Video
3-min walk from Exit C2, Jordan MTR Station; 童軍總會對面，大家樂路口左轉入廟街
continue reading
Opening Hours
*Discounted late night meal: Thu-Sat 23:00-02:00
Mon - Sun
12:00 - 15:00
18:00 - 23:00
Above information is for reference only. Please check details with the restaurant.
果日Weekend，本身就唔係想食呢間，原本想食果間餐廳無位就喺附近行,門口見呢度Menu不錯就入去喇！ 成個樓面得一個男人Serve,飲食業艱難 人手不足都會體諒下。有時倒轉諗, 好感恩佢地仲有開門比我地有得食添！ 我嗌左3道壽司+炭燒雞扒湯烏冬。整體味道唔錯，正正常常，份量絕對夠一個女仔食。烏冬只係普通烏冬，雞扒都幾好食，略嫌醬汁過多。另外，3道壽司都意外地好食。 星期日 Lunch Set $68 又飽肚 性價比算高了。朋友嗌左鰻魚飯，他評價也是挺高 抵食！打呢篇野之前，才得知過往不少評價談及一名餐廳女職員服務態度。就我當日所見同所聽, 果個女職員已沒再出現。而當日果個男人雖然忙，態度仍然好好,好落力服務客人, 所以是次體驗好好,一定會再黎幫襯
continue reading
店內有位較年輕的女店員，樣貌端好，但人品很差，基本上她由起初在四國上班，已經是非常沒有禮貌，以今天為例，我叫咗個壽司餐，但係食物嚟到嘅時候，不是冷烏冬，而是熱烏冬，她便說我沒有指明是冷烏冬，我就正努力回想，我是不是沒有叫呢？佢就開始態度惡劣起來，不斷細聲挑釁，其實如果我係冇叫嘅，咪我問題，我又唔會為難妳，亦沒有為難妳，她又何必先發制人，態度咁差，又何必不斷挑釁我呢？到我叫我老公叫他攞杯冰水嚟，佢又要扮睇唔到，咪要我大聲叫唔該囉！之後佢每次過嚟，態度都非常差，我臨離開店舖前，我把紙巾清理好，放在碗內，待她一併收拾，她就非常之無禮貌，掉開我張紙巾散到枱上，算吧啦！食物性價比高又如何吖！食到背脊骨落，唔消化，又影響心情，真心覺得身體唔好嘅，真係唔好去呀！佐敦仲有好多好嘢食嘅地方，食其他好過！
continue reading
今日朋友生日，早一個星期訂定枱，我哋行完街，準時6點去到，唔使等位，安排左張4人枱，2個人坐得舒舒服服店內裝修簡簡單單，但又不失和式的感覺！！唔好講咁多，好肚餓，要快啲叫野食！其實係我地入門口之前已經比呢個餐牌的壽司定食晚餐吸引左，一於叫嚟試吓🤤🤤🤤呢碟係定食晚餐的鵝肝卷入面配蟹子牛油果沙律醬無行輸，唔會覺油膩，反而覺得好清新定食壽司晚餐有8件壽司，件件都大大件，上面的魚生又新鮮又肥美，正定食入面仲有個叉燒烏冬，烏冬彈牙無酸味，叉燒又夠淋，入口都唔使點咬，而個湯成好清甜，飲完一啖追一啖！章紅魚簿切，師傅刀工好勁，塊塊都切到咁簿，仲可以透到碟底，但唔好以為咁簿入口會無野𡁻，咁就錯啦，塊魚肉入口滑滑地，咬落爽爽脆脆，再配埋個醬汁，簡直一流！牡丹蝦兩食——刺身，鮮甜多内個牡丹蝦的蝦頭用嚟煮麵豉湯，真係好飲到無朋友黑松路鵝肝壽司——塊鵝肝有半隻手掌咁大，而且個壽司飯唔係普通的壽司飯，係撈過黑松路，真係好好味，下次嚟一定要再叫！帶子鵝肝卷，十分足料，而且唔會太大件，剛好一口一啖，正到爆！最後，當然唔小得串燒啦，我地叫左3款，分別係（左起）免治雞肉串、凡立貝串、雞翼串！免治雞肉咬落多汁又有啲軟骨，回味無窮今日呢餐真係非常滿足！！
continue reading
今晚約左幾位朋友到佐敦”四國”吹水聚舊，好彩我哋預先book 左位，因為7點左右差不多滿座1. 燒河豚乾($52)，上枱時有陣陣香烤氣味，因河豚乾烤過變軟，入口易咬，送酒一流之作2. 吉列蝦青瓜小卷($62)，吉列蝦入口香脆及熱，外皮脆漿唔厚，入口唔油膩。3. 黑松露鵝肝帶子沙律卷($)，帶子肉夠厚，中間加上鵝肝，配上黑松露獨有香味，幾樣食材配合得非常好4. 火炙三文魚及帶子壽司(三文魚$40/2件、帶子$38/2件)，三文魚夠肚美，經火炙後入口好香魚油新味，入口即溶的感覺，正！帶子肉厚，入口十分鮮甜5. 章紅魚薄切魚生($128)，魚生由日本空運到港，師夫刀功了得，魚生薄切可見到碟上花紋，魚生十分鮮甜，又一推介之食物6. 牡丹蝦刺身(兩食) ($90/2隻)。牡丹蝦刺身大件夾新鮮，而蝦頭仲可以選擇做埋麵豉湯，確係好嘢7. 鹽燒開邊雞中翼($55/2串)，所有串雞即叫即燒，入口熱辣辣，外皮燒得香脆，真正外脆內熱。8. 汁燒帆立貝($65/2串)，帆立貝好大嘢，男士差D 一口都放唔晒入口9. 串燒牛舌($65/2串)，同樣燒得外脆，內裡保持juicy，用來送酒確係一流10. 生蠔北寄燒($50/隻)，其實只要食材夠新鮮，加上廚師用心去煮，一件美味嘅生蠔北寄燒就可以熱辣辣咁放入口裡11. 鵝肝炒飯($112)，炒飯炒得夠乾身，粒粒分明，鵝肝香味十足，真正色香味俱全整體來講，各種食物都令人十分滿意，特別是魚生同壽司，十分新鮮美味。食物質素高，而價錢亦十分親民，值得一試再試
continue reading
食左三次有兩次都係覺得佢啲態度好似唔憂做咁決定之後都會再黎 我唔知佢純粹係職員之一定老闆娘不過如果係職員既 老闆就要諗下呢個職員係咪幫你倒緊米 如果係老闆娘就恭喜你啦 自己倒自己米大家如果真係要去既 就諗下想唔想食到背脊骨落啦
continue reading