Wei Yi Noodles (Closed)

地址 : 尖沙咀 有時返學前會去買個粢飯吃粢飯好快買完, 通常七時前已賣光今次8:30 左右先去食dinner粢飯賣完了 >__< 叫了酸辣湯水餃麵酸辣湯料足又豐富, 但味道淡了~談不上酸辣, 下豆瓣醬不夠比前幾次食失色了, 希望只是今天失手啦下次食仍會order, 已成我到此店必食例牌 煎窩貼 3件=__= e~~同水餃麵的水餃是一樣只是一個煎, 一個放水滾肉餡好味, 唔乾又不會太肥咬開見餡料顔色深深, 應是下了老抽豉油來調味上色很媽媽的味道!!好吃 無錫小排骨菜飯個菜飯是小白菜,加了蝦米, 數量還不少增加了飯的香味, 蝦米又細細粒好好咬小排骨比較硬同乾身, 而個汁竟然似豬腳薑汁~~呢個不是太對我胃口了個菜飯個人就滿喜歡瀂水雞翼,一碟5隻 瀂得入味且雞肉軟軟 叫了豆漿 $9一杯, 以店內食品定價會覺得唔抵飲沒什麼特別, 不會太甜, 同埋喝到尾不會喝到豆渣是可取的地方, 但豆味同其他店子飲到的沒差太遠兩人叫到一桌食物結帳才 $110尖沙咀區上海食物抵食之選相關閱讀:…Read More

"唯一麵家"這個地方對小妹來說是個很有回憶的地方... 以前小時候weekend爸爸常常帶我去荃灣的唯一麵家吃鹹豆漿，記得那時是學完鋼琴後，有時會吃韓燒，有時會吃鹹豆漿 (哈哈，分別很大吧!)，兩樣那時的我都很喜歡。長大後有一段時候沒再光顧唯一，然後發現原來尖沙咀都有一家叫唯一的地方，也是吃上海麵鹹豆漿這類東西，就有點情意結 跟MP數年前也來過吃，然後一轉眼便到早幾日了! 當日小妹吃了午市自助餐，MP則在不久之前吃了個朱古力蛋糕，所以二人都是想找個便飯吃... 想到這裡是MP的提議，不錯，也就來了。人很多，八時多的星期日晚也剛好容得下我倆，很迫很狹窄的座位，更是在廚房門口! 環境沒所謂，畢竟想吃個便飯而已。小妹的必點菜是蔥油餅加蛋，一客蔥油餅$8，而加了蛋煎就要$13! 其實那$5是值得的，因為加了蛋的蔥油餅更香更惹味! 蔥和餅的比例剛好，這麼多年後再吃，仍然是我的至愛! 然後便要說到細碗的酸辣湯。由於MP不吃辣的關係，起初小妹以為要自行完成這碗湯 (MP又堅持要點，大概是因為我愛吃吧?!)... 不過一喝，湯偏酸於辣，對小妹來說是完全不辣的。其實這樣才正宗吧? 反正酸辣不應太辣，否則要人家喝一整碗辣湯其實也頗傷胃的 (加上上海該沒有四川般濕吧!)細細碗都夠二人吃了! 再來的是鎮江排骨菜飯。鎮江醋下得夠使勁，醬油的味都被複蓋了，很醒胃。排骨份量也多，基本上都是肉比骨多，很讚~ 菜飯就更厲害! 平時菜飯的角色是配角，今次我覺得同樣是主角! 看看這個菜飯，首先菜很多，不是菜碎，而是有葉有莖的菜! 一吃很香，除了菜味更有蝦乾味，對! 就是因為有蝦米在內! 一個菜飯也如此有心機，怎能不叫好! 就是這樣來了一頓簡單的晚餐，讓小妹尋找一下兒時味道 (雖然沒有吃鹹豆漿...)，很滿足! …Read More

「唯一」可以稱得上是我的飯堂之一，不論是尖沙咀店還是深水埗店，久不久就來此晚膳。一向「唯一」也有很多人光顧，但估不到早陣子，竟然看到唯一也做起團購來，就是只需 $17，即享酸辣湯麵 1 碗加豆漿 1 杯（12 安士），如此優惠，怎可錯過，故此買了一張團購券來傍身。是晚，要到尖沙咀聽講座，「唯一」的團購就正正切合需要，還多約了一位朋友一同前來作伴。一如以往，這一家「唯一客人甚多，但勝在流量快，我倆也不用等太久就找到位子。除了團購所包的酸辣湯麵（$25）及凍豆漿（$9），還多加一碗鹹豆漿（$12）及一件北京餡餅（$10），這就是我們的晚餐了:)。凍豆漿和鹹豆漿，兩者豆味濃郁，當然後者味道層次多一點，因為有蔥花，又有油炸鬼，鹹鹹香香。北京餡餅，像是即叫即做，送來是熱辣燙口的，餅皮薄來帶點煙韌，有咬口，而豬肉餡夾雜大量韭菜粒，肉汁豐盈，鬆軟清香，$10一個真得很抵吃。至於這碗酸辣湯麵，也十分出色，大大碗的，麺湯濃稠度適中，味道酸中帶辣，又加入了很多豆腐、木耳絲、竹筍絲、冬菇絲、豬肉絲，足料對板，麵條又夠煙韌，掛著酸辣湯汁一起吃，惹味非常。這個團購絕對超值，其他食物也是物有所值的。若以團購計，每人才$20，假如以原價計，每人也只不過是$28呢！…Read More

星期三中午十二點幾, 我地兩個去厚福街食 lunch , 我諗起呢間唯一麵家係openrice人氣都幾高, 所以入去試下...時間尚早, 人唔多, 環境唔算迫, 我地面對面坐卡位...叫左上海湯麵($25), 雲吞水餃麵($25), 鍋貼($8三隻), 無叫到最多人讚好既北京餡餅...食物好快黎到, 食落口, 感覺普普通通...雲吞水餃都算大粒餡多, 不過表面睇起黎一樣, 而且餡料好似都係一樣, 水餃皮好厚身, 睇唔到內餡, 咬落去先分得出水餃係韭菜豬肉, 雲吞係白菜豬肉而唔係蝦, 菜少肉多, 味道普通, 加醋食會比較好味...麵質一般, 比較粗身, 少少韌, 湯底味都幾清淡, 仲有好多雪菜, 不過無咩味...鍋貼皮唔算厚, 煎得都幾脆口但又唔會太油, 餡料都夠多肉汁...食物算係合格啦, 都唔緊要,反正食咩唔係重點, 重點係同咩人食...到差唔多食完時, 因為lunch time越來越多人入黎食, 有兩位女士搵位, 個麵店阿姐竟然叫我地兩位坐迫d同佢地搭枱 !?佢地應該都唔想坐卡位要同人搭枱, 就話出門口等位...點知個阿姐一分鐘內先後三次過黎叫我地坐入d, 坐迫d, 同人地搭枱...我心諗, 我地都就快食完啦, 最多咪坐多一陣...明明等食既客人, 都唔想面對面坐卡位要同陌生人搭枱啦, 個阿姐有乜理由不停過黎叫客人坐入d, 坐迫d?好啦, 搞到我朋友食都食得唔高興, 本人仲唔高興! 本來想追加個招牌北京餡餅試下, 唔使啦, 快d俾錢走人, 唔好阻住人地呢間人氣麵店做生意!呢間食店食物質素普通唔緊要, 因為反正餐單上咁多款野食, 下次試下其他款未食過既, 可能會好好味呢...例如粢飯, 饀餅, 蔥油餅, 炸雲吞, 呢d好似都幾多人讚好...但係服務態度我就唔信佢下次會做得更好! 咁平價錢食一餐, 當然唔係話要求五星級服務, 而事實上我亦都唔須要d咩招呼, 麵店阿姐放低我地要既食物, 唔好過黎打擾我地就最好...人地坐卡位係因為舒服d, 有比較私人既空間, 你不停叫本身都唔想搭枱既客人過黎同我地坐迫d, 有無搞錯?你做生意咁樣壓迫食緊野既客人, 有無搞錯?…Read More

星期六黃昏時間去到厚福街, 見這店人氣最盛, 所以選了這店吃晚餐我與朋友Ri各點了水餃酸辣湯及云吞酸辣湯; 我覺得酸辣湯真係好難煮得好味, 呢間的酸辣湯都係好一般, 仲要是偏甜, 朋友仲食到果皮, 不過加啲胡椒粉和醋就好啲; 云吞及水餃皮都極厚, 好少菜, 好多肉, 不過啲肉賨板板的, 麻麻地 …Read More

之前系佐敦間唯一食過唔錯，中意葱油餅和炒年糕，但之後越食越咸且衛生麻麻，所以唔再幫襯。今晚見經過幾多人所以試下，環境ok唔會太迫，坐低點了葱油餅，豆沙餅，餡餅，水餃面，炒年糕。上得幾快，葱油餅都幾香，餡餅唔會太咸，我幾中意水餃皮夠厚，老公話水餃面淡左，但餡料啲肉味就麻麻，年糕好啉好好味，但油多得滯:(豆沙餅幾好味但皮硬，總結都唔錯：）…Read More

七月中旬‧炎熱想吃點東西，來這裡吃些上海小吃就最好。要蔥油餅，加埋蛋就更好。蔥油餅煎得香，加上口感嫩滑的蛋，只是一點鹽調味就已經很好吃。再加碗鹹豆漿，就是簡單又飽足的一頓午餐。…Read More

唯一不是我唯一會選的麵家，但也是時常光顧的，因為她的上海麵確實做得很不錯，水準又穩定，也喜歡吃她的牛肉餡餅同蔥油餅。今次只是一個人來，吃晚餐，就要一個無鍚小排骨麵$28就已經非常之足夠了。無鍚小排骨麵，麵條仍是一貫的水準，雖然麵條幼幼，但煙韌有力。面層下了很多雪菜，不用一般劣貨的死鹹，而是微鹹帶爽。不過小排骨就令我感到很失望:(，因為味道只像吃薑醋般，最致命是排骨肉質很硬，有些柴皮的感覺，雖浸淫在汁醬中，但咬落很乾身似的，還是她的炸豬扒好吃很多！總之，今次有點失望吧！…Read More

走完書展搭船過尖沙咀, 諗吓食咩好, 佢就提議不如去唯一encore!我即刻讚成, 因為上次去食完都覺得可以再幫襯!!去到唔係好多人, 仲可以坐到卡位食左:1. 北京饀餅($10) - 真係好好食, 新鮮熱辣, 仲要好貼心咁幫你分成四塊, 但入面啲肉汗居然仍可以鎖住係啲肉入面, 直至你咬佢果刻先將佢既肉汁釋放哂出黎, 雖然食相唔太好看, 但卻非常enjoy.2. 鍋貼($8三隻) - 皮正常厚度, 冇乜特別, 可能因為個饀餅太正, 令佢無辜成為雞肋.3. 粢飯($13) - 可能因為我喜愛糯米的關係, 再加上呢個粢飯真係好出色, 搞到我邊食邊不停話好好食, 搞到坐對面的佢好無奈!!4. 酸辣湯 ($18) - 其實比起我係其他店吃的酸辣湯, 這個湯的濃稠度做十分適中，有啲酸辣湯會食食吓稀哂, 但呢個就唔會, 料亦足, 吃完真係好醒胃5. 豆漿 ($9) - 最差, 又甜又偏貴, 要改善!…Read More

是晚又要到尖沙咀上課, 課前先找點東西吃吃. 本想吃雲吞麵, 但店子找來找去也找不到, 於是退而求其次, 來了這裡吃餡餅. 傍晚時候, 店內客人不多, 由店內的阿姐們可以聚在一起聊天, 可見一斑. 找個較涼的位置坐下後, 便立即點了北京餡餅和熱豆漿. 等了幾分鐘, 食物便送上來. 先上的是北京餡餅, 較先前在北京水餃店吃到的好一點, 起碼餡料多肉汁, 吃起不會覺得乾; 韮菜豬肉味道也是偏鹹, 餡餅的底層的皮太厚; 可幸餡餅是剛煎好的, 吃起來熱騰騰, 餅皮煎得尚算香脆, 算是OK但不出色之作. 至於熱豆漿, 一大碗的, 應該下了很多糖, 味道很甜! 可是, 除了夠熱之外, 卻喝不出豆漿味道, 令人失望. 回家後再看Openrice食評, 原來粢飯才是招牌貨, 怪不得不少客人點粢飯來吃! 下次再光顧的話, 會點粢飯試試.…Read More

Finally had a try in this restaurant, ordered the woton plus dumpling noodle...the only poor thing is that both the woton and dumplings are wrapped with a super thick skin... i love the filling of the dumpling more...the noodles are not soft and overall better than i have expected…Read More

平時本人都好中意食上海小店見到E到咁多好評諗住一定有返咁上下水準叫左個酸辣湯面(本身諗住叫個淨酸辣湯tim好彩)一放入口D味道超甜好似飲緊糖水咁食曬D面就算另外叫左個回鍋肉菜飯D回鍋肉又係超甜 D肉成舊切到成塊豬扒咁厚唉再叫個炸雲吞勁大陣油益味，都唔知炸左幾耐擺係到食完真係超失望 唔會再去無諗過咁難食所以無影到相…Read More

今早好想食D好豐富己又滿足的野落肚，路過見到阿姐好熟練在包粢飯好fresh!就order了一個帶走食，雖然比以前細但足料份量崗好是一人食，之前是大但飯多咗最後都是浪費！整體好達到我今早的要求！…Read More

Came to this little hole-in-the-wall last week. It totally hit the spot for my mega-Beijing/Shanghainese craving! I came with two other girls and among the three of us, we ended up ordering five dishes and 3 soy milks! The soy milk is definitely recommended; they're all homemade and really yummy. I had the cold (sweet) kind, which ranked right up there with other dou jiang I've had in my childhood and throughout China/Taiwan.My favorites of our meal was the Beijing Meat Patty (as it's called on the English menu), or the 北京餡餅. The beef-and-chive patty was really thick and juicy. I also liked the preserved vegetable and shredded pork noodles, or 雪菜肉絲麵. The broth was clean yet savory, and the noodles had a good chewiness to them. They tasted homemade.I also really liked their Beijing plain dumplings in soup (净水饺), which were filled with pork-and-chives. The filling was just right in terms of saltiness, and although the wrap was a bit thicker than I would like, it's definitely still delicious. My friends and I got the spicy and sour soup (酸辣湯) though we weren't crazy about it - it seemed overly spicy, which overwhelmed the sour taste.In short, I really like this place, and writing about it makes me want to go back. There's an English menu if you're not great in Chinese, and also large photos of menu items all over the restaurant. I guess when in doubt, just point!For more details and photos, feel free to check out my blog at http://farfromdomestic.wordpress.com/…Read More

有說這裡的餡餅及蔥油餅是做得不錯,這天便在看電影前來個速食晚餐!ニ人來到找個位置坐下便立刻點叫食物,喜歡吃韮菜但怕了吃完在胃裡歷久不散的濃烈氣味,要入場後左右隔離的觀眾陪同回味!所以便放棄了餡餅.蔥油餅----蔥油味香,餅身做得很鬆化吃起來不會像一塊硬實麵粉餅.確是做得不錯!酸辣湯----上檯已嗅到強烈的醋酸味,湯的顏色偏紅應是下了不少的辣豆辦醬來煮,湯料內的豆腐及瘦肉可用"一舊舊"來形容.湯的味道是有點怪怪.鹵水雞翼----汁咸肉嚡!菜肉雲吞----與唯珍同是白菜豬肉但這裡的調味偏淡,免治豬肉有頗多攪不碎的筋在內如橡筋般咬不開.鯪魚球麵----鯪魚球帶點腥味,質感是削身欠彈性.幼麵咽韌有咬口但湯底顏色混濁有麵粉味.確是唯一只得蔥油餅是值得推介.在這種小店用餐與這些阿姐交手,少點EQ也容易出事.…Read More