Tai Pei Tung Nan (Standard Chartered Bank Building) (Closed)

🥢新蒲崗台式火鍋放題 任食多款台灣夜市小食 養生大紅袍醉香麻辣鍋湯底🥢最近去咗一間幾唔錯的台式火鍋放題，提供可以飲得嘅火鍋湯底，多款台灣夜晚小食，台式冷泡茶同任飲啤酒，價錢由肉類款式多少分3 個價錢，最平$198 就有交易🥢無敵吃火鍋 $359/ 位 🥢今次點了最多嘢食嘅套餐，淨係火鍋湯底已經有六款， 包括大紅袍麻辣鍋，番茄牛骨紅燒鍋，清醇椰子滑雞鍋，滋補藥膳排骨鍋，養生花膠雞湯鍋，淸醇椰子排骨鍋，今次點了麻辣鍋，先小試一口飲落好順喉，係飲得嘅湯底，完全係台灣食到嘅味道，溫和辣度而且係香為主🥢台灣夜市小食超多款夜市小食無限量供應，鹽酥雞，炸地瓜條，台灣腸，鹽酥雞翼，滷肉飯，仲有最正嘅係成份即煎蛋餅，全部都係即點即整，夠曬美味🥢肉類美國嚴選安格斯，特選美食牛五花，西班牙穀飼豬梅肉，牛肉質素都算唔錯食落都幾軟熟，由其牛五花，油脂平均，配上麻辣湯夠惹味而不膩仲有新鮮沙白蜆，隻隻無沙又飽滿，另外仲有蝦同鮑魚，反而滷大腸及雞腎都真係幾入味，鐘意食呢種滷水可以一試🥢自助區提供多款新鮮蔬菜及丸類，麵類方面有我個人好鐘意的王子麵，甜品係香港牌子的雪糕杯，每人仲有超甜西瓜，飲品好多款，除咗汽水，重點一定要飲佢地嘅冷泡茶，味道超香又夠濃，一飲就知用上靚茶，今日試咗炭培烏龍，高山翠絲，見到樓下層可以單買$18 支都覺得值，仲有無限量供應啤酒，可以瘋狂暢飲📍 台北東南台式火鍋 新蒲崗寧遠街10-20號渣打銀行大廈地下F號及閣樓A-B號舖…Read More

可吾可以吾好為咗慳電吾開冷氣呢😡星期日 6點半左右去食、入面吾開冷氣，服務員有講，我亦知吾開有風扇開，但最慘個風扇係吹吾到嘅！吾係熱、係焗到無空氣咁！之後問服務員可唔可以調動下個風扇，店員說條線吾夠長而另－部風扇係要吹另一枱男客當時只得男客－枱和我－枱我說可以－齊吹的之後見完可能見我都熱到臉都紅同我講話依家開入邊部冷氣我明白嘅一開始坐低係我接受咗冇冷氣房風扇我以為你壞咗，原來只係為咗慳電開當開了冷氣之後就後面坐滿客似雲來打開門做生意都要信下風水舞客就熄冷氣，舞客就熄燈點會有生意呢？:(價錢OK服務態度好好尤其是有一位店員招呼特別周到係佢會令我加分…Read More

午餐來試下，平平無其。可以不去。因為這價錢和日式放題定食差不多。但係就只有一個主食一杯熱飲。性價比不足。主食又唔係太好味。茶餐廳可以平$20。所以無乜人光顧。 肉燥飯好少肉燥。 感覺和其他台灣食物店舖比較差好多。好似人地下午茶餐的份量。…Read More

這裡是手機掃碼點餐的，我也乖乖地自己點餐，然後默默等待。等了十八分鐘，我的餐終於來到，只是還欠一杯餐飲，那我也體諒服務員們在忙碌，所以還未弄好。再多等十分鐘，眼見我的餐飲還未到，我便舉手示意，想找位服務員跟進。可是，每個服務員都在各忙各，沒有人留意我在舉手（已舉了大概兩分鐘）。這時我心裡只是有點焦急，但仍然體諒他們忙碌。接下來，就真的扯火了！有一位服務員終於留意到我舉手，她卻只是瞪著我數秒，然後甚麼都沒說，便繼續忙碌自己的事。這刻，我體會了甚麼是故意忽略。即使再忙，也可以跟顧客說一聲，甚至虛應一句「嚟緊嚟緊」也好，也沒完全忽略那麼糟糕。最後那杯餐飲也是有來到的。在埋單時，竟敢要收取加一服務費，你地真係得架喇。嗯，不可一，不可再。…Read More

今日中午難得有空閒及齊人與同事一齊打邊爐，就揀左呢間餐廳。佢個中午火鍋放題都算係幾多嘢食，熟食如炸地瓜條，甜不辣，炸魚腐條，百葉豆腐等等都整得幾香口好食，而火鍋既牛上肩肉好有牛味，肉質又夠林，好好食。飲品任飲，火鍋配料都幾多元化，有唔同既菜，丸等等，仲有雪糕食，服務都唔錯，侍應一見有食完既碟都會即刻收走，騰出更多空間，所以都唔錯吖！…Read More

住附近，見新開，打算試下新野。點知上到去，餐唔吸引，簡完scan code係乜都無咁濟，百幾蚊，得幾個餸，搵笨。出面又無乜好簡，有啲熟食清哂無人fill。野飲最齊，飲水飽！…Read More

今次第二次食，質素比之前差，食物款式少左，價錢偏貴，性價比低，服務態度還好！現時打邊爐既店舖越黎越多，想繼續經營就要越做越好，而唔係減少食物，維持經營！希望之後會有所進步！…Read More

睇到之前嘅評論都有擔心，但系去到先知。首先因為系新開無耐，所以環境新淨企理，座位很闊落，好少見有咁闊嘅，而且空調够凍，所以一路打边炉一路都唔覺熱。其次任饮嘅台灣茶和洛神花茶非常正，我最中意呢樣！餐廳嘅服務很周到，不停幫我換碟，而且好多時面帶笑容，所以service 比100分我都好認同。午市唔知，我食嘅系晚市198/位嘅餐，覺得价钱都算親民，驚喜嘅系美人鍋竟然有3條大大條花膠，幾美味，至於其他食物就系一般打边炉果幾樣，味道OK，值得再帮衬。…Read More

台式火鍋放題🍲🍲🍲是日到了一間台式火鍋店火鍋湯底有四款：大紅袍醇香麻辣鍋、養生花膠美人雞湯鍋、台北東南極品牛骨鍋、土庫酸菜白肉鍋小妹今次就選了個養生花膠美人雞湯鍋 ($118)，鍋內有大大隻嘅雞腿、紅棗、菜、花膠，湯成奶白色，鮮甜養顏😆肉類方面就分別選擇了特選牛胸腹、西班牙粟飼豬梅肉、花雕醉雞片，額外追加+$48 新鮮海蝦，套餐可以無限追加肉類，多種火鍋配料，丸、菇、蔬菜、飲品、雪糕等，另外亦設有熟食區食物以供客人選擇。餐廳座位寛敞，服務員態度友禮，喜歡台式火鍋嘅朋友仔，有機會要試試唷😚…Read More

邊有D相禁靚，，熟食又少，雪條得一款，雪糕杯糸冇，得雪糕兩款个雪糕巾又乾的，冇其他甜品，汽水又冇禁多款，D肉仲有陣味，其實我好少寫食評，今次第一次，又不糸平个人，，兩个人連加一436,D肉一食落去有陣臭味，真糸差，本身冇乜要求，實在顶不住，怪不得冇乜人，楼面有几个，但都有小小忙，藍色衫不夠细心，連基本客人需要也不知道，食一次夠…Read More

平時食開 Lunch 88 越食越流、今次情人節試吓夜晚火鍋 C 餐放題 $328 ⋯ 情人節仲有九折（即係免左加一）同埋送特別雪糕。估佢唔到六點幾已經八成滿，食完嗰陣時仲 Full house 有人等位！今次叫咗「花雕蜆鮮雞鍋」一坐低好快就上、不過得個咸字 ⋯ 蜆就得四隻 😂 呢個湯底麻麻哋，而且越打越咸所以大家可以試吓其他鍋！出去攞小食 ⋯ 夜晚都係春卷咖喱角麥樂雞、但出現咗生煎包、茶葉蛋同埋好食既蛋餅。而且有我鍾意嘅素鮑片同泰式鳳爪！果然係夜晚貴啲多選擇好多。返到位用 QR code 落其他小食同肉類、講真真係光速送上。每次都唔使等五分鐘已經到 ⋯ 鹽酥雞炸魷魚雞軟骨都 OK、炸花枝丸好一般仲有一個炸蝦卷好似未熟，所以掉咗落去打邊爐。佢啲牛肉都唔錯、海鮮就一般 ⋯ 沙白大大粒但好咸，唔知係咪因為我個湯底咸。蝦有時新鮮有時梅但係可以任叫打和！出面拎返嚟既貢丸或者牛丸或者豬肉丸我都覺得一般般。牛柏葉 牛肚 全部都好 un、仲有一個牛骨髓唔係我杯茶！不過就算 Full house ⋯ 佢啲位都真係好坐冷氣夠凍，最重要係個個員工都好有禮貌好客氣、呢間嘢員工態度好過食物。最後甜品揀左是日精選 ⋯ 係韓式魚形三文治、大大件紅豆加雪糕好甜好好味！埋單$328一個人好鬼飽、座位同埋員工我會比一百分 ⋯ 食物就65分、同埋出面嘅糖水得返番薯糖水，我最想食白色西米露又係失左蹤。…Read More

與友人惠顧下午茶，‘自助任食台式小食’58元一位。餐廳供應食物與傳單列出的一系列食品有很大差距，可能有興趣的菜式，如鯛魚皮、台式香腸、甜不辣、滷水雞翼、麻辣豬耳、地瓜條、台式蛋餅、茶葉蛋，全部都沒有供應，全部都找不到！！！感覺非常不好。傳單中9個標明‘台灣直送’的菜式，現場只能找到一款（香芋薯球）。有趣的是，聽到有一位小孩取食物時問身旁的長者：為甚麼只有白飯，滷肉呢？（傳單內也有列出‘滷肉飯’）那現場供應了甚麼呢？炸薯餅、炸饅頭、炸春卷、炸薯球、炸麥樂雞、炒飯、生煎包、餡餅，還有些前菜、甜品和飲品。多炸物就是台灣特色？剛炸好的食物還是好吃，但是凍了真不行。比較難忘是台灣直送的香芋薯球，非常硬，需要用很多勁咬開。蕃薯糖水內有水，以及一小點一小點的蕃薯。飲品款式可以，坐的舒服，只是吃完也不能想出有甚麼是好吃的。58元，也許不能要求太多，看見傳單寫了一句‘’小食款式，每天轉換‘’，是取巧？是搵笨？我想不通。…Read More

抵玩街坊台式火鍋放題👍🏻台北東南台式火鍋晚市自助火鍋放題任食（有4個set揀，我揀咗B set)🍽人均：$260🕰晚市用餐時間90分鐘湯底揀咗鴛鴦湯底，包括濃醇香麻辣鍋同十全藥燉排骨鍋。湯底可以加湯，都唔錯。🍲火鍋配料選擇多👍🏻以下都係我食咗嘅心水之選：•安格斯牛板健•特級牛胸腹•西班牙粟飼豬•花雕嫩雞片•牛肚•蒸餃•油條•花枝丸🥬多款新鮮蔬菜都喺餐單有得揀🍗多款炸物都我覺得成餐飯大滿足😋•鹽酥雞•鹽酥蠔•炸魷魚•炸雞軟骨•符城蝦捲而自助任食台式小食區都好正！❤️最滿意就當然係：•甜不辣•芝士粟米鮪魚蛋餅•香芋薯球•茶葉蛋🍵自助飲品佢都多飲品選擇，特別係茶類。總括嚟講，依個價錢自助火鍋多選擇，十分親民！Bible rating: 7.5/10📍地址：台北東南台式火鍋 (新蒲崗)新蒲崗寧遠街10-20號渣打銀行大廈地下F號及閣樓A-B號舖…Read More

推介迷你自助下午茶，$58+10%，周未唔加價，同朋友舒服坐兩小時，食物種類不少，包括台式泡茶飲品任飲，仲有雪糕，糖水，性價甚高，一定要試，我帶朋友去過幾次都好滿意…Read More

啱啱開張嗰陣時去食、同今日年初三人流都係差唔多 ⋯ 咁當然食返一樣嘅午餐$88、但係上次碗麵勁淡口所以今次揀咗7號脆皮雞扒飯。首先攞出邊嘅嘢食、12點嘅時候係多嘢既 ⋯ BUT 以前有嘅花枝丸、甜不辣、炸番薯同埋滷水雞翼全部失蹤！而家變咗炸春卷、咖喱角、薯角、炒菜、炒飯、魚肉燒賣同埋一個唔好食嘅韭菜餃。好明顯台式不再 ⋯ 不過新年有素鮑片、蛋餅變咗得返塊皮又乾又凍，連茶葉蛋都冇左。攞咗醬料等陣送飯、出面啲小食基本上微暖而且多數唔好食 ⋯ 出面個滷肉飯得返好少滷肉全部都係油，拎咗一碗算係最熱。脆皮雞扒飯到啦、五舊雞扒一啲台灣風味都冇 ⋯ 旁邊嘅滷肉飯同出面一模一樣，雞扒冇味係出面啲粉比較脆、呢度嘅主菜真係唔得！到咗甜品環節 ⋯ 之前食過一個好似椰汁西米露我記得好好食、仲可以自己加紅豆同埋仙草。今日變咗番薯糖水即刻跌 watt、仲要又係微溫 ⋯ 加埋紅豆同埋仙草變咗凍食，我見到有幾隻雪條同埋椰子雪糕、但係個雪糕勁難筆硬到飛起。呢間嘢繼續好坐員工態度好 BUT 嘢食跌曬 watt 雖然價錢一樣 ⋯ 但係越做越差、出面啲小食你睇得出佢 Hea 到不得了！靚靚裝修有啲浪費！…Read More