四眼仔腸粉 (Moved) New Location

又係聽人介紹四眼仔腸粉好好味...最近成日嚮粉嶺開工..於是3點3走左去試一試~~人龍非常多...真係拍得住深水步果間....而且仲好抵添~~一蚊一條腸粉...兩蚊六粒魚蛋....兩蚊四粒燒賣....我就買左十蚊...4蚊腸粉....2蚊魚蛋...2蚊燒賣....2蚊豬皮...10蚊大大抽....飽死...先講腸粉...個醬唔夠味...淡左d...d腸粉就真係差左d了....有機會大家試下就知...跟住黎個魚蛋...係細粒果d....6粒又係平到冇朋友..一食...真係想爆粗..腥到有d過份...好喇..再食個燒賣.......有驚喜..因為最正常既~~冇試最後黎個豬皮....唉..冇味...放d味精都好呀...完全冇味~~慶呀~咁多人同佢買..可能真係唔岩我口味...百貨百客.....

腸粉最重要都係個熱度, 呢檔就做到; 燒賣魚蛋賣得平, 博你食客砌夠數亦係醒目一著!

起會計部的同事說，聯和墟有一間小食店「四眼仔腸粉」，賣的腸粉相當不錯，這天經好見完客專登行去一試。一元一條腸粉，最低消費四元。筆者共買了四條腸粉，則是四元。香港人吃腸粉，喜歡加甜醬、花生醬、豉油及芝麻，各家購買的調味料差別不會太遠，質素高低取決「滑」，而「四眼仔腸粉」的腸粉真是十分滑口，令筆者心思思放工後再吃多一次。真的那麼好吃？看看接近早上十一時，小食店客人依然如鯽光顧，便知欣賞「四眼仔腸粉」的不只筆者一人。http://hk.myblog.yahoo.com/chicken-goal/article?mid=3407

下四點幾群記豬手竟然賣哂,唯有搵其他野食,爵士拉麵又休息,於是搵四眼仔腸粉,只有一對亞叔亞嬸做野,人龍都有6,7人, 終於試到啦, 四上車食,但一試之下,唔...腸粉的確好滑好靓, 但腸粉嘅靈魂,豉油和醬扣分了, 一元一條腸粉係抵食,但不及元朗肥仔和B仔的腸粉,

住上水粉嶺既人都一定會識四眼仔腸粉~~~腸粉 1蚊條 (好滑) 加埋自家製豉油~~ 好味~~~燒賣 2 蚊 4粒 (好煙 un)魚旦 2 蚊6粒 (好彈牙~~)呢個價錢有咁既質素算係咁啦~~

一直在聯和墟的"四眼仔腸粉"，在粉嶺上水區的居民一定認識。店名就是簡單地以老闆的特徵"四眼"而命名。經過廿多年的歲月，四眼仔已經變成一個"佬"，但小店環境不變，他的腸粉依然有水準，連那每個時段都出現的人龍亦是持久不變。就是那條人龍，令腸粉永遠不會蒸得過火，還有那市區很少有的魚蛋，再加上自家調味的甜醬，變成假日遲起床的首選食物。每次在其他地方吃到腸粉，也會與"四眼仔"的作比較，要味道又好又抵食的，我相信全香港最好的腸粉就在聯和墟。

其實腸粉要求好簡單。夠熱，唔好蒸到乾晒豬皮要夠淋，爽口魚蛋我鐘意食無益un之之既魚旦全部做到晒！仲要咁平！

食完豬手食腸粉lunch hour都成十個人排隊?!叫左腸粉魚蛋only除左夠熱之外其實一d特別都無明記同合益泰都好食過佢有果皮味ge魚蛋反而比較好食但係呢個價錢嚟講，真係幾平幾抵食

最近搬左黎fanling~雖唔近聯和墟,有日跟mammy去買送,離遠見到間野有成至少5,6個人排,是關我係小食迷~叫mammy陪我排~價錢真係好抵!!(可能我本身住果邊較貴?!)魚旦真係我+我mammy都1次愛上~腸粉不過不失~1開始買左$3腸粉+$2魚旦,,因為其實唔係太肚餓~試左魚旦,覺得真係好正~分左幾粒比mammy~之後再買多$4同mammy分黎食 (個人真係1食鐘意)燒賣冇試~因為個人唔好~佢魚旦,腸粉,燒賣最多人買,但我見佢仲有粉果,牛肉球,(好似有豬皮)不過真係中2佢D魚旦~咁ge價錢真係算好好好好好的了~唔會要求腸粉自制呀之類~咁平~夫復何求不過最後講個小道消息::就係聽聞如果係女人筆魚旦+買$10/以上,個女人就會比少粒你- -個男人就好似唔會~係mammy聽D有幫襯過ge鄰居講唔知堅定流

咁就十幾年..從前係機鋪門口擺車仔檔既4眼仔到而家上埋鋪..日日都長人龍..哈哈..3,5,2 呢個組合都食左咁多年(3蚊腸粉,5蚊魚蛋2蚊燒賣)最好味都係魚蛋細粒彈牙有咬口唔似發到帳哂巨形大大粉又難食果d所以一叫一定係叫5蚊黎食腸粉1蚊1條..叫夠3條夠哂飽搭單 2蚊 燒賣..10 蚊 3寶 又飽飽一個早餐了

吃完群記的招牌食物後，我們便轉向尋找四眼仔腸粉‧當我和老公找到時，已看見一條人龍出現，心想可能那些小食真係掂，誰知又錯了!我們覺得食物的味道如下： 腸粉：由於不是自製，味道普通‧魚蛋：叫了辣魚蛋，但是一點也不辣，我不是很滿意，若果試過旺角和銅鑼灣的小食檔便會覺得差一截了‧燒賣：麵粉一堆，沒有多大味道，麻麻地! 最大問題是醬汁很唔掂，一點也不好味，影響了整體食物效果!唯一賣點是價錢平，腸粉1元1條，魚蛋2元6粒，燒賣2元4粒，最後帶點失望離開粉嶺‧

之前細佬話呢到D腸粉好食, 果日咁O岩朝早去完銀行就買左D腸粉, 魚旦, 牛肉返去屋企食..雖然返到去D腸粉凍左, 但同仲QQ地..特別加埋D豉油, 真係唔錯魚旦都幾彈牙...比我屋企樓下個D小食更好食總體質素唔錯...

同老公來食早+午餐，以為好肚餓，每人叫左各$15既腸粉+燒賣+魚旦+牛肉球我叫左：$7腸粉+$4燒賣+$4魚旦老公：$7腸粉+$4燒賣+$2牛肉我食到一半，已經要搵老公求救幫手食，一路食一路流汗，不過真係因為流量快同新鮮，一路食我一路叫"好味"！其實佢既牛肉球都好味，同酒樓差唔多，但就抵食好多！食完呢碟午餐後，我就一直飽到去夜晚7點都未叫肚餓

我住係粉嶺的另一邊 (i mean 四眼仔係聯和墟, 我住係華心村個邊)踩左20min單車過來, 次次都好多人排隊, 香港係咁架啦, 無人排你先驚!!通常我係嗌 4條腸粉 + 8粒燒賣 + 6粒魚蛋, 即係 $4 + 4 + 2 = 齊頭$10因為我食過唔只一次, 所以…綜合起來說說吧: 佢d魚蛋係細細粒魚蛋, 自以前係觀塘食過, 之後都無乜地方賣lu~彈牙? 唔算太彈, 少少硬身都幾好咬口, 幾入味! 唔錯!佢仲有豬皮、牛肉、粉果架, 但呢d我未買過, 因為我太鍾情於腸粉 & 燒賣 啦~腸粉, 佢係齋腸~ 蒸得剛剛好, 唔會太腍, 次次都叫佢多甜醬, 佢唔姑寒的, 你開聲佢實比你。燒賣好Q, 雖然佢去貨快又要不斷咁蒸過, 但都未試過比d唔熟既燒賣我, (在其他店試過有店員咁樣做, 差!)燒賣的靈魂係豉油, 雖然咪又係腸粉個d豉油, 但唔會太鹹, good!有機會去聯和墟的話, 不妨試下!

好日都不會來粉嶺，來到這麼遠，當然要找些這區馳名的東西吃吃，就隨便挑了兩間人氣高企的來試試，第一站先來找四眼仔。只是晨咁早的時間，真的估佢唔到咁多人，大排長龍，唔知佢咁出名的話還以為有錢執，一於唔執輸，執吓先。也不管了，什麼也試一點，燒賣魚蛋腸粉都一點吧，最低消費是四元，而原來每樣也是有最低消費的，每樣至少也點兩元，它一元一腸粉，兩元六粒魚蛋，兩元四粒燒賣，每樣點兩元試少少，其實也真的不少了。似乎是家庭式的經營，媽媽負責定時定候添加未熱的腸粉魚蛋燒賣到煮食爐中蒸，而且也會拿着一把長方塊狀的東西切腸粉，及用其長方板的面盛切碎的腸粉到碟中給爸爸為食客添醬，而仔仔負責一些庶務吧，而我的那一碟，要了豉油、麻醬及甜醬，撈在一起，見到已是垂涎三尺了。先談主角腸粉，雪白白的沒有一點蔥花，是真真正正的豬腸粉來的，而且真的是很滑，條條分明，沒有黏在一起，腸粉吸收了生油、豉油、麻醬及甜醬，非常好吃，要彈的只有兩點，就是芝麻沒有事先炒香，另外就是腸粉的米味不太強，但真的是要吃很多醬的，這點應該不太重要。另外的燒賣魚蛋就真的沒什麼特別了，燒賣是魚肉燒賣是正道，也蒸得軟身，不是難吃，但沒什麼特別，魚蛋則是下次來