味吉長龍

味吉長龍 (尖沙咀)地址: 香港尖沙咀漆咸道南17-19號帝后廣場地下7-8號舖日式拉麵中午有lunch set , 7選1 拉麵再點負食！垃麵人氣之選是慢煮叉燒濃清湯拉麵,海鹽湯底（有3選1）豚肉加豚骨同日本蔬菜香料架湯底，煲足12小時鹽味濃清湯蜆拉麵，蜆吐清沙處理唔錯，仲滲出淡淡香。$38 就有埋小食同drink ,小食 名古屋雞翼同餃子，餃子有脆網，沾醬酸酸地中和油膩感，雞翼炸得好香仲有日本飲品，要了coffee /tea 無糖較健康每日只賣100碗, 賣哂就收鋪，真係中午來就最安全…Read More

薄切叉燒肉幾乎包圍碗口，肉質粉嫩；溏心蛋半熟蛋黃啱啱好；蔥絲爽口增鮮；筍乾帶甜嫩。湯底奶白濃郁，口感順滑，味道平衡唔會太鹹，仲有醬油和胡椒粉調味，加埋辣椒粉可自調辣度。…Read More

這間位於尖沙咀的【味吉長龍】，主打新鮮豚肉及豚骨配日本蔬菜熬制的濃清湯拉麵，每日只會賣100碗，賣完即止。金龍這個湯底是用了蝦殼熬制，湯底濃郁蝦香鮮甜，拉麵有軟硬度可揀，我們點了正常，麵質爽口彈牙，而且不糊口，可掛上湯汁。海龍鹽味濃清湯蛤蠣拉麵用了豚骨湯底，加上新鮮蜆肉，入口清甜，而且不會過咸，蜆肉完全無沙。名古屋雞翼雞翼炸至金黃香脆，雞肉嫩滑多汁。自家製魷魚豚肉餃子餃子煎至表面香脆，中間有粒粒魷魚粒，略有咬口。最後飲返杯西瓜及白桃蘇打。午市有拉麵套餐，而且儲滿8個印花就送拉麵。…Read More

📍尖沙咀《味吉長龍》友人突然之間話好想食拉麵我哋就去咗一間尖沙咀嘅地舖拉麵店食lunch🍽️金龍：濃湯海老拉麵🍜 湯底好濃，又好似飲緊龍蝦湯咁海龍：鹽味濃清湯蛤蠣拉麵🍜成個湯嘅感覺 好鮮！自家製魷魚豚肉餃子🥟餃子入面包住一粒粒魷魚🦑咬落去口感唔錯👍🏻🦀鮮蟹肉忌廉薯餅🦀熱辣辣嘅天氣 我同朋友都點咗日式汽水印象深刻嘅係綠茶味可樂😙幾得意😛如果再凍啲就更好😊另外朋友點咗柚子味炭酸飲料兩樽飲品外表都幾吸引🤩…Read More

尖沙咀區漆咸道呢間拉麵，整間店鋪入面有好多日本風嘅裝修佈置，好有特色，好吸引。餐牌有好多款拉麵及食物選擇。特盛慢煮叉燒濃清湯拉麵🍜濃清湯即係豬骨清湯，湯底揀咗味噌，香濃豬骨湯帶少少甜，清清哋唔會好咸，有6塊叉燒鋪上拉麵，端上枱好吸睛同好滿足。叉燒係切到薄身，但係都幾大塊，有肉味唔多脂肪，拉麵爽口彈牙，仲有溫泉蛋。食唒成碗拉麵都唔會覺得膩。視覺上很豐富。特濃蝦湯拉麵🍜湯底味道係豬骨湯底加濃味蝦湯，蝦湯味重啲。香濃蝦湯配大蝦，蝦有4隻，好彈牙。一啖蝦湯一啖蝦肉，好正。亦係配有溫泉蛋。小食叫咗2款，炸雞及魷魚豚肉餃子。炸雞炸得香脆，雞肉嫩滑。魷魚豚肉餃子好有驚喜，呢個配搭好好食。魷魚如入豚肉餃子入面，原來味道好夾，魷魚彈牙，加埋佢嘅鮮味令到普通嘅豚肉餃子特別咗，味道更加昇華。呢個推介😋飲品：富士柚子汽水，靜岡綠茶可樂。冰涼解渴。…Read More

尖沙咀有好多出名日式拉麵，其中位於漆咸道，隱藏住一間舖頭面積不大，但湯底十分濃郁嘅拉麵 - 味吉長龍。 餐廳好有日式風情，佈滿住日本壁畫及燈籠，好有氣氛。🤩1） 🦐金龍濃湯海老拉麵 - 蝦味突出，湯底滲透住濃鬱嘅蝦味，店家應該用咗長時間用蝦頭蝦膏淆製精華。配料有幾塊慢煮豚肉及大量蝦肉，蝦肉爽口彈牙。 拉麵為曲型麵，煙煙靭靭，好有咬口。拉麵索曬蝦湯汁，非常美味2）🦪海龍鹽味濃清湯蛤蠣拉麵 - 湯底有好清新鹽味，好似自身係海洋。蜆肉大大隻好飽滿，配住每一條麵條及豚肉，每一啖都係享受3）🐓味吉炸雞 - 炸到外脆內軟，肉汁好juicy 4）🥟自家製魷魚豚肉餃子 - 好有心機嘅一道菜，而家自家製作魷魚豚肉餡，唔係現成貨。 餃子煎到雪花般咁靚， 咬落爆汁5）原味波子汽水 及 富士柚子汽水 - 特別嘅口味，解暑解渴，配拉麵一流…Read More

其實我真係好鍾意食拉麵，呢排無去日本旅行，唯有係香港揾下有咩好食既拉麵。之前搭巴士成日經過尖沙咀新開既拉麵【味吉長龍】、夜晚見成日無開門、懷疑只係做lunch hour，問左餐廳先知道原來佢地每日只賣100碗，賣哂就收鋪，所以要早D黎。巨龍-- 特盛慢煮叉燒濃清湯拉麵（鹽味）：拉麵湯底主打豬骨清湯、另外可以自選味道（鹽味、醬油同特製味增），第一次食想試下佢地原味就叫左鹽味。特盛有5塊慢煮叉燒、無咩肥膏、肉質軟霖，啖啖肉超滿足。湯底清澈得嚟鮮甜唔油膩！最特別係上面有炸牛蒡，而且拉麵掛湯力唔錯，整體清淡中見功夫。韭菜鷄肉軟骨餃子：皮薄煎得脆口，上面仲有冰花、餡料韭菜同鷄肉比例啱啱好，仲咬到軟骨碎嘅口感，層次即刻出晒嚟！點少少醬油、醋同辣油食更醒胃。日本TOMOMASU SODA完熟芒果：芒果汽水香甜得嚟唔假，完熟芒果味好自然，氣泡夠爽！每次食滿$78有一個印花、滿4個送一份小食，滿8個送一碗$78拉麵。…Read More

餐廳企理乾淨，牆上掛咗好多有關拉麵嘅畫作，好有特色。白松露慢煮叉燒濃清湯拉麵我揀咗白松露慢煮叉燒鹽味拉麵，叉燒經過慢煮，肉質特別鮮嫩柔軟，好味。佢嘅白松露湯底都好有松露味，而且湯底濃郁，同埋唔油。特盛慢煮叉燒濃清湯拉麵老公揀咗特盛慢煮叉燒醬油湯拉麵，個湯底濃郁，而且拉麵彈牙，好有口感，湯底、拉麵、慢煮叉燒都好好味。日本椰菜沙律日本椰菜好脆口，好新鮮，加埋佢哋嘅醬汁，好清新。自家製韭菜雞肉軟骨豚餃子呢個餃子好好味，完全唔油膩，入面嘅餡料好Juicy，有好新鮮嘅韭菜、雞肉。富士柚子汽水好有柚子味，幾清新。日本TOMOMASU SODA (密瓜）恐龍嘅蜜瓜味，又有汽，爽！依家仲有優惠，儲印花換小食或拉麵，好抵。…Read More

成間餐廳入到去，企咗一陣都冇人理，差啲想調頭走嘅時候，先有個男人出聲叫我自己坐低。坐低後等咗陣，先有另一位職員過嚟，佢二話不說就塞張QR Code俾我，只係好求其咁講咗句：「晚市先有小食或者嘢飲送，午市你就選午餐啦。」大佬，我餓到傻左,又係第一次幫襯，點會知你哋個QR Code系統點運作、Menu有咩選擇、咩叫「選午餐」？叫完餐突然佢走過嚟,我直接同佢講我已經揀咗要拉麵，心諗咁簡單應該搞得掂啦。點知，個職員聽完，竟然同我講：「午餐加埋$38有小食同埋嘢飲抵啲，咁我幫你cancel再落過」 我聽到真係呆咗兼火都嚟！咁點解你一早唔幫我落單？點解要等我餓住睇完張Code，你先話要重新落過？白白浪費我時間同胃酸！呢個服務流程簡直係勁！好啦，終於等到碗拉麵嚟，仲要係另一個「驚喜」！我明明揀咗麵要軟嘅，但嚟到碗麵硬過鐵線，（至少我覺得係未煮透，絕對唔係我杯茶）。仲有，我選咗「走筍」，結果碗麵上面堆滿晒筍條！返屋企自己整個杯麵都會合自己心意啲囉。最衰都係我，下午時間去食午餐🥴嗰刻真係嬲都冇力，可能職員見我冇即場出聲就當冇事？我餓到冇選擇，唯有頂硬上，用咗十分鐘極速隊晒碗麵（純粹為咗填肚，唔係享受）。食完真係身心俱疲，即刻起身走人，多一秒都唔想留低。成個體驗由入門到離開，都唔知做過咩。…Read More

味吉長龍尖沙咀漆咸道南17-19號帝后廣場地下7-8號舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐⭐食物推介：[金龍]特濃蝦湯拉麵 $128，[巨龍]特盛慢煮叉燒瀨清湯拉麵 $108，自家製魷魚豚肉餃子  +$48，炸洋蔥圈  +$38特濃蝦湯拉麵：食材包括鮮嫩的蝦球、濃郁的蝦湯、軟嫩的慢煮叉燒、Q彈的日本糖心蛋、脆嫩的香筍和香蔥。每一種食材都呈現出最佳的風味,與Q彈的拉麵完美融合,帶來了層次豐富的口感體驗。濃郁的蝦湯湯頭是這款拉麵的精髓,令人回味無窮！😄😄😄特盛慢煮叉燒瀨清湯拉麵：濃郁醇厚的醬油湯頭與軟嫩的慢煮叉燒完美融合,搭配Q彈的拉麵、嫩滑的日本糖心蛋、酥脆的炸日本牛膀條、脆嫩的香筍和香蔥,叉燒味道好之餘更是數量十足,令人難忘！👍👍👍自家製魷魚豚肉餃子：魷魚及豚肉餡料鮮美多汁,皮薄餡厚,在咬下去時流出了鮮美的餡汁。餃子皮經過精心製作,口感Q彈有嚼勁！😍😍😍炸洋蔥圈：洋蔥圈外酥內軟,香氣四溢。洋蔥的甜味和炸物的香脆口感完美融合,令人忍不住一口接一口！😋😋😋…Read More

💗呢間係石亭同沃川兩間尖沙咀居酒屋嘅新分店（歷史26年同23年）💗一行到門口已經見到非常日本風的banner同燈籠，加埋店內嘅裝修風格，十足去左日本咁💗據店員講，舖頭拉麵每日只賣100碗, 賣哂就收鋪，所以想食真係要早d去到！✨主菜🦐金龍 濃湯海老拉麵蝦湯湯底好正，鮮味十足，但又唔會太鹹，而且食完都唔會覺得好口喝，證明係真材實料！配料亦好多下，足足有4隻蝦，蝦肉爽口彈牙，仲有一片慢煮叉燒，半隻糖心蛋、香筍同炸日本牛膀條🥩巨龍 特盛慢煮叉燒濃清湯拉麵一入口就化開，肥瘦均勻，肉香爆棚但完全唔膩濃清湯係呢度嘅其中一個賣點，清得黎又唔會覺得淡而無味，呢個好值得一試✨小食🐔名古屋雞翼雞翼外皮脆卜卜，咬落去啲肉汁多到爆，我同朋友都覺得佢超好食！完全超出預期！🥟 韭菜雞肉軟骨豚餃子餃子煎到脆脆哋，入面啲餡都幾足，韭菜同雞肉嘅組合好fresh，仲有軟骨嘅脆口，食落超有層次！ ✨飲品🍊富士柚子汽水柚子味好fresh，酸甜平衡，氣泡夠晒爽，飲完可以解膩，同拉麵係絕配！ 🍑白桃蘇打白桃味好香，唔會太甜，幾好飲呢度仲可以儲印仔，食幾次已經可以輕輕鬆鬆換到小食甚至拉麵，勁抵！👍…Read More

味吉長龍 (尖沙咀)地點📍 尖沙咀漆咸道南17-19號帝后廣場地下7-8號舖---------------地鐵站一出見到有拉麵店，門口都聞到香味而且有午市套餐👍---------------特濃蝦湯拉麵💲128一碗起碼有4隻蝦食得出唔係急凍蝦湯底不得不讚蝦味勁濃郁勁入味---------------白松露慢煮叉燒濃湯拉麵💲108白松露好香叉燒唔會太硬身柔軟 嫩口---------------自家制韭菜雞肉軟骨豚餃子💲38大大粒餃子配料十足咬落啖啖肉---------------明太子芝士焗薯角💲38明太子同芝士好夾薯角唔會焗得太硬身---------------日本白桃梳打💲28富士柚子汽水💲28兩隻飲品係香港都好小見清爽…Read More

朋友知我鍾意食拉麵專登約我嚟尖沙咀呢間拉麵店呢度拉麵每日限量供應日賣100碗咋．賣哂就收舖所以一定要早啲嚟呀午市自選拉麵+$38 upgrade套餐 有小食+飲品湯底12小時足料熬製✨濃湯海老拉麵湯底香濃鮮甜．每啖都充滿蝦香味叉燒口感軟嫩配埋幼滑流心嘅溏心蛋．確係一絕✨特盛慢煮叉燒濃清湯拉麵碗邊舖滿嫩腍嘅叉燒配上炸日本牛蒡條湯底清甜唔會太油膩麵底粗幼度適中加上筍同蔥花．係完美配搭✨韭菜雞肉軟骨餃子餃子即叫即煎．皮脆餡料多沾上餃子汁更美味✨味吉炸雞外皮香脆．肉質嫩滑係必點嘅小食儲4個印花就可以換小食啦下次要再嚟食…Read More

今日同舊同事去咗位於尖沙咀漆咸道南17-19號帝后廣場地下7-8號舖的<味吉長龍>食拉麵，餐廳面積不大，裝修富有日本風味。我哋點咗：🥢白松露慢煮叉燒濃湯拉麵 $108湯底揀咗醬油，味道濃郁，拉麵軟硬適中又有咬口，慢煮叉燒（豚肉）新鮮軟淋又入味，配菜有炸得香脆可口的炸日本牛蒡條，半隻好味 的日本溏心蛋，又有香筍和香葱，十分好味。🥢鹽味濃清湯大蜆拉麵 $118大大隻肥美的大蜆十分吸睛，蜆肉鮮甜多汁又好食；湯底清香鮮甜，伴有美味慢煮叉燒和香筍。🥢鮮蟹肉忌廉薯餅$38薯餅酥脆金黃，頂頭鋪滿蟹子，下層係蟹肉蓉，加上蛋黃醬，口感豐富又好味。🥢日本椰菜沙律$38椰菜新鮮好食，混上日本沙律醬，清新好味。🥢日本梳打（芒果）$28芒果味濃，清香好飲。🥢日本梳打（蜜瓜）$28蜜瓜味清爽，唔錯。…Read More

🐉限定100碗賣晒就沒有！藏身尖沙咀的日式小店，低調位置，一入門就感受到濃濃日本風味～🧂 鹽味濃湯大蜆拉麵湯底鹹香帶鮮味，大蜆啖啖肉，好清新又有層次🍜🐚🐷 自家製魷魚豚肉餃子薄皮微焦，咬落滿滿肉汁，魷魚同豬肉比例啱啱好，好香口🥟🔥🍖 白松簬慢煮叉燒濃清湯拉麵叉燒嫩滑得嚟有口感，濃清湯底鹹香平衡，飲到最後一啖都唔膩💛🦀 鮮蟹肉忌廉薯餅外脆內綿，蟹味突出又唔會太膩，做前菜或者小食都好啱😋✨ 一間充滿日式風情嘅小店，值得慢慢坐低，好好享受每一碗拉麵。…Read More