名棧拉麵小籠包 (Closed)

晚餐時間，點了口水雞併擔擔麵，好像是50多元。擔擔湯底很香芝麻醬味，麵質亦嫩滑。口水雞則不夠辣但辣油是香的，雞件算多，份量十足。今次只我一人來，這裡小點也出色，下次和朋友可多點不同點心。

今日喺荃豐中心諗住搵啲小店試吓，比我搵到呢間CP 值算高既拉麵小籠包店，又唔錯喎，午餐款式多選擇，菜飯，拉麵，大碗飯，價錢大眾化，份量十足，仲可以優惠價加點小食兩人午餐超豐富滿足，傳統上海排骨菜飯，排骨厚切，好juicy；花雕醉雕拉麵，是雞脾幾滑又香酒味；加了份麻辣肚絲，又香但又唔辣，有啲四川風味；再整多個紅油抄手，大大粒，好有睇頭兼且唔辣播（當然唔少得既係來一客小籠包，現點現蒸，味道幾好，裡面超多湯，其實可媲美其他所謂出名既上海小籠湯包

星期日同P大人去開荃灣買野，突然想食上海野，行到去荃豐個d位置，由於唔想行咁遠既關係就去左荃昌試試呢一間名棧喇。酸辣湯 - 味道唔錯，唔算好辣個種。菜肉餛飩旦旦麵 - 餛飩應該係自家製既幾好食，旦旦麵個湯對我黎講都幾辣，至於麵都算爽口。鮮肉鍋貼 - 呢個好食喎!煎得外脆，肉新鮮，而且食落去入面有肉汁爆出，正!豆漿 - 普普通通，無咩特別咁喇。總括，將價就貨既話，質素算係好好，經過肚餓想食上海野既話一吃無妨

大前日(13-6-2016 Mon)晏晝想食o野,但唔知食乜好,小籠包,但前一日已經o係屋企食o左公仔o既雪藏小籠包,而食?但真係又想食,於是search吓荃灣邊o度有,食上海o既大把,但有小籠包食o既選擇唔多,一間就連鎖店,一間就山西刀削麵,食過.一間就係呢間.咁就試呢間啦.我o黎到時係1:55pm,己經冇乜人,正.我就即叫$34.00o既雪菜肉絲麵,凍豆漿同$28.00有4隻o既小籠包.叫完至睇menu,原來只要叫一個麵,都已經有杯凍/熱豆漿送,冇耐,凍豆漿到o黎,味道唔太甜,幾好味.味道: 4分之後到雪菜肉絲麵,好大碗,重俾o左一湯匙蔥花,撈勻先,其實係個碗大,麵o既份量唔多,雪菜肉絲同樣唔多,肉絲得三條,成碗麵味道都好淡,連雪菜都唔鹹,麵條唔算彈牙,有啲失望.味道: 2.7分然後係小籠包,小籠包皮好薄,係手工菜,內裡亦有湯汁,味道同樣係淡,要蘸醋食.味道:3分食完呢幾樣o野,覺得仍可以食多樣o野,於是叫埋$27.00有4隻o既鮮肉鍋貼.呢個要等,等o左13分鐘至有,應該係即叫即煎,4隻大大隻,個底煎到微燶,食落,呢個味道好夠,內裡同樣有好多湯汁,皮就厚啲,係OK o既.不過都係

《 名棧拉麵小籠包 》今日介紹一間應該係荃灣人先會識得去食既一間上海菜店😁😁店舖面積不大，而且不突出，加上此鋪四周也是食店，就更難顯眼了😶😶今次和妹妹大人在這食左下午茶，在完全不貴但又份量、味道不錯下，加上員工有禮好識do，所以令我留下幾好印象，甚至產生有種：以後經過都想食下既感覺😂 我叫左上海炸醬撈麵食，配送2粒好好味小籠包，再配送一杯飲品，都係$36😳而妹妹大人叫咗擔擔麵加兩個生煎包加一杯豆漿，都係＄34咋😳😁真心抵食，食完更覺抵食！2人埋單$70，覺得好滿足😙😙可能一開始太低估呢間野，無比任何期望，所以食完有種「估吾到咁正」既感覺，未去到好好食地步，但以價錢服務而言，真心可以令我回頭數次😍😍CP值算高😌小籠包、生煎包食既時候要小心啲喲，好很熱喔，已被燙親了舌頭，因為唔止熱騰騰，而且小籠包仲充滿住肉汁湯。而炸醬撈麵我就覺得味道幾好，岩我胃口，一次過食晒😌擔擔面就覺得有啲奇怪，唔知點解好酸😅😅我地太少食擔擔麵了，所以不知道擔擔麵食落口咁酸係咪一個正宗嘅上海菜嘅表現，定係店鋪獨家創立既味道，但由於唔難食，還好入口仲食光光了就費時問了，我地都是沒有探究精神的孩子，哈哈Ps : 我係食下午

星期六來吃，所以冇午市套餐食。不過呢處平民價，散叫都唔係幾貴姐！呢處D野食話好好味又唔講得，但樣樣都冇失手，不過不失咁啦！但比對個價錢，都叫幾底食，當然平民價就預左快快食完快快走果隻。天時熱，食返碗雞絲冷麵，透心涼，一流！大家睇相都見到D雞絲落左小小花生醬，下底D麵就浸住D醬油，撈埋食，好味！清湯就冇乜特別，反而件豬扒炸得唔錯，外脆內軟，仲有少少肉汁，OK！韭菜餃勝在餡料足。兩個人食左咁多野，再加一罐可樂，全部散叫都係$129，係咪好得呢~

今日行到攰攰地入去試下，竟然有意外驚喜叫左籠小籠包，一咬落去d汁多到必出黎,幾juicy ,d皮都啱啱好唔太厚另外叫左個擔擔麵,值得推介d湯底有陣陣花生味都幾香,面都算爽口,唔會好辣價錢尚算合理

每日中午要搵飯食都幾煩。忽然想食上海麵。荃灣區冇乜好味上海麵，通常都係好似翡翠果D高級野，價錢唔平，用來開飯就.............睇食評見呢間幾唔錯，就行遠D試下啦！午市套餐選擇都幾多。三十幾四十元開飯都幾化算。我地二人叫左個菜肉雲吞擔擔麵，上海排骨拉麵再加一客$20麻辣肚絲，套餐送豆漿。麻辣肚絲都幾好味，麻辣醬加生蒜幾野味，不過份量就小左DD菜肉雲吞擔擔麵，菜肉雲吞係好味嘅！菜和肉的比例剛好，餡料中等大小，不過不失。擔擔麵湯底花生味香，但帶酸口，和平時食開嘅有D唔同，不過見其它客人會叫走酸，我相信走酸後就同我平時食開嘅差唔多。上海排骨拉麵：排骨和麵分開上，碗湯麵冇乜特別，都係清湯上海麵一碗，件炸排骨就幾唔錯喇，咬落去又鬆又軟，好味！見件排骨黃黃地，好似十幾年前D食市都係咁樣醃，好有懷舊feel。兩個人一百元有找，OK丫！

行開荃灣買野, 餓餓地搵飯食, 呢幾個商場開左好多小店食肆, 間間都幾多人, 行過呢間幾吸引, 一於試下先. 食物類都幾多, 小籠包, 風味小食, 飯類幾多選擇.不過午飯時間所以簡單D要左個"豬頸肉肉燥飯"$43, 肉燥醬汁唔會太咸, 幾有台式風味, 腍腍地撈飯食唔錯. 豬頸肉偏瘦, 所以食落乾物D, 不過都算腍身. 整體飯類都幾簡單風味, 咁既價錢唔算貴, 而且份量都算大份.

路過荃昌中心見這間名棧拉麵小籠包看到師傅即席包小籠包和生煎包好像不錯噃於是便拉了車爸爸入去試下~商場舖坐得真係較迫不過我倆又不太介意這點最緊要食物有水準~ 師傅在廚房密密包生煎包和小籠包睇見都想食呢!! 我當然飲可樂啦車爸爸飲豆漿各$6豆味未夠濃厚一般貨色~ 水晶肴肉$37足足有12件質感好Q彈水晶位味道鹹鮮肉色粉嫩酥香比例亦剛好我覺得比起蘇浙同鄉會的更見出色~ 小籠包$28摺位比較厚夾起來沒穿底湯汁也不少肉球質感鬆化不會死實味道亦算鮮甜我跟車爸爸也收貨^0^ 酸辣湯$33超重量級睇頭好好可惜味道不酸也不辣質感更是糊糊的這個真的做得很差~擔擔麵$36叫咗少辣湯底麻香味尚算濃稠但拉麵有點過淋據店方表示麵係攞街貨因為師傅做唔切沒辦法自己拉,如果用上手拉麵相信效果更佳~

又再返轉頭，真心好食！今次黎個下午茶😍下午茶點心加拉麵套餐，先揀左個乾蔥撈麵😍😍😍蔥油好香每條麵都有，仲閃令令，好光身，麵身好彈牙！正！單單一碗麵點夠！套餐點心揀左小籠包😍😍有兩隻，兩隻都原籠上☺️☺️☺️好有氣勢！小籠包皮薄但唔易穿，多汁，又濃味☺️☺️仲有杯熱豆漿😌

今日試新嘢！去咗荃灣呢個小店試吓！一試難忘！我地叫咗六款！第一個係紅油抄手，味香濃，唔太辣，雲吞內餡用咗，菜肉餡，好味！再來，必食小籠包，肉汁多，皮夠煙靭，唔會穿底，即叫即蒸，正👍👍👍再來，回鍋肉客菜飯，回鍋肉夠野味，肉片夠薄身，味唔會太鹹！再來，排骨擔擔麵，麵身夠煙靭，湯味夠濃，好香花生味，豬排炸得面脆內嫩，肉鬆夠化！正！再來，生煎包，呢個包，雖然內冇湯汁，但係都好食！ 皮薄即煎夠脆！再來，鮮肉鍋貼，我本人覺得鍋貼好過生煎包，因為鍋貼內有肉汁，同埋一樣即叫即煎，煎得夠脆！最後，牛葱油乾撈麵，葱油香，麵煙靭，香濃野味！

平時經過見冇咩人，但點知原來好好食！同人流係冇關係架！😚😚😚😚其實我係咪應該要自私d唔好打呢，咁就唔會所有人一鍋蜂去排隊🙈🙈🙈今次叫左三樣野，涼拌青瓜，小籠包同埋排骨乾蔥麵！味道岩岩好，仲好新鮮好爽脆👍🏼👍🏼👍🏼咪睇我影到佢咁既樣，其實佢好薄皮，仲超多汁呀大哥！！不得了！正呀，要再食再食再食！一上菜已經超香！！排骨好鬆軟😋😋😋個味超香呀！

去荃灣拎返部電腦，順便揾下野食，見依間幾開陽，就入左去食，我點左豬頸肉燥飯加豆沙煱餅，豬頸肉燥飯味道算係正正常常，根1般其它餐廳出品差不多，肉燥有小小咸是正常，肉粒比較實左d，而豬頭肉味道就好似無乜！另外果碟豆沙煱餅，就真係有d差，煱餅皮太淋！豆沙味已很淡，我只食了兩件就放棄了！

最近係荃灣周圍搵好野食行過一個天橋連哂既商場是但搵間野食今日想食小籠包又想食擔擔麵 所以揀左呢間食估吾到一間鋪頭仔可以整到甘好食既小籠包！皮薄餡靚 湯底又夠鮮！驚喜十足！大家想搵小籠包食 我會推薦呢間菜肉雲吞擔擔麵 一開始無諗過寫食評 諗住食完就算 所以食左個擔擔麵先覺得吾寫吾得回鍋肉菜飯 覺得甜左少少同吾夠辣 味道係吾錯既！我諗荃灣住開既人先知呢間正野我都係盲頭烏蠅衝左去先知希望下次黎可以再食過一食要再食既小籠包同擔擔麵