劉興記生煎包專門店

Open Now

Now Closed

生煎包生煎包好有水準，咬開好多湯汁，煎完即刻熱辣辣咁上菜，皮都好薄，基本上冇得挑剔。麻醬手撕雞粉皮麻醬係平時食腸粉會點嗰隻，好香芝麻味，但係唔會有日式芝麻醬嗰隻酸酸甜甜味，撈到最後幾啖唔係好夠味，建議叫多醬。成碟口感都好清爽，粉皮爽爽地，可以平衡番食完生煎包啲油膩感。上海排骨湯麵排骨麵普普通通但係成件事比想像中健康😂排骨炸完出嚟唔會油淋淋，個炸皮係乾身脆口嘅，不過就調味偏淡。湯麵就鹹番少少，加埋兩條菜，整體上唔太油膩。豆沙窩餅同排骨一樣，雖然係炸物但係炸出嚟層皮唔會油淋淋，中間紅豆餡唔會過甜，不過唔會太油又唔太甜已經好滿意。百步香蔥油餅佢唔係平時酥餅/薄餅嗰隻蔥油餅，係似一舊包咁，厚身跟住中間有一大忽蔥，啲油就已經滲曬落舊包度。有麵粉香同蔥香，食落幾香口不過唔係想像中嗰樣野。🤣

✌🏻酸辣湯，上邊仲有好多唔同嘅鷄絲，呢個酸辣湯嘅口感非常多元化因為落咗好多唔同嘅材料包括有雲耳，筍，豆腐等等，所以成個湯嘅口感非常好飲，非常有咬口，酸酸辣辣咁非常適合開胃，而且呢一個價錢嚟講份量非常多，兩個人share就啱啱好，CP值非常高！✌🏻生煎包係呢一間餐廳嘅招牌，一定要叫幾隻試吓，每一隻都非常爆汁，而且爆出嚟嘅湯就非常熱大家要小心，味道非常好食，而且煎到非常香脆，我同朋友都非常鍾意！價錢就大概係$10隻，價錢唔貴！✌🏻即炸豬扒菜飯，豬扒嘅味道都幾好食，而且唔會太硬，菜飯就有少少失色，冇乜太大特別，豆漿就正正常常。

近排係網上成日見人去食依間生煎飽講到爆哂汁好好味咁😋食飯時間人山人海 坐滿哂門口仲排哂長龍人氣必食❗️生煎飽好大粒真係好鬼多汁 好juicy😋湯汁有少少似孜然粉嘅味道同出邊有少少唔同我最欣賞飽底好脆口麻醬手撕雞絲粉皮 不嬲都係我至愛😍麻醬好濃郁 粉皮滑溜 前菜必選又試試佢嘅小龍包同樣好多汁 湯汁同生煎飽相似唔錯👍🏻擔擔麵湯底濃郁 微辣 口感好豐厚 推介🫶🏻另一款主食就叫左糖醋排骨菜飯糖醋汁酸酸地好開胃🤤炸排骨酥脆 一口size菜飯大大碗最後梗係要叫返個豆沙窩餅炸得夠乾唔油膩 🫘點滿指定金額仲可以任飲豆漿🤩

臨近旺角,劉興記生煎包專門店🥟絕對係尋找爆汁生煎包嘅首選!作為一間老字號餐廳,佢哋就係專做生煎包,每一道菜式都好有特色,真係粵式小吃界嘅翹楚! 首推「爆汁生煎包」🥟💦,皮薄餡多,一啖下去就會噴湧而出嘅肉汁,汁多味濃,好滑好香!「雞絲粉皮」🍴都超出色,粉皮軟滑彈牙,加埋嫩滑多汁嘅雞絲,酸甜滋味,層次豐富,回味無窮!「排骨菜飯」🍱就係另一大亮點,排骨肉質鮮嫩,配搭上時令蔬菜,營養均衡,好滋味!「小籠包」🥟皮薄餡厚,汁汁四溢,一口咬下去餡汁就會瞬間噴出,好滿足呀!甜品方面,「豆沙窩餅」🥮酥脆可口,內餡濃郁綿密,超級惹味!配埋一杯清香惹味嘅「豆漿」🥤,簡直係天作之合。裝潢簡約清新,服務周到親切,再加上一流嘅美食,保證令你食完後心情大好、流連忘返!🥰劉興記生煎包專門店絕對係旺角必食店,快d去試下啦!

旺角系列，旺角多嘢食就係人都知😌同同事出去周圍覓食搵嘢食😋今次見到呢一間上海嘢食好多人排隊，午餐只係$50左右，加上佢話只要每人消費滿$60就可以任飲豆漿好吸引，所以就衝咗入嚟。🍽️ 蟹粉小籠包同事表示食上海嘢點可以是小籠包？跟住見到呢個蟹粉小籠包好吸引😍二話不說首先叫咗個蟹粉小籠包先😋四隻小籠包連個蒸籠一齊上，好有儀式感同事輕輕咁夾住蟹粉小籠包嘅頭再咬開個頭頂享受吓啲蟹粉嘅醬汁，真係熱辣辣蟹味濃！🍽️ 蟹粉生煎包食蟹食上癮，見到呢個蟹粉生煎包度吸引，所以我哋每人叫咗一隻，外皮煎到金黃色脆卜卜，咬開蟹粉加埋啲肉汁流出嚟，果然夠晒香😍🍽️ 雞絲粉皮 + 生煎包見佢哋嘅午餐好平50幾蚊就有個餐再包埋嘢飲，所以我哋就叫咗呢個雞絲粉皮加兩隻生煎包試吓😋雞絲粉皮嘅麻醬好出💓食完有啲麻香味喺個嘴度值得一讚， 生煎包都係比較傳統可以煎到個花瓶外脆內有肉汁，夠大隻食完一定會飽！🍽️ 酸辣湯麵平時食開上海嘢都會叫佢哋酸辣湯試一試同事驚唔飽，所以叫咗個酸辣湯麵去食😋酸辣湯底夠濃郁，傳統酸甜😋仲有好多材料添，上海麵好多😍不過食完實在太飽，所以剩返少少！早知唔叫麵啦🤣

荃灣超人氣劉興記生煎包專門店原來係旺角都開左分店，今日就約埋朋友一齊黎試下。估唔到6點黎到已經大排長龍，等左15分鐘終於有位。招牌生煎包 ($45/6個)生煎包個底煎到金黃香脆，每粒咬落去都爆晒汁，湯汁係用鮮雞同豬骨煮成，特別鮮甜。上檯時，店員仲會提醒小心湯汁，服務一流。原味小籠包 ($40/4隻)小籠包外皮薄透，內餡鮮甜多汁，爆汁程度拍得住生煎包，好味。上海排骨菜飯 ($42)排骨餐廳選用梅頭肉排，肥瘦適中，炸皮亦都炸到非常脆身，但又唔會炸到硬晒，依然保持鮮嫩肉質。雞絲酸辣湯 ($30)酸辣湯用料絕對唔馬虎，有木耳、筍絲、豆腐同肚雞絲。味道同份量都十分足夠。麻醬手撕雞絲粉皮 ($35)豆漿依家惠顧任何套餐/滿$60或以上，餐廳都可以免費任飲豆漿。豆漿係餐廳每日新鮮磨製，豆味突出之餘仲要係低糖，真係健康之選。

｛食盡旺角之中式 — 劉興記生煎包專門店｝————————————————呢間嘢其實好多地方都有分店，不過今次旺角呢間分店就第一次食啦！ 見我食過幾次就知， 佢的確係一個平民飯堂嘅好選擇🔸 擔擔麵每次嚟劉興記我都會食擔擔麵， 佢嘅擔擔麵濃味得嚟又唔會太辣， 面嘅質感彈牙唔易斷，啱曬我呢種淨係食到少少辣嘅人😆🔸 小籠包我當然知道佢哋嘅招牌係生煎包啦，不過食咗幾次今次就想幫大家試下第二種口味小籠包喇！🤣 經過我嘅實測，佢嘅皮係唔容易破裂嘅但係又唔會太厚！ 同生煎包一樣，入面都係充滿住湯汁！🔸 糖醋排骨配菜飯佢哋嘅排骨都係新鮮挑選，生炸而成， 所以需要大家耐心等候大概十幾分鐘左右啦， 不嬲都好鍾意佢哋嘅菜飯，感覺健康啲🫡 排骨睇相都知份量唔少㗎Overall comment: 平時喺荃灣店冇留意到不過旺角呢間分店原來 有豆漿任飲呀！😲 只要惠顧任何套餐或者食滿60蚊就可以喇！

出旺角行街買野，又想掃下街食野，又唔想食太多😂😂個朋友又話想食下D辣野刺激一下😂兩個一入到去睇完個餐牌兩個又勁crazy，又想叫勁多嘢食，朋友叫左個酸辣湯麵，我睇落似碗仔翅😂，不過佢話味道都不錯。我就叫左個雞排湯麵，麵就無咩特別，不過雞排寫住係生炸，上檯都真係好熱下，同埋算juicy。另外，再叫左4隻小籠包同埋兩個蟹粉生煎包😂😂小籠包好多湯汁，都係幾正宗嘅味道，即刻搞到想去旅行😂😂😂😂

「劉興記」在短時間內於港九新界各區開了六間分店，窩夫與蝦子餅也要去品嚐生煎包。某週日去了旺角女人街的分店，約下午五時座無虛席呢。除了招牌生煎包，還有菜飯、湯麵、拌麵和小食等，選擇不少。還有四款人氣熱賣皇牌套餐，價錢親民。惠顏任何套餐或消費滿60元即可任飲豆漿。豆漿較平日喝的濃稠，低糖不太甜。排骨蔥油拌麵($42)一上桌已聞到蔥油的香味。窩夫與蝦子餅甚少吃蔥油拌麵，一吃便愛上了，麵條的粗幼度、軟硬度和調味都叫人非常滿意，會為了吃這個蔥油拌麵再光顧的。麻醬手撕雞絲粉皮($35)的麻醬份量剛好，將雞絲、青瓜絲和粉皮拌勻來吃，十分滋味。點餐時可按個人口味選擇少醬或多醬。皇牌4號套餐($59)的迷你雞絲酸辣湯味道不錯，非常足料，木耳絲特別多。主角生煎包來了，剛剛煎起新鮮熱辣，吃時必須非常小心，𥚃面超級多汁，一不留神便會爆汁弄污衣服或是燙傷嘴巴。反轉生煎包一看，底部煎成金黃色，非常漂亮，咬下去十分香脆，配上包內鮮甜的湯汁，叫人一試難忘。窩夫與蝦子餅一人一隻蟹黃生煎包(每隻$18)，比招牌生煎包多了一重蟹黃鮮味，值得一試。手工豆沙窩餅($28)的餅皮炸得香脆，豆沙饀不會太甜。

約埋朋友一齊去呢間人氣生煎包餐廳，去到大概12:30，門口已經要排隊，等咗一陣好快就有位可以入去坐😋🔖招牌生煎包一坐低唔使諗即刻嗌咗招牌生煎包，見到隔離貼住張紙仔寫住一口爆汁，試咗冇誇張，第一啖小心哋要咬細啖啲，否則真係會爆汁整到件衫😂可以見到入面真係好多汁🙌🏻🔖糖醋炸排骨菜飯排骨炸得香脆，糖醋嘅味道好送飯，同埋排骨切得細細件，一口一啖啱啱好，貼心👍🏻🔖招牌擔擔麵表面加咗櫻花蝦，令成個擔擔麵嘅賣相更加吸引🦐🔖炸雞扒發覺呢間嘅炸物真係都唔錯🫢雞扒薄薄地但保留咗肉汁，食嘅時候熱辣辣，係即刻炸出嚟🤩🔖招牌小籠包小籠包都好值得推薦，皮薄肉汁多，如果怕熱氣可以試吓小籠包🔥小籠包會配埋一碟薑絲，加埋薑絲一齊食更加鮮甜🔖豆漿堂食任飲職員服務態度好好，好大方咁直接俾咗一壺豆漿俾我哋斟嚟飲🤣食咗咁多最後埋單都係俾咗二百幾蚊，呢間餐廳又平又抵食，值得一試😋

係旺角行完街想食下生煎包就會諗起【劉興記】，鋪頭一直人氣都好高，成日經過都會排長龍招牌生煎包（4隻）$30生煎包煎得底部金黃香脆，咬開記得要小心，真係會爆汁💦肉味幾香濃，湯汁鮮甜🐷招牌擔擔麵 $42擔擔麵湯底花生味濃，除左花生碎、仲有櫻花蝦、蔥花同肉碎係湯中，湯底濃郁帶微辣，每條麵條都掛上湯汁，好惹味排骨蔥油拌麵 $42拌麵蔥油味極香，又唔會覺得油膩，麵質Q彈，排骨炸得金黃，炸粉薄脆，肉質又軟腍，果然性價比極高酥炸小雲吞（12粒）$25炸雲吞炸得脆卜卜，一啖一粒幾過癮

今日同奴才爸出去旺角食生煎包🥡🥢之前已經見過好多人介紹都話好正又爆汁又盛，今次一於探個究竟🤭果然係人氣生煎王，遲兩張枱都冇位要出去排隊等🤭不過就算舖頭咁爆場都好，啲店員姐姐都一樣咁好態度咁好服務，今時今日真係難得，我哋都覺得真係要好好表揚👍🏻🙌🏻🥇蟹黃生煎包🦀同普通生煎包一樣咁多湯汁，而且仲有濃濃嘅蟹黃味🤤🦀🦀咬開就見到非常足料冇揸流👍🏻$18一隻都好抵食😋生煎包（4個）🥢上枱時店員姐姐都有提示會爆汁小心燙口，果然真係超多湯汁🤩生煎包皮薄多汁，個底仲煎得好脆🤤我仲見到有告示話如果唔爆汁免費更換，真係對自己出品好有信心👍🏻小籠包（4個）小籠包皮夠薄多湯汁，雖然都係好食不過比起生煎包始終都失色少少🤏🏻排骨蔥油拌麵🐷🍜排骨即叫即整要等20分鐘，好欣賞啲舖頭咁有堅持，確保客人食到新鮮熱辣既食物😋👍🏻排骨果然夠熱夠脆😋蔥油拌麵都好正，奴才爸都大讚👍🏻今次去仲見到舖頭做緊優惠，每人食滿$60或以上豆漿任飲🤩豆漿唔甜有淡淡黃豆味，免費都一樣有好野😋我同奴才爸夾埋飲咗一jar豆漿😂豆漿當水飲不是夢😂😂🤑 人均消費：～$60🤩 推薦指數：9.5 / 10📍 餐廳資料：劉興記生煎包專門店 (旺角)旺角通菜

呢間店岩岩開張黎過一次，估唔到而家佢哋生意咁好，坐滿晒人😳而且餐廳都推出左其他嘢食，例如原味小籠包同蟹粉小籠包上海排骨菜飯/湯麵🍜我同朋友異口同聲想食上海排骨，一個想食飯，一個想食麵排骨份量超級大，而且炸到非常鬆脆，肉又彈牙有咬口，酥香酥香，非常好食蟹黃生煎包呢個係我食過最好食嘅生煎包，蟹粉味道非常濃厚，仲爆曬汁，必食推介原味小籠包肉汁味濃，皮厚薄適中，食落都唔錯，不過先食左蟹黃生煎飽，都係覺得蟹皇好食好多下次試吓蟹皇小龍包先佢哋仲有好多野食揀，點餐仲送豆漿

星期五晚放工 ,有少少肚餓 但係又趕住睇戲, 係openrice搜尋，原來家樂附近都有劉興記, 之前喺上環試過真係唔錯。 朋友都話旺角店質素好之餘，店員姐姐仲好有禮貌。點咗四隻招牌生煎包， 同埋 上海排骨蔥油拌麵， 最重點就係 豆漿無限任飲， 唔知係咪間間分店都有， 凍冰冰非常舒爽， 店員姐姐都會主動問你添飲， 唔需要尷尬亦冇壓力。招牌生煎包 都要等咗一陣， 新鮮熱辣出爐果然係不同， 店員姐姐提醒小心爆汁， 生煎包底部夠香脆 ， 加埋蔥花同埋芝麻真係好香口 ，而且果然真係勁多汁。上海排骨蔥油拌麵， 排骨 炸到好清爽香口， 絕對唔肥膩， 而且排骨份量都很多， 啖啖肉 鹹香剛剛好。 拌面已經撈勻曬醬汁， 面質煙煙靭靭， 加少少豆瓣醬就更加美味。

呢日去咗通菜街食人氣生煎包上海菜🤩上海排骨菜飯＋招牌生煎包配豆漿（$54）🐷菜飯同排骨都好有份量，排骨入味，外層酥脆，內裡肉質軟嫩；招牌生煎包皮薄饀足，裡面有好多肉汁；豆漿豆味濃郁，而且甜度適中🤤生炸雞扒蔥油拌麵 ($42)🐣🍜雞扒炸得外脆內嫩，好juicy，而且唔會太油膩，蔥油拌麵醬汁香濃，麵條彈牙又掛滿醬汁😋蟹黃生煎包（$18）熱辣辣好新鮮，外皮又薄又香脆，未咬開已經聞到蟹嘅鮮味；一咬開蟹味更強烈，見到好多蟹黃，仲有好多蟹油流出嚟🦀🤤麻醬手撕雞絲粉皮 ($35)🐣天氣熱最岩食涼拌嘅菜式，雞絲嫩滑，粉皮爽滑彈牙，配上麻醬調味，好開胃👍