Shiki Japanese Restaurant (Closed)

捱夜都要先寫這一篇，沒辦法，金鐘搵食艱難，朋友卻推薦這日式食堂，說有水準云云於是我們仨就到這裡來，lunch hour都算人山人海，還好這裡還有空位，我們也不用等位（對! 剛剛提到金鐘搵食艱難，而這日式飯堂竟然出奇地不用等位，心裡有個譜吧!）先落單畀錢，店員會送到你前面，這點不用擔心也真的太巧合，我們仨都點了這個滑蛋豬扒飯，應該是最簡單的定食吧? 本來約80元的set，打折後大約是75元，都算抵，尤其係碗飯真係好大碗問題就來了，飯的份量的確不小，可是飯唔夠熱，食物好味與否，以溫度取勝，這個飯實在唔好味，唔熱兼且不軟熟。飯都唔緊要（本人吃得不多），那豚肉，omg，唔熱，唔脆口，炸粉完全塌了，肯定唔係新鮮炸起，肉質亦都好差..好難食...友人奇怪，明明turnover咁高，尤其是我們仨都全點這個定食（旁邊兩張枱至少有3人都點了），咁都唔足以令廚房即炸即做咩? 太令人失望! 除卻飯攤涼了，湯也涼了，而且不夠味（我自問平時都食得清，連我都覺得唔夠味）唯一可以讚的是，那小碟薯仔，算是比較令人滿意..可是，也沒有下次的了! bye…Read More

今日同同事一齊去四季搵食，左邊係快餐形式，即係叫完之後去搵位，之後有人派返個餐比你，排隊果下，真係諗起果時大學果D CANTEEN，又係買完飛，之後拎個牌，然後等人拎過黎。 不過呢個快餐都算貴，水都無一杯，要自己去拎，其實唔緊要，係金鐘食野，我預左80蚊食日本野都算，但係唔係咁既質素丫嘛… 個蛋完全係好似「腐」晒既感覺，唔係「滑」架囉，好「鞋」口，吉列豬扒仲要係一啲都唔脆口，淋都不特止都算，仲要粉多過肉咁多? 因為炸粉太難食，所以我夾左出黎，點知夾夾下，發現基本上係成塊豬扒既3分之2，真係太難譜，完全係唔好食之餘仲收人80蚊，早知去加多幾十蚊去其他日式餐廳食!左邊既四季，請都唔想黎! 唯一讚既係個甜藕片好好食，其他都提都唔想提。…Read More

A short story want to share with u all... I'd cash value groupon about 2-3 yrs ago. Husband and I spent it on Omakase sets (which is we leave it to the chef to decide the best food of choice). The sets were full of surprise with very skillful presentation n fine dinning quality of food. The one I remember the most was a dry persimmon fruit slice roll with some other ingredients. The presentation was impressive and the taste was unforgetable. I hardly found any place that would serve similar quality of food. Since they merge two sections into one (it used to be two saparete sections: expensive n causal dinning area), they no longer serve those fine dinning on table. N sadly the quality of food has been dropped a lot since then. Now they even serve buffet dinner. My mom used to be a big fans of them too. She had a very fresh sashimi n lovely Dragon roll here. So I brought the whole family to get it a try.The buffet time start from 6pm to 9pm. A free bottle of cold sake will be provided for 3 customers or above. With a groupon discount $258 (exluding $35 service charge), each spent $300. Basically u mark your order on paper, n they will serve u the food within 5-10mins. We tried everything on menu, but hardly found one impressive food I would recommend. Even though I was a big fans of this place, I wouldn't come back here for buffet. Instead, I would come here for a regular breakfast or lunch. The best part to come here is always not packed with people, n u can enjoy a piece of quiet by sitting on the window side facing the busy traffic on admiralty highway.To end this, I do have to highlight one person who I forgot to search for her name. She's one of the staff with a very short hair (like a boy) and wear eye glasses. She has been very helpful to me. Three of my family members couldn't find the way to come to the restaurant while I was waiting them on my table. I tried to explain the way to my mom over the phone when I was asking this staff for direction. Without any hesitation, she offered to come down pick them up from their location. I was really touched by her kindness. Thank you. Sorry, if I know your name, I would b able to highlight here.…Read More

今日係期待己久約左好紙美食放題的大日子~!!早前喺網上見到四季做團購價錢好吸引~買三位仲有清酒送,本人真係太少喺香港區食放題~心中好有期望~約好飯腳買黎開心下~等到呢一日~鄉下妹出城~唔係咁熟路,所以早左少少~放題6點開始,我地5點9就可以入坐,打點好後可以落單~一睇之下款式唔算好多~感覺比平時食開的少左一半~再睇睇~好多都係飯同麵~燒物零食同刺身唔多~心諗可能呢係選擇: 貴精不貴多吧...服務員哥行過黎~先送上一碟燒波蘿同羊架,我地話我地未點野喎~佢就話係今日特別限定送的~每人有一份唔洗點的..但由於有朋友未到~所以示意佢我地要等齊人先食呢D,佢有點唔情願咁拎返走...轉個頭有位服務員姐姐放下一壺凍清酒同4隻杯~我地同樣同佢講我地人未齊唔要住,佢居然可以唔理我地放下就走左去!!!!! 咩事先~ !!!可能暫時客人唔多~所以佢地要搵D野做下...人齊就開飯了~~一路上有好多令人O咀的地方~~~哈~唔佑係咪期望太高~所以有點意外...雖然話人唔多,但食物上枱的速度都唔見得快~常有漏單,而且有時唔知佢D野食係未黎定唔黎~怕點多左會浪費食物~!!刺身的陳設好一般~ 一D都唔覺得係金鐘地區出品~~三文魚一般貨色~唔指望佢每次都選用三文魚腩~ ~食落魚香味唔重~感覺好超巿,冇令人興奮的感覺~劍魚腩 - 入口感覺唔夠香濃味~點左一次己冇再點了.立魚 - 可能佢本身都唔係咁重口味~所以保持到清新鮮甜的水準~但都係點左一次~!有頭甜蝦係我的最愛~蝦肉爽口夠鮮甜~連蝦緒都食埋~安哥左兩次~!!厚燒芝士玉子令人意外~蟹柳用紫菜同芝士片包住,再用蛋皮一層層咁厚厚卷住~上枱暖暖地,心意同誠意之作.值得安哥~海胆壽司同燒雪魚係全店最得意之作~海胆鮮甜唔腥唔散,份量夠~雪魚燒得外脆肉軟~上枱時熱騰騰,放耐左再食都保持到咁好味道~紙美話要食呢兩樣回返本~!!HA~突然服務員哥行過黎~放下燒波蘿同羊架,我地已經唔記得左!!其實唔係好明白點解呢到D燒波蘿同羊架會係特別贈送~外面D放題係選菜之~滿以為有咩特別好食之處,入口都不外如是,羊架入口味道過咸~冇左羊羶味,醃得太重手了~燒波蘿仲搞笑~成個口咁大~又冇切開~都唔知想客人點食~燒得唔算好夠火~失去左外熱多汁的口感~舖頭仲有鍋物同飯麵~滿以為係細細鍋咁上枱~點知真係睇小左佢~每個鍋的份量好堅~相信係正價的份量!!食一鍋就kO 左大家的胃~而且材料勁足夠~入口只可以話做到要求基本水準~唔算話好特別值得安哥~甜品方面有雪條,紅豆糕同埋自家製的''布甸'',我個人認為雪條係最保守可吃~紅豆糕係燒過的日式年糕上加紅豆漿, 自家製的''布甸''口感好奇特,冇乜牛奶味,多左D爽口感覺~我地每人食左一啖都食唔出係乜野味..就放下了~經了解過後~服務員小姐話係芒果布丁..噢~真係估佢唔到~!服務員對大家的用餐時間控制得好好~差唔多時間就會過黎問你仲有冇咩需要~冇的話就同你埋單~大家可以坐多陣~一夠鐘就會過黎清理枱面~每日放題只做一場~整理好就可收工..總括黎講..算係見識過佢的出品~可見的未來相信唔會再見,真心希望佢地他日可以有所進步 …Read More

Boyfriend and I met up with a friend for an impromptu meet up. We randomly chose here for some food as neither of them had eaten lunch and it was around 3 pm.They had afternoon tea sets averaging $40. Came with a standard cha chan teng style drinks. Food came out on canteen type trays.I ordered a seafood pasta. It came with a salad.Salad had fried chicken on it. These were so dry and hard, it made me wonder how long they have been sitting. Salad greens were soggy and lettuce was browning. I couldn't eat it.Seafood pasta was one soggy spaghetti with a glob of white sauce. It was horrible.I guess it's a good spot for office people to eat something cheap and fast during lunch hour. But I don't work in this area. I won't be back.…Read More

我覺得佢既選擇不多，但味道不錯的，最好吃的是海膽壽司，真的很好吃，海膽又新鮮又甜。刺身又大件同好新鮮，令人食欲大增。鰻魚很好吃，好滑，建議大家去吃，而且佢d燒物勁好吃，好多汁…Read More

多數一班同事去食LUNCH, 預先BOOK枱不用排隊, 通常我們只会叫雜錦魚生飯等定食, 價錢不算平一個雜錦魚生飯$158加一, 總數為$174一個定食, 老實說金鐘來說價錢尚可接受, 但魚生質數頗差, 尤其是三文魚又瘦又薄好似一張紙錦, 其他的三文魚子OK, 帶子須然細啲但都OK, 吞拿魚蓉只得一細PAT小得可憐, 甜虾吾覺得晶瑩剔透, 還有那個難食的甜品糯米糍我每次都無食, 食物質數有待改進。…Read More

在金鐘食lunch真係好煩，價錢貴、選擇不多、又人山人海成日要等位，周圍排長龍 ，所以除買外賣，最好都先訂位。四季日本料理有訂枱服務，所以間中都會去食。明白金鐘地貴人多，但這裡環境事實上太擠迫了太噪了 ，要小心點行走，否則很易將別人的餐都推倒在地上，尤其是小心女士們的手袋哈。桌子上面已預先放了前菜，雖說方便，但使我有點不滿這裡的衛生。對顧客而言，食材質素及衛生同樣重要，尤其這裡收費並非便宜。在日本市場我經常食三色魚生飯定食，這裡也不例外，有三文魚、帶子和魚籽。三文魚腩位很肥美;帶子雖不夠肥厚但算鮮甜; 三文魚魚籽一向是我至愛，撈飯食一流。壽司飯飯粒之間缺乏黏性，口感欠奉:(。定食還有前菜、烏冬、蒸蛋及兩塊西瓜。烏冬不是即做，所以不夠彈牙，湯底好鹹 。蒸滑蛋則一般。 最後有兩粒西瓜清一清味蕾也好。我朋友點了和牛加天婦羅定食，聽說也是一般而已。雖然金鐘揾食難，但期待這餐廳在服務、環境、味道、衛生和價錢等各方面未來可作出改善，使食客更滿足。…Read More

以前團購去過一次之後，成日都想去食佢既放題，今日終於去了。晚市佢真係無咩人，成個場都無20人，可以坐窗邊位，個景幾好，服務都幾好，同午市既服務有好大分別。食佢既放題，主打海膽壽司，海膽勁多 ，味又幾好，唔腥之餘又唔太散，簡直係回本之選。仲有劍魚腩同油金魚、甜蝦都好新鮮，但劍魚腩就壽司質素比刺身好 。而且，樣樣都幾好食。反而，熟食就好一般。加上款就真係少左d。個甜品大福餅又無左貨，有d唔夠喉。…Read More

早幾天晚上收工試了這間外觀很日式的料理，帶點期望去試食，不過忘了影相:(！主要刺身三款，三文魚、帆立貝及吞拿魚，帆立貝ok,很鮮味。三文魚厚切雖感覺肥美，但三文魚和吞拿魚都有點缺乏魚味。店長推介一板加拿大海膽，寿司飯和紫菜另上，仍很脆，好味。醬燒銀雪魚有點香口，燒汁甜味ok。沙律配燒虎虾多肉不太乾身，亦不錯。整體非想像般理想，不過可能之前期望有點高了…Read More

是日中午來到四季料理, 跟好友來個午餐順道一吐苦水. 場內分兩個區域, 左邊是自助形式, 右邊是高級料理. 時間不多, 當然選擇左邊. 筆者點選了三文魚丼(HK$80).十分鐘後侍應送上食物, 三文魚丼有六片三文魚, 厚薄度適中. 中間放著一些三文魚蓉, 分量尚可, 較其他店舖切粒的好. 味道中規中矩, 三文魚尚算新鮮, 也沒有根. Citysuper 的丼也要六七十元, 這裡的價錢可以接受吧!…Read More

其實我很怕在金鐘食lunch，因為人山人海價錢又貴選擇又不多。不過最近好朋友O子家中有事，lunch time 順路就到她公司附近找她吃飯。金鐘可打電話留位的餐廳不多，她預先訂了這間四季日本料理。我先到，侍應帶我到內入座。我明白每多一個位就賺多一分錢，但事實上真的太迫了。 而且侍應帶我到桌子時，上面已預先放了前菜，我還以為有人在用餐！其實對於這點，我是有點不滿。作為顧客，當然知道那些前菜已預先放在廚房一段時間，但我情願幻想你其實入去廚房為我弄好前菜好過你放在桌子上不知多久，有點不衛生。而且你說我挑剔也罷，lunch time 價錢每人$150以上的餐廳，我不能接受用膠餐具，實在是對食物太不尊重 。(這裡的前菜和茶杯都是膠的，可惜）。我點了三色魚生飯定食：有三文魚、帶子和魚子。魚生不錯，三文魚是用魚腩部份，很肥美。帶子和魚子也很鮮甜。美中不足的是那壽司飯。飯粒與飯粒之間沒有了日本米的黏性，跟昨天吃過的治愈魚生飯差得遠。如果用作壽司，一定會散。定食還有前菜、烏冬、忌廉餅、蒸蛋。其實如果是女生的話，吃完主菜已經很飽，所以除了忌廉餅也吃光外（對於女生，甜品是用另一個胃），其他也只吃一點點。烏冬跟前菜一樣，相信廚房也不是即做，放久了，所以不彈牙，太軟。蒸蛋和忌廉餅則不過不失。不過也許跟餐廳的環境有關，實在是太太太噪了 ，我跟O子幾乎是大聲叫喊才聽到彼此的對話（要知道原本我是想談心的！）因此欣賞美食的心情也沒有了。這餐廳不論在服務、環境、味道、衛生和價錢方面全都有待改善。最後因為太噪，我跟O子提早結帳離開。作為一間中高價位的日本料理，是很失敗的。食物不差 (所以我評OK)，可惜被其他因素破壞了。…Read More

想試試新相機的功能，與太座來到金鐘政府總部附近，影一輪後，又是時候要醫肚。記憶中，從未入過這幢金光閃閃的大廈，遂入內逛逛，看有甚麼合意的午餐。結果入了這間歷史悠久的日本料理，說是歷史悠久絕不是無的放矢，據聞遠在七零年代，其前身「石庭四季」已在富麗華酒店地庫營業，算是早一代在港的日本料理餐廳，同期還有一間較多人熟悉的「水車屋」，至於哪一間較遠古，則恕小弟資歷淺，不得而知了。以前經過「石庭四季」，看是一間高不可攀的日本餐廳，日籍經理，穿著和服的侍應，優雅的白木條裝修間隔，甚有氣派。然而，今天所見的「四季」，與以前的不一樣，是否同一老闆，或已轉手，不想追究，畢竟相隔了三十多年，今天所見是一間飯堂，先買票，自己找座位，侍應隨後送食物來。我們點了鰻魚飯和滑蛋豬扒飯，找了個靠窗的卡座。不一會食物送來了，鰻魚飯，只得一小片鰻魚，皆因百物騰貴，尤其是白鱔，街市價錢已達$160一斤，然而這碗鰻魚飯賣$60 左右，仍是可以接受的，鰻魚吸收了醬油，魚很香，軟軟腍腍，好好味，米飯是珍珠米，粒粒圓渾，口感軟糯，這個飯是好吃的。滑蛋豬扒飯，賣相幾吸引，吉列豬扒是厚切的，份量十足，上面淋了炒滑蛋，豬扒肉質有彈性，沒有死死實實，吉列外層給蛋汁浸腍少許，但仍覺好味，加上蔥粒，洋蔥，加添了味道，值得一試。…Read More

趕買餐客人走的女經理@四季日本料理香港有間四季酒店 ,五星期服務的我要說的當然不是那間酒店地址 金鐘夏愨道16號遠東金融中心閣樓呢間野本身服務都差, 午市一個飯都收你$80-100但運作同大家樂一樣, 自助式先要排隊買飯,茶水都要自己去盛一向食飯講效率, 都是一半人找位另一半人就排隊買食物是日去用膳, 原是找到位子朋友已坐下來但當買完食物捧著一大盤回來時發現位子竟然被其他人罷佔了而友人也一面無奈地站著要再找一問之下是一位女經理似的物體說位子只可以讓買了食物的人坐而友人是第一次來, 傻傻又善良的便把位讓出但lunch time找位不易我們不是白坐呀, 只是在排隊買食身中那分明是趕人走? 我們都是有光顧的如果我未買餐,我會即走去第二間這樣便到我們拿著很重的食物站多十幾分鐘才有位但看到店中很多桌也是一人佔著4個位為何剛才的優良服務不見了????那女經理好應該也對沒放食物在桌上的人說"買了食物才可以坐呀, 我們認桌上食物,是不理會有人已經在外邊買食物中的"講食身物了我order了炸雞飯套餐個炒菜今次好濕好爛+___+炸雞皮脆口, 中間不會太乾仍有少許肉汁對四季食評不止出過一次我之前食後感都覺得佢收費貴但食物食料級味道都一般這間服務0星級的四季經此之後可以完全直行直過了…Read More

重返中環工作第一餐既開job 飯，老細說要日本化一下這是店員的介紹魚生真的好肥美，只係食魚生也可以夠飽，一點也不誇張可惜烏冬湯底好鹹令我敏感咀唇不得不發作不過，是好吃的當然個set 仲有漬物、生果同蒸蛋還是比較喜歡那兩小塊西瓜，清一清味蕾大滿足開job 飯過後，所有野都要開始了……Read More