劉興記生煎包專門店

Open Now

Now Closed

諗住食生煎包唔會難食… 點知真係好唔掂。 生煎包好似已經煮好咗好耐之後拎返出嚟。一啲都唔熱。 豬肉唔係新鮮嗰隻。 套餐真係好難食配搭真係唔係幾好。我選擇咗雞絲撈粉皮套餐，我覺得好難食啲花生醬都唔靚，一直好似食緊花生醬撈麵。 Had lunch here and the buns were not hot and the pork used was also not fresh. For what I got I don’t feel it tasted good at all. It was passable at best.

Renowned for the pan-fried buns, this shop has expanded its business to a great extent by opening quite a number of new chain stores within a short period of time. A multitude of foodies have dropped by it recently. Some said that they were amazing but some said the dining experience was barely eligible. Being curious, I had a visit to it.👍🏿Signature Pan-fried buns $45/6pcs (7/10)As their signature, I ordered it without any hesitation. It was served within 5 mins after I had ordered. Such a pity

聽講上環開多間上海生煎包舖頭，我本來都好興奮，因為實在太耐食唔到啲好少少嘅上海菜。第一次去叫外賣嘅時候，雖然人手比較少等就比較耐，但係起碼攞到返公司食嘅時候都仲係熱辣辣爆曬汁，而排骨菜飯嗰啲排骨亦都炸得好酥脆啲排骨亦都醃得好入味。但第二次去叫嘅時候就令人極度失望，啲生煎包凍嘅不特止仲要冇汁。個排骨菜飯啲排骨腍晒，啲排骨一啲味都冇。成個外賣唯一覺得係正常水準嘅，只係得嗰杯豆漿。我個同事嬲到食咗一啖成盒嘢揼咗。雖然話唔係貴，但係起碼個套餐都成五十幾六十蚊你起碼都俾啲熱嘢我食吖。

因為在社交媒體看到熱窩上的生煎包們就一直bookmark 劉興記估唔到短短小間開到香港、九龍也桃李滿門。上環巧遇而且冇人排隊，0 秒決定入去食午餐。點了一份午餐上海小雲吞、生煎包二隻、豆漿另外生煎包二隻、豆沙窩餅先送上兩份生煎包一看就知吾新鮮全部都扁塌，幸好咬落去都係熱嘅，有肉汁，但肉餡散開，包底皮又硬又厚，一個字講晒差！ 豆沙窩餅更加難食，我只係食到厚麵粉加上吾甜嘅豆沙…….豆漿雖然系跟餐都吾使咁細杯，其實豆漿成本好低，感覺好cheap 。最後「上海小雲吞」也送上朋友話總算有碗正常嘢，但稱不上好食囉。

劉興記生煎包上環有2間分店，但每到中午時段都排長龍，平均等半個鐘左右先揾到位置坐低.幸好佢上菜快，不用等多久就有熱乎乎的生煎包！ （亦可以選擇外賣）每一隻生煎包都金黃焦脆！好厲害！隻隻包都唔穿唔黐底，外脆內軟一口爆湯，湯汁多到快有一匙～肉質飽滿～套餐有四款選擇，午餐時段必推飽肚的頭二個選項～仲包埋豆漿～$54 性價比高～雞絲粉皮爽口的雞絲粉皮是我最愛。份量幾多，加上麻醬非常開胃～ 秘製豬扒菜飯豬扒香噴噴又大塊，肉質嫩滑鬆軟，保留肉，比一般的豬扒更好吃。可選擇配菜飯/擔擔麵

上環最近新開咗上海嘢，lunch放飯時間嚟試試，睇睇餐牌價錢跟其他嘅差不多，50-60蚊有一份套餐，今日想食吓蔥油拌麵，所以無要指定套餐，單點食物就好啦！✨蔥油拌麵上海麵麵條幼身但沾滿蔥油，蔥粒不是新鮮，感覺似爆香蔥粒乾，蔥味夠晒！✨生煎包生煎包是上海店必要的食物，呢間嘅水準都係中上水平，包底煎得香脆，內裏湯汁又夠多，爆晒出嚟，好正！✨豆漿套餐會附送一杯豆漿，味道都正常，豆味夠香濃下次再來會食午市套餐😋

平日午市時間大排長龍，建議早點在手機下單，節省時間。🚇交通：近上環站 A2出口，在蘇杭冰室旁邊。🏠環境：門面和室內面積較細，座位不多，大約只可容納十六位客人，裝潢十分簡約，木系的吧枱，後方是廚房。🤵🏻服務：人手/電話下單，不收取加一，較多人外賣。🍽️午市：主打生煎包和上海小菜，提供約60元套餐。🥢招牌上海排骨菜飯/湯麵＋🥟生煎包1隻 $54排骨不多，飯量正常，排骨炸得很酥脆，菜飯有點乾身，🤩最出色是生煎包，🤤皮薄爆多湯汁，肉餡很清甜，對比之前吃過的小楊生煎，個人認為更出色😝，因為小楊生煎的包皮較厚，底部煎香後會變得硬身😗，這間完全沒這個問題，☺️必點！🥢麻醬手撕雞粉皮+🥟生煎包2隻 $54雖然份量不多，但其實愈吃愈感到膩，因為花生🥜醬和麻醬好足料，粉皮很滑滑溜，拌勻後香味四溢，不錯！

今日lunchtime同同事嚟到上環 佢話帶我嚟食生煎包lunchtime都幾多人 無論堂食定外賣 都要排隊價格都幾親民難怪咁多人嚟食招牌生煎包 $30/4隻外層都煎得幾脆 一咬落去就爆晒湯汁雞絲酸辣湯麵 $34個麵身都幾爽牙 但個湯底對我嚟講 就有少少偏酸🤏🏻麻醬手撕雞粉皮 $35好香好濃郁嘅麻醬再撈埋青瓜秘製上海炸排骨 $22炸得酥脆 而肉質都仲幾juicy 我鐘意加埋豆瓣醬 夠晒惹味酥炸小雲吞 $25一口一粒 好小巧嘅雲吞😂手工豆沙鍋餅 $28豆沙幾香

劉興記生煎包專門店(上環)上環文咸東街2號地舖經開上環，老友想食生煎包，帶咗我去劉興記，果然冇介紹錯，有驚喜。😸招牌生煎包生煎包加了香蔥和黑芝麻，金黃色的外層香脆煙韌，一口咬落去爆汁，原來要飲曬生煎包內的肉汁先至可以一口咬落去😂。餡料新鮮，保留原材料的味道，調味做得好好，必食！下次去我會食六個，抵食好多。🤤麻醬手撕雞絲粉皮手撕雞新鮮嫩滑，青瓜絲清新爽口，捲狀的粉皮口感煙韌，將又香又滑的麻醬撈勻，好味道！🤤秘製上海炸排骨大廚即叫即炸，外層香脆，肉汁豐富，醃製得恰到好處，可以加甜酸辣醬提升層次，推薦！😍豆漿豆味香濃，甜度適中，健康有益。😽劉興記生煎包專門店 食材新鮮，招牌菜出色，侍應服務態度好，還會再來。😎🤘🏻

🍗麻醬手撕鷄絲粉皮+生煎包2隻 $54雞絲粉皮拌濃郁麻醬，粉皮出色,好香麻醬味👍，闊身滑溜晶瑩剔透，鋪滿雞絲同清爽青瓜絲🥒，好岩夏天食，生煎入面有好多湯汁食既時候會爆汁😍，底煎到脆身，最驚喜系外賣都keep到，面頭加左好多黑芝麻同埋蔥🌿，套餐仲送豆漿，好抵食😄 🫘手工豆沙窩餅 $28食上海菜點少得豆沙窩餅，豆沙窩餅餅皮脆，豆沙餡唔會過甜😝✨餐廳主打生煎包同埋上海菜，堂食座位唔多，價錢親民，CP值高，唔怪之得外賣都排長龍

馳名生煎包@劉興記要上幾級樓梯先至入到去嘅餐館在香港唔算好多。不過上環永樂街139號就有一間上海食品嘅專門店→劉興記。🌊S2套餐→痲醬手撕雞粉皮+生煎包2隻 $ 54賣相很吸引，手撕雞鮮甜味美，夾埋長長青瓜🥒絲，咬落颯颯有聲，其味無窮！粉皮晶瑩亮澤，蘸上香濃麻醬，甚是匹配！而生煎包的包頂煎得脆脹又唔會硬崩崩，加上豬肉饀料鮮美可口！👍👍🌊蟹黃生煎包👍 $18/pc廚師🧑🏼‍🍳同樣將個包頂煎到脆卜卜，夾開後裡面湯汁非常豐盈，流過不停，一陣陣🦀幽香，食落感覺很惹味！唔知阿發哥有冇品嘗過？？🌊上海排骨菜飯👍 $ 42飯🍚唔會好油膩，原來排骨是pork chop，做成脆炸酥扒，味道上乘！🌊鮮雞湯小雲吞（12粒）$ 25湯🥣清甜，雲吞皮又薄又滑饀新鮮，望見一柳柳蛋絲，成個開胃哂！👍👍🌊低糖豆漿 $ 10可冷飲也可熱飲。低糖就不怕升糖指數太高了，故可以放心淺嚼黃豆的精華。由於2間劉興記座落上環；故此價錢公道又飽肚，不過8點就收舖，放工後要請早！否則望門興嘆！😁😝

餐牌選擇都幾多 除咗生煎包 仲有各式湯麵、菜飯、雲吞、小食價錢實惠 我就直接嗌左皇牌套餐 $54有齊主食+生煎包+豆漿😍✿ 招牌生煎包 ✿上枱熱辣辣💨咬落去湯汁爆晒出黎💥外皮煎香 皮薄內嫩👍🏻✿ 麻醬手撕雞絲粉皮 ✿依個麻醬幾有驚喜 唔係好creamy嗰種 偏向係麻油咸香麻醬好慷慨 每條粉皮都掛晒汁😽雞絲同青瓜絲既份量都好多🙌🏼✿ 招牌上海排骨菜飯 ✿好大碗飯😹😹炸排骨都好大舊肉厚之餘入面肉質粉嫩😻不得不說老闆真係幾有人情味雖然鋪頭收8點 但有婆婆8點黎到想買外賣老闆都照做比佢 介紹有咩好食仲主動邀請婆婆入黎堂食 陪佢傾偈咁有人情味既小店宜家真係買少見少🥲🩷

見到電視推介話逆視擴充，大排長龍，專登搭車誇區去食，但結果有點失望，無想像中好食。食物：生煎包餡料份量係適中既、但皮太厚、汁偏清甜、芝麻太搶味、溫度只有微溫。感覺真的很一般，坊間大把食生煎包既舖頭比佢更好食。酸辣湯味道尚可，但皇牌餐配的迷你份量的確相當迷你，感覺CP值不高。跟餐送既豆漿，細杯，送既味道。環境：新開，乾淨既、晚上6點唔使排隊。不過主做外賣，坐位不多。無乜冷氣，黎緊夏天，加返冷氣會好好多。

荃灣有間爆紅會噴汁嘅生煎包，最後係上環開佐分店，咁緊係即約埋同事一齊去試吓店面比較細，只有大約十一二個吧枱位同兩張四人枱，中午放飯時間坐滿哂要等一陣，好彩佢上菜速度都好快，等佐10幾分鐘就有位我哋叫兩個人氣熱賣皇牌套餐：招牌上海排骨湯麵＋生煎包1隻 $54麻醬手撕雞絲粉皮＋生煎包2隻 $54套餐奉送豆漿一杯生煎包超新鮮熱辣辣，因為佢係一盤接一盤即煎即買，除咗堂食都有好多外賣4粒6粒咁買，根本做到停唔到手生煎包一咬開，啲汁就流哂出黎，可以好似飲湯咁吸一啖湯汁同肉都唔會話好油膩，皮薄，包底會比較厚但會煎得脆脆，好香口。枱面有醋，可以根據個人口味加醋上海麵彈牙有咬口，炸豬扒外面炸得香脆，肉質緊實但唔會太硬雞絲粉皮上面嘅青瓜絲份量好多，鋪滿哂，麻醬淋面，濃稠同落得超足，可以拌勻每條粉皮都掛到汁。粉皮口感滑嫩煙韌

公司附近開了一間最近很紅的生煎包店，發哥也是熟客，我當然要去試試。店鋪只收現金，午餐繁忙時間在門口排隊，等了十多分鐘，先點菜後入座，雖然店鋪細小，但上菜速度都很快，招牌生煎包有不同數量可供選擇，來的時候的確熱辣辣又多汁，小心燙口，另外亦點了碗上海蔥油拌麵，份量頗多，蔥味很香，隨餐附送豆漿，甜味適中。除了拌麵，還有酸辣湯麵、小雲吞湯麵、排骨湯麵等選擇，即使是點套餐，價錢亦非常親民，可以一試。🥂生煎包🥂上海蔥油拌麵🥂豆漿