King Tan BBQ

對上嗰次呢已經係一月份啦！今次再嚟發現轉咗老闆喎！ 環境乾淨咗！企理左！光猛咗！食物款式又多咗喎！ 食物仲好食過以前喎！ 飲品款式亦多元化！ 仲多咗有日本廣島蠔 15蚊大大隻！ 日本帆立貝都係15蚊大大隻抵食！…Read More

食物推介: 豬大腸， 香蔥肥牛， 豬腩肉， 墨魚咀 ，魷魚鬚， 菠蘿， 仲有香蕉， 記得燒嗰陣時落調味， 即係孜然粉， 蒜香粉， 辣椒粉， 再加個芝麻醬汁真係幾惹味！ 環境ok 有自由嘅感覺， 同班老友車聚， 個個都玩到唔捨得走！ 總之有得食有得玩！ 又有鸚鵡， 就有貓貓， 老闆仲借出私人平衡車畀我哋玩 ！ 埸主同我哋有交流 ， 唔識燒仲教我哋燒， 唔使驚冇得食！ 值得一試㗎！…Read More

燒烤場裡邊仲有好多可愛嘅小動物燒韭菜冬菇原條茄子大愛燒蝦真係好惹味好好食重慶燒烤真係好好玩好忙既一晚呀！第一次燒廣島蠔好鮮味原來重慶炭可以燒三個鐘用心經營 良心小店我最愛嘅帆立貝呀！正！…Read More

之前同朋友食飯，佢提起過玩朗有間任食串燒，所以今日專程來試一試，由於怕無位，所以早一日訂位，原來佢地有分2種，一隻係港式燒烤一隻係重慶燒，我地撰左重慶燒。佢地早半個鐘打來確認我們是否到，幫我地開定爐，十分細心。我地一來到就馬上燒得，不過要比左錢先，每位158，一個爐40蚊開爐費,由於我地唔中意食魚同蔬菜，所以都係食肉類、花枝丸同腸等等，煙肉腸同腸仔好咸，加左汁醬都遮吾到，魷魚so無魷魚味，又淡，一d味都無，仲有好明顯的雪味同埋好un，墨魚咀都係，花枝丸係所有食物中最沒有問題的，其次金菇肥牛卷同9菜卷都不錯，咬落去有肉汁，有吾un,而其他肉類都好淡，無好似無醃過咁，而且燒出來無香味，可能佢無用油，正係落水，調味粉方面都係慢慢，食落好似無味咁，除左辣，最後食個波蘿，味道不錯，不太甜，不太酸，咬落淡淡汁。不過職員幾好人會指導你點燒，所以吾識燒吾洗驚。…Read More

一入門口坐了兩分鐘想話等朋友先去比錢開爐，老細就已經話快d 入去比錢開爈先，當時只得二枱客，好多位，都要吹。心想，D食物好食也沒所謂，好可惜太令我失望了，在屋後面的雞及豬扒好似雪咗很久，硬到拿不到，牛肉串又太厚身，好難燒，牛姑肥牛9:00 已經食完冇得Tim。 失望，表面任食，其實限量供應。…Read More

這裡食物品質其差，是沒良心的經營。服務員很隨便，沒餐飲知識，還態度差劣。是圍村人拿錢開吧。出名必吃bbq羊架竟然說冇貨，至於肉類，硬，有雪味，冇調味。豬，牛，那汁都一樣全是雪味，還有冰粒和腥臭味。…Read More

本人7：00 walk in，比了錢後，收銀員説要起爐10－15分鐘。我說，0k。之後等到7：45分鐘都未起到爐，遲來的一班人返而給了他們先。我便行去詢問起爐中的服務員，為何這麼久仍未有爐（心念，只是起兩枱客，因當時只是起我一枱及之後那一班人共兩枱），起爐的服務員説，你walk in 係要耐D㗎啦！10至15分鐘啦！我同佢講，我7：00等到現在，9個字都未比到我喎，他竟然講你唔等得下次咪黎囉！我之後重要等多20分鐘才有個爐。太佬，什麼態度，起兩個爐要一個鐘，重要係我walk in 先，個爐不是比我先，比我之後的人？…Read More

bbq大家就食得多，重慶燒大家應該都食過人地燒埋俾你^_^自己落手落腳相信無幾可試過，其實同bbq雷同，係用小型嘅炭爐上鋪鐵網，然後將一申串嘅材料放上燒，而重慶燒嘅重點係用無數嘅烤粉 辣粉 而5係蜜糖(￣∇￣)呢間烤場規模幾自己家嘅花園感覺，有露天for bbq,亦有蓋嘅重慶燒，舒適通爽第1次燒，成班人掛住自拍搞到啲野燶哂，先知原來技巧係5可以5睇火，佢太近火，一定要無時無刻睇住轉住。:(一路燒就食5到，後來有店員見我地燒得咁廢就頂5順幫我地燒有專人服侍確係5話的佢仲一路教我地邊樣點浸水燒 那樣點燒 最後落醬加粉佢一幫手燒，大家即刻有時間坐低食下先食了韮菜，味道同平時燒嘅5同，味精無咁重，健康啲而丸呀 腸類 5駛多講 易燒快熟 正常美味兼飽肚另外，仲有金菇肥牛，煙肉腸卷，韮菜肥牛，細心而多汁好味店員話每樣材料都俺過，準備好才給客人，可見心思。最難燒係茄子，要燒到熟哂先切開，再落特製嘅芝士牛油，好吸引好惹味任食3小時個價錢仲送你一隻大蝦，同甜品: 朱古力香蕉及燒菠蘿呢3樣一定係專人幫你燒 服務好好大蝦食到再想食，多啲海鮮就好喇 目前有多春魚，三文魚腩同魷魚鬚。。。而甜品都5錯，好新鮮，甜甜的總括而言: 地方比較偏遠，駕車or的士，燒比較難燒，但服務食物都好好。如果多啲食物種類同做多啲宣傳先多人黎眼見個場得小貓3數隻，可能明天星期一吧…Read More

錦田一天遊(鳳眼藍花海及錦田紅磚屋)是窩夫與蝦子餅結婚700日紀念的活動，壓軸節目是燒烤晚餐，第一次試自己動手的重慶燒烤。由錦上路西鐵站乘的士前往勁嘆BBQ燒烤場，車費約30元。重慶燒烤任食三小時，每位158元。每位包汽水一罐或蒸餾水一支。特式串燒中，試了金菇肥牛卷，個人覺得肥牛太肥了。對任食燒烤的丸類沒有很大的信心，只拿了兩粒墨魚丸，絕對是意外驚喜，裡面有大大塊墨魚片，真材實料。韭菜原來要不停加水來燒才會好吃。原隻燒茄子非常好吃。另一邊放了港式燒烤的食物，我們也可放上去燒。雞髀和羊鞍是必食推介，雞髀十分厚肉，肉質嫩滑，肉汁很豐富。一人限量一隻大虎蝦，老闆說來貨價要10元一隻，難怪這麼好吃。厚多士也很好吃呢。到燒水果時間了。燒菠蘿超甜，很想添食呢。切開燒好的香蕉，加點朱古力醬，為是晚燒烤劃上完美句號。…Read More

如題所講，勁嘆啊！！食個bbq又有羊架又有大蝦仲要原隻茄子任你燒，咁仲唔係勁嘆？唔多講介紹下個食物櫃。蔬菜佔一個，肉類又一個，串燒類又一個，仲有腸仔丸類又一個。個人推介：羊架，羊肉串，牛肉串，雞肉串，雞翼，鴨胸，金菇肥牛，肥牛蘆筍，雞皮，冬菇，豆卜，原隻茄子，粟米，蕃薯，魷魚，蕃薯仔，腸仔，墨魚丸一開始入去比完錢就會拎用具，蜜糖十幾蚊。就開爐整火，佢會建議燒腸仔先，第二次黎燒既我都好熟手去拎定食物先。會有水，蜜糖，豉油，三種唔同既調味粉，孜然粉，辣粉，同一種粉。發現左好多羊架係另外燒烤食物個邊，咁梗係要拎啲黎燒啦。會有一個大碟比你拎野。仲有係任拎嫁，大蝦同香蕉菠蘿係計人頭外，所有都任拎。個人推介：香蔥肥牛卷 自己係燒個震加啲辣粉，香味一流，仲要肥牛肉汁多唔會太膩。香蔥好正，唔食蔥既我都想食多幾個。個人推介：羊架 肉質嫩口，仲要肥膏既脂香係冇野代替到，肉唔會老，唔洗咁熟，肉汁先多。孜然粉夠曬好味。個人推介：大蝦 成隻大個蝦有面咁大，肉質鮮甜，蝦膏都有小小，仲要爽囗彈牙既蝦肉。墨魚咀，易燶但係好脆囗豬頸肉冇咩調料都好好食羊肉串加少少孜然粉就好似出街食咁正丸類要好好睇火，個表面易燶蔬菜要加左水先燒唔係既話會燶麵包好厚，加上香草牛油 味道更香，好飽肚特別推介：茄子原隻燒，燒至表層變腍就可以cut開中間，加埋辣粉就完全，真係有出面串燒店既水準啊。特別推介：菠蘿酸酸甜甜可以解油脂 不過每人得一件。香蕉加朱古力醬 真係又香又甜all :8/10…Read More

態度惡劣到完全比吾到分。扣哂分!環境: 偏遠，地方干淨，格局幾好，衛生價錢: 呢個價錢有更好既選擇食物: 我地係食重慶燒，款式還算可以，欣賞佢有原條茄子燒，同埋有糖水比我地飲降火好細心。但每人只得一樣野飲，菠蘿都係得一塊。佢會一串串甘整好哂比人拎, 基本食物種類都有, 很干淨的.蔬菜種類都算多, 有車厘茄,脆肉瓜, 東姑.重慶燒提供3隻味既粉比我地灑落去食, 但都係覺得原味比較正.!態度: 本來係幾好，會行埋黎教我地點燒，如何處理係最好食。但之後真係。。。 。我地有2個爐同時進行，一小時都冇，其中一個已經冇咩力水，d野食燒左15分鐘摸上去都係微暖。於是我地問店員，第一個人答我:“係甘架，如果太猛火野食就會燶，係要慢慢燒，你地等下啦，同埋我地d炭係靚炭，可以用3小時，如果d炭就燒完亦都即係代表你地都夠鐘!!!! ” 。。。好，我地等。。等多15分鐘真係吾掂，甘樣吾飽架喎，隔離個爐同自己既爐，一個好明顯有火，我地個個冇。再問另一位店員可否搞搞佢or換炭第2個人答:“冇得換架喎，d火好靚丫。燒緊丫，你地等下吾好心急，一係放多d肉就會大火d ga 勒!” ， 冇可能吧。。。你望下人地個d...差甘遠。。。佢依然吾幫。。我比左開爐費架喎，甘等法，我地吾飽囉。。我地同佢辯駁左一輪，佢黑哂面仲好大聲甘話同我地換。語氣真係好差。自問我地成班女仔好有禮貌甘問，佢都係甘。。。之後既個半小時，佢地已經對住我地黑面。…Read More

突然心血來潮同朋友想食BBQ, 又唔想買野, 上網去OPENRICE搵下附近有咩BBQ場, 得番幾間T_T, 膽粗粗決定試下呢間既重慶燒烤, 睇到D食評真係擔心, 但係抱住個信念, 大家要既野唔同, 又因為天時地利人和等等.......根據以下食評, 我已戴定額外紙巾, 碗筷, 蚊膏......同最壞打算->只有小量食物提供.出乎意料冇預期咁差, 紙碟質料不錯. 因為我們坐近收費處, 所以有風扇仲可以睇電視! 但真係有虱咬, 郊區難免!因為場內有普通BBQ同埋重慶燒烤, 重慶燒烤係限時三個鐘但可以攞埋普通BBQD野食放上爐面作重慶燒烤, 呢個幾吸引! 普通BBQ唔可以攞重慶燒烤食物燒, 但好似時間限制唔同(長好多).今日見到普通BBQ食物種類少但有不同味道製法. 最吸引係有羊架, 厚切包+自家香草牛油.呢個燒烤場可以帶竉物架!$30開爐費…Read More

這個地方早年幫襯過幾次, 本來環境氣氛都很好, 食物水準也不錯, 就是其中兩次服務態度非常有問題(尤其是負責透爐那位)。 事先聲明, 來這種地方吃喝玩樂, 我們絕不會要求酒店式招呼, 甚至澳牛那種也不介意, 只不過... 事件1. 話說重慶燒途中, 有朋友覺得用同一個夾子(不鏽鋼麵包夾)來處理生熟食物好像不太衛生, 於是我入到屋子裡想多拿一個, 那就可以一個專門夾生肉, 另一個用來夾熟的。炭爐人剛好在水吧裡, 水吧上放著兩個啤酒冰桶, 裡面放滿夾子。我上前表示想多要一個夾子, 「你要多一個夾做乜呀!」此人看來沉默, 一開口可不是開玩笑。我表示想用來分開生熟食物...「無得俾架喎!」「一個爐規定一個夾」(但係我哋有八個人喎)「個個都咁食架啦!!」(有咁多個都唔可以俾多一個我用?) 算了, 正想作罷, 轉身想出去之際, 阿爐突然一句「你哋都多Ｘ餘架~」 。這次我真火了, 我問他剛才說甚麼, 不如再講一次 。阿爐支支吾吾, 我的朋友也來了勸阻。阿爐忽然目露凶光, 把水吧上的夾子冰桶拉下來拋到地上去, 「砰」一聲丟到枱下面去 , 大概怕我們回頭偷牠的寶貝夾子吧 。待續…Read More

是日和一眾朋友去完元朗唱k, 去白泥行了一轉, 搭西鐵去錦上路站, 轉的士去勁嘆燒烤場, 車費大約$28燒烤場分了普通或重慶燒烤, 分別是普通就是平時自己用叉燒, 重慶的是已預先串好的串燒, 價錢是$158/位(任食加一罐飲品), 加開爐費$30, 我們來這裡, 就是為了要試串串燒, 就選了重慶啦。除了一般的雞翼、腸、丸子外, 這裡有很多特別的食物, 如雞皮、香菇、翠肉瓜、車厘茄、煙鴨胸、煙肉腸仔卷、煙肉韮菜卷、魚塊、煙肉金菇卷、司華力腸、厚方包配自製香草蒜蓉牛油醬、自製醃豆卜(甜)、原隻雞脾、紫蕃薯、雞軟骨、牛舌粒、原條茄子任食的。除了原條茄子外, 每樣食材都是小小的, 除了因為爐子面積有限外, 也可令大家不會眼闊肚窄燒太多吃不完, 可以每種試少少, 蠻好的。另外, 大蝦、菠蘿、魷魚條則是每人限一份, 最後有一條燒香蕉大家分開吃。顧客可自攜海鮮來燒, 飲品不能外帶, 不過那裡的飲品也不算天價, 大支的水只是$7, 都算平, 我有帶一支茶, 拿出來飲時, 老闆只是笑笑口提醒, 雖然寫會罰款, 也不嚴厲, 趁他沒看到才拿出來飲就好了, 呵。比較特別的是燒茄子, 是原隻燒的, 燒到差不多爆就切開兩邊, 然後將裡面的肉挑出來吃, 一條大大隻的茄子, 挑出的肉卻不多, 肉很juicy很香, 老闆說這食法比出面買到的好, 出面的多是切開一半燒, 會快很多, 但之後肉就乾掉了不好吃, 要靠大量香料和蒜去調味, 這裡卻可以吃到原汁原味, 我們燒了三四條呢。因為大家都沒試過這樣BBQ, 出了不少差錯, 幸好老闆很照顧我們, 常常來教和幫我們燒, 原來蔬菜類如菇、菜、瓜等, 要一直搽好多水來燒, 否則就會好乾不能吃, 燒菜實在是很新穎特別, 但也很難掌握, 尤其菜葉很易乾到吃不到, 而燒菠蘿是微微燒香就可以, 好甜好juicy, 香蕉是燒完後淋上朱古力醬, 是個甜品來的。吃到差不多, 更有好甜的哈蜜瓜和好好味的腐竹雞蛋糖水, 送給我們, 因當晚顧客不多, 不知是人人有份, 還是只給我們啦, 還倒了少少白酒分給我們試飲, 老闆十分好客呢。總括來說, 幾乎所有食物都是好吃的, 我特別喜歡大蝦(好彈牙)、翠肉瓜、蕃茄仔、煙鴨胸、香菇、茄子、煙肉韮菜卷, 食物種類多, 又好食, 自己燒又好玩, $158是好抵食的, 如要計算在外吃的串燒價錢, 在這裡一定可以回本。不過話說回來, 我一向也不贊成BBQ, 因為會增加生Cancer的機會, 而這裡的重慶燒, 個人覺得幾易燶, 而且食物十分接近炭, 炭灰常常都飛上來, 一整晚應吃了不少灰, 實在是對身體健康不好, 不過久久吃一次, 也是可以接受吧。走的時候老闆教我們搭的士, 先去大欖隧道轉車站, 然後去錦上路西鐵站, 原來燒烤場去轉車站比西鐵站還近呢, 對住其他區的朋友來說, 回家路程也算方便。…Read More

如何去 標題可以見到 地方算是大的 有分港式bbq 和重慶bbq 食物種類不少 我地是重慶bbq所以可以一同吃港式bbq的食物 交下開爐費及人頭費便可以取東西吃 我們也急不及待取下不少串燒食物 店內有人教授如何重慶bbq 開頭第一轉燒下香腸等食物 緊接送上每人一隻大頭蝦 差點大過我的頭 一邊燒烤一邊閒聊近況 這個燒烤活動十分精彩場內人不多 只有重慶bbq的客人 所以我們可以任意交談 也不會影響他人 燒烤旁有不同的調味粉可以自由撘配 辣粉味道不錯 可以撒在雞翼上 有原隻茄子燒烤 不同在燒烤攤有的也有 可以自由取食物最後不能錯過的是燒菠蘿及燒香蕉 菠蘿燒烤後 酸甜酸甜 胃囗十足 香蕉燒烤後 配上朱古力醬 也頗美味 最後我地在一旁玩遊戲 直至差不多打烊 但也沒有趕我們離開 因為人不太多 :) :) 地方環境不錯 食物種類多 但飲品只能每人一枝 有點少…Read More