名棧拉麵小籠包 (Closed)

一個人夜晚唔知食乜行吓行吓一於試吓呢間野啦！環境有啲迫衛生一般，普通小店格局，有要求嘅就唔好入嚟啦坐低睇吓餐牌都幾多選擇，最後叫咗個鱔糊擔擔湯底拉麵，賣相唔差，面積正常一般冇特別但係個湯底冇乜味顏色係好靚，但奇怪在點解冇乜花生味，至於鱔糊OK 㗎，$60左右當然份量會太多芽菜多啦，但係始終覺得都係用韭黃炒會係最好，不過不失啦，有陣時想食上海野，平平哋呢度都係一個唔錯嘅選擇

這間小店靠近商場出入口 ，兩旁都有些食店及服裝店， 算係一個幾多人流嘅商埸。望見門前的大餐牌，選擇都幾多。座位窄窄地， 但環境整潔。小籠包話係即刻蒸， 今晚覺得夜咗dd，下次再試下！！個人認為必點👍👍👍~韭黃炒鱔糊韭黃口感好好，鱔糊有香氣， 鱔絲爽脆，煙韌彈牙, 肉嫩鮮美，完全吸滿醬汁，味道香濃！ ~上湯雲吞6隻雲吞大大粒， 皮薄餡靚， 食落好有飽肚感。灼菜心豆漿食物味道不錯，是一間有質素的小店，價錢合理 ，下次再試下其他美食！

今早到荃灣工作，滂沱大雨，好狼狽。工作也不順利，2點才完成工作，只能隨意找點吃的再去下一站。本想去綠楊食快餐，從熊貓那邊一路行天橋，在大廈之間穿梭，好多人，走到昌寧大廈，臨出門見到名棧，有小籠包吃，看看餐牌，下午茶35元，包一碗拉麵，一份點心，一杯豆漿。拉麵比想像中幼，但很彈牙。菜肉雲吞和韮菜餃皮很薄，餡料的肉菜比例洽到好處。鍋貼皮感覺厚了一點，小籠包咬下去有湯溢出，味鮮。豆漿是用低糖的，不會太甜。

繼續挑戰商場食店。今日就黎到個名幾吸引既名棧食首先講湯，睇落乳白色既湯感覺會好濃郁，果然係唔錯，入口湯味濃，好味。到麵，爽口彈牙，吸湯力幾高，所以會幾入味，但如果食得慢就會變到太林。雖然我偏好更彈牙爽口既麵，但依我食都唔錯。到水餃，好似無得揀咩餡料，佢係韭菜豬肉餡，韭菜味濃，同豬肉比例以肉眼睇8:2，皮厚度中等，入面有肉汁，幾好味。到我最最最期待既小籠包，賣相一般，味道呢...先唔講味道，佢係非常難夾。皮比我相像中厚同偏硬，咬開汁多，菜肉比例9:1，肉算ok，但我就覺得有d失望，味道一般，多汁而味偏淡，皮食落都係唔夠簿...總結而言，水餃麵唔錯，可試。但小籠包就一般，未達到我期望，間中行過都可以黎食個麵。

又過咗嚟呢邊食lunch啦！其實我今次係第二次食呢間野㗎啦！真係唔錯唔錯我lunch嚟到呢度食$40都唔使！就已經食到好飽仲要個面食唔晒添啊！今次我叫咗個排骨米線豬骨湯底！佢呢個好好㗎可以自己揀湯底， 有擔擔面，豬骨湯底， 同埋撈麵底揀！以D餸呢就係一樣嘅!我之前食過佢個韭菜餃同埋豬頸肉都好好食！仲有仲有佢個醉雞都唔錯㗎！所以我都會再嚟食多幾次！值得推介！Lunch Time嚟食又抵食又好食！🤗🤗🤗

今日Lunch 去左荃昌中心到食上海野，去到等一陣就有位，我地三個人每人叫一款，韭菜餃🥟擔擔麵🍜上海排骨豬骨湯拉麵🍜，蔥味豬頸肉擔擔麵🍜，大家都加左杯豆漿🥛，杯豆漿幾好飲，應該真係豆漿，因為我叫熱一陣就起左腐皮，咁應有係真豆啦！出面街好多都用豆奶了！😔先黎韭菜餃🥟擔擔麵先不過不失咁，上海排骨值得一讚👍🏻，個排骨炸得超香脆，真係外胞內軟呀！可以返單！蔥味豬頸肉擔擔麵差不多，普普通通！

呃錢店，切勿光顧話說下午三點叫左個午餐同下午茶，两份價錢都係40元左右，total應該八十幾元，來到既時候就要百零蚊，個老闆就話午市過左，而家收小菜同各項價錢，咁我話：咁午市過左你唔同人講？送到來你先講既？咁樣做生意，佢就話，張外賣紙有寫d細節，你睇唔到者，我話咁你電話唔話聲俾人知既？佢竟然話食唔起就唔好食啦，收多你幾十蚊者😡😡😡

今日打算簡單搵間餐廳食碗麵又見名棧幾近地鐵站就去試下。我地點左一碗菜肉餛飩拉麵，花雕醉雞拉麵，酸辣湯拉麵，一籠小龍包，一籠鍋貼和三杯豆漿。菜肉餛飩拉麵既餛飩用料豐富，花雕醉雞既雞肉已經完全充滿淡淡既酒味，酸辣湯以酸味為主帶點微微既要辣味。小籠包同鍋貼都係即叫即整既所以剛剛拎出黎既時候都好熱，食既時候要小心灼到嘴巴。小籠包既湯汁飽滿，食既時候要多加小心。價錢方面算相當抵食，雖然要環境比較逼，但係簡單食一餐既話都不差。

又去荃灣搜羅美食啦！我發現荃灣真係有好多又好食又抵食小店。今次漫無目的，誤打誤撞入左呢間上海舖，點左兩個麵同一籠小籠包，兩個人食啱啱好！先講擔擔麵，麵條好幼，但好實淨，唔錯。個湯有好濃郁既花生醬味，仲有粗粒花生係面（如果碎少少會好啲）。有好少好少辣味，我認為可以辣少少。雲吞比我想像中好味，似係自家製的。肉饀又滑又彈牙，而且夠菜味，正！朋友食酸辣湯，我都試左少少。由於我一向都唔鍾意酸辣湯，所以好難話佢好唔好味。不過朋友就覺得正正常常，無咩特別。小籠包送到啦！皮好薄，但夾起又唔容易穿。內裡好多汁又熱辣辣，真係好好味。而且小碟附有薑絲，感覺好正宗。加6蚊有豆漿，算係幾抵！

三個人食lunch, 老公鐘意食上海野， 見呢間都幾多客仔， 諗住唔會伏， 一於試下啦。 店舖細細已經滿座， 職員係門外開左張枱仔俾我地坐， 好彩商場走廊算闊， 都算坐得鬆動。叫左三樣野， 東坡肉湯麵最快到， 一睇就覺得同相片差好遠， 黎既根本唔係東坡肉， 而係腩肉， 個汁都唔對版， 明明東坡肉汁係紅紅地色， 佢舊腩肉完全係鼓油蠔油煮出黎既顏色， 成碗麵其實應該叫做梅菜蚊腩肉湯麵。 味道正正常常， 只是與預期不符。糖醋魚黎到， 比起東坡肉靚仔好多。 酸甜度適中， 魚塊炸得外脆內軟， 口感唔錯。 但係個白飯唔知點解又硬又乾， 感覺d米唔靚， 可惜。跟住到我最鐘意食既生煎包， 一份有4粒細細粒， 咬落去…無汁既…食開祥xx生煎包既我有d唔慣。 不過個包都算煎得幾香既， 係個餡唔夠肉汁， 有待改善。整體黎講唔貴， 不過食物質素有待改善。

星期二在荃灣上課，午飯時間逛了下商場，看看有甚麼可以簡單一餐填飽肚，最重要是有位坐，荃灣囉然多餐廳，但午飯時間都多人，搵到有空位就算好，路過之下，就入了這家小店，是小店，內裡就十個坐位左右，就是看到有空位就坐下，看了看餐牌，也沒甚麼特別想吃，就叫了碗羊肉餃配豬骨湯拉麵，落左單，等了一等，一碗白白的拉麵就送到麵前，有五粒羊肉餃，然後跟豬骨湯拉麵的配搭，湯白白的豬骨湯，飲完沒口渴，味精應該不重，五粒羊肉餃，這羊肉餃其實很大粒，肉很充實，滿滿的羊肉，咬下去都有羊肉味，拉麵麵條算正常質素，份量不少，配搭五粒大大粒羊肉餃，男人一餐其實也夠飽的了，一餐盛惠34蚊，這價錢，算合格的了

荃昌一連串商場一向人山人海，而呢度既餐廳亦係經常排哂長龍。今日經過昌寧商場呢昌名棧上海餐廳，見到佢地個超抵下午茶餐牌，食完果然物超所值！一碗菜肉雲吞麵只係廿幾蚊，有3粒白菜雲吞，而且可稱得上皮薄餡靚：另加一客小籠包，同樣係廿幾蚊既下午茶餐，仲包杯野飲：小籠包同樣比想像中高質，一咬啲湯就必哂出黎，好過癮野飲我地各自揀左凍熱豆漿，豆味唔算濃，但一分錢 一分貨，我好滿意架喇👍🏻btw 佢地啲菜肉雲吞有得外賣，但價錢居然同堂食煮熟左一樣價錢，都係去堂食算😂

當日食個early lunch,見到唔太多人,入去食個lunch set~menu設計相當吸引,多數都有圖片tim ar食左個清愛地o既雲吞麵,餡料十足,個皮幾薄~個湯底又好清~麵又好幼細,上菜速度好快~跟餐小係食揀左小籠包~質素真的很不錯,一上菜要即刻食喇,幾入味,而且手工很不錯,小店來說已經很棒,皮薄餡靚,好鮮o既豬肉味滲進口中~很棒~令人回味無窮

今日心血來潮想食餃子，行經無數既店，路經超多人等位既餃子專門店，因為5想等位既關係，就去左另1間小店食喇。店內不大，坐位不多，但好有家既味道今次主角梗係餃子喇點左羊肉餃，都幾好食鐘意小小羊蘇味既人可以try try 丫可惜，令人失望的雲耳，無味的，不酸不辣，不入味，不建議order 雞絲粉皮，好食！麻醬味濃，粉皮爽滑彈牙，10分推薦！排骨擔擔麵，都不錯哦，個麵好香花生醬味，麵條分別，以本人咁差既用chopstick 技術都無味題，排骨就一般般喇。小店嚟講，都好5錯既，下次有機會會再嘗試另一種水餃餃子同炸雞配擔擔麵記住食雞絲粉皮吖！雖然唔平，但我覺得都幾值得食！豆漿雖然沒有什麼特別，但只是加＄5都抵啦。

曾有袓籍上海的食家朋友食過說很差，所以就算在家咫尺之距但都沒有光顧過。直到近期到附近的服裝店買衣服，當時店員正在享用這家店的外帶擔擔麵，香氣四溢，所以才令我勇敢一試。下午茶餐到六點，麵餐$29，麵+點心餐就$35，送豆漿，平價之選。擔擔麵沒有肉末，花生碎也不多，令整體過份單調。湯頭過稀，食不到花生醬的濃郁。看上去似不辣，但辣油已暗藏當中，一點點嗆鼻。雖然是平價下午茶，亦只得兩粒小籠包，但依然用蒸籠即叫即蒸。味道像公仔點心，頂部的皮過硬。