喜點.鮮鍋粥底火鍋點心專門店 (Closed)

今日約左朋友一行4人打邊爐，朋友就選左呢間喜點.鮮鍋。入面有個忘不了海鮮火鍋套餐 好吸引，每人$298就包人頭海鮮拼盤仲有手工餃、丸類及包左50款配料任食。自家製竹蔗茅根同豆漿任飲!包一碟安格斯牛頸脊及櫻花黑豚肉。（油脂分佈都幾靚，牛味幾濃。仲有魚皮、響鈴同刺身食。手工餃同手工丸最吸引，因為好多特別口味。刺身拼盤黎喇、黎到鮑魚仲郁緊，正！有龍蝦、鮑魚、蚌、蝦、元貝 、蜆湯底選左淮山豬骨螺頭湯，滋補養顏。餃同丸最正就係蟹肉黑松露餃勁香黑松露味，蝦丸、鵝肝墨丸彈牙有口感。淥海鮮有餐牌說明需時約耐，完全唔會驚過火。龍蝦5分鐘就岩岩好食得，肉質鮮甜彈牙，蜆肉仲有撈唔怕d肉唔見晒!食完套餐內包的食物都飽了大半，所以只點很少量。意外驚喜是免費肥牛都有很不錯的質素!

幾次路過都覺得呢間D套餐吸引，今日終於約埋成班朋友黎打個邊爐，揀左忘不了海鮮火鍋餐，$298食足兩個半小時，湯底有６個選擇，今次揀左淮山豬骨螺頭，下次再試椰子雞。海鮮一上，我地全部人都忍不住哇左聲，又新鮮又大盤！五款時令海鮮絕不欺場，鮑魚上台仍然會郁，刷得好乾淨，落水滾十分鐘就食得，好新鮮嫩口扇貝超大隻，肉厚鮮甜，一人一隻！蟶子王爽口清甜，我至愛！仲有象拔蚌都唔細隻，粗過我手子公，抵食到爆！龍蝦膏甜彈牙，新鮮易起殼！安格斯牛，花紋好靚，牛味重，入口唔老，又係好正！另外跟餐既８款菜式都好特別，好似鵝肝丸，黑松露餃，味道特別，不過我會選擇平時大路既丸款多Ｄ，比較合我口味！飲品選擇唔算多，但飲得出一樽樽菊花蜜同竹蔗都係用心煲出黎，唔係糖漿。下次人多都會再黎呢一個打邊爐既好地方

出面食海鮮通常貴夾唔飽。黎呢度打邊爐都係為左食海鮮😍有靚海鮮仲有火鍋放題。一坐低先送一個海鮮拼盤，按人頭一人一隻蟶子王，大峴，大過手掌咁滯的帶子，同上到碟仲不斷郁緊既鮑魚。真係好食同鮮甜都不得了。其他火鍋配料，每次可以叫8樣，雖然係任食，但肥牛質素高，花紋靚，肥瘦適中，無雪味。值得不斷添食🤤叫蟹柳食，竟然係大大條蟹棒出黎，仲有脆魚鯇都係相當高質。值得一試！基本上火鍋款式選擇都幾多下，點完又上菜算快。仲有3款自家煲飲品任飲。有竹庶芧根，桂圓蜜糖水同有機豆漿，相當有誠意。

朋友住附近，帶我嚟食一呢專食火鍋嘅餐廳，話性價比高😎見到Keep住都有人排緊隊~主要嘅套餐有兩個，分別係忘不了海鮮套餐同埋粥底打邊爐🍲而今次我哋係揀咗海鮮套餐嘅😋海鮮拼盤大大碟，套餐包左每人半隻龍蝦，同埋5款是令海鮮。海蝦同鮑魚仲係識動嘅添，夠哂新鮮🤩龍蝦亦唔係平時果隻，大隻得來，皮質爽實，而且係滿滿嘅蝦膏🦞鮑魚亦係分量十足，鮮甜彈牙之餘，size都冇點變到😍湯底方面揀咗椰子雞湯底，清甜嘅椰子味，無添加味精，健康又好味👍🏻套餐仲包括左三款手打丸同三款餃子🥟，分別係法國鵝肝墨魚丸，瑞士芝士牛丸，蟹子蝦丸。瑤柱翡翠餃，招牌水餃同埋蟹肉黑松露餃，全部都係新鮮手整，唔係雪藏嘅👍🏻另外仲有炸魚皮，夠哂香口。仲有炸響鈴😋估唔到肥牛嘅品質咁高，油膩分佈平均，色澤又靚，食落滑嫩之餘牛味十足😍另外，可以任飲豆漿，菊花茶或者竹蔗水😆除咗套餐外既野，你可以任點55款配料，性價比好高🙆🏻‍♂️

同事介紹左呢間舖啲野食好新鮮，所以約左朋友黎試試。我地揀左食海鮮火鍋，豉油配料都係大眾化。印度椰子雞鍋，湯底好香椰子味，另外半隻雞同竹笙就等水滾再落，咁啲雞就唔會煲到啲肉嚡哂。安格斯牛頸脊，肉味幾濃，一啲都唔韌。海鮮拼盤，鮑魚黎到仲郁緊好新鮮，煮完都煙煙韌韌幾有咬口；龍蝦同海蝦好大隻，煮完啲肉好彈牙。即炸既響鈴同魚皮，脆卜卜其實唔浸湯都可以照食。鵝肝墨魚丸食到鵝肝味幾濃。芝士牛丸咬嗰時差啲爆左芝士出黎。餃類入面都好多餡，皮夠薄。普通肥牛都唔差，肉質幾好。另外仲有點左其他配料，樣樣都質數幾好，仲要花膠係大大塊咁比。

今日同家人來到呢邊打邊爐就係比呢個忘不了海鮮火鍋套餐吸引到😍大人先係$298 小朋友就$128位💁🏻‍♀️送左一客刺身，有三文魚同希寧魚~選擇適合嘅調味料😛有6款選擇首先你可以選擇自己鍾意嘅湯底，之後會有龍蝦同五款時令海鮮🦞，套餐仲包左頂級安格斯牛頸脊/櫻花黑豚肉，另外有一個餃子同手打丸既拼盤🤪仲唔夠嘅話仲有一堆無限追加嘅配料🙈手打丸有三種，分別係墨魚丸牛丸同蝦丸，個人最鍾意就係牛丸啦裏面仲有熱辣辣嘅芝士，全部都好彈牙😋餃子都有三種，而我最鍾意嘅就係蟹肉黑松露餃💁🏻‍♀️主角海鮮拼盤望落去已經好吸引😍兩隻大大隻既龍蝦🦞份量十足，裏面仲有好多蝦膏添🤩食落蝦肉爽口鮮甜👍🏻另外仲有蝦，鮑魚，蚌等等，全部都鮮味十足😋頂級安格斯牛頸脊，有香濃既牛肉味，有點煙銀嘅感覺🐮輕輕616就食得啦😋湯底方面係揀左印度椰子雞煲🥥🐔湯底好足料，散發着淡淡的椰子香，雞件份量適中，早少少拎係雞肉，肉質滑嫩，帶點椰子嘅鮮甜😋呢度可以任飲有機豆漿，竹蔗水同埋菊花茶，健康凊甜😍果然呢間火鍋店好抵食，呢個價錢可以食到咁多款新鮮海鮮，高質牛肉，手打丸同其他任飲任食，幾啱一家人同一大班人嚟🍲👍🏻

天氣又轉涼涼地， 小子又突然想打邊爐， 之前聽講長沙灣有間火鍋+粥底店好似幾好咁， 小子就係Openrice book 今晚帶埋泡泡媽、泡泡姐一齊擦餐飽環境算係闊落， 被安排坐卡位 ，有3個餐： $198、$258係粥底鍋， $298係海鮮火鍋， 小子揀$298（任飲竹蔗茅根水、有機豆漿）淮山豬骨螺頭鍋：真材實料， 落海鮮前個湯可飲左先以上食物係一次性的之後就有50款配料任食👍👍其實食哂以上既海鮮美食都已經飽了八成🤣任食牛肉都唔差， 好味樣樣都好， 唯獨叫50款任食配料時， 速度好慢， 等左成10-15分鐘， 但服務態度係ok 的泡泡媽好欣賞的：竹蔗茅根水， 唔甜好飲， 職員話係佢親手煲的👍

趁住今排天氣仲係涼涼地，約友人去打邊爐烚吓烚吓。點了忘不了海鮮火鍋套餐，湯底揀左滋補藥膳雞鍋。湯底煲左好耐都仲有藥材味，唔會變淡，雞肉亦新鮮嫩滑好入味。竹庶芧根水可以任拎，飲落唔算好甜幾啱打邊爐。海鮮拼盤有龍蝦、鮑魚、生蝦、帶子、貴妃蚌、珍珠蜆同埋沙白蜆，每一樣都好新鮮，味道好鮮甜。龍蝦雖然唔係好大隻，但食落爽口彈牙好好味。生蝦一串串，方便剝殼。鮑魚咬落好有口感。貴妃蚌口感爽脆帶子大大粒啖啖肉珍珠蜆同沙白蜆吸收曬啲湯，特別滋味頂級安格斯牛頸脊牛味十足，嫩口唔韌。極力推介！丸類都好出色，蝦丸爽口彈牙，好新鮮！最鍾意韮菜餃仲有其他配料任點，飽到上心口。

喜點嘅忘不了海鮮火鍋套餐. 首先經過係比佢招牌嘅名字吸引，好周星馳嘅感覺，搞笑得黎，見佢Menu選擇都非常多，肚仔餓就沖左入去嚕🥳
先選湯底. 因為個咀發炎, 所以今晚食清d, 要左個猴頭菇鯊魚骨湯. 樓面同事話有滋補強身健脾益胃之效🤲🏻 一上枱竟然見到有大半隻雞喺裏面，雖然網絡好似有啲油，但煲滾左之後再飲一啖，果然嗰種足料程度簡直就好似屋企飲嘅濃湯一樣👍🏻第2步就到主菜, 戲碼一d都唔弱, 有龍蝦仲有5款時令海鮮, 每一樣都好新鮮，尤其係龍蝦肉，條龍蝦尾咬落啖啖肉而且非常鮮甜，肉質爽口彈牙，食材新鮮所以拎黎打邊爐淥一淥就最能夠保存食材本身嘅鮮味💪🏻第3步當然係肉類啦. 但認真, 要來食到尾, 主菜衝完一輪都已經好滿足. 食埋上等靚牛頸脊就更加錦上添花! 之前聽肉檔老細講過, 牛頸脊係牛活動最多嘅部位, 所以肉質相對結實爽嫩, 肉味香濃而且脂肪較少, 一d比較有要求既火鍋店先至會比呢個選項客人, 真係估唔到任食邊爐都可以食得咁高級👅所以話香港人打邊爐邊有分夏天定冬天啊，呢度咁近屋企，睇嚟將會成為我哋嘅最新食堂！

粥底海鮮火鍋食太多都膩，今次養下生先😅雖然都係火鍋都係熱氣，不過用似媽媽煲既湯咁足料咁鮮甜，會自我感覺良好好多😳今次叫左忘不了海鮮套餐 $298@1火鍋湯底揀左猴頭菇鯊魚骨湯。仲有50款免費追加配料☝🏻一般火鍋店都少見有呢個組合既湯底。上到枱亦足料，飲落鮮甜，唔覺有味精。主菜👇🏻海鮮set好左有5款時令海鮮同一隻龍蝦，特別啲既火鍋配料亦有指定8款。海鮮好生猛，蜆同鮑魚仲會郁😅 龍蝦開邊，放落火鍋時建議教返細火啲，如果唔係就好似我咁滖走哂🥺肉質彈牙，吸左少少濃郁湯底。刀貝蜆同蜆都非常鮮味，有咸鮮。😋指定8款特別火鍋配料芝士牛丸中間係芝心架，好正😳水餃食落好香，大大隻，皮薄多汁👍🏻最後肉類揀左頂級安格斯牛頸脊，有牛香，唔硬。仲有甜品，不過太飽食唔落了。除左湯底真材實料之外，贈送飲品都係自家制唔係糖水飲品👍🏻自然，清甜！抵讚！👍🏻

食火鍋就幾時都啱食, 但係要令人食過返尋味, 就唔係間間都做到 。長沙灣喜點海鮮火鍋，係成條青山道黎講都算有特色， 尤其是海鮮特別新鮮 。 餐廳環境闊落， 唔會坐得迫迫夾夾 ， 而且每隔兩個位就有電視, 家庭聚餐或者三五知己聯誼飲下啤酒都冇難度.。晚市套餐 有好多款可以選擇有粥底火鍋亦都有海鮮加任食套餐， 選擇款式都幾多， 價錢亦都唔貴，唔怪之得六點幾已經好旺場 。我哋就梗係叫 忘不了海鮮火鍋套餐， 淨係火鍋就已經有六款可以選， 淮山豬骨響螺鍋 ， 真材實料 有保證。-重點嚟啦忘不了海鮮套餐海鮮有好樣， 包括 蟶子 蕃薯蜆鮑魚蜆仔蝦同帶子， 重點就梗係每人半隻嘅龍蝦喇！ --龍蝦肉 非常新鮮即叫即劏而且入面仲有膏添！ 帶子夠曬大隻， --蕃薯蜆同蟶子非常甜美。-除咗海鮮另外仲有兩款肉類係喺個套餐入面分別係 安格斯牛頸脊同櫻花黑豚肉 ，-牛頸脊有香濃牛肉味， 櫻花黑豚肉食得出 肉美鮮甜。-跟餐仲有手打丸同餃子，例如有瑞士芝士牛丸，-水餃皇，瑤柱韭菜餃，蟹肉黑松露餃，-蟹籽蝦丸鵝肝墨魚丸響鈴魚皮等等 ，-呢個餐當然唔止咁少嘢啦 ，仲有50款火鍋材料中任叫任食，脆肉鯇魚夠彈牙百福豆腐夠 嫩滑

對香港人嚟講火鍋一年四季都啱食, 於是今日又去咗長沙灣食火鍋。 餐廳環境闊落同一時間可以坐到成廿台， 位而位之間唔會好迫， 而且樓底有返咁上下高度， 全部人一齊講嘢都唔會覺得好嘈吵。-晚市套餐由198蚊起跳， 加埋醬油都係200零蚊鬆啲有交易， 選擇款式都幾多。今日我就叫咗個忘不了海鮮火鍋套餐， 湯底可以六揀一 ， 我哋揀咗淮山豬骨響螺鍋 ， 響螺都算幾多 ， 真材實料。 -另外主菜係有生猛龍蝦（每位半隻），-加另外5款時令海鮮日日都唔同 ， 今日就有蜆、番薯蜆 、蟶子同鮑魚， 全部都新鮮 ，- 另外仲有安格斯牛頸脊同埋櫻花黑豚肉 ，與及不同種類的手打丸同餃子，例如有瑤柱韭菜餃鵝肝墨魚丸蟹肉黑松露餃瑞士芝士牛丸 水餃皇-蟹子蝦丸響鈴魚皮等等 ，-朋友唔夠飽，仲係50款火鍋材料中任叫幾款食物， 我哋叫咗生菜，皇帝菜，美國肥牛，豆腐等等，真係飽到上心口，由肉到蔬菜到丸類乜都有， 最最重要係四位以上就仲送刺身拼盤 ， 三文魚象拔蚌 同北寄貝 ，想食咩都有，朋友怕熱氣，仲有任飲嘅竹蔗茅根水，豆漿，或者菊花茶，咁既價錢， 食到飽一飽，服務又好， 我同朋友都收貨，好評！

深水埗區係食店競爭最激烈嘅戰區之一，都係一些價廉物美既餐廳，不時會發現一些性價比相當高既餐廳。今次光顧既呢間粥底火鍋點心專門店就係之一。餐廳位於青山道嘅天悅廣場地下，交通十分方便。價錢分為$198 同$258 ，二個半小時任食，粥底加十八款食材。我地點咗每位$258既忘不了海鮮火鍋套餐，湯底要咗淮山豬骨螺頭湯，湯入面非常足料，淮山，豬骨同螺頭差不多有成半鍋，聽老闆講佢地用咗好多時間去煲底，所以非常鮮甜，就好似媽媽起屋企煲既老火湯一樣。打頭陣既主食係海鮮，有龍蝦、聖子、鮑魚、海蝦、扇貝同蜆仔。龍蝦好大隻，肉厚多膏，聖子同扇貝夠鮮甜，鮑魚鮮爽彈牙，海蝦肉爽鮮甜，其他海鮮都一樣美味，身為海鮮控既我地當然大喜啦。我地4人入座，送咗刺身拼盤，飲料有竹蔗茅根湯同有機豆漿任飲。刺身有三文魚、北寄貝同象拔蚌，份量十足，水準同一般嘅日本餐廳刺身不相伯仲。食完海鮮後，我地已經好飽，但仲有好多其他野食，餐廳務必要你飽到捧住肚子走。有自家制餃類同手打丸類，餃類同丸類材料十足，蟹肉黑松露餃夠特別。肥牛我地揀咗頂級安格斯牛頸脊，牛味豐郁，值得一讚。仲有多款不同火鍋料可以無限追加。，食到最後仲可以將湯底做成粥，真係

忘不了海鮮火鍋套餐知道男朋友鍾意打邊爐，趁聽日係紅日唔洗番工，專登帶佢地長沙灣既呢間火鍋店，烚耐d都得呀嘛😉打邊爐最緊要咩？梗係湯底啦～我地揀左椰子雞湯。等左一陣，侍應就拎左個煲黎啦，椰子，海底椰同雞件係分開上的。主菜有瑤柱韭菜餃，蟹肉黑松露餃，招牌水餃，法國鵝肝墨魚丸，芝士牛丸，蟹籽蝦丸，即炸響鈴同炸魚皮。至於肉類，我地就揀左安格斯牛頸脊。食到後期，椰子雞湯越煲越香😋烚下菜都沾到椰子雞味，好正👍當然仲有主角海鮮拼盤喇。除左有生猛龍蝦之外，仲有5款時令海鮮。有竹籤生蝦、貴妃蚌、鮮鮑魚、聖子、蜆。生蝦用竹籤插住，之後唔洗用手剝蝦，夠曬方便。烚蜆仲好方便，餐廳有個四方形既籃，可以用黎烚蜆，唔怕撈唔番蜆肉。除左主菜，仲可以由50幾款食物任揀任食😆可能係紅日前夕既關係，等左半個鐘都未上，速度上有待改善喔。不過見佢全場滿座，又只得侍應3,4個咁就算啦飲品方面，有竹蔗矛根同豆漿任飲😁打邊爐熱氣，飲番d竹蔗矛根清下熱就啱曬啦