咖哩辣椒 (Closed)

踏足旺角, 小食多不勝數. 今次經過咖哩辣椒, 又試試看! 先選的是魔鬼掙烏冬 (餐), 不是說笑, 真係非常非常的椒, 食第一口的時間, 都扮沒什麼事, 到食第二口完全頂不住, 一邊吃一邊的喝水, 男友是個非常吃得椒的人, 都吃到有點流汗, 但味道是不錯的!可以試試挑戰男友另外選了大魚蛋，外面的咖哩汁不錯, 不過魚蛋味不太重, 而且咖哩汁不入味燒魷魚, 這個燒魷魚好吃!!! 好像以前海鮮公司的燒魷魚, 爽口, 醬汁入味! 讚 

第一次寫食評，全因想支持這些有心的食店，之前同位置開過間有泰式金邊粉賣既小食店，一樣係好有心做小食，好可惜最終都是結業了首先店面睇落相當乾淨企理，唔似其他小食店一樣咁大油煙，我只食過佢既腸粉餐同煎魷魚前者20 蚊一份，腸粉配4 粒燒賣同4 粒魚蛋， 腸粉滑溜，魚蛋頗有魚味，唔似一般魚蛋得粉味，20 蚊響旺角區黎講算抵食魷魚就真係無得頂，即叫即煎再配味粉，魷魚好稔食完唔會胃痛，味粉相當惹味，15 蚊一隻細魷魚又唔算貴，物超所值最後要讚一讚店內一位姨姨，相當照顧食客和有禮貌，希望呢間食店可以做得住，仲可以發大黎搞，等香港街頭小食有『煎魷魚』新力軍加入~!