堅豐廚房X聰明燒 串燒專門店

Open Now

Now Closed

呢間小店絕對值得再翻桌，雖然無亮麗的裝修，但食物係好有質素，價錢相宜，服務周到～因為第一次去食，所以交俾大廚發板，一大盤酸菜魚上枱時非常香，湯底好惹味，加咗較低醣份的淮山粉，食完呢個已經好期待下一個菜式！呢個燒茄子亦係我暫時食過個樣最靚同最Juicy嘅茄子，外皮無燒焦，仍保持鮮紫色，可以連皮食，而且咬落去好Juicy，蒜醬惹味到停唔到口！非常推介燒物，燒雞皮好香脆，朋友唔太好香腸類，但佢竟然大讚燒得好味，特別係沾埋秘製醬汁！呢個醬提升咗鮮味～佢哋仲有自家製嘅辣粉，食得辣嘅可以挑戰吓「變態辣」！最後係香葉肉碎炒飯，炒得粒粒分明，味道惹同出面嘅有少少唔同，但呢個更好食！我仲加埋串燒秘製醬汁撈飯，又係另一番風味！飲品推介鹹檸七，係佢哋自家製，味道更易入口！嚟緊佢哋推出節日套餐超抵食，$200有酒嘅二人套餐有主菜、小食、串燒及飲品等！價錢參考

古法燒鰂魚係呢度嘅招牌菜，一上枱以為燒燶咗，原來係個皮要揭開嚟食，入面啲肉又滑、又嫩、又多汁，估唔到比蒸魚更滑，而且味道更香，因為魚肚塞滿香茅同蔥，所以每一啖都有好香嘅香茅味，夾埋個泰色汁食好正！串燒豬牛雞各有唔同味道，最怕食串燒每樣嘢都一味，肉唔會太冧，有咬口得嚟唔會唔會有渣，剛剛好。燒茄子夠淋、夠惹味。咸檸七調得剛剛好，鹹鹹地，好解渴！必叫！今日食串燒，好食又抵食，非常滿足，而且服務好友善好舒服，真心推介！見到有推介58蚊有餸有湯，下次試下先！

今次誤打誤撞入咗間新開隱世串燒店，老闆推介嘅嘢食真係有驚喜！ 首先杯「自家撈碎泰國鹹柑桔梳打」真心冇得輸🍹！唔係求其掟舊鹹檸落去浸住就算，係真·手撕柑桔連皮撈到蓉蓉哋，鹹酸味啱啱好撞梳打水，唔會甜到漏嗰種假甜，配搭串燒飲一啖唔會喉嚨痛！青檸梳打都好出色，酸爽！海苔魷魚天婦羅🐙——日本直送魷魚，外層海苔脆漿，咬落脆口但唔會硬掘掘，入面魷魚仲keep到彈牙👌🏻！上枱等30秒先食，脆度有提升。 🔥燒物系列- 日本鮑魚燒到微微焦邊，鮮味十足，重點係火候掐到啱啱好，咬落仲有汁爆出嚟！ - 生蠔控必試即開燒蠔🦪！燒完蠔肚仲係脹卜卜。- 燒茄子🍆原條燒到皮皺皺哋但肉質軟滑，檯面有幾支七味粉，最辣嗰level未有人挑戰成功㗎，我呢啲冇大志嘅緊係揀BB辣。最後加多個豬頸肉炒公仔麵，香港地道風味，味道火喉岩岩好！呢間野性價比極高！

生菜包生菜🥬新鮮爽脆，好青綠，完全冇霉霉黑黑嘅部分，加上肉碎和酸辣汁，立刻開胃🤤鱈魚波一咬落去勁有空氣咁，好似氣球一樣，入面是魚蛋的質感，好神奇😳燒茄子重蒜，食完唔可以講野🙊熱辣辣，燒烤必備鹽燒大蝦蝦殼脆到可以食埋，連埋蝦頭入邊的蝦膏，咸咸香香，配酒一流～燒白鱔充滿油香，入邊肉好嫩，個醬汁甜甜地好夾牛舌好有牛味，外邊燒到焦焦脆脆，入面仍保持到牛舌的軟嫩，仲好大塊，推薦加個辣粉試試，變態辣真係受不了🥵🔥咸檸7同外面完全不同做法👨🏻‍🍳咸檸被打到好碎，更加清熱下火！Ps.老板幾有型😻同埋好貼心，會留意下你有咩需要，sweet，店舖風格好local，歌好聽～#foodiblum港式

呢間串燒專門店係我食過最抵又最好食嘅一間😍 老闆話串燒唔係來貨嘅，而係自己每日親自處理嘅，所以食材更加新鮮同埋味道更加好😆 佢嘅午餐亦都超級吸引🤣 除咗有好多選擇之外，價錢夠抵，仲有買十送一嘅優惠，喺附近返工嘅打工仔一定要試吓😋炭燒慢煮厚切牛舌厚切牛舌燒得啱啱好，肉質鮮嫩，炭燒香味十足，食到停唔到口！真係入口即化，愛肉人士一定唔會失望😆燒泰國臘腸泰國臘腸燒得香脆，味道濃郁，啖啖肉，好滿足！咬落去有香料味，超級開胃😋燒牛柳串牛柳串燒得外脆內嫩，肉汁豐富，食落好有咬口。牛肉質素高，燒得啱啱好，係串燒嘅亮點之一，加埋佢哋既秘製泰式醬，將味道更加升華😍燒越式豬肉串越式豬肉串燒得香口，調味啱啱好，係必試之選。帶點甜甜嘅越南風味，令人回味無窮😙燒雞扒串雞扒串燒得皮脆肉嫩，香氣四溢，食唔停口。雞肉juicy又唔乾，燒烤功力真係一流🙂‍↕️蒜蓉燒原條茄子原條茄子燒得軟糯，蒜蓉香味濃郁，係素食者嘅好選擇。連唔食素嘅我都覺得好正，夠晒香口。🤩泰式生菜包新鮮豬肉新鮮豬肉配上泰式醬汁，用生菜包住食，清新又爽口，食完一件想食第二件！酸辣嘅醬汁同新鮮食材好夾。😝鹹檸七鹹檸七酸甜可口，解渴又開胃，飲完即刻精神爽利！

餐牌略為失實 一面係客飯份量，另一面係小菜份量（客飯餐牌）。假設圖像係一隻雞肶，我應該略過。沙薑雞飯：只有一隻雞肶，慬慬夠食。船麵：飲晒啲湯就好啲 😂 （先夠飽）其實味道還好，只係份量偏少。建議細食人士一試 😛咖啡還好，應該係撳掣機。員工都傾向有禮貌，難得 🙂

耐不耐 我會去觀塘工廈 發掘新嘅食肆 最近見到有一間串燒/火鍋專門店 亦主打唔少泰式菜式 第一次去幫襯 先食串燒🥹-🥬泰式生菜包醬炒肉碎香噴噴 加埋青蔥粒/紫洋蔥/香葉碎 味道更豐富 更有口感 再配自家製嘅香辣醬汁 生菜包好惹味 唔覺唔覺 菜+肉碎 已經食晒😜 -🍢串燒拼盤🍍燒菠蘿🍡燒泰式香腸拼盤有齊基本肉類🥩 豬肉/牛肉/雞肉 各兩串 肉本身醃咗 淨食已經夠味 湊近聞落去 串燒充滿炭香 燒菠蘿好juicy -🍋青檸梳打/鹹柑桔水鹹柑桔水味道唔錯 由小店自家調製 消炎去痰 就算食多啲串燒 都唔怕喉嚨痛😬

朋友介紹觀塘的成業大廈一樓有間正串燒，是晚便上來試試。店內無油煙味，冷氣十足幾好坐。用餐紙下單，牆上亦有點是日推介😋⭐串燒豬牛雞最先來的串燒有牛肉串、豬肉串同雞肉串各兩串，再附上店家秘製醬汁。肉串燒得香口有肉汁，點埋個鹹鹹酸酸嘅醬汁係幾好味喎🤤⭐炸蟹肉忌廉餅炸餅外脆內軟，軟綿綿的忌廉汁好正。⭐燒雞翼 & ⭐豬頸肉燒得焦香，本身係肥物燒起上黎特別滋味🤤⭐古法燒鰂魚最後係燒鰂魚，呢個真係用明火慢慢燒出黎，皮香肉嫩，少少鹹調味，入面再放入大量香茅，又香又脆又鮮味，勁正😍⭐鹹檸七 & ⭐青檸梳打飲品叫了鹹檸七同青檸梳打，前者微甜，成個鹹檸打散可以飲埋果肉😋後者無糖入口清爽，兩杯都好飲喎。小店無限時，慢慢燒慢慢食，吹足三個鐘頭水😆正。

友人帶路來到這家工廈泰菜，座位寬闊，進場時看到三五知己正喝酒吃串燒聊天，令人放鬆的舒適氛圍泰式生菜包 $78老闆推介了幾款招牌菜，其中一款是生菜包，與普通的生菜包不同，加了蝦乾和更多香料，配清新的青檸泰式辣醬，口感清爽，特別惹味古法燒鯽魚 $118價錢超值，以粗鹽包裹燒烤，將香茅釀入魚身中，魚肉嫩滑帶香茅味，味道非常出色，必點蒜蓉炒娃娃菜 $48採用了新鮮蒜蓉，乾蒜和蝦乾，炒得很香，娃娃菜口感爽脆燒雞翼燒得外脆內嫩，香茅味恰到好處忌廉蟹肉餅外面炸得酥脆，裏面一絲絲蟹肉，有驚喜黑糖糍粑由於蟹肉餅相當出色，我們另外點了一款炸物作甜品，黑糖不會太甜，糍粑口感軟糯鹹檸七老闆說是自家醃製的鹹檸檬，果然味道特別香濃每道菜都出色，下次與其他朋友一起來

成業工業大廈有唔少食肆，今次1樓又有新舖，原址係我好喜歡嘅東南亞菜，見新餐廳開咗即刻去試試。睇餐牌唔係好知係咩cuisine，佢個電子餐牌都寫住“fusion"，有十幾道午餐主菜。留意到店面寫住兩間餐廳嘅名，不過後者串燒可能dinner先有，午餐未必有串燒。同埋個電子menu有啲混亂，有啲選項揀得唔方便；而且menu繁簡體中文同英文都見到，但有啲位可能寫錯字(譬如小食係"Dessert")，建議花多啲時間改善下個menu。日式洋葱豚肉滑蛋丼飯 ($48) ★★✰✰✰首先呢個豚肉丼飯賣相同喺電子menu見到嘅相好唔同，佢唔係一隻蛋而係將滑蛋融入咗個芡；雖然滑蛋應當如此，但個芡太稀而且太多水(如下圖)，基本上淹沒咗成碗飯，導致食嘅時候直程有啲似湯飯咁。而且因為汁太多所以食到後期覺得有啲鹹。豚肉係啲有骨嘅五花腩，肉質都有啲韌。雖然$50 一個lunch連一杯嘢飲，真係唔應該期待太多，仲要飯嘅份量唔少，但今次食呢碗飯確實質素欠佳。嗰日光顧見到唔少食客都似係認識老闆兩夫婦，可能其他菜式/晚市食物質素會比較可以接受，但今次對我嚟講實在唔係好體驗。

亂打亂撞，竟然搵到一間隱世小廚！呢間小店食物有質素，制作充滿誠意，價錢仲超抵食。小店菜式選擇非常豐富，主打燒烤之外，仲有炒粉麵飯、特色小食、川式烤魚、雞煲、同埋酸菜魚等等。今日食左酸菜魚，小店選用水塘黑魚，冇骨且肉質嫩滑，仲冇腥味添！酸菜係用益生菌醃製，味道爽口之餘又健康，再加上用淮山麵取代傳統薯粉，更加加分。咁高質嘅一道菜，竟然只係$128， 簡直surprise。小食方面，雞泡魚魚乾煙煙靭靭，愈嚼愈甜，好啱送酒。而鱈魚波波真係驚喜，入口煙韌，好似麻薯波波，但又散發魚香，真係嚼得好過癮！仲有蒜蓉燒茄子，嗰醬汁好均勻滲透入茄子入面，鮮甜同燒烤嘅味道完美結合，$32簡直係超值到爆！飲品方面，幾乎每枱客人都叫咗杯咸柑桔梳打，打爛曬嘅咸柑桔，味道濃郁又潤喉，$18抵到想😭。呢度真係勝在用心制作，食材優質，價錢吸引。最啱實而不華的人，我已經諗住下一次再encore啦！

聽說一家新餐廳以「古法炭燒」為理念，下班後特意前往一試位於一棟工業大廈內，招牌旁邊有中式風格的壁畫木桌搭配藍色座椅，牆上的中式武俠風壁畫與燈光營造出輕鬆的氛圍老闆態度親切，主動介紹菜單，讓我們感受到貼心服務泰式生菜包包裹碎豬肉，搭配泰式酸辣醬，味道清新開胃古法燒鰂魚外皮燒得焦香，魚身呈金褐色，肉質鮮嫩多汁燒牛柳串肉質軟嫩，表面微焦，牛肉的鮮香與調味料完美融合，入口即化串燒翠玉瓜和串燒雞脾菇清新爽口，帶有淡淡炭香，簡單美味

最近同朋友試咗間新舖，喺成業工業大廈入面，位置方便～餐廳提供好多款中式、泰式、日式嘅美食，款款都好高質🫶🏻泰式無骨鳳爪無骨鳳爪配泰式調味，口感滑嫩又彈牙，香辣鮮美 好開胃😋😋大蝦炒金邊粉非常受歡迎嘅選擇！勁大隻蝦 肉質好爽口，金邊粉吸收咗醬汁嘅精華，味道香濃，仲有好多豬肉，每一啖口感都好豐富！🍤🍢日式燒鮮白鱔串🍢串燒豬牛雞各兩串🍢燒鴨肝串串燒拼盤勁吸引😍 最鍾意白鱔串，用新鮮白鱔製作，外焦內嫩，味道非常鮮美！豬、牛、雞串都燒到啱啱好，肉質鮮嫩多汁，搭配醬汁食更加美味，好啱同朋友 share🍖雞泡魚乾好味道日式小食，味道鮮香，口感酥脆，適合當作零食或者下酒菜紅糖糍粑係一款中式甜品，外皮香脆，內餡香甜，帶有淡淡嘅紅糖香氣，係完美嘅結尾！🍡

#20250411 📝📍 #堅豐廚房X聰明燒串燒專門店 @jianfengchufang_congmingshao 觀塘成業街19-21號成業工業大廈1樓06室➖➖➖➖➖➖➖➖➖➖➖➖➖➖➖➖➖#蒜蓉燒生蠔 $32/隻💭 呢個生蠔最少要叫兩隻，本身面頭已經有啲生蒜同炸蒜兩溝咁散發香氣，仲可以自己按程度落啲辣粉落去好過癮🌶️隻蠔漲卜卜，咬落勁juicy，再點埋佢跟個泰式汁又估唔到咁夾🦪.#泰式生菜包新鮮豬肉 $78💭 標榜係新鮮豬肉既生菜包🤩肉碎入面混雜左大量既芫荽碎，令到每一啖食落都好香噴噴，最正係佢用左啲泰式汁炒個肉碎，酸酸味味咁唔會膩，可以係咁食，同埋值得一讚佢塊生菜堅新鮮堅脆🥬.#蒜蓉燒原條茄子 $32💭 茄子係去串燒店必叫既item，睇得出師傅真係好比心機燒到成條茄子淋晒先上枱，最怕食到啲唔夠淋既會喉嚨痕，呢條就完全唔使擔心，本身又係有海量既蒜蓉係面，如果食到辣既朋友仔加啲辣粉仲惹味🍆.#鹽燒大黑虎蝦 $48/隻💭 是日mvp絕對係呢個蝦，首先佢係大隻到忍唔住要用筷子度度佢，發現竟然一樣長😱剝殼果陣勁易剝就知新鮮野，咬落又爽又彈，個味係界乎係避風塘同椒鹽之間，無論味道定口感都贏晒

而家過左夜晚9點，觀塘好多餐廳都閂左門食快餐店已經食到厭了～～不停係咁搵，終於比我搵到間仲開緊門嘅泰菜 x 日式串燒fusion餐廳牆壁上印有三國演義嘅壁紙，相信老闆非常熱愛三國演義‼️「泰式鹽燒鰂魚」呢條鰂魚肉質非常嫩滑，燒嘅時間剛剛好，完全無overcooked好食過好多香港嘅泰國餐廳，泰國餐廳好多時都會燒到過熟～～「泰式辣肉碎生菜包」啲肉碎唔會minced得過份，仍然食到豬肉嘅口感，當中仲加左炸乾蔥 & 炒香左嘅蔥頭，整體味道更加香再有埋酸酸辣辣嘅味道，令味覺更提升❤️「燒安格斯牛小排+豬牛雞串燒」一嚟到，完全比咁粉嫩嘅牛小排吸引左，每一片牛嘅紋理都好靚，一咬落去，肉質軟彈有適當嘅油脂，完全無油膩感可能牛小排實在太出色，令到旁邊嘅串燒有啲遜色～～「燒南非鮑魚」沒有太多調味嘅燒鮑魚，燒嘅火喉非常好👍🏻沾上泰式嘅酸辣汁，味道已經好正😍肉質係好軟嫩彈牙‼️芒果沙冰勁好飲🥇呢間fusion串燒店控制火喉一流