合成 (Closed)

返完夜校放工老公尼接我撐枱腳，又唔想食放題，又唔想食茶餐廳，唸起官涌街市有熟食中心，就上去望望先！上到去見到好熱鬧，以前上過尼好似冇咁多人，d燈都冇咁光，行過見到枱面上既菜都幾吸引，決定坐低試下:)坐低左之後，靚姐放低左餐具同壺水，再攞個餐牌過尼，老公話想食魚，靚姐話太夜冇咩魚楝，就介紹我地食荀殻魚，我點左個菜芯炒牛肉，再加個芥菜鯪魚球湯。十分鐘左右，D餸就上啦！啱哂我，好肚餓一路食，一路望下周圍，好多人飲啤酒，個個都食得好開心，放工其實有個咁樣既地方放鬆下都幾好丫！仲有個牌寫住可以海鮮來料加工每斤60-80我都係海鮮怪，下次可以買d海鮮尼加工，同靚姐傾左陣，佢好nice，原來呢度係休星期日架！同埋星期五六要打電話尼約左先有時會好full喎！下次要約埋多d friend一齊尼叫多幾個餸試下先…Read More

到Hello Kitty中菜軒前，屋企人先排隊。時間尚早，先到官涌街市吃早餐。大棚檔形式，可能地點唔就腳，大棚檔只有幾位食客，我們點2個早餐$28X2:沙嗲牛肉米粉--米粉份量不多，牛肉滑，味道較咸。回鍋肉米粉--回鍋肉是罐頭味道吧，份量不多，平平無奇。配奄列多士--蛋不是滑蛋了，過火，多士不錯，新鮮熱烘烘。熱咖啡熱檸水$28一個早餐，有粉，有多士，有奄列，吃得很飽，提供足夠能量的早餐。…Read More

三月中旬•晴連續幾天也要在早上跟贊助商開會，今日走遠一點，來這裡喝杯咖。雖然偌大的熟食中心只有兩、三間店子營業，但其實都已在工作及凖備。好像在這裡坐下，聞到濃郁的麵香，原來店子在隔離攤麵。要了奶醬多，是夾心多士。厚醬厚奶油兼烘得脆，份量十足。熱咖啡都香濃，早上來一杯，滿意！…Read More

上午辦完事, 同深圳同事交收完文件. 1點多才起程回港. 要食, 不如回到香港才食吧. 乘住佐敦快線. 回到寶靈街. 今日時間多了, 便去上呢個因香港市區的發展, 附近起咁多地鐵站都唔recall佢出黎既遺忘國度......官涌.官涌, 佐敦的舊名, 現在留有紀念此地的, 也許只有官涌街, 官涌戲院, 同今次我入黎探險的官涌街市, 呢篇係食評, 所以前二者, 不作多介紹了. 我主要集中講是日上到黎, 找了一家大排檔食late lunch的經過.後來寫食評才發現, 自己walk pass了一家不錯, 而且KC兄又有介紹過的麵檔, 不過不緊要, 下次實有機會再上黎. 不過, 是否官涌街市比較舊, 設備也舊, 總覺得整體衛生, 比想像中差. 過了兩點半, 好多食肆都正在洗太平地, 問了清潔工人, 大排檔已經休息....她搖指叫我行入後面, 轉過去, 一檔野, 放了部電視, 有個孤獨伯伯正慢慢享受麵餐. 合成, 是這日沒有選擇下作出的選擇, 坐低陪伯伯食飯.姐仔介紹是日的快餐. 我叫了一個枝竹豆腐火腩飯. 先來了一個西洋菜湯. 菜不多, 肉不多, 味道有如味精水, 又咸, 又冇湯味, 菜味肉味. 例湯完全唔得. 之後, 是我的豆腐火腩飯...不是枝竹豆腐火腩飯麼....真的不是, 因為沒有發現枝竹. 味道, 倒是可以的, 充份地利用了豆瓣醬, 豆腐有憑有的嫩滑, 火腩豪俾你, 大大舊, 皮仍然食得到是脆的. 薑蔥汁都幾豐富, 啱啦.....送白飯好. 因為飯是分開上的. 味道可算是不錯, 只是衛生上, (指場地), 感覺極不舒服. …Read More