四寶食堂 (Moved) New Location

收工同朋友搵地方食晚飯，行行下就見到呢間餐廳，被裝修得很漂亮的門面吸引下，我地決定入去試一試！入到去店內和平時的茶餐廳很不同，環境很乾淨，而且座位也很舒服。打開色彩繽紛的餐牌，分別有家常小菜，炒粉麵類，西式牛扒焗飯，意粉，甚至有薄餅等等，食物的選擇很豐富。而我們點餐後，食物亦很快便送上。首先送來的是加錢的紅湯，很大碗，熱度亦很夠，味道很濃郁。然之後便是滑蛋蝦仁，食物的份量也是很多，蝦很大和有很多隻，味道新鮮彈牙，絕對足料。最後便是我覺得很好吃的蔥油豬扒煎蛋飯了，一來到已覺得賣相很吸引，豬扒和蛋都煎得岩岩好，豬扒很厚身同很大塊，好香。口感好好，肉汁豐富，不會太淋或太硬。加埋蛋汁和蔥花味道簡直是絕配！很值得一試昵！

上星期放工回家又唔想煮飯 剛好經過這間餐廳外觀及裝修好似北歐風好靚 好簡潔 心諗可能都唔平 但又好肚餓所以就入去餐廳食飯唔諗太多我先叫咗一杯凍奶茶因為十分口渴 奶茶好香好濃 系好濃滑既奶茶香 飲落唔會太甜又或者太苦澀味道剛好系香港奶茶嘅味道再嚟我叫咗個蜜汁叉燒滑蛋蓋飯 叉燒食落好特別咬落有啲似臘腸但其實系好香好滑嘅蜜汁味叉燒我好鐘意 滑蛋亦都整得啱啱好雞蛋唔會太老唔會太鞋食落真系好滑之後我叫咗個蟲草花湯浸芥蘭 蟲草花湯好香好甜 我平時煲湯都好鐘意加蟲草花所以今次個湯我飲曬其實買單都唔系好貴$200有找服務又好而且裝修又靚唔似一般嘅茶餐廳 絕對推介

今日去左北角攞野，無係度食過野所以都唔知食咩好。咁啱見到附近有間裝修都幾靚既茶餐廳，其實佢裝修一啲都唔似茶餐廳，見佢靚靚地所以就入左去試。店內都好乾淨，新潮，舒服。睇佢個menu都算幾多款式。中式有小菜類，麵類，等等。西餐有扒，焗飯，焗麵包，意粉等等。我叫左個喜哥蔥油豬扒煎蛋飯，件豬扒又大又厚，煎得非常香，加埋啲切到大大粒嘅蔥花簡直絕配，啲蔥花仲特別處理過，所以唔會有草青味。隻蛋煎得非常靚，我本身仲好驚佢地會煎到個黃熟晒佢地仲會比少少沙律菜，我幾欣賞。個飯仲架杯飲品，所以晚餐要$62都幾抵食

我們來食下午茶餐，款式都幾多、幾吸引又抵食。明亮又簡約的設計，感覺舒服又多坐位，寬敞舒適的環境！服務友善又勤快，態度唔錯！1. 下午茶餐雙拼多士：自選2種醬汁，點了甜煉奶及粒粒花生醬，好快就上枱，好厚的多士，烤脆了的多士上搽上了滿滿的醬料，好香奶及好有花生口感的感覺！必試！2. 常餐炒蛋多士配湯粉炒蛋好香，金黃色蛋好滑好嫩口；多士也是烤香，上面更有溶溶的牛油，好香口！湯粉有不同選擇：沙嗲牛肉麵、番茄濃湯牛肉麵、莞茜皮蛋豬潤/牛肉湯通粉等，今次點了莞茜皮蛋豬潤湯通粉，好軟腍的通粉，皮蛋莞茜湯底唔咸清熱、補血豬潤大塊又厚身有口感飲品：招牌熱奶茶好香滑濃茶味、熱杏霜好香甜可口

今日下午去左北角同朋友找午餐食見到這一家裝修好有西餐廳feel 原來是食茶餐廳的野！我們點了叉燒滑蛋飯叉燒大大舊，蛋又滑又香！🥰😘🥰😍😍😍邪惡的咸蛋黃醬炸肶飯個黃金醬好好味！口感沙沙地！小小咸咸香！好味呀！炸比剛剛好！好juice !!!熔芝士肉餅菠蘿包🥯其實私覺得可以叫茶記漢堡！菠蘿包甜甜的內面有芝士和漢堡扒，牛味香濃口感外面甜甜脆脆，內面肉味濃郁！👍🏻👍🏻👍🏻總結味道好好味！👍🏻👍🏻👍🏻👍🏻價錢底食！環境人好多要食快d!

📍滑捋捋叉燒滑蛋蓋飯 -- 四寶食堂自從中學畢業之後都好少過黎炮台山了 今日同朋友去開附近行街就順便食埋晚飯😆見到之前有post介紹過呢間四寶食堂 就入去試下😆-------⭐蜜汁叉燒滑蛋蓋飯（$62）小編身為雞蛋控點可以唔試呢個呢🙈蓋飯賣相好吸引😆雞蛋皮炒得好滑好香 唔會老 仲有蛋汁撈飯💕仲有香蔥做調味 好正🙈叉燒份量慷慨仲好大塊 大部分都係瘦叉 啱晒小編🙊蜜汁配埋叉燒嘅焦香真係好好食💕飯底係白飯 可以自由加甜豉油調味😆食完個飯勁滿足！💕大家不妨試下哦🙊-------價錢：$62（+$2有凍飲）-------評分（10分滿分）賣相：9味道：8性價比：8回頭率：8-------餐廳資料名稱：四寶食堂地址：北角電氣道183號友邦廣場地下3-4號鋪前往方法：炮台山站A出口

話說今日突然可以放工, 即刻去接老公收工食飯, 廢事去咁遠, 就揀左佢公司樓下呢間餐廳。以為佢係普通茶記, 但又裝修得好靚, 港式西式食物都有, 幾得別喎。由於太肚餓, 拿拿聲坐低, 寫住經典, 又人人都食呢2 碟飯, 諗都冇諗就即叫。喜哥蔥油豬扒煎蛋飯 - 分量超多! 雖然我叫左少飯但目測仍然有1.5 碗白飯! 豬扒好厚好大塊, 外層煎得非常香脆, 切開好多汁, 肉質嫩滑, 食得出冇點解粉 「拿」過的。蔥油完全唔姑寒, 舖滿半塊豬扒, 撈埋太陽蛋汁同甜豉油, 撈飯食一流! 經典叉燒滑蛋飯 - 蛋既份量好多, 蓋過成碟飯, 蛋汁都好豐富, 唔乾爭爭。厚切叉燒目測成1CM 厚, 雖然以瘦叉為主, 但幾軟腍。(岩哂我, 因為我唔食肥叉燒)。飯軟熟度剛剛好。豉油係自己落, 所以鹹度自己控制, 幾好! 熱薑檸樂  / 熱利賓納 - 特飲都係每杯加$4, 其實都幾抵。兩個人晚餐埋單 $132, 食到捧住個肚返屋企  下次再ENCORE! 

在中午剛開完會，又想找一家可以吃豬扒的餐廳。經過這一家的時候，看到他們主打的葱油豬扒煎蛋飯，就被那些滿滿的蔥油給吸引進去。這家的皇牌推介就有葱油豬扒煎蛋飯，所以想也沒有多想就立刻點了！葱油豬扒煎蛋飯 $62豬扒很厚身又很大份，還沒有吃的時候會覺得，肉質會不會太老了一點？但是一吃下去又沒有這種感覺，反之有一種很有咬口的感覺肉汁尚算多再加上一隻太陽蛋的蛋汁配合很多的蔥油，混在飯裡吃，真的很不錯！他的蔥油夠多又夠味，但是我吃過小巴黎的蔥油，他們是會先炒過蔥油，所以他們的蔥油會很有惹味又有鑊氣這一家如果有再去炒一下蔥油，絕對會再加分！瑞士雞翼 $35醃的時間也夠長，所以雞翼很入味又夠味！瑞士汁不是偏甜的那一種，鹹味偏重一點，所以很好送飯！西多士 $33西多士很厚身，份量很足夠而且剛剛炸好，所以一把牛油放上去就立刻溶化了花生味很夠再加上牛油味，太邪惡了吧！總結來說，性價比很高的一家小店，豬扒飯絕對值得再來吃一次！

開完個會，雖然只係12點，但係因為未食早餐，個肚打哂鼓，於是就即刻落去樓下最近嘅餐廳開餐🍽🍽喜哥葱油豬扒煎蛋飯🐖🍳🍚呢個係我每次嚟到嘅首選👍🏻，豬扒好厚身，好有咬口，煎到金黃色，肉質鮮嫩，肉汁豐富，加上一隻太陽蛋，蛋汁配合埋佢地個葱油撈落個飯度，真係想添多碗飯呀🥰🥰巴馬火腿星洲炒米😍😍巴馬火腿，配合蝦仁🍤，雞蛋🥚，芽菜，紅椒等，特別惹味，炒得好乾身，唔會成碟油，唔會太辣而又食到咖喱粉同黃薑粉嘅香氣，充滿地道風味🥳🥳

好耐之前已經聽過四寶食堂，尤其是佢最出名嘅蜜汁叉燒滑蛋飯同蔥油豬扒煎蛋飯。今日去咗炮台山嘅四寶食堂(銅鑼灣都有新店)。店內環境比一般茶餐廳更舒服、高雅、清新，帶女朋友嚟都好適合。唔洗三分鐘，招牌蜜汁叉燒滑蛋飯就送上枱。滑蛋真係不愧為滑蛋，有如絲質嫩滑，加咗蔥花，增加其風味同口感，漏出嚟嘅蛋液好香好吸引，好彩夠多飯，可以撈埋啲蛋汁。叉燒炒蛋嘅美妙之處就在於梅頭的均衡油香和肉香加上甜甜嘅蜜汁，同蛋香混和，實在係撈飯極品，都係香港原味道之一。講起香港好食又點少得瑞士汁雞翼醃得入味嘅雞翼，唔單止皮入味，連肉都好入味好多汁！小食嚟講真係香港必叫！另外一寶個人認為係脆皮乳鴿。炸乳鴿上枱仲熱辣辣，一叉落去，肉汁出曬嚟。皮真係好脆！炸得薄一薄，完全沒有多餘油脂，一人食都唔會膩！另一主菜要等耐啲，但因為即叫即整，絕對值得等待！芝士蟹肉大啡菇焗水煮蛋焗得香脆嘅芝士惹味香口，十分吸引。忌廉當中有蟹肉，香甜開胃，除了一個大啡菇，仲有幾塊切片菇菇，同樣有菇菌的鮮甜之味。而最值一讚嘅係水煮蛋！蛋白熟透，蛋黃卻能保持完全流心！水準非常高！是大驚奇呢！叉燒蛋飯有送飲品呢！

今日同fd去油街睇完展覽後覺得肚餓, 見哩間《四寶食堂》裝修靚環境唔錯所以就決定試下，一打開餐牌食物種類好多，我地點左經典8推介中嘅磚頭焗飯因為第一眼已經俾佢嘅吐司盒外形吸引左，以為用嚟裝飾嘅麵包竟然係好脆好好味，裡面嘅蛋炒飯軟硬度適中，而豬扒係啖啖肉，配埋個汁簡直完美，好耐無食過甘好甘創新嘅焗豬扒飯！另外我地叫左蜜汁叉燒滑蛋蓋飯，叉燒係我最喜歡嘅半肥瘦再加上滑蛋和蔥花，看似簡單卻不失驚喜之選！之後我地再叫左一個熱辣辣雞煲又係驚喜之作，哩個雞煲份量剛剛好，雞肉好嫩又吸哂d汁所以好入味，一路食一路想叫多幾個白飯撈汁食。哩間餐廳絕對值得一試！

去一間位於炮台山電氣道嘅茶餐廳係啱啱新起，驟眼睇啲價格完全係平民價錢， 特別係食下午茶嘅時候價錢仲平咁咁啱下晝感覺肚餓就去試一試佢嘅選擇款式都幾多咁要飽肚嘅話當然會要粉面飯， 估唔到連下午茶都有得要牛脷飯而且都係30幾蚊仲送嘢飲咁都幾抵整體而言都比想像中更好味牛脷的確係柔軟又香完全唔硬配合買蘑菇汁就都幾夾而且雖然係下午茶但係份量都幾大完全係着一個午餐所以感覺上係一間幾親民嘅餐廳唯一少少唔好嘅地方就係客人太多不過等嘅時間都稍為少少耐

本人是街坊多次光顧這店對食物及服務都很滿意;但今晚真的給我180度改觀,食物質素明顯下降;但最可惜是請了位不懂服務的年青侍應生,問什麼冇什麼,問排餐有乜嘢汁可選擇,答覆時就語帶機械沒禮式只有黑椒汁;再問就話...冇只齋上.這時我已上火;但一個轉頭還有意思和水吧師傅竊笑我們.明知食材質素已下降 ( 紅湯非常難飲 ) ; 還要請一些冇客服經驗全無禮儀的人做侍應.最後這餐就一個氣憤心情硬食了.街坊都要講句冇下次太失望!

我們一直想來這家餐館一段時間。 他們搬遷到同一地區的新地點，現在也擴建到銅鑼灣！ 今天，我們決定去北角餐廳的那一間。我們點了一些菜，主要是他們出名的：菠蘿麵包配奶酪芝士和肉餅，叉燒雞蛋飯同瑞士雞翅。 招牌蛋飯非常美味，份量如此之大 - 足以夠兩個人食。 麵包本身很有創意，也比我們想像中要大。 奶酪芝士融化了肉，使它多汁多汁！ 最後，雞翅部分是如此充實，甜美的源完全滲透到每個翅膀。我會回來肯定嘗試他們的其他招牌菜！ 強烈推薦！

今天是星期六，我們去了北角晩飯。選了這間四寶食堂，是一間靚裝修，乾淨的茶餐廳，座位舒適。食物種類很多：我們先點了小食水牛城雞翼串 （$62），份量一點也不少。有四串雞翼、即叫即燒，外表香脆，而內裡嫩滑。惹味而不辣，十分好味。我點的是喜哥葱油豬扒煎蛋飯 （$62），厚切豬扒十分吸引唷，大大塊又多汁入味。吉破煎蛋讓蛋汁混進飯裡實在太美味。誠意推介這個飯。餐飲是包括的，熱奶茶香濃又香滑。寶寶點了魚香茄子煲 （$78），鑊氣十足的茄子肉碎，拌飯吃更是一流。可惜小菜系列不包白飯，而配白飯要加十蚊，有點昂貴。鹹檸七喜 (+$10)