喜家

Open Now

Now Closed

上次嚟得寶商場食嘢已經見喜家好多人排，是晚再嚟得寶諗都唔諗即刻試呢間。雖然天氣好熱，但叫燉湯嘅人都唔少，餐牌賣淨三款湯咋，咁就揀過川貝陳皮啦。個餐唔使十分鐘就ready，店家好老實話我哋知佢啲蒸飯係一早蒸落嘅，因為人多嘅話即叫即蒸真係做唔切。⭐招牌臘味銀魚仔飯雖然話係蒸定但啲飯仲係粒粒米，軟硬適中，邊位有少少飯焦。上面鋪咗臘腸、臘肉同銀魚仔，仲有兩條菜心，賣相唔錯呀。飯吸咗臘味嘅油好甘香，豉油隨意自己加，個人覺得呢碗砵仔飯幾好食喎😋⭐陳皮川貝無花果瘦肉湯燉湯面層冇油感覺幾好，飲落湯頭鮮味濃鬱，仲有湯渣添，不過湯渣嘅瘦肉又硬又冇味，果斷放棄。個人覺得七十幾蚊有湯有飯，仲有免費茶水供應，都幾抵食吖。