古月聚台灣古早味美食 (Closed)

上星期來古月聚台灣古早味美食的時候，正好遇到休息，今晚終於可以一嚐。不過都是有一點倒霉，最想吃的紅燒牛肉麵都賣光，我見不少人也是想點這，唯有留待下次再來試。另外椒鹽豬大腸和古早味冬瓜茶同樣好賣，我都嚐不到了，最後變了吃肉燥乾拌麵，鹽酥雞與紅茶。肉燥乾拌麵其實肉燥挺不錯的，香氣十足，不油不膩，肉也不會澀，吃起來美味極了。不過滷蛋完全沒有味道，有點失色，麵條雖煙韌，但醬汁太少，乾乾的，如果多些醬汁會較易入口。至於鹽酥雞極體口感不俗，外層炸得酥香，內裡雞肉不乾柴，如能保留更多肉汁的話相信會更佳。此外，鹽酥雞調味不夠，可多添椒鹽，達至鹹香的效果。紅茶方面比我預期好渴，冰涼得來又不會死甜，有著淡淡的紅茶氣息，非常解喝。雖然古月聚不是最出色的台灣菜，但是店員非常友善，服務態度不錯，為了紅燒牛肉麵，我會再光顧的。

一早已經見到呢間台式小店有好多人推介，今日終於有機會去試下喇。一行入去已經有陣台灣味飄出來，事緣鋪入面有部電視而個電視仲要係播緊台灣新聞。店員同廚房溝通一時講普通話，一時又講下廣東話咁，又幾得意wor!台灣野梗係要食d熱氣野啦，一定要叫個鹽酥雞試下啦。佢嘅乾伴麵有d肉燥一齊撈埋食嘅。鹽酥雞炸到到好脆，入面又唔會好乾，味道又唔會太濃（台灣野多數都好濃味）！另一個係紅燒牛肉配肉燥飯，肉燥飯好大碗，因為店員整錯左碗大嘅，佢照放低話整錯左照俾我地 ：）擺低嘅時候仲問我地食唔食得晒，當然最終我地食得晒啦！紅燒牛肉好入味唔會"un"，但係牛肉又唔會太鹹，廚師應該有調教過味道，始終香港人食野係淡口d！食完大碗肉燥飯同埋乾伴麵之後飽到上心口！

認識呢間小店，不是在雜誌，是在元朗的網上群組，不用宣傳生意已不錯，小店店面頗細小，兩個人坐中間的位好迫，只有少量卡位幸好我剛到時有人食完走，可以坐到卡位。古早味冬瓜茶+$5 楊桃汁+$8: 兩款飲品都係偏甜少少，但小店飲品選擇不多，都要飲。台灣香腸$26: 味道好似台灣食到的，甚有風味，只是台灣的再juicy少少，配上生蒜食好夾，但今完個口留有蒜味好耐。肉燥飯$28: 據說肉燥比魯肉瘦少少，但呢個又唔會因爲瘦肉多而肉粗糙，反而口感細嫩，菜脯爽而不咸，料幾夠送飯。椒鹽炸大腸$28: 不太覺椒鹽，好似普通咋咁，炸大腸真係好多肥膏，無奈又真係惹味食唔停口，蔥粒可以減低油膩。自制手工水餃$42: 菜肉餃，多肉少菜，肉鮮味，但我食到有薑味，唔係我杯茶。小店在臭河邊，難免多少少蚊，都有啲影響進食雅興。

豬手魯肉撈麵: 係好寬GE 粗麵, 有D 似寬條麵, 份量偏小, 細食人士都夠食GE。魯肉甜甜地幾好, 豬手有3,4 舊, 但比較細舊, 唔算多肉。 同元朗某間台灣麵相比, 呢間D 份量少一截, 不占`豬手都入味GE。魷魚鬚:炸粉好薄, 唔會咸, 份量都算多, 炸得剛剛好, 唔會UN, 又唔會太油。好食!其實凍冰冰好想食湯麵, 但聽店員講, 佢地無時間去「拗」湯, 因為要煲好耐, 所以只有撈麵,但撈麵好快凍, 希望佢地第日會出湯麵。

見到pnd推介呢間，心諗會唔會系膳稿。但系元朗又幾近，所以黎試一試。鋪頭唔算大，好彩去既時候系六點左右，未多人食。鋪頭老闆娘系台灣人，電視都播緊台灣新聞😂同老闆娘提起pnd個post,佢好驚訝甘用台灣腔普通話講：欸？怎麼會這樣！？好搞笑。叫左個鹽酥雞肉燥拌面。鹽酥雞好好食，新鮮熱辣，不過面既份量少左dd，但都好好味。個魷魚鬚都系新鮮炸起，好惹味。個紅油抄手幾特別，明顯系自家制。味道有少少少少少少少酸辣，恰到好處，正！最後個飲品揀左芋奶加珍珠，好飲！

呢間野真係經過左都會唔知，佢個門面同普通茶餐廳無分別喎，但內裡你就知道佢厲害！聽說老闆娘是台南人，廣東話超厲害～老闆是香腸大王🤔(應該係)紅燒牛肉麵外表平平無奇是吧～牛肉看似很老是吧～你全部錯晒！肉湯超清甜，無錯係甜！應該有用蘿蔔熬煮，牛肉的油脂剛好不會太濃太膩；牛肉雖然無隔離街台灣人牛肉麵咁柔軟但係入味既，同佢外表好唔統一，而且佢用粗麵，有點似自己手打的感覺，因為超煙靭！一試回味，真心不是蓋的～鹽酥雞拌麵，有點偏乾，但麵仍然是重點，個雞都算鬆脆，愛拌麵人士必食！大腸包小腸真係不得了！香港首見！我可能會每個星期都特登黎食哈哈！應該沒有人不知道大腸包小腸是甚麼吧？糯米腸包住台灣小香腸，上面淋上酸辣汁，配少許炸菜、香菜等配料，不得了個口感同味道完美！

簡單既裝修簡單既味道，店內電視播住既都係台灣台感覺上更台灣😊喜歡尼種不花巧，比較簡單既小店。食台灣野我覺得必點既都係肉燥飯同紅燒牛肉麵☺紅燒牛肉麵$55麵既份量適中唔會太多或太小～牛肉大約有3-4舊左右。先試湯底係幾好既☺餐牌上寫牛肉湯係超過10小時去煮，絕不加味精湯夠濃味而且食完唔口喝👍🏻而麵就係比較闊身果隻，口感有小小似刀削麵。牛肉比較失望，唔夠淋同有小小老，牛肉麻麻地。肉燥飯$26平時食肉燥飯都會食到幾多肥肉粒粒，尼個基本上係冇咩肥肉😋而且肉切得好細，入面仲加左唔辣既菜脯。整體不錯，搭半隻滷水蛋簡單的味道☺$26尼個份量尼個質素性價比高😋大腸包小腸$28小食今次先食尼個😛久違了既大腸包小腸🌭以前台灣既味道係咸咸的，外層煎到脆脆。尼個同樣係糯米包台灣腸。但口感就冇台灣咁脆同佢主要既味道唔係咸味係酸甜味～但尼個比台灣就小一份油膩感🌝

元朗馬田路食肆林立，先前介紹過的嘉兵衞是其中一個摯愛。朋友推介說這新開張的台灣小館十分不錯，立即跑來一試。一進門便覺得這餐廳很討人歡喜。小店格局，座位約有二三十個，全木枱椅，還掛有幾張高雄市立法委員所送的字畫牌匾，很台灣啊飲品是典型台式飲品的盛載方法，紙杯加上封口膠蓋！暖的冬瓜茶冬瓜味濃，只可惜甜了那麼一點點。凍的炭培烏龍茶超有茶味極好喝椒鹽豬大腸。這個不得了大腸炸得外脆內軟，肥膏的分量剛剛好，椒鹽極度香口惹味，一整碟大腸兩三分鐘內極速掃清心裏的魔鬼勁想再來一碟，只是被理智壓了下去吃完肥膏就來點清菜。菜是生菜，新鮮爽甜，加上一點肉臊和醬油已很美味。台灣肉臊飯。肉臊的味道很地道，豬肉剁得很細粒，加上冬菇粒和微甜醬汁，極容易下飯鹵水豬腳肉臊拌麵。事先聲明，這拌麵的真實賣相比這照片要好很多很多，只因本人急不及待,拌麵甫上桌便狼吞虎嚥忘了拍照！吃了三份一才拍，以致照片拍成這鬼樣子鹵水豬腳超好吃，又入味又腍拌麵的麵條質感極佳，咬下去煙靭有彈性。值得注意的是這個肉臊是辣肉臊，辣勁也不小，怕辣的朋友要小心，嗜辣的朋友一定要試試！朋友說得不錯，這間台式小店真的勁正，由裝潢、服務到味道都洋溢著濃得化不開

星期日中午，和老公走著走著，記起這店是新開業，就試試吧。下午1時左右人都不多，我們二人還可以坐四人檯。店內的電視播著台灣的新聞，加上說普通話的店員，真的有點置身台灣的感覺。點了肉燥飯，乾拌麵，鹽酥雞，冬瓜茶及珍珠奶茶試一試。肉燥飯和乾拌麵份量都還可，肉燥是肥肉比較多的，而且肉汁很多，味道不錯。乾拌麵寫著微辣，可以我吃下去是一點辣都沒有，喜歡辣的朋友可能真的要店員加點辣。麵底有很多肉汁，一點也不乾。麵條有點像刀削麵，是闊麵來的，口感很不錯。鹽酥雞份量挺多，而且沒有油膩感，很香脆很好味。珍珠奶茶有點每人失望，因為冰不夠，而且混合得不好，喝到的珍珠是暖的。我試著攪動奶茶，所有的冰都溶了，珍珠仍是暖的。總括來說食物不錯，飲品稍為不足，希望下次會改善吧。

呢間小店味道同裝潢都好有台灣小店既感覺，佈置有點簡單，一入門口就有大大部電視，仲播緊台灣既電視台添，邊食台灣野邊睇台灣電視好有feel呀～炸物拼盤（鹽酥雞、花枝丸、四季豆）完全無油膩感，好厲害呀！連四季豆炸完後都係乾乾爽爽的。花枝丸內有粒粒花枝肉，有咬口，我鐘意炸雞皮薄，雞肉好juicy辣肉燥乾拌麵+紅燒牛肉。麵係手工板條，食得出麵係彈牙的，拌左肉燥鹵汁、豆辦醬同蔥油，醬汁好好味。牛肉都好腍身。手工餃子既餡係韭菜豬肉，餡料本身已經夠咸，另附上一碟咸醬油略為過咸左，如配醋會更好。

在元朗閒逛覓食晚餐，經過這家新開的小店，看到內部擺設都很台式，連下單的格式跟在台灣的路邊小店一樣，吸引我立刻決定要入店內回憶一下台灣的味道。點了四樣肉燥飯的味道很令人懷念，傳統的肉燥是很多很多的肥肉粒粒的，可幸這飯是改良品種，就是我想吃的味道，不會過甜，米飯是台灣米煮出來的，吃這飯味道像是身在台灣一樣。沒有在台灣吃過傳統手工水餃，在這裡試一趟吧！份量很多，沒有吃這的記憶標準，但是，口味太淡，餃皮的口感有點實⋯⋯紅燒牛肉原來是配對肉燥飯（很少點這味），牛肉煮的夠軟，味道也是傳統吧！在台北的紅燒牛肉麵總是有很重的八角味，這小店就較清淡，燙青菜加有肉汁都是很台式做法。整個組合，由店裡的簡單裝置到服務人員至食物質素，真的是地道台式家常飯菜，就是怕傳統為了生存太快被打破罷

“大腸包小腸”味道唔錯，爌肉飯好味， 肉燥飯唔太油膩， 而且非常好食。 雖然食物製作需時， 但店主是台灣人，食物相當地道。 店長名言請人相當難， 可望生意越做越好。 店主相當好人， 很有台灣風情。

廚房唔夠人，食物制作慢，大部份人等吃中。樓面唔夠人，亂哂坑，小妹妹冇heart工作，可能亞媽迫佢做，遊魂中。食物質素不好，味度小小怪，價錢一般不平。雖然想支持小店，但太多問題，都係冇下次。