友記甜品 (Closed)

晚餐食唔飽, 便嚟咗食嗰糖水. 夜晚十點鐘, 見呢度有好多人, 所以我決定迫埋一份, 心想應該會好味的.例牌叫咗個合桃糊, 太稀了. 味道都係淡咗少少. 另外叫咗嗰芒果涼粉撈, 除咗芒果好酸之外, 其他都無咩嘢... 做甜品舖, 點會揀咗d酸芒果ga!?見到隔里枱叫咗什果黑珍珠, 有好多什果wo! 睇落都ok呀!

某日下午同友人想食糖水諗起友記好似一直都冇機會食就去左試下四點幾,鋪內冇客,得一個waiter叫左個芒果西米露and雜果涼粉我要評價既係芒果西米,一入口,一個字:酸可能芒果唔係當造既季節啦但係糖水都係冇咩味咁而且朋友食既涼粉都係話麻麻.睇黎荃灣區食甜品呢間並非首選........

常來這裡吃甜品，最鐘意食懷舊局布甸，荔芋味是不二之選…荔蓉好香，配合西米布甸，熱騰騰，冬天佳品，食完暖在心。可惜…再沒荔芋味，只有一味選擇，栗子味，但不好吃，栗子粒太粗…”鞋”口荔芋味只能在回憶中再回味

前2日食完飯,諗住去食甜品對"短裙仔"甜品一般,所以就去友記到食之前食過,都一般,無咩特別但前日去食...服務員態度不好都不在話比碟我地係飛埋落張枱到,落order又唔聽清楚ok~算數,可能你甜品好味呢咁叫左個芒果班"click"朋友叫左哈密瓜西米露同一個鮮雜果西米露唔食由自可,提起幾把火先講生果,無味道~呀..有既..係苦既(甜品生果竟然係苦架=_=)初時以為係我問題,點知同行三位友人都係話無生果味,而芒果仲係苦既忝...d西米露仲正...係水既..水到似將d西米露就咁倒落d水到再比我地咁..=_=以前都無咁差..都唔明點解會咁..佢附近開左間甜品鋪..朋友話d服務員唔好,但甜品唔差..因為佢地成日著短裙仔..感覺麻麻地..所以無幫襯過...唉..睇怕..下次都要幫襯佢地..最後一提..我覺得友記甜品同滿記價錢差唔多比我簡..我會簡滿記..起碼人地服務好d...

(21/6/08)五點幾來,似乎剛開鋪。一女店員不太禮貌起說「未有凍野食喎!」。我地諗住食湯圓,所以入去坐。當我地點緊食乜時,有人客來買外賣,那女店員可以立刻走過去招呼第二個!?anyway,兩碗芝麻糊湯圓$22;綠豆沙$14;薑汁芝麻湯圓$18。好驚喜!芝麻糊好似媽咪煲的水準!沒有開糊粉,完全生磨!正!綠豆沙的綠豆,煲到開晒花,仲加左"臭草",好好味呀~薑汁芝麻湯圓,薑水唔夠辣,不過湯圓又是喜出望外的煙韌,絕對不是急凍湯圓!老公唔"好"甜品,都說這裡的糖水不錯,不會太甜。yeah~同意!

7點幾來到結帳有discount, 上次食過熱和冷的白馬王子, 今次試原個雪梨川貝, 雖然有點甜, 都算ok, 但都係覺得凍的白馬王子最好味。

友記的食品雖然不是很多也很好食...只要選出好食的食品才算好...以往的友記不是太多人去的...但是現在的友記...是可以聊天的好地方...我最喜歡吃士多啤利芒果凍粉...夠特別...很清香味道算好...也最喜歡吃小食...雖然價錢不太抵吃..不過在荃灣的甜品店...沒有這個價錢不用生存了...雞翼尖炸得太乾...吃一口的皮...太硬了...不建議...其實小食也可試試...味道也算好的...

岩岩吃完米線，就過友記幫襯，好耐都無來，品質時好時壞，今次叫了《燉蛋白》和《椰汁紫米露》蛋白豪無味道，紫米露甜到漏，又失望之作。

呢間舖好耐之前幫襯過一次，只有唔好食既印象....隔咗成年，見舖頭仍在，於是膽粗粗再試，結果....甜到入唔到口，生果好似切咗好耐，食兩啖便走佬！一定唔會再幫襯！

落單前問清楚阿姐係咪煲到爛o既腐竹湯水，因為我唔歡喜食原片腐竹冇煲爛o個種。阿姐一拎黎仲等我以為咁筍，四粒湯丸有粒咁大o既..唔記得左原來係三粒湯丸一隻蛋-_-" 湯水甜味剛好，芝麻湯丸好大粒~ 食到有白果味但係成碗都唔見到有一粒至於芒果pancake 幾大舊芒果肉，似浸左好耐糖水，太甜

食完米線~求其入左間甜品鋪~叫左個芒果豆花~芒果唔甜又唔酸, 冇乜味~豆花唔滑~應該都冇下次~

今日放o左工同d同事食宵夜,成2點幾佢地提議去友記.我地一行9人坐低,我叫o左個香苧海底椰紫米露,好甜,好水law.同長發o個d,真係無得比,一碗變3,4碗.我一定唔會再去食law

侍應向我推介黃金露($18蚊)，說是用芋頭煮成，見佢咁落力，即管外賣一試！淡紫色的芋頭露，加上粒粒蕃薯、白果、椰肉和西米，本應合心意，只可惜芋頭露太甜，破壞了整體味道，唯有只吃料，芋頭露由男友攪掂。其實啲料非常唔錯，尤其係啲白果和椰肉，如果唔係咁甜，應該會好好味。

進來友記, 一看餐牌, 價錢偏貴.朋友見餐牌上生果種類佔大多數, 以為生果甜品是這店的主打, 便點了芒果刨冰($21)和芒果西米露(($20).我點了熱紅豆沙($12), 一來是最便宜, 二來我覺得吃傳統糖水最能試出廚房的實力, 始終生甜品太倚靠材料的質素, 和廚藝無關.結果一如所料, 友人覺得芒果有點酸. 令人失望反而熱紅豆沙的質素叫人喜出望外. 一來夠大碗, 二來'起沙', 符合紅豆沙的要求, 三來夠多料, 每一匙都滿是紅豆和蓮子百合, 甜度適中.一個糖水給笑面, 兩個甜品給喊樣, 拉起來算給中立.個人覺得此店的傳統糖水的質素絕對足夠讓此店在這一帶站足, 應讓傳統糖水作為此店的主打.雖然生果甜品成本低, 利錢高, 但如果作為此店主打都做得不好, 枉破壞此店名聲, 不如不做.

吃完燒味的夜，來友記食糖水。　我點芒果椰汁雪糕冰($20)，龍點芒果刨冰($20)，都很冰而沒有鮮果味，差。　又試了特色金沙湯丸($18)，這個才有點水準：由於即叫即製而新鮮熱辣，脆脆的金沙外層與軟軟糯糯的湯丸心形成強烈對比，五粒很快清碟。　服務一般，環境尚可，但糖水不值此價。因有金沙湯丸才不會喊面!