Yoshinoya (Fung Yip Building)

其實香港人一年四季都可以打邊爐, 我就係其中一人!🤣如果快食快打, 一定揀吉野家! 因為真係有質素! 今日又去食, 叫左個特選火鍋!🫕 份量好似比以前多左, 有午餐肉, 腸仔, 粟米魚餅, 粟米, 菜, 金菇, 魚餃, 芝士竹輪卷, 蟹柳, 當然仲有肥牛同必食既彈牙烏冬喇!!牛肉係偏多肥膏, 但真係好甘香, 好好味, 超彈牙既烏冬配上芝麻醬, 超好味道!! 另外, 最最最愛店家既辣椒碎, 真係好惹味, 每次都要落幾包先止到引!評分 : 9/10…Read More

喜野家機乎個個人都食過，除左牛肉飯同照燒雞肉飯。自從吉野家推出打邊爐後我都經常去食晚飯價錢合理，高質素，性價比高，而且自己一個人孤獨食都得。試過幾間吉野家，石塘咀真係好坐，勝在冇咩人，夠靜，約朋輩仔平平地食個飯傾計都唔會俾人趕走。…Read More

今天工人姐姐放假，晚餐在附近吉野家進食。我們打邊爐，但為免孩子肚餓要等，先叫了一個野菜牛肉飯配凍檸茶。賣相頗吸引，份量亦多。之後到我們最想吃的火鍋出場，我們叫了兩個，一個清湯一個濃湯。兩者均配肥牛及烏冬。火鍋有福袋、芝士竹輪、冬菇、蟹柳、娃娃菜、金菇、豆腐等配料。最好吃的是芝士竹輪，每鍋有兩個。我們一直很喜歡食肥牛，還加錢另買多一個，可惜今次吃有點失望。肥牛質素下降了，很韌很硬，而且沒有從前的牛味，還多了脂肪。幸好烏冬仍保持水準，很有咬口！👍🏻👍🏻以她的價錢來說（每鍋$64），所有東西中規中矩吧。…Read More

系呢間到買特盛牛肉飯 比得少少牛肉又吾系冇比錢 正價買竟然比個普通牛肉飯的份量仲要系第二個飯到夾番一條牛肉 吾系一份 系一條！ 夾番一條落黎同埋員工態度極差 埋黎汁台仲要大力拍椅背差到爆真心吾會再黎呢間員工態度需改善再培訓…Read More

吉野家， 可以話係我中學時期嘅回憶。中學喺砲台山讀書 ，山腳底有間吉野家 ，成日中學放學嘅時候或者午飯嘅時候就會去吉野家食學生餐。嗰時成日貪平 ，學生餐個細飯根本食唔飽， 但係都會照叫 。今日去到石塘咀， 同朋友行咗一輪 見肚餓就去吉野家度食午飯。 我就揀咗佢最傳統嘅牛肉飯 ，而朋友就揀左野菜煎雞飯 。老實講吉野家嘅牛肉飯一啲都唔特別 ，有人話佢嘅調味特別 ，有種令人上癮嘅感覺， 但我就覺得冇咁誇張。 整嘢食嘅阿姨畀少咗汁我哋兩個 ，個飯乾到不得了 ，於是我朋友就去拎咗碗牛肉汁返嚟 ，成個飯當堂唔同曬 。識食吉野家， 一定係咁食 。以後冇乜特別， 都係唔會再食吉野家了 。又唔平， 又唔係特別好食。…Read More

The hot pot of yoshinoya has been a relatively nice and cheap choice for sudden crave of boiling hot food. It is the same for me, throughout the years I have been eating this hot pot no matter in summer or winter. Yoshinoya tries to keep their old customers by promoting different new hot pot choices, and this time we have this sumo pot. It states that the food is in good portion and can make you full. However, im quite disappointed that i still feel hungry after eating the whole pot. Not to mention the ones who chose the ordinary cheaper hot pot... Think about it, yoshi!…Read More

一講起食下午茶最抵嘅地方就會唸起吉野家，尤其係下午茶嘅牛肉飯大大碗，又平又飽肚，用黎當late lunch填肚就最抵食啦！次次都牛肉飯今次就試吓新嘢啦！聽講呢排嘅多士非常搶手，等我又試試佢先！跟餐烏冬少得可憐，兩啖食曬完全唔飽。對面個出前一丁餐反而好似飽好多。楓糖丹麥多士值得一讚！厚切多士連包嘅質感都唔同啲，層層絲絲有心思，空氣感重又鬆軟，加上甜而不膩嘅楓糖漿，滲入多士嘅層次之中，甜味分布平均，係成為肥仔嘅必備下午茶之選！絕對要一試！…Read More

04-10-2017 瘋狂的一天同朋友食左個tea 下午茶的雞肉烏冬然後等到6點點左最新出品的雞蛋鰻魚火鍋感覺不錯 但其他配料太少 還特意加了菜 可惜而且不能加粉絲 更無奈…Read More

以前時時搭車經過吉野家,只是好奇但始終未試過.自從與朋友食過後,卻比想像中好味, 尤其晚餐最低食.所以有時都會外賣帶回家與家人共享.東坡肉加煎雞扒雙拼飯餐$52.50甜甜地的半肥瘦豬肉,少少已經灼熟了的雜菜和照燒汁煎雞扒,兩種肉都 OK好味架, 只是灼雜菜沒有味道罷了!百事可樂--免費味道一般.茶碗煎蛋--$7每次去買, 很多時候都賣光, 如果有便一定會買,雖然, 裡面材料不多, 但蛋蒸得剛剛軟滑, 好好味.豚肉飯餐--$37很欣賞他們盛載食物的飯盒,上層是有甜麵豉醬味的一片片半肥瘦的豬頸肉及汁液,下層是一粒粒的白飯, 不會令食物拿到回家後,汁液把白飯弄軟難晒.把汁混入白飯食,味道不錯!日本茶--免費一般抹茶味.另一天外賣了一個野菜煎雞飯餐--$43跟一杯百事可樂.亦是白灼無味的雜菜,好味的是煎得剛熟的雞扒,上面有照燒汁.除了欣賞他們的外賣盒外, 他們廚房由煮食及切肉, 包裝等,都非常快捷, 不用等太久, 應知香港人一般排隊耐性都只是一般!嘻嘻!…Read More

前幾日去食吉野家,咁當然連鎖快餐店都唔會expect d咩但呢間吉野家既員工態度真係令人氣憤!叫幾次都唔應,好啦終於過黎啦,我朋友麻煩佢可唔可以拎隻碗仔黎,佢發爛渣咁話自己攞啦!咩態度?…Read More

細細個既時候吉野家係我同媽媽既最愛，今日因為有野做無食午餐，因為就決定尼吉野家食番個下午茶。我叫左個蟹籽三文魚飯，我習慣成碗野撈好左先食。三文魚份量唔小，每粒飯都痴住三文魚同蟹籽。食落口啲飯in in un un，加埋啲蟹籽爆開既口感真係好好食。不過個份量幾細，大食既要叫大碗三十幾蚊餐個啲，對我尼講只係小小飽…Read More

噚日响網上見到新出芝士鍋，作為芝士控既我同老公，當晚即去西環分店試，點知成間鋪都迫滿人，枱面又堆滿碗碟，無人執嘢好似打仗咁亂 ，但為咗試新嘢，就唯有當咩都睇唔到。。。火山芝士雞鍋$59.9 (跟烏冬+麵豉湯)鍋入面有幾件燒雞、青黃椒約有10件、芝士湯+碎芝士少許，原來新作係要食晒鍋入面d雞，然後放一碗所謂湯落鍋度淥烏冬/麵之類。之前已經聽到有人話芝士好易黐底，我已經醒目不停攪同撈底，點知到最後都難逃黐底一劫，成個湯都係燶味 ，無奈地繼續淥埋個烏冬，點知個烏冬又冰又大件，根本分唔到兩件放落鍋，又唯有成個落等佢慢慢溶啦！其實食呢個鍋其間，不停聽到有人話＂哎呀又燶咗啦＂同”好臭呀”，講真我都覺得十分＂火羅”，好辛苦哽晒就即刻走人。。。走咗並唔代表事情結束，d燶味仲留响成個口腔裡面，要即刻去ｍ記食返個薯條辟味，事情繼而發展為肚痾，不止我一個，連我老公都覺得有d肚絞，今次真係中伏非常！ 後記：我覺得今次最敗筆係用不锈鋼鍋囉！…Read More