十三座牛雜 (Closed)

原來呢間十三座牛雜 係好近新光戲院家, 所以人流一定特別多, 好多人都一碗碗牛雜買走, 細碗$35, 一串就$9, 我地要左一串燒賣, 一串牛雜燒賣就真係麻麻地啦, 牛雜呢就真係唔錯, 配埋芥辣汁就更加好食啦! 唔怪得之咁多人排隊買啦, 不過剪牛雜果個哥仔, 佢真係計好晒size先用把鉸剪剪啲牛雜, 每款都差唔多大小

買小碗$30 牛雜。果然係貴精不貴多，無陣怪味，食得放心 (但覺得唔夠喉)相比起其他賣牛雜o既食店，通常滴到周圍都係汁，呢度咁乾淨，覺得佢唔似賣牛雜 嗌串牛雜有個碟仔裝住，唔會滴汁搞到條街污糟，很好。

平時唔係好食牛雜.. 因為覺得整得唔乾淨會有種怪味... 如果想食牛雜，我會幫襯呢間..1. 牛雜清潔得好乾淨，冇怪味...2. 個牛雜汁食得出有花椒八角，仲有D陳皮味...所以個牛雜唔會因為清潔得乾淨而變得淡口....仲有佢地的伙計係剪牛雜時都好企理乾淨...價錢係有少少貴，但勝在味道好，亦食得放心

d 牛什都真係好好味呀! 夠入味,又夠淋! 雖然有人話好味過廟街牛什, 不過唔知係咪食埋d特色風味呢....我個人都係偏好廟街牛什....不過十三座牛什都值得一讚架!!!正!廟街牛什可以話九龍之冠,十三座就緊係港島之冠啦!!

一直都ok出名既街邊小食….今日行經又忍唔住手想買黎食下…發現樽仔既港式奶茶愈來愈貴了…唉!之前都只係10蚊…宜家已經變到14蚊了….之後買佐個最出名既牛雜8元一串…同八爪魚一串,牛雜咬落去好甘香…好淋tim總…幾好味…而八爪魚食落都幾彈牙爽口…不過最正既係佢地既沙爹汁依然都係咁惹味,一入口香而唔辣，但慢慢就辣起上黎….真係令人回味啊…

十三座已不是小妹第一次光顧，每次點一串都不會夠喉。十分欣賞它的辣，既辣而且很惹味！吃得最多的並非牛雜，而是魚肉燒賣。一般配豉油以及辣油已經很讚。但想不到配合它的辣醬，更加相得益璋！值得一讚的是，吃的時侯有個小鐵盤剩著，大大減低弄穢衣物的機會！十三座的價錢已經隨著知名度慢慢提升，亦即是學生以及打工仔就要多花銀兩了，呵呵！

如果係柴灣人當然對十三座牛雜有一份特別既感情.呢次食飽左晚餐都要專程黎呢度整番串牛雜晚上8點叫做冇咩人唔洗點排隊, 叫左串牛雜,叫佢走牛肺. 只要牛肚,大小腸同牛膀.整串雜都好入味,加上中式芥辣絕對全美味大小腸都好肥美, 牛肚爽口,只嫌牛膀太粉,下次應該要走埋牛膀....另外佢用個鐵盤仔比你裝住黎食,唔洗滴到周圍都係,不但止貼心,而且有公德心雖然8蚊只有6塊,不過貴精不貴多,少食多滋味

下午茶時間，面前看到這馳名，便衝動的買了三十元牛雜。特地吩咐了要少牛膀多牛肺，但結果阿姐還是沒理我。牛雜有牛膀、牛肚、牛腸及牛肺和蘿蔔。全部都入味，但若論味道濃郁的話，食過不同的牛雜後，至今為止我認為潮濠城的牛雜略勝一籌。牛膀對我來將太熟，沒有粉粉的感覺，只有吃泥的口感。牛肚諗身之餘亦爽口，正。蘿蔔我吃到一條渣，但好味道就算了。牛腸每條都有好多肥膏，受不到牛油蘇味太強的人可能吃不來。牛肺不知怎地剪的奇差，三尖八角而並非完整的一舊舊，而且我的牛肺全部都是多管的部份，雖然爽脆但沒了吃牛肺肉的滋味。整碗牛雜水準不差。下次再繼續explore其他牛雜好吃的地方!

牛雜真係好食, 經過都要買一串一串有大概8舊, 每樣野有d, 可以一次過試到唔同款!!!即叫即夾, 夠熱又入味最鍾意佢會俾埋個鐵盤你就住食, 咁就唔怕滴汁啦!

如果放工.放假的日子.十三座牛雜門口總是排了一條長龍.平日下午就一個人都無...如果想過足口隱..一個人都可以買細碗牛雜30元慢慢食,不過俗語都有話少吃多滋味....牛雜8元一串.....加汽水5元加埋13元...牛雜好林....而腸個部份係肥膏滿佈.咬落口甘香...令人回味無窮..食家有說過...剪牛雜無聲響..其實有的...我反而覺得剪的速度唔快另外值得一提..汽水真係冰凍的...夏天飲...真係爽

響壹碗麵食完撈粗，有點口乾，附近雖然有貢茶、水研社等台茶店，但我對珍珠奶茶不太感興趣，反而醒起十三座牛雜有樽仔港式奶茶買，一於去買番支。十三座向來馳名賣牛雜，其實這裡的樽仔奶茶也十分講究，據說茶底以多種茶葉泡製而成，味道比一般茶餐廳嚐到的奶茶更為濃郁，可惜這晚買到的奶茶明顯失準，樽身雪得不夠凍，茶的質感也不夠滑溜，而且偏鞋口，茶味中略帶苦澀，埋尾更覺得有點過甜，整體只是勉強合格，希望是店方偶一失手吧！話時話，兩年前買這支樽仔奶茶只需 $10，今時今日已經要 $14，漲價高達四成，加幅比麥當勞大叔更加強勁呢．．．

原來咁出名架?我有日偶然經過就試左牛肚加大腸 and八爪魚,牛肚夠淋,味道一般,可以講係唔得!大腸,味道全無,差!八爪魚硬過我條命,又係冇gei,差!就呢3樣我已經唔會再試其他啦!咁gei水平,笑料!!

原本黎呢度都淨係食牛雜,但自從搬左去新光側之後,就由5蚊雞賣到8蚊雞一串,真係好得人驚,所以就轉戰旁邊阿姐賣的其他小食(同一鋪呀= =)牛雜當然係好味,自己的泡製真係唔同d,不過貴左d,但係"淨要旁同肺"都係食得過重點介紹,就係紅當當的八爪魚,雖然都係8蚊一串,但係相比牛雜大串好多,而且味道不相伯仲,加上你大大啖咬,起碼可以食十啖,牛雜就六啖了,大大隻的八爪魚配埋d鬼咁死好味的辣汁,真係無得彈,經過都要整返串先安心!仲有,呢度既腸粉(6蚊4條)都好岩學生哥同打工仔食,大大碟,而且腸粉好滑,"殊殊"聲呁落肚,飽肚之餘都好過癮!大家係對面打完機,或者放完工經過,真係可以一試呀,八爪魚

幾年前第一次食, 買了一碗細的, 一個人吃太多了, 但覺得好好味.. 往後有機會來到北角都會再試.. 但係發覺佢價錢一路加, 份量一路縮.. 不過, 乜罷, 反正, 品質越來越不像樣... 最初開檔時, 賣點係老板兄弟班, 親自清洗材料, 確保乾淨, 而家開咗幾間分店, 無可能全部係佢地自己洗卦... 所以最近幾次食都食出'腥'味.. 不太敢再吃...

個位幾騎呢，find 左陣一串都8蚊，所以叫左小碗$30大圓各種牛雜都好入味牛肺特別好食，牛大小腸都太肥喇係隻味單一左d，每種野d味差唔多不過我就係鐘意食呢種味