友記甜品 (Closed)

雖然住$14600幾日，除細個陣，荃灣呢個區，一向都極唔易搵到D平靚正食，但係要搵水準差的食店，可謂比比皆是，但係更差，都唔夠呢間經典！兩年前某個晚上，同我D好友食完晚飯，唔係好夠喉可以點？去食糖水啦！但想又係許\留山，又唔想大良八記，咁就去呢間友記，都幾爆場，坐出門口，於是叫，都係叫埋D西米露等水果甜品，來到一見，好失望，碗碗都\"稀溫溫\"，唉！算啦，想點！？我就叫杯木瓜汁，嘩！離譜到你唔信，以一成的真木瓜汁，溝九成水比你飲，真係唔知做乜！我可以點做，咁就要搵個伙計理論下，點知，個妹妹伙記，就好似當係仇人咁講：咁你想想點？！！！唉！咁我可以點？點知呢個妹妹仲行入鋪內邊行邊鬧，嘩！離譜到..........！今日發現呢個網，兩年啦！啖氣都未係好消到，大家留意啦！

講真...唔係太多人幫襯...只係多個地方hea 下! 同舊朋友聚聚! 佢叫左個芒果西米露...我見到食到尾都幾"水"下! 我叫左個木瓜涼粉....木瓜唔太靚...不過幾多塊下...又係水水地!

一行六人，見杏花樓要等位，而呢間平時入面都有幾多人咁，所以來呢間試下，點知唔試就油旨可，一試就把鬼火！以後都入黑名單！！（１）榴槤pancake－皮好厚（２）芒果刨冰－芒果太酸，真的只有芒果和冰，一些配料也沒有（３）凍涼粉－唔凍，仲有暖（４）芒果西米露－也是芒果太酸，西米露有怪味（５）紅豆沙－好甜（但那真的是糖水），而且水還水渣還渣。（６）士多啤梨西米露－士多啤梨好酸，西米露有怪味救命呀！點解會咁多人幫襯？係咪叫錯野呀～～～

21 June 叫左榴槤飄香，白馬王子同埋一碗香芋既野，唔記得名。榴槤飄香好好食呀！好多好香既榴槤，好滿足呀～榴槤粉絲一定要試～！仲有西米，柚子，同榴槤汁加冰碎做底，＄２４合理，一定會再食呢～～朋友仔果兩碗都好好食，這間甜品店很不錯！雞翼尖同魷魚鬚好似好受歡迎，有機會會試！

第一次o黎呢度食甜品.. 佢d 甜品名又係好靚o架呢!!叫左個"金銀露" 豆腐花.. 問阿姐係咩o黎.. 佢好好人咁話係楊枝金露豆腐花..朋友仔就order 左士多啤梨西米露.. 哇.. 佢o個個賣相仲得呀! ^^o黎到個甜品凍冰冰.. 真係透心涼呀!! heehee!!d 芒果好甜.. 個汁底都好好食呀.. 充滿芒果味.. 又有少少酸酸地o既柚味.. 但係唔會太搶..而豆腐花份量唔係好多.. 大約半碗.. 唔係太甜.. 同埋又真係幾滑喎! o岩o岩好! 雖然d 芒果同豆花o既份量唔算多.. 但係以20 蚊o既質素真係算唔錯o架喇! ^^

今晚好熱...食完飯想食啲涼野...叫左個木瓜涼粉...($18)....木瓜有四塊大大舊, 涼粉一般...個糖水太甜, 我都無食哂...! 老公要熱蕃薯糖水....蕃薯未夠淋...$12! 無咩人....次次經過都好冷清...!

食完好難食的上海菜後，大家一致認為食番個糖水補一補。我例牌食綠豆沙，真材實料，好香臭草味，又多海帶，煮得又好，粒粒綠豆都爆開晒，比起價機貴一倍的甘潮還要好。試了媽媽食的紅豆沙，煲得唔夠起沙，水還水渣還渣。老豆就要了腐竹蛋糖水，腐竹煲到溶晒。老公食了佢摯愛的榴槤布甸，一開蓋一陣陣榴槤味傳出來，以我所見榴槤肉有唔少，佢話味道都OK。係荃灣食完飯，想食個飯後甜品，呢度都OK的。

椰汁紫米露就好香吾太甜幾好味,"白馬王子"就不過不失,可惜D椰汁西米露同香芋西米露真係好甜,甜到漏椒鹽魷魚鬚同雞翼尖好似係即叫即整,因為每次食都好新鮮熱辣,好好味,另外值得一提的是我最愛的榴槤飄香,真係超好味,鍾意食榴槤的人值得一試!!PS.吾係成日都有得食榴槤o既食品,好似係夏天先有得食!

實在食過一次都吾想再返轉頭....西瓜西米露得果3,4片超薄西瓜, 咁就收我廿皮! 真係貴得可憐..

呢次叫左三樣野, 芒果豆腐花, 雜果涼粉, 魷魚鬚. 又先講下菜牌問題, 估唔到鋪仔一間, 做既menu係咁清楚, 每樣甜品都有圖片顏色鮮艷. 不過食品品質就...呢次特登叫魷魚鬚, 即慶性質, 亦係一種感觸, 因時下d酒樓, 個人喜愛既魷魚鬚好似絕左種一樣, 唔易搵到. 搬晒去街邊d小食店咩? 又超昆, 眼見大多用勁厚生粉撻住小小魷魚鬚炸成, 見到都嬲, 蝦人膝頭哥唔食辣椒醬. 不過係呢度, 見到menu相片有, 大膽一叫, 亦好對辦, 少粉, 但嫌鬚size偏細, 實屬中細水平. 小小一碟都要20蚊. 難明今日呢d野變成咁矜貴.而甜品主菜僅屬交功課水平. 芒果豆腐花覺得d芒果太酸, 凍度十足, 岩我口胃, 但d芒果咁凍都令人覺得酸. 可見唔係咁得. 豆腐花都算滑, 但唔覺有乜野甜度. 而雜果涼粉, 眼見舊西瓜係白色, 涼粉係灰色, 廿蚊以上一碗咁野, 唔太抵.

今日同3個FD一齊行街見"支力"就搵野食啦..點知食許留山都好過佢..我本於叫白馬王子..點知佢話星期日先有..之前又唔講..SO叫左個紫米露啦..我FD就叫左個芒果抱冰..點鬼知有條毛(頭髮)換個果新有另一種毛(眼睫毛)仲比我地見到佢地用手"炸"D芒果汁..-_________-;(汗)

無論凍熱甜品d溫度都唔得...凍果d又唔夠凍...熱果d 又只係和暖...

是次兩公婆, 我叫綠豆涼粉, 一入口唔知點解寧舍凍, 唔知係咪有料由雪櫃出, 定係天氣開始熱要凍下你, 狗老婆亦話涼粉好硬口. 不過本人鐘意食凍, 呢個還可以. 另外狗老婆叫黃金椰汁西米香芋露, 呢個就比較出色, 凍食, 一啖啖入口濃郁椰香而來, 夾雜彈牙西米及蕃薯, 令人留下印象. 到最後叫個'白馬王子' 外賣比狗外母食, 佢整得超快, 狗外母食過評語為'食得好飽' , 佢嫌呢碗太多渣.

同男友食完海南雞飯. 想食甜品. 本想去杏花樓. 但多人等位到不得了. 見轉角街尾有呢間甜品店. 見到咁多人食緊. 以為冇死啦. 二話不說就坐底.我叫了芒汁底豆府花. presntation 都ok. 一啖入口就"呻笨" 好難食! 難食在其豆花冇豆味. 但又有好強的石膏粉味. 完全唔滑; 芒果汁底用水開稀...稀之又稀....我寫包單話佢芒汁同水的比例係3:7. 攪到碗野水汪汪..唔掂呀!! 我食左兩啖就投晒降囉~ 男友叫了楊枝甘露. 唔洗多講. 都係用同一個芒汁底做的( 見上文) . 碩果緊存的幾條西柚絲. 少得好可憐. 西米反而多到飛起. 呢碗似芒果(多)西米露多d.一句講晒, 入左Black List 喇! (廿幾蚊碗. 雖然而家買一個甜品係正常價格.但換黎係咁難食. 我都覺得好肉赤~! )

友記係我屋企附近，但次次行過都冇入去食同朋友想搵地方傾偈，於是去食甜品見假日晚上一定full哂，個晚去食係平日，所以都有位地方好細，好迫食個雜果黑珍珠，好在唔係比雜果，係生果，有西瓜蜜瓜哈蜜瓜果，份量夠大，果汁底，夠凍好味，但可以多d生果款式就好得多！！朋友則試木瓜豆腐花，都ok好食