劉興記生煎包專門店

Open Now

Now Closed

食完Brunch 再會合兩位男士～去元朗食爆汁生煎包皆因要等呀肥收工～老豆同佢食high tea完唔夠飽咁我同媽咪當然奉陪啦！首先叫3個人氣熱賣皇牌套餐先S1 上海排骨湯麵+1隻生煎包 $54排骨皮脆肉juicy~麵條幾煙韌～S3 鮮雞湯小雲吞（12粒）+生煎包2隻 $54小雲吞一口一粒～雖然係迷你版但餡都幾多，唔錯S4 迷你雞絲酸辣湯+生煎包6隻 $59酸辣湯酸度適中～雞絲份量十足3個餐都配凍低糖豆漿～再另加一杯～因為兩位男士一啖就飲晒😆加上生煎包需要等20分鐘～我地再叫左原味小籠包$40/4隻＆4杯豆漿🙈小籠包皮唔算厚，亦唔會薄到一拎起就漏汁，剛好兜得住d湯汁，唔錯。4隻蟹黃生煎包 $72 同埋前面套餐9隻生煎包一齊嚟即叫即整所以大家食要小心，唔好太大啖真係辣咀🙈一咬開會見到好多汁浪下浪下，多汁過小籠包，肉餡都好多～蟹黃生煎包相對湯汁比原味少d，但鮮味搭夠，蟹黃亦好足料，我好鍾意😆食左咁多野都係3百幾蚊，平靚正之選，怪不得咁爆場店員好忙一腳踢～不過好有禮貌，亦都會推介下邊d多人食～見我地有兩個身型強壯～問我地卡位迫唔迫，使唔使調位，蛋糕亦比我地放住隔離位先，好有人情味🩷🩵

本身諗住叫散叫，但發覺佢地既皇牌套餐價更加便宜，即刻喊左一個麻醬手撕雞粉皮+生煎包套餐，仲送一杯豆漿（$54）招牌生煎包外型精緻，上面有少少芝麻同香蔥作點綴，未食已經聞到好香！本身我預左會爆汁，食得好小心，但都係爆汁爆左出黎🙈 皮薄肉滑，生煎包一面煎到香脆，連埋肉汁一齊食，簡直更上一層樓麻醬手撕雞粉皮夏日炎炎，最適合食涼爽既食品。麻醬濃郁順滑，好似有少少花生醬味道，配上青瓜絲，味道清新開胃。百步香蔥油餅（$28）香脆有層次，唔知係咪咁啱我食果件係邊角位，所以餡料相對較少，反而似食皮多過餡。但大體都唔錯！可能去既時候尚早未到晚市，所以顧客未算好多，價格相宜，值得一試。

速食好味之選👍🏻招牌生煎包(4粒） ＄30新鮮煎好，熱辣辣爆汁生煎包相當多肉汁，個外皮脆卜卜，入面豬肉調味相對較甜。蟹黃生煎包 ＄18 1粒蟹黃足料香氣撲鼻，內有好多黃油，好邪惡，好出色！一叫要叫兩粒先夠喉😉上海排骨湯麵 $42 炸排骨切好上碟，分成幾件，方便食用，外皮脆口，正常發揮👍🏻；湯麵清清淡淡，選用清湯，小朋友食都適合。*****No special discount offered by the resto*****ℳℯ𝓃𝓊

聽聞元朗都開左劉興記之前係其他區都好多人排隊元朗開左梗係要試下🧡生炸雞扒湯麵雞扒好薄身但炸粉一樣好薄炸到好金黃外脆內軟麵轉左做幼麵麵身偏黃食落好香蛋味🧡生煎包梗係要叫人氣生煎包底下煎到金黃色店員好貼心提醒會爆汁一咬個皮好脆身入面d 肉汁湧出黎真係唔錯🧡蟹黃生煎包咬落入面一樣甘爆汁肉汁加上蟹黃味道額外有種鮮甜味🧡迷你雞絲酸辣湯因為同生煎包係一set所以依個size 係迷你但對女仔黎講都夠雞絲配料好足湯底夠哂酸酸甜甜好開胃店內裝修刻意行復古連碗碟花紋都有古色古香既味道價錢又唔貴絕對可以encore

自從睇完媒體介紹就勁想去食，期待左好耐，等老公放假就帶佢哋一齊去試吓劉興記生煎包，真係超級無敵好味🤤爆晒汁，我一咬落去噴到老公成件衫都係😅比佢鬧我🥹大家如果去試記得唔好著白色衫同埋新衫去食😂如果你係住係大西北嘅，好方便搭西鐵朗屏站B2出口！好快到大約行4分鐘👍各位媽媽爸爸放心帶埋bb車都得，因為我揀餐廳一定係帶到bb車😅今日我哋揀左幾款野食👇🏻太正😍👉🏻招牌生煎包 （必食）👉🏻蟹粉生煎包 （必食）超Juice 香口包底鬆化，記得趁熱食建議先啜好汁，否則隨時有爆汁可能🤣但記得睇熱小心食，唔係會燙親燙口😅👉🏻排骨蔥油拌麵大人細佬都岩食，排骨鬆軟！瑤瑤食左大半碗，佢話麵麵好好食😋👉🏻麻醬手撕雞絲粉皮醬汁調校得非常棒，粉皮爽滑，配埋青瓜絲十分適合夏天食！我同老公都超鍾意😊👉🏻雞絲酸辣湯小雲吞（6粒）湯底獨特，非一般芡汁，非常之足料，而且十分開胃！👉🏻手工豆沙鍋餅👉🏻百步香蔥油餅非常建議你食完先叫，餅類揀晒兩款，廚房即叫即做需時，黎到記得趁熱食，值得推介哩兩款，不覺油膩香脆鬆化，唔會太甜太鹹！而且餐廳好好會幫你切開咗細細舊慢慢食！我非常欣賞餐廳十分細心提供套餐，就算你自己一個人去食都冇問題，讓客

見到有生煎包食又幾多人幫襯，即管試一試。👉🏻招牌生煎包好多食評都話好爆汁，所以我哋都穩陣啲攤左陣先食。好輕力咬左一啖已經必晒汁，湯汁好鮮甜，肉餡都幾大。口大嘅朋友建議一啖一個😋👉🏻蟹皇生煎包 蟹皇比起普通生煎包多左啲鮮味，整體都係好多汁鮮甜。我哋每人食左4隻生煎包，其實都幾飽肚。👉🏻麻醬手撕雞絲粉皮可以叫多醬👍🏻黎到真係好多醬，粉皮滑溜，好味。👉🏻排骨蔥油拌麵👉🏻手工豆沙窩餅

劉興記居然嚟到元朗啦！之前我朋友食過佢喺旺角嘅分店，俾咗10個手指公佢，大讚好味！不過我就未試過，難得見到元朗都開分店，梗係要來試吓啦！我哋平日晚上時間去到，餐廳都好多人差唔多座無虛席，可見其受歡迎程度！一入到去餐廳服務員態度都好好😌呢度裝修都好新淨，餐廳採用QR code落單，不過唔鍾意嘅話都可以親身同店員落單🤭🤭佢哋都笑容滿面態度好好👍🏻，一啲都唔介意幫手！呢度嘅食物好抵食，除咗單叫，仲有套餐，套餐價錢非常親民☺️☺️50幾蚊就有兩款食物仲包埋豆漿，唔鍾意飲豆漿嘅朋友仲可以加$8轉汽水🥤，選擇真係非常多啊😃😃我地叫咗幾款食物，包括招牌上海菜排骨菜飯睇完啦、招牌擔擔麵、迷你雞絲酸辣湯、生煎包六隻、豆沙鍋餅，當中我最鐘意生煎包🥳🥳🥳招牌上海菜排骨菜飯招牌擔擔麵迷你雞絲酸辣湯生煎包六隻豆沙鍋餅今次既生煎包體驗真係非常滿足😌，我想再帶多啲朋友黎試🥰🥰🥰劉興記生煎包專門店 (元朗)元朗俊賢坊18號權益大樓地下15號舖

屯馬沿線🚈找美食 ⇒朗屏🚏B2出口元朗廣場方向 步行大約3至4分鐘🚶‍♀️🔥紅生煎包最近開到入嚟元朗國😚👆提供數款套餐包一杯豆漿 另外單叫有菜飯 湯麵 涼拌及小食…等#招牌生煎包 #蟹黃生煎包 生煎包有兩款口味 👐包底煎到金黃脆口😚好爆汁💦 坐係對面嘅人要小心⚠️首先要小口吃一啖 索哂啲湯汁先呀~😆皮薄餡靚 味道鮮甜 必叫之選😋#糖醋炸排骨菜飯 酸甜香脆惹味 菜飯份量也不少😚#排骨蔥油拌麵排骨大份炸漿夠薄身👍入口酥脆香口😚拌麵表面油亮 入口爽彈 蔥油味夠香唔錯😋

生煎包果然係要堂食最好食🤤🤤呢間我叫過外賣 今次試埋堂食堂食真係好食過外賣好多😋啲生煎包嘅溫度keep得到暖暖地咁食 仲有啲湯汁流出嚟又唔會太熱 唔會焫親個嘴招牌生煎包四隻$30 招牌擔擔麵$42 湯底香濃，好香花生味，個湯底做得幾好，而且有好多碎肉同埋芝麻喺面頭，仲有啲櫻花蝦同埋蔥花，呢個面整得好食😋👍🏽秘製上海炸排骨$22我食麵一定要有啲餸一齊食，所以我另外再叫咗個秘製上海炸排骨，個排骨都整得好好味👍🏽調味啱啱好，口感香脆，感覺亦都唔會太熱氣麻醬手撕雞絲粉皮$35芝麻醬香濃，加埋面頭仲有好多白芝麻，加埋青瓜絲解濟👍🏽豆漿$8一杯豆漿應該係自己整嘅，加分👍🏽

話明係食生煎包，嚟到緊係食生煎包😂 呢間舖頭可以話一夜之間爆紅？突然被瘋狂洗板，搞到好想一試究竟！環境餐牌原來唔止生煎包食！仲有套餐添，但我想淨係食生煎包，所以都選擇散叫。 招牌生煎包 $45/6隻自問對生煎包來歷唔係話太認識，睇店家張貼出來先知生煎包都有分幫派！而呢到係灬渾水派，揚幫做法（開口向下）、未發酵面、皮面灑上黑芝麻，皮薄餡大，真係每一粒都做到爆汁🥹湯汁濃郁，肉嫩多汁，底部煎至脆口增加口感，高質！ 蟹黃生煎包 $38/2隻鍾意更濃口味嘅就唔可以錯過蟹黃味，比起原味更加爆汁，而且裏面更有蟹肉，呢個價錢亦都容易接受。

鐘意食上海野同生煎包既朋友要試吓❣️3大3小，一共叫咗八樣嘢食🤭🤭⭐️招牌生煎包 $20(2pcs) 蟹黃生煎包 $18(1pc)兩款生煎包都好食，真係爆汁架😋😋⭐️上海排骨菜飯 $42⭐️酥炸小雲吞 $25細細粒又香口，三個小朋友食得好happy,大人細路都話好食😋😋⭐️生炸雞扒湯麵 $42 上海排骨湯 $42同小朋友出街一定叫碗麵，三個小朋友差唔多分晒兩碗👍🏻👍🏻⭐️麻醬手撕雞雞絲粉皮 $35個人認為係必食推介❣️❣️❣️⭐️雞絲酸辣湯 $30媽媽朋友話正👍🏻👍🏻餐廳好近朗屏站，西鐵站一出行幾分鐘就到👍🏻推介👍🏻👍🏻👍🏻

身為大西北牛牛🐮，連發哥都幫襯嘅生煎包，梗係要去朝聖啦🔹招牌生煎包超級爆汁，包子底煎到金黃色唔燶，用本地豬肉做焰料，肉質鮮嫩美味，不愧是招牌菜🔹蟹皇生煎包第一次食生煎包會噴射式爆汁，餡料有蟹粉、蟹黃、蟹肉同豬肉，十分足料，絕對係誠意之作🔹麻醬手撕雞絲粉皮人手將雞肉撕成絲，配上Q 彈粉皮和香濃麻醬，份量十足，十分飽肚🔹上海排骨菜飯豬扒肉嫩香脆，炸粉唔太厚，配埋菜飯一流🔹手工豆沙窩餅去上海餐廳必點甜品，外脆內軟，豆沙餡唔太甜，難得外皮亦唔太油膩

叫個麻醬手撕雞，得個幾條雞絲，經過爭取先俾番正常份量，所以見到有問題要出聲，會吾會太過份呢，生煎包都係一般，不過不失，有時真係吾好信坊間傳媒，水分頗高，裝潢係之前茶餐廳既裝飾

朗屏西鐵站相隔2分鐘嘅劉興記試吓發哥都推介嘅生煎包名店蟹粉生煎包同招牌生煎包🌟🌟🌟🌟🌟招牌菜式，皮薄、夠脆、多汁唔使講，必食驚喜推介雞絲酸辣湯麵🌟🌟🌟🌟🌟酸辣湯酸酸辣辣，超級開胃，超足料酸辣湯入面有木耳、冬菇、肉絲、一定唔會水汪汪。最鍾意佢夠酸，配搭手工麵，好味，令人食慾大增酥炸小雲吞🌟🌟🌟🌟🌟三個細路一致好評🤭新鮮熱辣，夠晒香脆，小朋友食唔停口，小雲吞肉餡唔會太乾，如果有嘢點下，咁就perfect啦 生炸雞扒湯麵🌟🌟🌟🌟Lisa 用行動表示，呢個面底超好味，自己差唔多食晒一碗，仲要連啲湯都飲埋，店長表示，啲湯係雞湯煲出嚟🫢飲晒都唔怕重點係我哋一行三個細路，三個大人，d姐姐勁主動，拎晒碗仔俾細路，雖然繁忙時間，又會嚟睇吓有冇嘢需要收走，同細路👧🏻食野既都知，張枱幾大都係唔夠大🫢🫢總括嚟講都係10分❤️愉快嘅用餐體驗

最近我地去左近日人氣超高嘅生煎包專門店😍除左可以係港九食到之外，而家喺元朗都開左新分店👍🏻當然要試下傳聞勁爆汁生煎包啦🥰✨招牌生煎包因為師傅需要用心烹調，所以即叫即製，生煎包底部煎得香脆可口，內裡新鮮豬肉配上勁濃郁嘅湯汁，可以咬開少少個包，飲啖湯汁再食，非常好味！😋✨麻醬手撕雞絲粉皮估唔到呢道比想像中好食！雞絲好鮮嫩，粉皮質地軟滑，配上青瓜絲同大量足料嘅麻醬，每一條粉皮都掛滿醬汁，一食就停唔到口😍✨迷你雞絲酸辣湯雖然跟餐份量偏細，但好足料，而且酸辣程度適中好開胃👍🏻✨上海排骨湯麵上海粗麵配上蛋絲，豬扒非常大件，炸得外脆內軟，啖啖肉🍜✨手工豆沙窩餅外脆酥皮加上豆沙內餡，味道唔會太甜，作為甜點一流😋