Le Gastronome (Closed)

今日來到旺角朗晴坊呢間中餐館食午餐，門面上以為係普通中式茶樓格局，估唔到啲餸菜極好味！點左兩餸飯，蜜糖雞翼鮮甜味美、極大隻、口感爽脆，而且有六隻咁多！另外，點左份回鍋肉，好少可咁惹味，質感好好！飯任添，涼菜任斟，仲有芒果布甸，咁都係$60！平到爛，極抵食！…Read More

第2次黎呢到食晚飯，超抵食最平a餐先268一位有魚（條魚係成隻長碟咁長）有蝦有聖子，仲有雞翼，咕嚕肉已經夠抵，邊個估到前菜竟然比蜆我食，朋友都話以為d花生係前菜，無諗過咁豪華，太幸福啦幾飽都要食個特色泡飯，有d脆脆米，好好食b,c 餐有蟹就嫌麻煩啦，但都好抵食唔知點解呢到mark close左，據我所知係有開喎，anyway,小小人，有包場feel 都好正如果餐牌d abc餐可以轉換下就好啦，咁就可以更密黎食…Read More

Their food is SOOOO GOOD!!!!! I went for lunch set which is around HKD60 per head. Their homemade herbal drinks are complimentary and good for health too!Needless to say, their honey chicken wings are the BEST in HONG KONG (very serious). It is a very local restaurant which worths a lot of attention in my opinion.HIGHLY recommend…Read More

平時Lunch都會嚟呢度叫餸食飯午市真係好抵有成十幾款選擇 最出色一定係蜜椒雞翼睇到佢夜晚私房菜都唔貴又有好多海鮮老闆話係每日親自去旺角街市揀新鮮海鮮番嚟唔靚唔買咁話 咁就試下啦我因為唔食蝦問老闆可唔可以改個菜單老闆勁nice 話冇問題 私房菜呢啲好彈性 正！其實個餐好多野食 我冇影晒蟶子真係鮮甜爽口 面頭嘅炸蒜好香口粉絲底索晒啲精華 好好味隻蟹勁好肉 老闆揀海鮮係有一手條魚蒸得啱啱好 好嫩唔鞋口生炒骨個皮就算包滿醬汁依然脆口唔記得影呢間餐廳嘅名物 蜜椒雞翼我次次嚟都要食完再加單…Read More

家人想在旺角鬧市中找一家有bb椅的餐廳吃團年飯，我便初嚐這家小店。由於團年飯相機食先會被長輩罵，所以沒有拍下美食。但是小店美味的食物實在太美味，我禁不住一試再試，隔天便於再前往光顧。小店朗豪坊戲院對面的朗晴坊6樓，在3樓譚仔樓上。蜜椒雞翼的作法是用高溫把雞翼的外皮炸至脆卜卜，再用了麥芽糖和黑椒調味。夾起的時候還有拔絲效果，雞翼的肉咬下去像是用了薑汁餣製，味道與外皮的甜味互相輝映。白膳的底下用了芋頭，把芋頭沾上雞翼的蜜椒汁便是拔絲芋頭，一餸兩吃，驚喜滿分💯而白膳份量很多，又夠肥美，肉質彈牙好吃😋最後加多碟小白菜，平常油菜十蚊得幾條，呢間係幾十條這是午市餐牌，我要嚐盡每一道菜再為大家報告。如果想吃晚市海鮮餐，一定要打電話預先訂座！不然就會摸門釘！因為餐廳經常爆滿…Read More

土生土長嘅香港人，梗係知道邊度係旺角朗豪坊啦，但係朗晴坊我真係唔知，亦都未聽過。入咗去朗豪坊問職員，終於搵到呢幢朗晴坊，原來成幢都係食嘢架，舊舊地嗰啲大廈，話晒我都成日出去飲飲食食吖，竟然唔知呢幢係乜水😅 好明顯係朋友介紹啦，私房菜咁樣嘅形式，佢自己都話未食過，都係諗住成班朋友傾吓計姐，點知勁有驚喜🤩👉🏻 密椒雞翼勁好味 😋我平時唔食雞翼都追住來吃👉🏻 先蜆肉濃湯泡飯 😋 聽個名都覺得好味，但佢真身俾個名更好味！堅濃湯，飯係炸左嘅，上枱嘅時候先至放落個湯度，所以如果你新鮮食嘅話，脆卜卜，可口又美味👉🏻 蒜蓉粉絲蒸鮮魷 都好味，不過呢個好難唔好味👉🏻 魚就真係麻麻哋啦，雖然我唔鍾意食魚，但係同枱嘅其他朋友仔都話麻麻地…Read More

可能最近冇咩人出去食飯，定我地太早去，所以都唔使等位。可能阿姐見我地 望住餐牌都冇咩頭緒食咩好，所以走黎介紹左幾個好味既茶式:蜜椒雞翼，肉餅，炒鮮魷。。。我地得兩個人所以就點左雞翼同炒鮮魷蜜椒雞翼:每隻雞翼都好大隻，啖啖肉。 食落充滿蜜糖既甜味同埋有少少黑椒味。 蜜糖汁黏稠，不稀。用黎拌飯都正。 阿姐話佢地要求供應商送黎既雞翼一定要大隻，唔係唔收貨。蒜蓉粉絲鮮魷: 蒜蓉味香，多汁粉絲多，鮮魷就唔算多。 汁拌飯都好好味。 由於多汁，粉絲食落口唔乾。 鮮魷唔會太老，有嚼勁。 …Read More

除非你家有賢妻，或者有個好媽媽，否則經常出街食飯食到全身都充滿味精嘅感覺。所以平時工作期間要出來食午餐，確實不容易找到一些小菜店既經濟又有住家飯嘅感覺，今日呢間就比到呢個感覺大家。閒時下午到來，我見到滿枱都是附近工作的哥哥姐姐，就知道呢間鋪頭充滿住家味及人情味，這些都是大家夢寐以求的。而且平均每人$60 ，就有齊白飯，飲品，一個小菜，仲有甜品，不敢說它的味道是超一流。但這滿滿的人情味，給住家感覺，令這裏成為附近工作者不可不知道的一個食飯好地方。特別推介，有佢嘅蜜糖雞翼、蝦仁炒滑蛋、蓮藕炒豬頸肉⋯⋯完…Read More

呢間位於旺角樓上私房菜我已食過幾次， 每次都肥到捧住個肚走嘅， 佢地最吸引我就係個特式炸米泡湯飯， 同埋個雞油花雕蟹伴陳村粉， 仲有個蜜椒雞中翼⭐️⭐️⭐️⭐️⭐️。 不過最近去食已經無左個特式炸米泡湯飯食了， 而家個menu 改左做臘味炒飯。。。佢地主要分幾個set $258/$358/ $458,可以加錢調整自己想食的菜式， 又或者散叫小菜都得。👍🏻我今次食左 $3️⃣5️⃣8️⃣ set1) 餐前小食2) 豉油皇煎焗花蝦🍤3) 雞油花雕蟹伴陳村粉🦀4) 清蒸海魚一條🐟5) 蜜椒雞中翼🐔6) 咕嚕肉🐷7) 蒜蓉炒時菜🥗8) 臘味炒飯🍚9) 甜品：芒果布甸🍮…Read More

唔係朋友介紹，其實真係唔識搵到黎呢度。諗住平平哋食一餐lunch，估唔到係非常之有驚喜！蜜椒雞翼不愧為招牌菜，外脆內軟，雞翼好大隻，蜜糖甜絲絲好好食，擺耐左都仲係脆既！魚香茄子好有鑊氣，味道啱啱好！瑤柱肉鬆蒸水蛋好滑，加埋豉油簡簡單單都好食既一道菜，仲有間中會推出嘅聖子王，都係非常之大隻，煮得好好食而且都只係午餐價！已成飯堂！…Read More

原本五人食飯預訂左幾個菜式冇叫魚 最後俾咗條$680嘅魚 蟹兩隻要1280一個魚湯承為580 糯米飯480⋯ 之前食過唔係呢個價錢 今日無問清楚就中左招 ，係幾好食 不過很貴 ⋯呢個價錢可以有更多選擇了。:(真係海鮮價…Read More

星期六急急腳放工 為左要黎呢度食雞翼一行四人 叫左4個送叫左 「瑤柱肉鬆蒸水蛋」、「土魷蒸肉餅」、同埋兩客「蜜椒雞翼」叫完菜，店員每人比左一杯蘋果山楂少少甜 但好解渴我地坐既位置對住個酒櫃跟住第一道菜「瑤柱肉鬆蒸水蛋」蒸水蛋好正！超滑 真係蒸得好滑！質地好似食緊啫喱咁加埋香蔥同埋蒸魚豉油 簡直係完美既配搭最唔好係 份量就太少 好想再叫多次 攞黎送飯！跟住第二道菜「土魷蒸肉餅」個肉餅有咸香（加左蝦醬調味）餡料仲有馬蹄同埋土魷所有野mix埋既肉餅超彈牙又爽口！最後一道係我既最愛「蜜椒雞翼」呢道雞翼香脆既外皮沾上濃濃既蜜糖同埋黑椒入面係內軟兼juicy！肉質勁嫰滑所以點解叫2客因為1客先得6隻雞翼 4個人點夠分呢！依家每人3隻！都唔夠喉最後加埋餐送既甜品「香芒布甸」入面有少少芒果肉算唔錯整體黎講一頓豐盛又回味既午餐！…Read More

平常出街食飯，唔係酒樓就係茶餐廳，有點膩。所以成日都渴望食私房菜。幾日前朋友相約去食飯，佢話食私房菜，又知道佢係識食嘅人，所以充滿期待啦。該餐廳係旺角砵蘭街215號6樓。室內裝修一般，似一般茶餐廳。朋友以事先訂位，所以不用等位就可入坐。清蒸瀨尿蝦，相當肥美，肉質爽口彈牙並充滿蝦膏，所以不需太多調味，已齒頰留香。蒜蓉蒸聖子，非一般只用蒜蓉，並加切碎嘅土魷。令聖子嘅鮮味顯得更鮮。焯大虎蝦，超大嘅虎蝦用嚟白焯，肉質超爽彈牙，第一次食咁大隻白焯虎蝦，以往都係用嚟做茄汁大蝦或者豉油王大蝦。另味花調醉蟹係今晚嘅主角，超入味，以往食過唔係太濃酒味就係無酒味，今次這道花調醉蟹酒味就恰到好處，蟹肉味同酒味平分春色，最重要係隻蟹好肥美。咕嚕肉，好平常的一道菜，不過呢度嘅就好新鮮，何解咁講，因為那炸肉係新鮮即炸非一般炸定再翻炸，所以好脆口。甜酸汁亦好適中，好食。蜜汁雞中翼。超大嘅雞中翼，外脆肉嫩，咁大嘅雞中翼，真係好少見。蜆肉泡飯。好另類嘅泡飯，鮮味嘅蜆肉湯，加上白飯及米通，口感好多重，正！最後來個魚湯浸時蔬，可以清清口腔，又可以增加食物纖維，好健康喎！。…Read More

朗晴坊大厦其實有兩邊出入口可以進去乘電梯，一邊可以由旺角mtr E1出口朗豪坊戲院隔離進，另一邊可以由朗豪坊停車場隔離進。嚐味舫要預訂坐位和菜式，以每位計，味道很好，海鮮很大隻，只係粉絲蒸聖子略為蒸耐了一些時間，其實菜式都有水準。…Read More

呢度都算幾難搵喺橫街嘅一條巷搭個幾恐怖下嘅電梯裝修就唔得㗎啦你當佢大排檔咁樣食就算喇服務好過大排檔少少啲枱凳程度差過酒樓係酒樓宇大排檔之間嘅感覺價錢亦都係酒樓同大排檔之間如果你話好味我可能覺得大排檔可能好食啲夏天有冷氣呢樣嘢 可能真係好啲囉大致上都ok嘅但係佢個 蟶子蒸到靭曬咬咗好耐香口膠嘅感覺佢個味係ok 但係硬曬就唔ok囉反而個蒸蟹有驚喜味道唔錯尚算新鮮炒咕嚕肉反而幾好嘅甜酸感覺拿捏得準粉團唔算厚蒸魚都算嫩滑…Read More