利星火鍋海鮮小炒

Open Now

Now Closed

碟頭大。價錢唔算太貴。 食物嘅質素也不錯。 但係我覺得就可能差咗啲cocktail。 如果有就更加一流😂😂😂 不過星期五六日 真的十分很多人 證明這一間 也是有品質的保證

上星期去附近跌打鋪介紹話一定要試下上個星期已經想試下臨中秋好多人做節book唔到枱要提早一個星期先book到枱終於都未食到，四個人食三個菜都食唔晒推薦食米通蟹超好味😋🤩拉絲咕咾肉，d肉超嫩，皮仲係脆嘅仲有胡椒豬肚湯，呢個必點用咗蜆黎吊味，大大煲超正！大家一定要黎試下

一條1斤左右海魚$1080😱😱，有呃人嘅感覺，其他送不過不失，6個人二支啤酒，6個送買單$2300，不過唔會有下次，可能生意難做需要耍啲小手段😂😂😂😂小心點

之前有某啤酒做promotion某些ssp 食店做兩個小時理解任飲比較各掂之後決定選擇呢間夜晚時段人比較多好彩有book味好推薦鐵板魚卜同大善火腩煲送酒一流同時也是白飯殺手呢

深水埗差不多每兩個禮拜都能一次 每次都會去黃金睇電腦 不過呢一間餐廳第一次幫襯 之前睇網上食評好多人都話呢個餐廳嘅酒樓下午茶時段比較抵食 所以就喺星期日兩點鐘試下佢嘅下午茶 呢度可以上樓上閣樓 小菜呢度有分量都好大碟 男仔都可以食曬 推介呢度濕炒牛河 大大碟 可以坐好耐冷氣充足 早餐都有點心可以一試再試 希望呢啲小店可以繼續經營落去 下次有一大班朋友嚟深水埗唔知食乜嘢好呢度可以解決你嘅所需 埋單係落番樓下畀錢 原來樓下冷氣更加cool 發熱嘅朋友可以坐樓下 可以望到啲游水海鮮

唔係吹水！我覺得利星係我食過咁多間中菜最好食嘅一間，可能我見識少啦😂但佢啲餸菜真係不得了 首先佢夠鑊氣，然後味道係恰到好處！連普通一個蒜蓉蒸鮮魷都勁好食😋我最推介就係蒜蓉蒸鮮魷同埋蒸鱔！仲有個奇味東風螺都好好食，同埋佢啲餸都幾大碟，我覺得好適合一家大細去食😙

叫咗幾個特價小炒，咁平都有擔心唔好食，點知外賣返到屋企都好好味。當然$48，$53份量唔會好大份，二個人可以叫二個送，想多啲送揀可以叫三個超滿足，生炒骨仲有小小脆，欖角骨又好味，啫啫雞又好味，菜一般，意外好味，我會支持支持支持香港小炒文化。

這店門外有一張宣傳海報，上面寫着下午茶由1:30就開始， $36就有多款炒粉麵供顧客選擇，點心$17起。看看手錶，是下午1:35，就進店試試。店員說地舖已滿座，叫我們到樓上入座，樓上也只剛剛剩一張桌子而已。看看餐牌，炒粉麵的選擇真的不少，我們就選了肉絲炒麵，另外還點了兩個點心，一個是雪山叉燒包，另一個是薑蔥牛柏葉。肉絲炒麵上桌，真的嚇了一跳，因為份量多得足夠三人吃飽。這炒麵不但麵條多，肉絲、芽菜和草菇的份量也多，味道雖然只屬一般，但以這價錢來說，就真的是超值了。結果，我們兩個人每人吃了3至4碗，還是吃不完。至於點心，我覺得就比較失色。先說雪山叉燒包，這店的雪山叉燒包的面皮和平日吃的不同，不是脆脆的雪山皮面，只是在包的上面灑上一層糖霜，所以雖然麵包柔軟內饀充足味道也好，但口感仍是差那麼的一點點。至於薑蔥牛柏葉，酒下得太多，結果只有酒味而沒有其他的味道，牛柏葉也蒸得有點過了頭，所以有點韌韌的。這店的環境一般，比較擠迫，不過店員的服務很不錯，雖然他們很忙，不是立即能找到他們，但一看到顧客有需要，他們也極速提供服務，而且態度很好。

午市到茶樓是常識吧！這間火鍋海鮮小炒雖然以晚市鐵板美食馳名，但其實午市小菜點心也抵食夾大件！咸魚煎肉餅：梅香鹹魚煎製而成，但卻毫不油膩，內含馬碲粒，增加口感蝦醬通菜： 其實菜單上只有椒絲腐乳通菜，但不是集團式經營的小炒店，靈活性也大一點，要求改用蝦醬 sauce 也不會托手踭蜜汁叉燒包和香茜牛肉腸粉： 點心手工精巧，值得一讚金菇炒牛肉： 味道不俗，不負小炒名店之名若有時間，會和朋友晚市幫襯一下它的著名菜式 「火焰聖子王」的！ 😋😋😋

友人於深水埗政府合署工作，由於工事路經，所以便相約一聚共進午膳，擁主場之利的他當然要指點迷津作出用餐選擇，他毫不猶豫地選了這家中菜，我便立時搵位，不浪費時間。此店午市是飲茶吃點心之地，不過尤於打工仔lunch time一刻千金，故不能盅兩件慢慢詳談，於是我們便選了麻甩碟頭飯，眼見即叫即炒粉麵飯才四十多元，所以便選了星洲炒米，而友人則點了枝竹石斑飯。先上例湯，甚是足料，後上碟頭飯，完全是霸氣，份量大得驚人，吃了四小碗(一般酒樓碗)才吃掉了半碟。友人和我均是食得之人，最後也未能美人照鏡，兩碟都剩餘一點，味道不錯，可惜有點兒浪費。我們決定下次再光顧還是叫一碟再加點心方為上策。

媽子生日原本book左自助餐，但最後媽子都係選擇去食中餐，之前同佢嚟過食讚口不絕所以最後改去利星。 今日靚仔老闆是日推介了大大隻避風塘瀨尿蝦@138一隻，特價$10蚊一大碟的炒花甲，本地龍蝦蒸糯米飯，仲有餐牌上無的石煱豆苗。兩老食得非常開心非常滿意用心小店，要多多支持

友人介紹來呢到食飯 一於book返圍生日飯先今日有幾個菜真心好 希望小店都能生存 不用成日飯集團呢個焗魚腸 唔腥又香 表面仲係燒脆左 好正小炒王 有鑊氣 咸香 送酒一流燒鴨 厚肉多汁 皮脆 甘香 大集團係不會食到個勝子皇勁香勁正 彈牙無沙羔蟹糯米飯 蟹肉香甜 又勁多羔 好香好正啊 仲要糯米飯都好軟糯香甜 好出色！至愛乳鴿 炸得香脆入味老闆仲將送比我地食既桂花糕圍住個蛋糕 有心意 又同我地飲酒傾下計 員工亦都禮 在這年代已很少有這人情味 以後會多黎 希望能保持多啲小店比香港人選擇Ps其實杏汁白肺湯 係超級正 好濃好香杏汁而不會搶去白肺清香 不過未來得切影相已飲曬了

深水埗街坊相信冇人唔會唔識利星小廚！💕深水埗地鐵站A出口一出轉右行幾步就到超方便！👍🏼利星小廚親民同好有人情味應該全街坊都知！🥰而且之前仲做過好多善事，派飯比有需要人仕同長者！👴🏻👵🏻🥰呢度都長期大排長龍！💕因為食物質素方面真係唔錯！👍🏼🤤避風塘茄子！🍆芥茉牛柳粒！🐮鐵板燒聖子都係出名既招牌菜！👍🏼😋不過其實最想試佢隻雞！🐔🤤據聞好好食同好嫰滑！🤤🐔記得一定要留，因為每次黎到雞好快賣晒！😭🐔成日留枱又唔記得留隻雞！🐔😭下次再黎幫襯既時候一定要食到雞！💪🏻🔥🐔#利星火鍋海鮮小炒#深水埗福華街151號地下

同親友6大3小1嬰兒外出食飯，搵適合的餐廳真是唔容易。今次呢間感覺不錯。職員知道有bb車，當然已安排較鬆動的位置，又協助我們順利入座（有小朋友的家庭會明白的）。叫左8樣野，都是一般小炒，由於有小朋友，叫左黃金豆腐、金銀蛋時蔬、蒸蛋、生炒骨等，份量足，味道不俗。亮點是冬瓜盅，約$3xx，份量足夠12人，味道鮮甜，材料充足，不是味精味（唔會食完口渴），侍應仲在中途好細心咁幫我地舀冬瓜盅，話驚我地以為已經食曬，經過佢舀一舀，真是多左幾碗。夏天消暑佳品。埋單唔洗千二，價錢中等，服務好。

今日同一大班朋友去食飯食左都好多碟野都唔一一講喇,講重點隻雞都幾滑幾香雞味小炒王辣度OK,料都幾足夠同埋幾香口豬肺湯幾好飲清清地唔算多味精炸大腸就一般般喇樣鹽鮮魷都OK啦蒸豆腐個味茶就淡口左D,唔太好食