喜點 (包點專門店) (Closed)

今日去開V Walk 附近做野要快食 就直接係V Walk 搵左間方便外賣既餐廳原本以為平平地求其食一餐就算點知性價比又唔錯喎！！今次我就試左個排骨飯同竹絲雞湯啦！⭐️缽仔豉汁排骨飯 排骨飯有勁多舊排骨 好足料而且非常入味 ⭐️花旗參螺頭燉竹絲雞湯 平時係屋企好少有閒情逸致煲湯水飲見到雞湯即刻要試下！湯入面真係有竹絲雞架湯勁濃味得黎 雞味都好清甜！⭐️檸檬茶另外仲有飲品tim一set外賣咁買番公司食 就十分方便又快捷啦

今日中午想食D中式野，但自己一個又去吾到飲茶，咁岩發現有間喜點系附近，岩哂去買反個一人中式午餐。叉燒包     $7.5        73分果到D包類都好抵食，今次揀左個叉燒包黎食，大大隻外餡料亦都算多，可以食得出餡料肥瘦豬肉既比例好平均，個包入邊個汁濃得黎吾會太咸，媲美得上系茶樓到order既包點。缽仔豉汁排骨飯       75分排骨份量好多，分分鐘食落覺得排骨仲多過D飯tim而且個豉椒好入味，睇相都可以睇得出個排骨蒸到入哂個豉椒味。另外，米粒粒粒分明，岩哂中意食乾乾地飯既我

食得多多國美食 有時都想懷舊下 食番啲傳統中式食物 今日就黎食番兩味🤪身為一個飯筒嘅我吾食飯係吾安樂嘅 所以就食一個蘿蔔炆牛腩砵仔飯 見到佢啲餸 有牛筋亦都有牛腩 牛筋炆得好腍 好夠火喉 牛腩切到好均勻嘅一粒粒 成兜餸分量好多 飯亦係煲得好靚 係我最愛嘅粒粒飯 整體好好另外亦都試咗佢嘅雞球大包 真心好傳統 入面仲有顏色鮮豔靚靚嘅鹹蛋黃 成個包入面係塞滿曬肉嘅 口感超豐富 加上個包嘅質地亦都做得好好 好彈牙 不過咁大個嘅包 如果要試其他嘢 當然就要搵個朋友仔一齊share啦🤣🤣

有時屋企無飯食又諗唔到食咩 我都會選擇買蒸飯醫肚～感覺健康d少d油🙃·🍚砵仔豉汁排骨飯（$28）呢個價錢真係超抵食！！！仲要排骨份量好多😆貨真價實👍🏻一打開飯盒，香味即時飄出黎🥰🥰好吸引！豉汁炆過既排骨好入味🤤🤤但又唔會過咸🤤自己額外再煮一碟菜，完美😆·🐷叉燒包（$7.5）耐無食叉燒包🐥🐥點左個試下～唐記食得多⋯喜點既一樣有驚喜！饀料足，蜜汁叉燒甜度適中👍🏻👍🏻讚

經過喜點，又係時候買外賣🥡番屋企食🥢簡簡單單，叫左個C餐 蘿蔔炆牛腩 + 缽仔飯 +時菜 $42🥄🥢越簡單既飯越考功夫，蘿蔔炆牛腩家常便飯，但要整得好味，用料一定吾可以係下欄野。食左第一舊牛腩，好焾身，呀婆都食到❤️嘩 好入味呀， 食得出吾係HEA我，而且吾油膩，重點係牛腩多過蘿蔔🥄好開心， 食食下仲食到牛肚🥢作為城市人，生菜🥬是一定的，幫助消化，吸收纖維😂😂❤️飯是缽仔飯，有點乾身，不過好彩有湯附送可以做湯飯💜

喜點 (包點專門店) (深水埗)親戚住南昌，但未開v walk 前，真係美食沙漠🏜️黎，無啖好食😢！v walk 開左之後記成為左我地既落腳地方啦🤩！係親戚度過左一晚夜，起身後要早餐落樓就有著落。係喜點買左幾個包返工同同事share食。#菜肉包、#叉燒包同#糯米卷都只係$7.5好抵食！大大隻而且餡料都算多。包包有彈性而且軟熟。菜肉包比例大約係菜：肉 6:4。肉味鮮夾甜既椰菜，咬落仲帶肉汁，係我最愛既口味。而叉燒包，甜味為主，都幾似酒樓食果啲。糯米卷，最怕糯米太硬身，但呢家唔會，仲蒸得幾軟熟。

今日午飯時段下雨，於是選擇買外賣到公司食，就試一試喜點，揀了蘿蔔炆牛腩缽仔飯 $35及糯米卷 $7.5因為餸有汁，所以飯另盒上，好體貼！一打開熱辣辣，而且好香！用匙更攪一攪，嘩！發覺牛腩仲多過蘿蔔！白蘿蔔有三件，但牛腩起碼有7、8件，牛腩炆得很林，而且很入味！白蘿蔔索哂柱候汁及牛腩味，簡直係精華！腩汁都好多，用黎撈飯一流。糯米卷包皮很薄，涵料很足！糯米煙韌及熟透，又多花生及蔥，所以又香又有咬感！這個午餐相當滿足。

下就唔知食咩，經過公司附近見有間包點專門店，食有包食，但因為仲未食飯所以決定食個正餐先。F餐:砵仔豉汁排骨飯+花旗參響螺竹絲雞湯+時菜 $75呢餐有湯水有飯有菜有肉不過70左右，幾有性價比，個飯盒好大夠曬份量，飯軟硬適中，排骨唔柴同無個種好大既雪味，時菜正常唔會太油。值得一提係個花旗參響螺竹絲雞湯，雞湯既湯都清唔會有好多油浮面，個湯養生得黎仲帶陣陣旗味，感覺飲完又養生咗，都幾岩屋企忙唔煲湯既時候外賣之選。

工作需要成日都要周圍去既今日黎呢邊開會 因為係lunch meeting 老闆叫左外賣一路食一路開😪其實小妹好憎lunch meeting 老闆俾錢只係心靈上既慰藉😂😂😂😂南昌呢個新商場 有好多野食 上次食和平飯店正 對呢間都有啲希望外賣叫左C餐 蘿蔔炆牛腩配白飯 仲有一盒時菜 $42係市區黎講算合理價錢有成盒菜實在太好 晤番屋企基本出去食飯都無菜 可以迫自己食多啲菜 菜係正常水準 無焗到黃晒蘿蔔炆牛腩好好味 炆得好夠淋 蘿蔔可以話係入口即溶👍👍有屋企既味道 牛腩用料新鮮 一咬就開👍👍$42係旺區解決到午餐 仲有肉有菜 我非常滿足😂不過希望下次晤係lunch meeting 😪

呢排夜晚成日要去深水埗上堂 時間好鬼趕 見到呢間喜點都想試下今日終於買咗個包同碗湯去上堂😌花旗參螺頭燉竹絲雞湯 $42好耐無飲呢款湯 好懷念嘅味道 之前同屋企人住先有得飲 一打開個蓋就聞到勁濃嘅花旗參香味 仲好足料添 有我最鍾意食嘅螺頭 啖啖肉 好有嚼口 仲有竹絲雞肉 成碗湯好足料 補身一流 最緊要係飲完唔覺得口乾冇落味精懷舊雞球大包 $16平時我通常就只會買饅頭食 今日當呢個係晚餐就想食啲肉（蛋白質）睇我之前啲post就知我怕太肥嘅肉 呢款雞球大包入邊啲雞肉唔會好肥 咬落去個包皮唔會好口啖啖肉正 時間太趕無影到menu 下次可以再試下其他包同湯😌