味屋

Open Now

Now Closed

原來味屋對上一篇食評都係我寫架~不過今次有少少唔同，因為我食到我喺呢度的最愛 -- 黑松露鮮雜菌意粉，而狗狗爸爸亦試咗從未點過的炸雞脾溫泉蛋飯。過年前特登問店員農曆年幾時開市，一問之下至知道佢哋只係喺新年前放半日假，新過年照常營業。於是，我哋就決定新正頭要帶狗狗嚟支持小店喇！！今次點咗黑松露鮮雜菌意粉同炸雞脾溫泉蛋飯，因為隔離負責茶水的雲裳餐廳未開市，所以就冇得加錢點咖啡、奶茶。農曆年間，好多餐廳都休息番幾日，係得味屋咁勤力，食物仲冇加價添。黑松露鮮雜菌意粉好creamy，意粉份量足，雜菇係雞脾菇同本菇（料方面，再多少少就好喇~~），意粉入面有洋蔥，食完覺得滿足。炸雞脾溫泉蛋飯賣相幾靚，雞皮炸到脆卜卜，非常可口。當狗狗爸爸食雞脾時，我睇落雞肉亦嫰滑，而狗狗爸爸都話雞脾唔錯。至於跟飯個咖喱汁實在太惹味喇，有輕微辣勁，最後俾我哋食到一滴都冇剩，對比狗狗爸爸之前會點的炸雞扒飯，呢個炸雞脾溫泉蛋飯係吸引啲~~呢度的戶外座位屬於雲裳餐廳，木製檯櫈帶有泰國度假風情，座椅之間有一定距離，唔逼夾，所以帶埋狗狗嚟開餐都幾舒服。新一年，希望小店繼續用心炮製美食，客似雲來！（呢度啲店員真係超級nice，服務

新開張冇耐已食過幾次，幾鍾意呢度的黑松露雜菌意粉，不過因為當時小店冇水吧，飲品只得罐裝汽水，加上座位喺室外，夏天都幾熱，所以之後就少咗嚟~最近天氣轉冷，加上店鋪又同隔離的雲棠餐廳合作，多咗咖啡、茶可以揀，同埋狗狗好鐘意同呢度的伙記玩，所以趁假期嚟食晏。今次係分開兩邊點餐，狗狗爸爸食味屋的咖喱雞扒飯跟凍奶茶（凍奶茶係雲裳預備，跟餐加$8），而我就喺雲裳點餐。咖喱雞扒飯有少少蔥油鋪面，咖喱唔辣，凍奶茶茶味夠，作為午餐唔錯，而價錢就同附近茶餐廳差唔多，不過因為餐具係即棄，而裝飯的餐盒分兩個盤，咖喱汁佔咗其中一格，所以整體份量唔係太多。戶外位置幾好坐，仲可以帶埋狗狗一齊嚟，小店的員工都好鐘意狗狗架，仲請狗狗食零食添。

錦田好多餐廳都食到厭，見佢新開打去試吓，有把好熱誠既聲音幫你落單，呢個係大部分餐廳都係缺乏既。叫左幾個小食(麻辣魷魚鬚，無骨泰式鳳爪，生菜包，咖哩牛腩飯，雞髀同魚柳撈丁。所有小食都好好味，明顯係好有心機整，要特別讚揚下隻炸雞髀，個炸皮真係好正，雞髀好大隻，啖啖肉，又多汁又嫩滑。生菜包有泰式味道好惹味。脆炸牛腩好脆，牛腩香口。最後都要再讚揚一次落單姐姐既服務態度，今時今日已經好少見。希望食物服務一直保持，一定會多幫襯！

喺OpenRice搵到間比較西式嘅食店因為錦田大部份都係茶餐廳去到門口有冷氣比客吹住等 同點餐 都舒服 然後女店員好親切咁介紹有咩好食我就叫咗個黑松露鮮雜菌炒意粉和卡邦尼意粉配溫泉蛋 即叫即整 味道好 好香 不過就冇乜飲品可以選擇 無餐 只有單點第二日用WhatsApp落單叫咗個黑松露炒滑蛋牛角包配沙律 看到在線上 但回覆有啲慢 我比較心急 想放棄時 都有應機同埋送到門口 感覺都唔錯既美中不足係無屬於自己嘅特色咖啡或者茶類但會繼續幫襯 試多啲款式