均鴻茶餐廳

Open Now

Now Closed

好耐冇上長沙灣地街市食飯啦。其實都係想簡簡單單, 搵個茶檔飲杯奶茶、食個麵。呢間均鴻記係老字號啦。佢嘅「茶底」唔差, 所以熱奶茶特別好味; 豬扒亦好好味。所以我唔執輸, 叫咗個<午餐>, 要炸豬扒公仔麵。炸豬扒正呀！ 火腿奄列亦ok, 方包忘記咗叫烘底, 執輸咗。老婆叫咗個<燴豬扒意粉>, 都係好好味嘅豬扒, 同埋好傳統嘅燴汁味道 - 呢個味道係香港獨有嘅, 可以將人嘅回憶返中學嘅年代! 呢個年代唔係咁容易食得到㗎啦。不過呢度冇冷氣, 要開大風扇, 吹到頭暈暈, 算係一個缺點呀。

又到順寧道熟食檔, 今次試呢間係”均鴻”,位置在最左手邊角落頭, 所以客人比外邊的少, 快餐都係5款內揀一, 價位都係唔超過30蚊嘅$28/我們以前叫學生餐, 當然現在唔再咁叫, 因為除咗學生叫之外好多好似我呢類出咗嚟社會做事的人都會叫, 呢次試 - 乾炒三絲意: 意粉未有發漲但就只是用茄汁炒, 所以係十分之地們茄汁嘅甜味, 其實我只睇字面以為係甜豉油炒意粉架, 三絲係有火腿絲, 銀芽, 义燒絲同蔥青, 但瘦义燒絲係差d找不到咁少量, 白芝麻算係送嘅! 杯奶茶實在好普通, 送嘅例湯係有青芥菜燒豬肉湯, 舊燒豬肉味太濃無食到, 反而如果係普通豬骨重可能食得到, 總括係下次唔會再來呢間了, 

今日去街市點咗個咕嚕雞球飯。個餐有西洋菜湯、咕嚕雞球飯同埋熱奶茶。$28。個靚湯好飲。西洋菜好甜。咕嚕雞球飯好大碟。下次要同佢地講要少飯 。雞球帶點酸味。好開胃。杯熱奶茶好重茶味。好香濃。好抵食。

是日再戰街市!$27午餐有野飲,凍飲加1蚊,依間有紅豆冰,波蘿冰但要加3蚊.阿姐仲話有湯送.1. 豬排燴意粉,個汁幾好食喎.影相可能唔清楚,汁其實夠多,意粉淋少少但老公話鐘意食依個淋既.豬排薄薄地有兩塊.幾香.仲有幾舊蕃茄,有雜豆洋蒽.幾好味杯阿華田都好濃呀,唔錯唔錯.依個意粉可以再食,老公幾鐘意.2. 黑椒雞排煎蛋飯,個汁係茶餐廳食到既味,甜甜地,唔係好濃好辣,味道都算唔錯.雞排略嫌少左點,不過味道OK.飯就真係好多啦.杯檸水極濃,有點想叫佢添水呀.哈哈.依間店都係幾把大牛角扇圍住,算係咁.地面乾爽,沿路都幾安全.大熱天時,我覺得自己陪老公去依啲無冷氣地方食飯,仲好過個啲話陪人去麥當勞食飯既女仔.