合記茶餐廳 (Closed)

基本上我地學校既同學好多學生都中意食合記 只系因為鋪位比較遠 所以就吾算好多人去食 但系次次lunch都full哂 次次都要等：（今日好好彩好早到左 所以吾洗等位 但系都系岩岩好坐門口位炸 同人搭台既感覺始終都系麻麻 不過吾緊要拉 繁忙時間系甘上下架拉。其實我知好多人泥合記都系食燴牛肉意or乾炒牛肉意 但系我吾食牛 所以無食過 淨系朋友叫既時候食過少少時粉既味道 乾炒意都吾錯既：$我次次都昶食燴雞翼意 一系就食特餐。因為雞翼真系好好食 雖然系煎雞翼 值系食落口吾會覺得熱氣 同埋燴意真系好入味 吾會系汁同意粉好似分開甘。而特餐重點就系多士 其實我一直吾會對特餐既多士會有期望 但求吾會乾。自從有次叫特餐+$2改多士 一試就同上！！！d多士真系好鬆軟 但系外層系烘到脆脆地 仲要有牛油系面 吾會膩 反而仲會令到個多士更香 食落去吾會乾爭爭 呢個$2多士簡直一流。

駕車路過, 本上停一停到便利店買飲品, 但看見這家懷舊茶餐廰, 反正又對正可短時間一停的避車處, 於是索性轉戰合記, 來個嘆個茶吧!一杯普通的奶茶, 在這些懷舊的餐室裡總沒令人失望, 茶有茶香, 奶有奶滑, 真是完美!

白田村已有一種重拾懷舊既情懷係舊屋村難得仲有舊既情懷 其中之一既就係荼餐廳亦都係香港既獨有既特色其實荼餐廳係香港周圍都有但富有懷舊同人情味既就真係數之有少可能舊區關係 當我坐係呢間荼餐廳就搵到呢一切既味道荼餐係荼餐廳必食既野!!沙嗲牛肉面 火腿奄列同奶茶好似代表左荼餐既精髓沙嗲牛肉面既牛肉軟度適中 而且湯底份量同咸度岩岩好因而無失去沙嗲既味道 面可以有埋沙嗲味 而不是味精湯火腿奄列7至8成熟 外面煎熟左而一夾開時會有蛋黃流出奶茶既濃度亦剛好 連男朋友平時唔太飲都講聲「讚」除左野食 呢度食野多數都係上左年紀既街坊睇得出佢地對呢度建立左深厚既感情佢地會黎呢度同貓兒玩下而且食物價錢亦比其他地區便宜

不用上班的日子，都愛上茶餐廳來一餐。睇完少年食神介紹，就心思思想唻試一試。在舊式公屋的地下，八十年代的格局，已經算係一個賣點。好多街坊客，沒有空檯，要搭檯。門口及馬路對面都有位可以停車。點了沙爹牛肉包、西炒飯及乾炒豬排意。個沙爹牛肉包係OK的。唔係咁多地方可以食到。炒意及炒飯，一般啦。未如電視節目所述，少少失望。

因為最近人氣急升的所謂「少年食神」在電視節目中介紹過這裡的「乾炒牛肉意粉」和幾近失傳的「雪山包」，日前與友人又正好在這附近尋找吃飯的地方，想起這屋村茶餐廳就在不遠處，最後決定前去幫襯。 都是一般舊式屋村茶記格局，做的是街坊生意，縱使有「少年食神」推薦，客人也不太多。與友人一人一個「乾炒牛肉意粉」加杯「凍檸茶」，一試這裡的招牌出品。 「乾炒牛肉意粉」其實沒有太大過人之處，意粉與牛肉是及格的，但不是特別出色，比較特別的是這意粉應該下了些少沙茶醬，使這意粉顯得比較惹味而已，不過，這意粉始終還是比較油，要說為了這意粉而特地前來，怕且就沒有需要了。所謂「少年食神」對這裡炒意粉的盛讚其實是否過譽呢？ 酸酸甜甜的「凍檸茶」就正正常常的，正好叫來消消稍為油膩的炒意粉的膩滯。 結帳之後，步出餐廳，看看賣麵包西餅的玻璃櫃，始終看不到「雪山包」的蹤影，使我唯有打消了想買一個外賣的念頭。其實，「雪山包」是早已賣光，還是還未出爐呢？這，可是一個謎。

同老公過開對面海見電視介紹這間茶餐廳, 咪去試下law我叫左個火腿通粉+牛油方包+熱奶茶既餐唔.....呢個預左冇驚喜, 因都係一個普通既餐不過奶茶一d茶味都冇對於以為呢d 舊式茶餐廳既奶茶應該會有水準既我黎講真係好失望!!!老公叫左個干炒牛河嘩, 真係好多地方好食過佢law又唔夠干, 又唔夠鑊氣, 合格都俾多佢啦電視講的真係唔好信!唔好問我拎相睇啦因為根本不值得我去影相!!!!!

14-11-2010「諸事不順」的一天, 搭車落錯車, 想去的地方搵唔到, 到最後搵到, 佢又「星期日休息」, 兜兜轉轉我都唔知點解去了白田邨了, 見有間頗舊式 look 的茶記就入去求其食 d 嘢吧. 叫了「特餐」($22), "default" 係沙爹牛麵 + 腸仔煎蛋 + 餐包, 不過餐包可以加 $2 轉多士, 當然又轉了; 餐飲就叫了熱奶茶.先嚟奶茶: 奶的成份唔高, 飲落唔覺滑, 茶味就 ok, 而且唔澀; 不過飲完竟然好似飲咖啡咁, 個口有點酸 , 咦?腸仔 + 煎蛋 + 多士: 腸仔係普通「廚師」腸, 可以不理; 蛋白部分有燶邊, 蛋黃就好似熟晒咁, 賣相幾老, 篤開就竟然有蛋黃汁流出 雖然食落無乜蛋香, 不過手勢係不錯的; 多士係厚嗰隻, 微鹹的牛油落得夠, 烘得亦夠, 食落外極鬆脆, 中間就十分軟熟, 好好食喎 沙爹牛麵: 麵底淥得太腍, 牛肉「梳打」度唔高但沙爹味淡得很, 湯就係混了沙爹汁的滾水湯底, 色水混濁, 好鹹而無乜沙爹味, 加加埋埋除了「認真麻麻」之外, 我都唔知可以講乜好了. 環境格局係典型的地踎街坊茶記, 油煙味強勁, 快食快閃好了.放低

呢間茶餐廳D野食好好味,仲可以將餐的BREAD 改為什麼多士都OK, 都係加少少錢,個人覺得OK AR, 好過浪費個BREAD我最欣賞都係佢既沙爹牛肉做既所有FOODREALLY 好好好好好味,比起其他既茶餐廳好味10倍仲有佢D奶茶超正

因為要去看展覽, 所以經過平時少去的白田, 見午飯還未吃, 便隨便找一家茶記醫肚.合記是傳統屋村茶餐廳格局, 要留意餐廳外有兩張smoking table. 怕煙味者最好勿坐近門口.亦因為係屋村茶記格局, 環境及衛生方面不要有太高的期望, 總之令食客食得安心就是了. 而餐牌是傳統地 "攝" 於檯面玻璃之下. 最後要了以下食物:火腿奄列, 有點油, 但足料. 腸仔炒蛋, 炒蛋還算不錯, 但腸仔炸過後無甚麼味道, 只剩下點點油膩的感覺.叉燒通粉(餐牌上係叉燒湯意粉但可以改通粉) 味道不過不失, 叉燒略瘦了點.沙嗲牛麵, 醬汁十分香濃但偏少, 牛肉亦非梳打牛, 單以"沙嗲牛肉" 來說, 係好味的. 但麵就太軟腍, 湯淡似水....有點虎頭蛇尾呀. 建議好此道者選擇沙嗲牛肉包($7).干炒牛河, 火候剛好, 味道亦佳, 河粉條條分開而不會"碎濕濕", 油亦不算多, 廚師手勢算不俗. 而且牛肉未有被鬆肉粉蹂躪過, 難得. 如果下多一點銀芽就完美了.凍咖啡香濃但奶味太濃了點, 非常港式. 所用的冰..有碎冰有大塊的冰. 不知是刻意還是不經意了.另外還加六元將餐飲轉了紅豆冰, 好正! 紅豆煮到起沙又