Xi Zhan (Closed)

今日喺荃灣行街，見到新開嘅喜棧，裝修幾有特色，係時尚版嘅客棧 feel ，座位空間好闊落，望吓門口個餐牌有咩食，經理即刻熱切介紹咗個雙人鼎上赤龍蝦仔餐比我哋，話好抵食，同朋友決定試吓。先上兩盅無味精九鼎湯，由九種材料熬製而成，有木瓜、佛手瓜、雪耳、蜜棗、南北杏、果皮、老薑、豬踭同唐排，熱辣辣入口，味道又清又甜，足料足味，好好飲。喜棧瑤柱浸雞，雞肉好嫩滑，又有瑤柱提鮮，點埋薑蓉，仲更加正。椒鹽赤龍蝦仔，遠遠已經聞到香氣，食入口真係好香好惹味，而D蝦肉都好有鮮味。梅菜蒸時蔬，連蒸籠上枱，賣相吸引，面頭好多梅菜，甜甜哋，好啱送飯，而菜心蒸完都仲好青綠爽嫩，吸埋梅菜味，感覺零舍清甜。另外，我哋加多咗個小菜，滑蛋牛肉，D蛋火候啱啱好，入口好滑溜，而D牛肉都好香好軟淋。食飽再叫埋杯熱柚子蜜，味道清新又幫助消化。喜棧標榜食物唔加味精，餸菜味道都幾清，唔會太油膩，感覺都幾住家feel，想食住家飯，又唔想自己煮，喜棧應該係一個唔錯嘅選擇。…Read More

喜棧是日系千色匯1期做完massage facial 咁梗系要搵個晚飯食☺️☺️環境唔錯 坐得舒舒服服👍🏻👍🏻1️⃣無味精九鼎湯 $28真心推介 足料 而且唔頸渴！2️⃣馳名順得梅菜草鯇 $82 無腥味 而且魚身厚肉 中意魚汁撈飯嘅朋友 可以叫佢落多少少汁🤗3️⃣招牌瑤柱浸雞 (例) $88講得系招牌 又點可以唔點呢😂😂😂Okay wo! 雞入面 上面又一堆瑤柱 抵食4️⃣椒鹽鮮魷拼脆豆腐 $62 香脆又熱辣辣 好快清左一碟 😂😂😂…Read More

黎左千色滙，行過見喜棧新開的，餐牌不貴便試下吧。店很大，選了坐卡位，好濶落呢。店員先上茶，但呢杯茶真係唔知放左幾耐，好多毛毛係入面啊無味精九鼎湯($28)點了幾款小菜同湯，見話無味精便試試吧。湯頭清甜又幾正喎，淡淡的瓜味同肉味，有家的感覺。椒鹽鮮魷拼脆豆腐($62)先來個炸物雙併，炸得香口唔油膩，略微椒鹽不夠，淡口了點。老干媽肉鬆四季豆($72)炒得夠火候，香口鹹鹹地帶微辣，好好下飯，古老班腩($82)正諗咩係古老班腩，以為係咩古法制法，原來係咕嚕班腩，餐牌上打錯字甜甜酸酸的好開胃，芡汁黏緊正喎。凍柚子蜜($24)最後點了飲品，晚上只有柚子蜜同汽水選擇。點小菜可以$8要白飯，都幾大碗㗎，忘了拍照就吃了，哈哈。…Read More

荃灣本身就係一個美食林立嘅地方，區內有唔少老字號特色食店，又有啲新進駐嘅飲品店大排長龍，而我久唔久都食去荃灣食飯，過往食得最多就係打邊爐同雞煲，大部分都好多人，尤其星期五六日。今晚收工喺附近買日用品，就冇打算同人逼喇，近近地揀左呢間位於千色匯嘅餐廳，喺商場入面，睇落幾舒適，又有小菜食餐廳地方闊落，食物幾啱胃口，呢度主打精緻小炒，亦有粉、麵、粥供應我地點左幾個餸，叫個湯就夠哂。首先點左巧制南乳腩排($72)、北菇馬蹄蒸肉餅($72)、蒜蓉炒白菜仔($58)，呢D都係家常小菜，但偏偏我平日食唔到，冇計啦，屋企果個唔煮。先講南乳腩排，小菜份量唔係大堆頭，夠兩個人食，唔會浪費。南乳味香濃，唔係用炸嘅形式，類似半煎狀態，然後埋個茨，所以唔會好熱氣。肉排感覺上切到連骨，有少少似食緊豬仔骨咁，都唔錯，加上有少少汁，送飯啱哂然後上左北菇馬蹄蒸肉餅，大約十零分鐘，係即時蒸，肉餅幾有味，所以唔洗加太多豉油。肉餅唔會好多肥豬肉，食落幾滑，唔會死實實，幾有肉香，而且有粒粒馬蹄口感:)最後一定要點個菜，白菜仔唔會好油，份量適中。原本兩個人點一個飯($8)，因為見幾大碗，起左成座山咁，點知食下食下又食得哂，仲要叫多碗，一定係D餸太好送飯，正。因為平時冇乜湯水飲，所以點左無味精九鼎湯，28蚊原盅上，入面足料，有木瓜、佛手瓜、雪耳等煲成，清潤入味又唔會淡茂茂，或者太鹹，難怪幾枱都有點。全部野一律單點，餸、飯、飲品都係，眼見就冇人叫野飲，因為有熱茶供應。…Read More

不用多說，相信，大家都知中國四大發明是印刷術、造紙術、指南車及火藥，而並非紙、筆、墨、硯！當然，亦有人戲稱，中國四大發明是粥粉麵飯，或許都是因為源於當年的《呆佬拜壽》一劇吧！但其實，在飲食文化史上，粥、粉、麵、飯的確可以說是中國的「四大發明」，是我們生活的一部分，是餐桌上的主要糧食，百吃不厭。 而這次，BeautySearch 便來到荃灣開業不久的《喜棧》來體驗一下中國人的飲食文化。這裡以中國人的粥粉麵飯為主食，搭配多款別具住家風味的餸菜，讓我可以重溫香港美食經典。 店子是新開張不久，可能大家還未發現，所以當晚只有數枱食客。而這兒地方相當寬敞，沒有壓迫感，時尚的簡約設計中，注入了點點中式元素，在這裡進餐，感覺舒適。 這兒除了提供粥、粉、麵、飯外，還有不少小菜選擇。 蝦子餅愛吃飯，毫不猶豫，點選了「咖喱牛腩飯」。雖然 BeautySearch 不吃辣，但也知道，咖喱不一定是日或的才味美，中式的咖喱其實更香更濃，加上搭配牛腩，煮得軟腍入味是廚師的手藝，亦是中國的味道。猶記得孩童時，不知為何媽媽很愛煮咖喱牛腩飯，當時的我，每次吃也會添飯，究竟，是媽媽的咖喱不辣，還是小時候不懂辣為何物？只記得，當年的確吃得津津樂道！ 而我，就選揀吃得清淡一點，點選了「鮮魚湯魚腐米線」，跟餐還有小食可選，BeautySearch 當然毫不猶豫，揀選了最愛的「炸雞翼」。 「鮮魚湯魚腐米線」的外表的確相當清淡，驟眼看，的確不帶色彩，追求外表打卡一族當然不會揀選，但喜愛鮮魚味道的我，又怎會錯過。奶白色的湯身，透出淡淡的鮮魚味道，雖不算濃，但正好沒帶腥味，品嚐彈牙米線的同時，不知不覺也把整碗魚湯喝掉呢！魚腐感覺亦相當正宗，吃得出魚肉中混入豆腐，雖然豆腐比例較高，但每一口仍能吃出魚肉的鮮味，遠勝坊間那些口感似豆卜的炸物。 「炸雞翼」炸得香脆而不油膩，進食時還好像吃到淡淡的鮮露味道，是 BeautySearch 孩童時最愛的鮮露雞翼，令人懷念！BeautySearch 孩童時，父母也忙於在外工作，當時的調味醬料不算多，或許是我家貧，沒太多選擇。當年的美極鮮露是媽媽的廚房好幫手，不花時間醃製，也能帶出鮮味，真的很久很久沒有嚐到這滋味呢！ 晚飯時間，少不了也需一兩道小菜，才能展現香港的住家風味。BeautySearch 力薦這裡的「椒鹽鮮魷拼脆豆腐」，鮮魷鮮嫩彈牙，粉漿透薄，剛好沾上適量的椒鹽，更能帶出魷魚的鮮味，而脆豆腐切得細細粒，猶如股仔般，一口一粒非常方便，而且同樣香口。突然覺得，這道餸菜很需要搭配一罐啤酒，感覺天衣無縫！ 而「古佬班腩」其實是我們常吃的粵菜 --「咕嚕肉」，不過豬肉吃太多會肥，而且，不是所有人也愛吃豬肉，廚師特別將豬肉轉成魚塊，烹調方法不變，搭配菠蘿、青、甜酸醬等，又炸又炒，廚師拿捏得恰到好處，上桌時還是熱騰騰的，食落班腩外皮脆口，粉漿不太厚，而且魚肉部分相當鮮嫩。 那個醬汁更是酸甜恰到不嗆喉，蝦子餅差點想放棄他的咖喱汁而轉用此醬汁撈白飯呢！…Read More

有一段時間冇入荃灣商場行街，發現多咗好多新店舖。竟然俾我發現喜棧都喺荃灣都開了分店。喜棧晚飯價錢唔算貴，仲要免收加一服務費，好抵食。菠蘿生炒骨酸酸甜甜啱晒夏天食，夠晒開胃！果香味十足，非常鮮甜。菠蘿跟排骨一齊炒，正好減低油膩感！椒鹽魷魚拼豆腐新鮮即叫即炸，10-15分鐘晚等待時間都是值得的呀！炸漿皮很薄很香脆，豆腐外脆內滑。魷魚爽口，口感唔會很靱，正呀！櫻花蝦蟹子肉鬆炒飯好味到不得了，材料非常豐富每口飯都食到蟹子及櫻花蝦，口感卜卜脆，口感味道層次很豐富。而且好欣賞炒飯炒得夠乾身香口呀！炸雞全翼酸辣米線比起小菜黎講水準就冇咁出色！酸辣粉味道辣得黎唔夠香，味道一般。幸好炸雞炸得很香脆，而且雞件又夠大，啖啖肉，加分！…Read More