Namdaemoon One Korean Restaurant (Everglory Centre)

尖沙咀韓國街（金巴利街）一向都多人知，以前食過都覺得有d店唔錯。今晚嚟到呢間 南대門韓國料理 ，價錢親民之餘，份量十分足，食落有種親切嘅味道，好似媽媽煮嘅家的味道。坐低一陣，店員阿豬媽已經俾咗幾碟韓國傳統嘅前菜我哋，望落就知係自家醃漬，好有家庭嘅感覺。🍲 參雞湯 呢道韓國傳統滋補湯，用整隻雞加入紅棗、人參、蒜頭同糯米慢熬幾小時。湯底飲落清甜滋補，帶濃濃人參嘅香氣，雞肉夠嫩滑，而且原隻雞份量十足，特別適合女士養生調理飲用，男士飲完就暖身又補氣。🌶️ 海鮮辣豆腐湯（韓式嫩豆腐湯） 呢款以細嫩豆腐、各式海鮮如蛤蜊、蝦、雞蛋和蔥花為主，配埋韓國辣椒粉炒出香辣湯底。湯汁濃郁帶微辣，豆腐軟滑，海鮮鮮甜加上洋蔥甜味配白飯一齊食，刺激得嚟又滋味。🥘 石鍋牛肉飯 熱辣辣嘅石鍋盛載著粒粒分明嘅白飯，鋪滿炒過嘅牛肉片，配搭紫菜、芽菜、菠菜、胡蘿蔔等配菜，層層滋味又豐富，石鍋底嘅焦香飯焦亦十分吸引，食落仲多左種層次😋…Read More

這陣子在看暴君的廚師 經常心思思想吃韓國菜這間尖沙咀的韓國料理以家庭式經營小店出品的味道令人眼前一亮👍🏻👍🏻🐮牛尾刀削麵湯頭超重牛味 很好喝沒有味精👍🏻牛尾煮到軟身帶有少許嚼勁 不難從骨頭分開可以蘸醋食用另外更有點牛筋 嚼勁十足加點翠肉瓜和麵條更搭 一口麵一口泡菜又是另一種滋味味道有像韓國吃到的刀削麵！😍還有忌廉溝鮮奶很久沒有喝了 超級好飲🐽這裡的食物味道不錯 店員都是韓國人 下次會來光顧～～～…Read More

[✨尖沙咀 南대門韓國料理🥢]#尖沙咀 #南대門韓國料理🔸水冷麵 $92清涼解膩嘅經典韓國菜式！麵條爽滑有彈性，湯底帶點芝麻香，冰涼入口超舒爽。岩哂炎炎夏日享用！🔸石鍋牛肉飯 $92石鍋熱騰騰上桌，滋滋聲超有氣氛！牛肉份量足，醃製入味，配上蔬菜同微焦飯粒，拌勻後香氣四溢，食唔停口。🔸鐵板牛仔骨 $179牛仔骨厚實多汁超惹味！份量適合2人分享，————————♡♡♡♡♡♡————————✨總結位於尖沙咀金巴利街嘅南대門韓國料理，係一間由韓國人主理嘅地道韓國餐廳，帶點舊式韓式小店嘅溫馨感，服務員多講英文，偶爾用簡單廣東話溝通，別有一番風味，適合小聚或想吃正宗韓式料理的朋友！📍南대門韓國料理🏠尖沙咀金巴利街1B號恆港中心地下3號舖 …Read More

位於尖沙咀金巴利街的「南大門韓國料理」，顧名思義係一間韓式餐廳🇰🇷店內樓底高，空間感十足韓式前菜入座後店員隨即送上四款韓式前菜，口感爽脆而且開胃，健康美味韓式煎餃子一客有五隻餃子，每隻都煎至金黃色的，外脆內軟～餡料主要係豬肉、粉絲及蔬菜，香氣十足泡菜湯配白飯紅噹噹的泡菜湯，配料包括有嫩豆腐、泡菜及豬肉等等，香辣暖胃，佐飯一流水冷麵冰涼的韓式水冷麵，麵條爽口彈牙，加入檸檬汁及芥末醬一齊食會更加美味及清爽，夏天食就啱晒！伴以青瓜絲、蘿蔔絲、雞蛋及肉片等等，味道同口感都好豐富石鍋牛肉飯熱騰騰的韓國石鍋飯，非常足料！表面整齊放滿牛肉、大豆芽、甘筍絲、菠菜、蘿蔔絲、翠玉瓜及生雞蛋🥚七彩繽紛，營養豐富又健康韓式檸檬茶…Read More

-南대門🇰🇷久違地再黎尖沙咀韓國街「我既大學飯堂 」 — 南대門一如既往地只要行到門口 阿珠媽아저씨就會熱情出黎款待每次係呢度我都會嗌辣海鮮湯麵 因為味道真係好正宗！不過今次心血來潮 反而想食啲平時係度少嗌既野～🥢韓式豬血腸($90)血腸—其實係用豬腸衣包住粉絲、豬血同蔬菜整成 唔會有腥臭味 點少少鹽 就已經好好味 仲好爽彈添🥢參雞湯（$189）份量多到夠4個人食 參雞湯結合左雞湯既濃郁鮮美、人參既獨特甘苦、糯米既香甜軟糯 仲有紅棗、薑蒜等食材既清甜溫潤 食落濃稠滑順 味道醇厚 帶有藥膳清香同補氣既溫補感 年紀大左就係要養下身子🫠🥢麵豉大醬湯 （$85）大醬湯份量勁大碗 湯底濃郁、鹹鮮 帶有發酵豆醬特有醬香和豆香 加上有少少辣椒醬 比日式味噌湯更厚重、微辣 當中有唔少蔬菜同蜆肉 令湯頭層次更豐盛…Read More

尖沙咀韓國街確實幾出名，國內人到尖沙咀都會去打卡，我便特別喜歡幫襯呢間地道韓國🇰🇷料理店，屬平民美食，水準不錯👍雖店鋪不是大，但老闆娘是韓國人， 但識說少少廣東話，又有禮貌都有人情味的☺️☺️有前菜食開胃一下， 之後點了幾款野食，有：人蔘雞湯半隻份量，豐富配料又有人蔘香，雞肉夠腍又滑溜可口！辣炒芝士年糕芝士極多邪惡但好惹味紫菜包飯爽口青瓜、香腸等配料清新可口埋單唔駛$400 兩個人食到飽呀！另外麥茶都幾香…Read More

【🍜南대門韓國料理｜尖沙咀地道韓式風味🇰🇷】在尖沙咀的「南大門」雖然店面不大，但環境乾淨明亮✨，由韓國老闆娘親自主理，員工都是地道韓國人，韓語此起彼落的對話讓人彷彿置身首爾！人均$200就能吃到高性價比的韓料，絕對值得一試～必點「海鮮煎餅」🦑用料超級實在，滿滿的魷魚和蔥段，外皮煎得金黃香脆，蘸上特製醬油簡直完美！「水冷麵」🍜湯底冰涼酸甜，麵條Q彈有嚼勁；「辣炒年糕拉麵」🌶️辣醬濃郁夠味，年糕和拉麵吸飽醬汁，吃起來非常過癮。搭配傳統「米酒」🍶，微甜順口，整體搭配超有韓劇氛圍～份量充足，味道正宗，服務親切，是尖沙咀區難得的溫馨韓食小店。喜歡韓國料理的朋友千萬別錯過！ #尖沙咀美食 #韓國料理 #南大門 #海鮮煎餅 #香港韓食…Read More

尖沙咀南大門韓國料理👍🏻👍🏻正宗韓味，性價比超高！位於尖沙咀韓國街、非常受歡迎嘅～呢間餐廳真係好誇張，無論平日定假日，都經常坐滿客人，特別係見到好多韓國人幫襯，就知佢哋嘅味道有幾正宗啦！最驚喜嘅係，佢哋嘅價錢仲好相宜，性價比超高，絕對係食韓國菜嘅不二之選！鐵板牛仔骨 ($179) 呢個鐵板牛仔骨真係必點！一上枱就香氣撲鼻，熱辣辣。塊塊牛仔骨都切得夠晒大塊，而且燒到外層微焦，肉質嫩滑又多汁，最重要係醃得非常入味，甜甜哋帶少少鹹香，食到停唔到口！$179有咁大份又好食嘅牛仔骨，真係好抵！雜菜牛肉炒粉絲 ($90) 講到韓國菜，點少得炒粉絲呢？呢度嘅雜菜牛肉炒粉絲，韓式味道好正宗，粉絲炒得夠晒彈牙，而且鑊氣十足。入面有豐富嘅雜菜同牛肉絲，口感豐富，味道調得恰到好處，唔會過鹹或過甜，係一道好開胃嘅主食。海鮮煎蔥餅 ($143)另一個驚喜就係呢個海鮮煎蔥餅！佢嘅海鮮配料真係好足料，啖啖都食到鮮甜嘅蝦仁同魷魚，而且蔥嘅份量都好足。煎餅外層煎到金黃香脆，內裡軟糯，點埋佢哋特製嘅醬汁，酸酸甜甜咁，食落好有層次感，大滿足！韓式前菜小碟不得不提嘅仲有佢哋嘅韓式前菜小碟。雖然係免費奉送，但款式多樣又好食，例如有泡菜、涼拌青瓜、豆芽等等，款款都夠特別，而且味道做得好好，好開胃。最正係食完仲可以無限添，真係誠意十足！…Read More

系尖沙咀睇完戲行左去韓國街開街，今次試左間家庭式經營韓國料理Menu 都系一般傳統韓國料理會出現的菜式，忠於原本的味道，沒有太多的改造牛尾湯飯$120牛尾湯飯湯式好清澈，落左少少胡椒粉調味牛尾炆得腍而入味，連埋骨頭食吃有風味餃子年糕湯$92餃子年糕湯的湯底系平時食開的雪濃湯味道，比牛尾湯的味道溫和少少韓子餃子大大粒滿滿的餡料，年糕份量唔少雞肉石鍋飯$92石鍋飯滿滿的料，有齊韓式雞肉、蘿蔔絲、芽菜、青瓜絲，再加隻生蛋撈埋一齊食，系傳統石鍋飯的味道，熱辣辣好好食店主招呼周到，菜式雖然平凡，但忠於傳統韓式料理的味道，系韓國家庭菜的味道呢…Read More

服務態度勁差，叫佢refill啲生菜同泡菜咋，俾個白眼叫我哋食晒先，你阿媽個仔，一碟得嗰六塊生菜，我哋六條友，一人夾一嚿肉，就已經清晒你碟生菜啦，俾嘢度度叔叔，都唔知顧忌啲咩。你開店出嚟唔係攞嘢俾人哋食，咁就執笠啦。個套餐話就話勁抵，一個煮食家一碟燒肉，點知啲肉嚟到得嗰四塊，個煮食就細細兜咁，講緊我係個好細食嘅女仔，一啖都吞得完啦。食緊燒肉梗係勁頸渴㗎啦，一支水飲完其實已經過咗10分鐘，叫佢攞支水嚟都咪咪摩摩，大佬咁唔細心就唔好做服務業啦！…Read More

店內裝修簡潔 坐得舒適🤍 由韓國人打理 所以味道很正宗 多款韓國特色菜都能夠食到😍 很喜歡它們的泡菜煎餅👍🏻 煎得很香口和脆 每啖都能吃到泡菜的味道👅 而辣味燉雞的份量十足 雞肉和薯仔一起去燉🥔 口感很軟✨ 味道也很濃郁炸醬麵加入韓國獨特的黑豆醬調味 配菜有青瓜絲和芝麻🥙 攪拌均勻後很好食😋 味道甜甜的 很開胃🤤 再來韓式豬血糕🤭 豬血和糯米包裹在一起💓 口感很Q彈 不會太腥 沾上少許胡椒粉吃 風味獨特🫡 十分正宗🇰🇷 …Read More

位於尖沙咀金巴利道有唔少韓式餐廳，今日試咗一間叫「南대門韓國料理」嘅小店。小店裝修簡潔，好有家嘅感覺，而食物則充滿正宗韓國口味。雜錦拌飯 ($85) - 飯粒粒分明，軟糯有嚼勁，配上多款蔬菜及牛肉，撈埋微辣嘅醬料，味道非常開胃。清燉牛肋骨湯 ($110) - 湯味道夠濃郁，牛肉亦十分嫩滑，入面仲有洋蔥、韓式粉絲等，非常惹味。牛肋骨湯仲配埋白飯一碗，非常豐富。韓式煎餃子（$75）- 一客有五隻，分量都幾大。餃子皮薄餡鮮，外皮金黃酥脆。紫菜包飯（$66）- 一客有10件，材料簡簡單單，包括有蛋、腸仔、紅蘿蔔及青瓜等材料，口味清新，非常有住家嘅感覺。小店有溫暖小屋感覺，店員亦親切有禮，食物係正宗韓國口味，鍾意食韓國菜嘅朋友可以一試。…Read More

鐵板牛肉炒飯$82鐵板炒飯配上鐵板蛋，混合好有風味，佢啲炒飯炒得勁入味 好口香 真係唔識講 您食完會明😆😆真係好特別既味道❣️❣️牛肉分量都好多唔洗驚2個人share爭住食～ 海鮮豆腐湯$85 呢個都係好出色，個味道完全唔係預製包裝果啲，係自己整既味道，又唔會好辣，加埋海鮮鮮甜 好正，一定要配住飯食 真心正！😋😋海鮮有蝦同蜆，都ok 拉份量，個湯真係2個人share唔夠喉😋😋辣芝士炒年糕$98 啲芝士勁多好正，不過就係個年糕同啲辣醬唔入味，好似無味甘，有啲失望🥹年糕煙韌彈牙夾埋芝士食邪惡 ，重味少少就好了～覆盤子酒 $90好濃覆盤子味 飲唔慣會覺得似藥水味，個人就覺得唔係～飲極都好似仲有甘～2個人share飲抵飲👍…Read More

尋日喺尖東附近行街，同朋友黎到呢間由韓國人主理嘅南대門韓國料理，見價錢都幾合理，一於試下：🐷泡菜炒豬肉真係色香味俱全😍泡菜酸辣開胃，豬肉唔會dry乾，肥瘦相間，仲炒得夠入味，送飯一流😆🍙 韓式紫菜包飯一上枱見到都靚仔，飯粒唔太濕，配料夠多夠平均，係韓國食到嘅味道❗️🍲 豆醬湯配白飯豆醬湯暖笠笠，豆味香濃，入面仲有蜆、豆腐及翠玉瓜等😍配料豐富！✨ 餐廳仲送各款韓式前菜，個人覺得泡菜味道仲幾地道😉…Read More

同韓國地方一樣名嘅餐廳食嘢，真係特別有感覺！廳細細，但係菜式款式超多，今次一次過食咗幾樣地道小食！餐廳環境是正，招待又好。不過前菜有腸仔都係第一次🤣幾乎係每次必食海鮮煎餅，韓國韭菜香甜，加埋特製醬汁，非常惹味，煮菜未嚟差唔多都食晒。炸醬麵都係韓國人家常便飯，叫外賣或者杯麵都會有呢一個選擇，炸醬入邊超多肉，又唔會特別甜，調味適中。除此之外，說濃湯嘅牛肉揀咗牛骨，玉嘅份量都好多加埋粉絲嗍晒湯底，怪得知韓國人解酒咁鍾意飲，清甜得來又香滑。今次人均消費$200 都唔使，仲飲得返韓國舊式嘅罐裝飲品，提子汁超好味。超級推介海鮮煎餅，大家都一定要試。…Read More