嘅口感彈牙，有啲似蟹籽丸，不過好明顯新鮮好多，外面包住脆卜卜嘅生菜，成個感覺好特別。地獄拉麵，點菜嘅時候侍應小姐已經警告咗我哋呢個地獄拉麵嘅湯底唔係人咁品，堅係地獄架喎，我持著自己食得辣照去，結果果然逼近我嘅臨界點，不過得嚟又好爽喎，佢嗰隻辣唔會一放入口就爆發出嚟，而係慢慢咁樣滲出嚟，仲好 long lasting 添，食到出一身汗，爽皮。黑松露帆立貝拉麵（麵豉湯），帆立貝非常鮮甜美味，個直徑足足有成三寸，黑松露味嘅拉麵都係第一次食，估唔到個效果都幾好喎，襯埋個麵豉湯底，有黑松露味又有麵豉味，大家都唔會搶咗大家嘅風頭，啱味啱哂我。…Read More

蒜頭漬，這絕對不是小菜一碟，起初也抱著患得患失的心態點菜，誰知道一放入口，那份驚喜的感覺，絕非筆墨所能形容，一入口先是濃香的木魚味，再把蒜頭嚼上一口，口感竟然是清爽得像蕎頭一樣，明明是蒜頭卻有蕎頭的口感，有趣。自家製小籠包（明太子），賣相骨子，裏頭是新鮮打成的肉丸子，隱隱地滲出明太子的味道，外層包著一片新鮮的生菜，外層新鮮爽口，內裏煙韌彈牙，配襯著面頭的苜蓿芽及魚子同吃，妙極。厚燒叉燒拉麵（豬骨湯），點這一個是衝著其他網友的照片而來的，看見其他網友那極厚的叉燒，我未曾在其他拉麵店見過如此的厚，目測足有吋半，厚燒叉燒的邊皮被燒得微微焦脆，入口充滿著焦香，然後叉燒的豬味便開始滲出，侍應小姐特意提點右手邊橙色的那一粒梅子是用以配襯這個厚切叉燒的，梅子的酸甜梅香，和那具份量的叉燒相輔相成，是一個很好的配搭。豬骨湯底則味道香濃，不帶半點多餘的肥膩，配上那新鮮的蔥絲，很好。北海道松葉蟹麵豉拉麵，看見這一隻巨蟹，令在座的相機 全數先吃，松葉蟹蟹肉鮮甜，沐浴於麵豉湯之中仍能保持口感細滑，隨附的糖心蛋蛋味香濃，烹調的時間掌握得剛剛好，使得蛋黃嬌嫩欲滴，惹人垂涎。此外麵豉湯還滲出淡淡的蟹味，松葉巨蟹的味道原來並不只於蟹肉之中，使在座每位都始料不及。…Read More

在公司附近有好多間拉麵，但呢間系最好味最特別的。呢間店有好多出面無的拉麵，例如和牛拉麵，廣島蠔拉麵，龍蝦拉麵，黑松露帆立貝拉麵等等…全部都系即叫即整，所以一般返工人士lunch time 來食，時間有點趕，好在我lunch time時間自由，可以12點去食。店鋪需小，但老闆好人又有heart。我平時食拉麵好少會飲曬d湯，但黎呢間我居然飲曬d湯，飲曬都唔會覺得口渴，證明系用真材實料來整個湯底。不過最正系個辣醬，分開叫要俾$, 但一個人系食唔到甘多辣醬。可以叫老闆俾少少，唔洗錢。個辣醬系老闆秘製，真系好好味。個人特別推介： 和牛拉麵，辣醬和牛真系好好味。和牛拉麵拉麵有和牛片之外，還有和牛粒。真系好正啊。糖心蛋又好好味。好味到食到淨番個碗。…Read More

唔記得影門面，門面睇落有d 高級私房菜嘅感覺，而食落都的確係，餐廳算係細餐廳，出品唔多，但真係好食，食得出嘅用心。我地叫左三個小食，一個雞心，一個沙律，一個小籠包。雞心師傅推介食七成熟，我第一次食覺得幾好食。個沙律有我鍾意食嘅新鮮無花果，三文魚子，仲有d沙律菜配搭好fresh，好好食小籠包好特別都幾好食，但食唔出係啲咩😂😂主角先屈機，原隻龍蝦，一見到已經流晒口水，對眼發晒光，食落超正…Read More

塩館-第一次聽呢個名係朋友介紹，佢話呢間居酒屋好好食，好有日本風味，岩岩去完日本返黎，已經好掛住日本既拉麵，所以就約左bestie黎食，順便慶祝佢last day解放！門口設計好特別，從外面係睇唔到餐廳入面架！簡約風好靚~我地book左7;00，黎到人唔多，坐左係師傅前面既排凳度，可以近距離地睇師傅煮拉麵呀呢度主打係拉麵，真係咩拉麵都有～手寫菜單好特別～仲有緣分推介～呢個黑板真係好特別，唔知係未有人係度上堂呢？串燒雞心：朋友話未試過雞心，點左一串share下，師傅係燒到岩岩緊緊熟，佢話要15秒內即刻放入口，先可以嘗試到串燒既精髓，哈哈！一啖食落去又熱但又彈牙，最緊要係夠味！登登登～～～拉麵黎了，係日本日日食和牛，返到黎真係好掛住和牛呀！宮崎和牛拉麵：店員教我地食法係首先試一試d湯底，唔好撈個拉麵，每次都係係面夾起d面，而d和牛，鍾意幾成熟就自己放幾耐。試左一啖豬骨湯，濃得黎唔會太咸，味道岩岩好！d和牛仲正呀！有一半係燒和牛，一半係普通牛，各有唔同風味，燒和牛入口即溶，唔膩而且好滑，普通牛我將佢放左好耐，熟曬先食都一樣咁好食。多蔥真係好正！最適合我呢d愛蔥之人！朋友叫既龍蝦具足燒拉麵仲正啊！賣相真係無得彈！湯底有小小龍蝦味，真係原隻燒龍蝦架！好足料！佢食到lamlam俐呀！跟住呢個夠曬特別，塩館小籠包：上面既三文魚子已經好吸引，好多沙律拌菜，一啖放落口，好多汁爆出黎呀！外面有一層生菜令到小籠包的口感好特別。最後呢個就係塩館沙律：一樣好特別，有無花果，沙律菜，蝦，同三文魚子，真係好足料啊！我一直係度喪食三文魚子！最後埋單都係一人300幾，呢個質素，好似去左轉日本鹿兒島啊！…Read More

簡單的一句，我想吃拉麵，朋友就陪我這個貪吃鬼來吃拉麵，有這朋友真好。😆上次吃16 shell的時候已發現塩館想吃，可是沒可能一晚吃兩餐主餐吧~ 是日朋友趁休假，陪我來這小巷一嚐獨特的拉麵。塩館的拉麵配搭多變，除一般以豬肉為主的叉燒，豬軟骨及豚肉以外，還有不同種類的海鮮，更有高級的牛肉、牛舌可選，食客能隨自己喜好選擇喜愛的拉麵。安格斯牛肉拉麵相當精緻，看到帶點微微乳白色的湯頭，配上鮮嫩的煎安格斯牛肉，不添加多餘的調味，以牛肉原味及豚骨純粹的甜度呈現。湯頭需大量時間熬煮，鮮味回甘的程度讓人讚嘆。牛肉的粉嫩要立即吃啊~ 最精華的時候就是上桌的那刻，牛肉軟嫩中帶有彈性，拉麵滑溜彈牙，兩種口感在一起不錯的說。半熟溏心蛋單純的蛋香，蛋白彈滑，蛋黃軟綿。塩燒活鮑魚拉麵絕對是海鮮控的最愛之一😍南非鮑魚原殼奉上，馬上突顯鮑魚的至高無上，得天獨厚。一整個鮑魚渾圓又肥厚，予以切片更好入口，又軟又彈的口感，無疑是人間的一大極品。伴隨酸酸的檸檬滋味和塩味湯一拍即合，絕佳的滋味完全無可挑剔。吃這拉麵鮑魚殼不要取出，它有提味之用啊。鮑魚配塩味湯絕佳，可令鮑魚的鮮甜度提高。塩味湯不像豬骨湯濃稠，風味蠻順口的，整碗湯都不膩味，也比一般湯頭清新，沒有死鹹的味道。在日式拉麵店居然有小籠包這小食賣，我與朋友有點驚訝😲明明小籠包是中式點心，為何會出現在日式食店? 好奇驅使我們一試~ 細心一看，原來精巧的小籠外皮是嫩薄的菜蔬，吃起來很有料。一咬，咦，不是豬肉內餡，而是鮮厚的蝦膠呢! 咬下去時還會溢出香濃的辣汁，蝦的精華亦全釋放在內，這小籠包新穎有趣。北海道牛乳布甸奶味十足，無需任何花巧的搭配，濃郁奶味的甜度久久不散，口感非常滑順不黏膩，滋味令人喜悅，我很推介。日式烤蘋果可謂夢幻逸品，如果不說必定誤會是牛扒，哈哈~ 就連普通的芝麻也不馬虎，大廚把它炒香。烤蘋果看似簡單，但烤一個漂亮的蘋果其實很費工的。整片帶皮的蘋果軟綿香甜好入口，裡外都各有不同甜度的層次，完全被蘋果味道折服，可吃這蘋果超級幸福。這裡的果汁均是日本進口!蘋果汁天然的色澤，清徹中帶點混濁，淡淡的蘋果天然香氣，而非加入調味色素的濃郁蘋果香，甜度之高，也見識到蘋果的好品質。柑橘汁甜美細膩，也呈現漂亮的橘橙色，而且入口溫馴，相當舒喉生津。…Read More

是怎樣知道有這間店舖存在？一定不是因為剛登上了某雜誌的飲食版，是的是因為他的店舖名字：「塩館」，自認讀書不多沒法正確有效地讀出這個「塩」字，一查之下發現「塩館」原來是位於日本山梨縣，那兒最有名氣是溫泉，而「塩」字則是「鹽」的異體字，怪不得速成是找不到的。本來希望在這段短假期獨自去日本遊玩一番，可惜最後不成事，唯有找一些日本的食店止喝一下。「塩館」是炮台山新開的日本料理店（嚴格來說肯定不是北角或天后），店子開在當眼的地方十分容易找得到，店內店子小小只能容納約十五人，如果想私密的談話這兒未必是一個好選擇。日本拉麵店愈開愈多，但筆者不會只留意大集團的店舖，反而覺得這類型的小店在筆者心目中是有一定的地位的，所以大家久不久也會看到筆者在寫這些沒有名氣的，這就是筆者最希望做得到的。打開餐牌，拉麵的選擇多不勝數，令人眼花繚亂，筆者又想吃辣，又想吃豬軟骨，更想吃叉燒，單看叉燒已有兩個選擇，選了較貴的自家製厚切叉燒拉麵豬骨湯 ($118)一吃。這個拉麵約需時十到十五分鐘，也要體諒店子小廚房也不大的關係，加上每一碗拉麵都是店主精心製作，無論湯頭及叉燒都用盡廚師一絲一毫心機烹調出來，未到先聽到店主提點食客每一種拉麵的吃法，非常講究，有的先吃肉，有的先喝湯，有的不能混在一起吃，原來吃一碗拉麵可以這般不簡單，當然不能挑剔店主用意，他只想把最好的給每一位食客享用。論過一番過後終於到筆者的拉麵來了，這個拉麵並沒有令筆者失望，店主要筆者先吃一塊肉再吃麵再吃肉和蛋，筆者當然乖乖按照指示。這個叉燒不得了，經過火灸過味道特別不同，叉燒帶半肥，咬下去肉質剛剛好不太腍不太硬，而且經火灸過後肉汁散發出來更加惹味，不得不提這一塊真的是厚切叉燒跟平常吃到的完全不同，大約有五毫米厚，這麼厚身還以為難以煮熟或內裹會冷或生，但完全沒有這個問題火喉剛剛好！至於另一主角拉麵，用上了比其他店舖幼身的拉麵，但相對一風堂用的為粗一點，麵質爽口而頗為彈牙，湯頭筆者選了最基本的豬骨湯，其實還有好幾款的湯頭值得一試，豬骨湯濃度筆者非常喜歡，味道濃郁但不會過於張口，亦沒有半點油膩感。筆者不消五分鐘便清光光整個拉麵，當然還有溏心蛋，溏心蛋還保留著溏心的狀態，值得留意每一個拉麵食溏心蛋的時間都不一樣，要視乎配那一種拉麵，整體拉麵也非常好吃，值得放棄其他集團式拉麵一試這一間小店，其實店舖還有很多新奇特別的拉麵店，找一天會再光顧！…Read More

朋友係臨過年之前, 帶我食左個極上級既隱世拉麵,店舖外牆係看不到室內環境, 很神秘, 門外只放一張MENU, 原來有鮑魚拉麵! 未食過鮑魚同拉麵呢個配搭, 就趁出左雙糧豪一豪先!一到去, 點左個鮑魚拉麵, 另外仲叫個小食同青森蘋果汁, 青森蘋果汁, 每一口都飲到濃濃的蘋果香, 但感覺是不甜 , 微酸 , 但是非常的順口, 口中留著蘋果清香由於坐係BAR枱關係, 睇到師傅隨手在魚缸撈起鮑魚,原來係新鮮活生生既鮑魚, 百幾蚊一碗真係貴得有道理!等左一陣, 拉麵送上枱面, 店員建議我地即食個鮑魚先, 鮑魚一放入口, 哇, 好感動! 非常新鮮, 咬的時候可以感覺到鮑魚很鮮甜, 但一口咬下時內裡嘅肉汁就馬上爆出來, 果種彈牙口感真係不能用文字形容到! 師傅之後再叫我地落一落檸檬汁, 鮑魚既鮮又再一次釋放出黎, 正再飲一口湯, 湯頭好鮮甜, 可能有檸汁加持, 味道都幾特別! 而麵質都幾Q彈, 又掛湯, 湯我好少會係拉麵店度飲晒, 真次係第一次, 因為的確好好飲, 味道濃淡得宜牛舌又係好好食, 一串牛舌, 質感同味道都有不同, 由鬆化, Q彈到有咬口, 口感變化多又有層次, 正!…Read More

去完天后美華氏shopping完之後，行下行下見餓餓地就諗住搵d野食，無意之中見到有間日式小店叫塩館食拉麵and小食，見價錢ok就入左去食~叫左個A4宮崎和牛拉麵~先飲左啖湯~woo!! 超香濃既味道，之後又唔會口渴！跟住再食左粒燒左既牛粒！外層帶香脆~咬多下肉汁在口內四濺，超好味~仲有幾塊和牛片係比你用熱湯自己浸熟！半生熟既和牛薄薄的~係條脷上溶化左。。。。超神奇！正呀！拉麵底夠哂多~唔會食完唔夠飽！麵質有咬多唔會過淋！好味！！之後叫左個牛舌，一串3粒~老闆提醒剛好燒完既串燒最好係45秒內襯熱食為最高竟介！剛燒好既牛舌不需加任何調味！已經超好食！爽口得黎又好juicy~食完又無油膩既感覺！讚呀~之後飲左杯日本貨既橘子汁~雖然細細樽！但係好濃縮的~味道夠哂味！又唔會過甜，幾好飲。呢度個老闆話呢度好多神秘茶式menu係無架~今次食到咁飽！下次番黎食下你d神秘菜式先！！😱😱😱…Read More