君蘭麵包廠

Open Now

Now Closed

喺香港講起麵包，可能好多人都會諗起bakehouse，但其實香港仲有好多高質麵包店嘎！例如今日同大家介紹嘅呢間進駐喺銅鑼灣嘅君蘭麵包廠，作為港島區首間分店會有更多新驚喜。呢度嘅麵包每日由師傅新鮮焗製，100% MADE IN HONG KONG😍主打多款新派菠蘿包、牛角包登場，款款都有不同味道。有好多唔同味道嘅包都好想試，今次揀咗其中五款，每款都好高質！開心果小牛角包 $22近期開心果製品好Hit，呢度都有，呢個牛角包牛油味好香，層層分明，好酥脆，面頭嘅開心果醬唔會太甜，好推薦黑糖麻糬小菠蘿包 $22菠蘿包，上層好酥脆，夾住煙靭拉絲嘅麻糬，口感好豐富，黑糖味濃郁得黎唔會過甜葡撻$10葡撻同樣好酥脆，蛋漿部份滑嫩，而且比例好多、好厚，好足料！朱古力扁可頌 $32早排扁牛角好Hit，今次都係我第一次試，呢個超級大塊，真係壓到好扁，好似巨型曲奇咁，口感食落好酥脆，有少少似巨大版同再鬆化啲嘅蝴蝶酥，朱古力味道濃郁，好味😋芒果布甸包 $19呢個真係好抵食，拎上手好大個，布甸部份震騰騰，口感滑嫩，蛋香味濃郁，面頭添加咗芒果粒，令成個味道同口感更豐富

之前都有食過君蘭嘅芝士蛋糕覺得好好味，想再買嚟食下下都要去九龍或者新界，終於等到有港島區分店，開正喺銅鑼灣鬧市，佔地两層，所有麵包都係每日新鮮焗製，係100%香港製造另外仲推出多款特色小菠蘿包、小牛角包，仲有港式奶茶我就試左幾款經典以及新派嘅麵包同蛋撻，下次再試其他款先得墨西哥包夠大個圓碌碌咁，頂層脆皮香甜原味菠蘿包菠蘿皮微甜酥脆，麵包軟熟鬆化真•菠蘿包白朱古力忌廉配燒菠蘿，有少少濕潤嘅口感幾特別葡撻滑溜蛋漿同香酥撻皮係葡撻必備嘅材料綠茶紅豆麻糬撻餡料唔會太甜配合煙韌麻糬加鬆化撻皮，好味真•流心孖芝撻用叉輕輕吉穿蛋漿，濃郁芝士流晒出嚟開心果醬小牛角牛角包外脆內軟開心果醬唔算太甜，但係比想像中冇咁強烈嘅味道

今日經開銅鑼灣君蘭麵包廠，原來係第一間係港島區嘅店舖，見唔太多人排隊，決定買幾件同朋友試下，麵包賣相好驚喜，好多款新派嘅菠蘿包同牛角包🥐，見到佢店面有講係現場烘焙，由師傅製作，真係100% make in HK😇🥢朱古力扁可頌扁可頌好大塊，外形吸晴，一半係朱古醬一半保留返牛角包原本嘅顏色，第一次試覺得幾特別，朱古力好香，扁可頌好脆，食落整體唔太甜，好岩朱古力愛好者。🥢麻糬芝麻菠蘿包菠蘿包夾住左件厚燒麻糬，咬落軟糯，食到中間仲有好多黑芝麻醬，口感十分豐富。🥢開心果小牛角呢期好流行開心果，所以一見到就揀左，開心果味濃，配落牛角包食又唔錯，細細個食落冇咁膩Tim🥢雞批傳統雞批係我最愛，皮好鬆脆而且好有牛油香味，餡料滿滿，食得好滿足🥢葡撻葡撻$10個，都幾大個下，性價比高，蛋漿好厚，撻底夠脆👍🏻

麵包款式都好有驚喜 ，例如有多款新派菠蘿包、牛角包，款款都有不同味道 每日係由師傅新鮮焗製，100% MADE IN HONG KONG 👏👏我地叫左幾款麵包做下午茶、早餐💛芒果布甸包💛布甸包表面震騰騰，好搞笑，入面有粒粒芒果肉，布甸充滿蛋香味，滑捋捋，加埋芒果香甜味原來都好夾雪凍黎食就硬身少少但麵包依然保持口感鬆軟 雙重滋味🤎Nutella瑪芬 好脆，入面就有Nutella cream 甜品黎講真係好正💙芝麻海鹽可頌 面包好Q彈，有海鹽牛油既香味 🤎腿芝波蘿牛角口感好豐富 芝士鹹鹹既味道好搶 加埋脆脆既牛角包

大家一聽到老字號既麵包店可能就會覺得一定係裝修好殘舊又細間，賣既麵包種類係細個見開既腸仔包、提子包果啲～Nonono今日要介紹一間係銅鑼灣顛覆傳統既30年老字號麵包舖 - 君蘭麵包廠🥧麵包舖係正世界貿易中心對面，磚紅色既設計有種復古又摩登既感覺好適合打卡，擺脫左一般人對於舊式麵包舖既睇法，成功同時尚銅鑼灣融為一體💖麵包舖多年黎堅持人手製作、烘焙百分百香港製造，並用創新思維改良傳統麵包推出左多種新產品，例如：小牛角包系列(61%朱古力、提拉米蘇、紅桑子脆脆等)、中西合璧既菠蘿牛、特式菠蘿包系列(真·菠蘿包、三文魚菠蘿包、麻糬芝麻菠蘿包等)🤗—————————————————————————————今次試左佢7款唔同既牛角酥🥐同麵包🍞♦️墨西哥包($11) : 正常麵包size，麵包入口好鬆軟，味道同傳統墨西哥包有少少唔同，麵包有少少奶香同蛋香味，如果麵包皮可以更加鬆脆就更好🤗♦️伯爵茶黑糖麻糬撻($16)：未食已經聞到好香黑糖同濃郁茶香味，撻皮夠薄唔會好漏，黑糖加麻糬食落去似飲珍珠奶茶溶左既珍珠，幾特別可以試下👍🏻♦️葡撻($10)：酥皮鬆脆但較厚身，食落好香蛋味好滑而且入口即溶🥧♦️ 真·菠蘿

今日唔想食飯，行過見到星期三半價試下，點知個收銀超無禮貌，叫佢夾另一個麵包比我，就話「果個display 嚟㗎喎」，下，你擺得出來客人又會知邊個夾得邊個唔夾得？！到比錢時大大聲「只收現金」，都唔緊要，但比完錢問佢攞返收據，就話「今日半價唔會有收據，你自己睇返個價錢除返一半咪得」！咁嘅服務態度，你啲嘢幾好食又好，一折都好，唔慌有客再回頭，咪睇下你捱到幾耐！

佔地2層高 樓上整麵包 樓下出售有傳統麵包同各種特色麵包一見到D迷你牛角包就俾佢吸引 見佢唔係好貴 就買左D返去試下😍 最鐘意佢個size係細細個可以一次試多幾隻味🤤 🔸提拉米蘇牛角包提拉米蘇既醇厚奶油香味口感軟滑綿密 送咖啡就啱晒🩷🔸開心果醬牛角包牛角包外酥內軟 充滿牛油香 開心果醬好濃又唔會太甜食落口唔會太膩👍🏻🔸Nutella可頌瑪芳濃郁既Nutella醬料 香氣四溢 口感綿密滑順😌非常有層次👍🏻

君蘭麵包廠 📍銅鑼灣東角道26號怡安大廈地下6-8號舖放工同朋友約咗去世貿中心食晚飯，無意中比我發現對面開咗一間裝修幾有特色同格調嘅麵包店，細心睇吓招牌先發現原來係君蘭麵包廠，無諗過佢哋喺港島都會有分店！其實好耐以前都已經食過君蘭出品，特別鍾意佢哋嘅pasties，好似咖喱角、蛋撻等等。而呢一間新進駐銅鑼灣嘅麵包廠，更加推出多款驚喜麵包，最吸引眼球嘅一定要數到小菠蘿包同小牛角包！店員話佢哋嘅麵包每日都係由師傅新鮮喺現場焗製，所以肯定係100% made in Hong Kong嘅。近排好多身邊嘅人都北上覓食，話好平好抵食，但我始終對香港嘅出品比較有信心，所以今次都喺舖頭揀咗四款樣子精美嘅pastries同大家分享，多多支持香港本地商家！ 💰$22香濃咖啡小牛角 🥐君蘭嘅小牛角系列樣樣都非常精緻，因為比較迷你的骰嘅關係，即使一個人食晒成件都唔會覺得太過heavy。咖啡口味紋絡就已經充滿咖啡香氣，食落濃醇幼滑，加上牛角本身酥脆多層次，好食到讚口不絕！ 💰$22提拉米蘇小牛角 🥐同樣屬小牛角系列嘅有Tiramisu味，最啱我同朋友嘅口味！Tiramisu味道香甜，一件pastry食到兩件甜品

今日家姐帶咗呢間啲麵包返屋企佢話經過見到間店硃砂紅牆好靚見到上層有師傅整麵包過程即係都係人手製作 新鮮出爐行入去望到啲麵包都幾吸引所以買咗以下幾款麵包一齊試吓- - - - - - - - - - - - - - - - - - - - - - - - 1. 開心果小牛角呢度有好多特別味道嘅小牛角酥家姐揀咗近期大熱開心果味拎上手唔算好油膩 外皮酥脆上面有啲開心果醬同埋果碎食落就冇咁㝰 口感都好豐富 2. 墨西哥包個包唔算好細 $11嚟講幾抵面頭有啲淡涼奶香/蛋香甜味包入面嘅質感都好鬆軟綿密整體口感唔會好乾/太黏3. 黑糖麻糬菠蘿包同傳統港式菠蘿包唔同 加啲創意就好精緻烘到金黃酥脆嘅菠蘿包本身就得香口加埋軟糯麻糬、香甜黑糖 口感層次多咗4. Nutella可頌瑪芬賣相好可愛呢～ 好似一朵花咁其實係牛角酥同鬆餅嘅合體食落酥脆 中間有啲Nutella醬 鍾意甜甜朱古力榛子醬要試5. 法式芒果布甸包最鍾意嘅麵包 麵包口感鬆軟中間有震騰騰滑脟脟嘅布甸上面仲有好甜嘅芒果肉我諗凍食嘅話一定更加好食

賣相吸引精緻 每日新鮮出爐🔥100% Made in Hong Kong有多款新派牛角包 菠蘿包🥖•玫瑰伯爵茶小牛角🌹牛角包內層酥脆 充滿空氣感伯爵茶茶味突出 又靚又好食•提拉小牛角🍨Tiramisu味幾出 帶少少咖啡味仲有啲cream喺上面 甜甜地 好食！•咖啡小牛角☕️咖啡味香濃 咖啡控必試•麻糬芝麻菠蘿包🫘個皮超脆 有一大嚿麻糬喺中間有芝麻味嘅cream喺中間芝麻味濃郁 有啲似芝麻湯圓個餡•黑糖麻糬菠蘿包🧋麻糬煙煙韌韌 菠蘿包鬆軟有黑糖cream喺中間 似黑糖包😆

主打新派港式味道麵包及蛋撻的麵包店，門面非常有異國風情，款式十分特別又適合美美打卡，絕對有驚喜!!💃- 提拉米蘇小牛角 HK$22 ☕🥐濃郁滋味!!芝士忌廉上撒滿朱古力粉，鬆比牛角包中間加入香濃咖啡忌廉，雙重滋味層次豐富。- 蜜糖粟米小牛角 HK$22 🌽🥐香甜配搭!!蜜糖粟米咸中帶甜，口感爽脆，配搭輕盈忌廉及鬆化牛角包，味道非常特別。- 玫瑰伯爵茶小牛角 HK$22 🌹🥐愛茶之人必試!!香氣十足伯爵茶忌廉撒上微甜玫瑰花瓣，濃濃茶香包圍香脆牛角包，仿如置身茶會!!- 真·菠蘿包 HK$20 🍍🍞竟有真正菠蘿!?香甜菠蘿微微炙燒，微酸又香甜，搭配香草忌廉，層次感豐富!!可惜麵包不是香甜鬆軟港式麵包，否則口感更好!!

喜歡吃麵包的朋友仔，應該對 🧡君蘭麵包廠 並不陌生。一開業便成為麵包界的天花板呀～環境型格新潮，充滿年輕的感覺。牛角包🥐、菠蘿包、芝士包、芝麻包、蛋糕、葡撻、雞批都有供應，想吃什麼都有呀💕，款式超多，總有一款合你心意。每一款的賣相都好吸引，全部都想買呀～我試了原味牛角包、菠蘿牛角包和海鹽可頌☺️。牛角包好酥脆，我最愛加上菠蘿皮的，味道更香甜呀(≧▽≦)!🇭🇰 君蘭麵包廠🗝#銅鑼灣 東角道26號怡安大廈地下6-8號舖.

菠蘿包係唔少香港人嘅回憶食物，上網見到君蘭麵包廠正式進駐銅鑼灣，每日由師傅新鮮焗製👨🏻‍🍳，100% made in Hong Kong🇭🇰！佢地主打嘅菠蘿包有多款新派口味💖，仲有真係有菠蘿嘅菠蘿包，梗係即刻去試吓啦🥳！菠蘿包外層微脆香甜，內層鬆軟。除咗出名菠蘿包，小牛角都好受歡迎㗎🥐，外層酥脆，食落散發香濃牛油香氣🧈，size細細個啱晒下午茶襯返杯紅茶/咖啡食🥰，仲可以買嚟做散水餅添～ ☕️香濃咖啡小牛角咖啡醬味道好濃，加咗朱古力碎係上面做點綴，鍾意飲咖啡嘅話可以試吓呢款～🧁提拉米蘇小牛角Tiramisu忌廉入口軟滑，帶有淡淡咖啡味，甜而不膩。🫖伯爵茶小牛角用咗玫瑰花加落伯爵茶醬度做點綴，賣相精緻吸引。伯爵茶味入口濃郁，帶有玫瑰花嘅清香味，唔會甜膩。🔥麻糬芝麻菠蘿包中間夾住嘅麻糬有輕輕燒過，面層有微焦，口感煙韌。仲有加入咗香濃嘅日本黑芝麻醬，成個包都充滿芝麻香氣！🖤黑糖麻糬菠蘿包煙靭香甜嘅黑糖麻糬同濃郁嘅黑糖醬，非常之配搭，食到雙重黑糖滋味！🍍真菠蘿包雲呢拿忌廉香滑，中間有片燒過嘅菠蘿，真係做到真菠蘿包😆！OPENRICE：https://s.openrice.com/QrbS0Nl8

我係100%麵包控🍞🥖🥐🙋🏻‍♀️ 最近我嘅至愛就係銅鑼灣世貿中心對面嘅「君蘭麵包廠」❤️地點方便，啱晒我呢個港島人。每次去都不知不覺咁買百幾二百蚊麵包😳因為佢哋嘅麵包每日都由師傅新鮮焗製👨🏻‍🍳100% MADE IN HONG KONG 🇭🇰款式創新又精緻，讓人會有選擇障礙，仲要display 得好靚，齊齊整整😍之前我試過好幾種「小菠蘿包」。每款菠蘿包都有唔同味道同餡料，我特別鍾意「黑糖麻糬菠蘿包」黑糖味香濃，麻糬又煙靭，連埋脆皮菠蘿包，完美嘅組合呀！今次輪到「小牛角包」🥐有新口味，我當然忍唔住又買嚟試吓啦！牛角包切開一半可以見到完美嘅蜂巢網狀結構，富牛油味。「玫瑰伯爵小牛角🌹」- 伯爵茶忌廉幼滑，滲有淡淡的玫瑰花幽香。「開心果小牛角💚」開心果忌廉有濃郁嘅開心果味，連埋鬆脆嘅牛角包一齊食，真係好食到差啲連相都唔記得影。另外「Nutella 可頌瑪芬🍫」都讓人無法抗拒，鋪滿砂糖嘅酥脆外層，內裏充滿榛子朱古力醬，一食就停唔到口！麵包店仲有各種港式、西式風格嘅麵包同埋港式奶茶添！真係要去多幾次先可以全部試晒😋

新登場‼️銅鑼灣麵包店🥖 #開心果控 又要出動❤️‍🔥❤️‍🔥賣相超吸引精緻，每日新鮮出爐！開左幾個月終於買嚟試吓啦🔸開心果小牛角超濃郁開心果醬，食落甜甜地小牛角酥皮外脆內軟熟！🔸香濃咖啡小牛角咖啡都好濃郁，啱哂#咖啡控 必試～🔸麻糬芝麻菠蘿包超特別‼️真係有一大嚿麻糬係中間芝麻味都好濃，唔會太大個～🔸蛋沙律煙肉牛角包🥐呢個蛋沙律超足料，呢啲天氣建議即日就要食啦！📍 君蘭麵包廠 (銅鑼灣)銅鑼灣東角道26號怡安大廈地下6-8號舖#銅鑼灣美食 #銅鑼灣外賣 #銅鑼灣麵包 #麵包控 #麵包店 #銅鑼灣麵包店 #hkbakery #bakeryhk #牛角包 #菠蘿包