利星火鍋海鮮小炒

Open Now

Now Closed

讚1 第一次黎，小菜係幾好，酸辣頭盤相當開胃，杏汁白肺湯好足料，夠杏味，燒鵝皮脆，肉都夠鬆佬，整體幾樣嘢都好2 服務相當好，以一間深水埗小炒店，侍應醒目到不得了，笑容滿面彈1 黃金蝦既蝦肉唔太爽

好耐冇來深水埗食地道小炒，兩年冇來呢度，水準依舊。杏汁豬肺湯，一定要提早預訂，冇預訂實冇得飲。成煲湯，渣多過湯，非常足料，除左基本湯料既豬肺，南北杏，白菜外，仲用左金華火腿來調味。椒鹽鮮魷，呢類小炒飯店，實冇得輸，岩晒餸啤酒。#利星火鍋海鮮小炒 #深水埗 #深水埗美食 #舊區的味道 #杏汁豬肺湯 #椒鹽鮮魷 #菠蘿生炒骨 #涼瓜肉鬆煎蛋 #疫情下的日常

一班老友食飯當然要食小菜，朋友介紹去利星，當然要試下！當晚叫既多數都係下酒菜！好出色！本身對炸物唔太喜愛，但炸茄子、煎小棠菜，呢2款好有驚喜！脆卜卜既外層，入面係香軟有汁！炸物👍🏼👍🏼👍🏼

七點半去到好多人，有book 位，但早到咗，所以要等咗一陣安排入坐，點咗菜後叫咗三支加仕百，來到已經開咗蓋，加上唔凍，仲冇冰桶⋯⋯後來伙記給一個得5塊冰嘅冰筒。😂上菜速度超快，鑊氣十足，味道唔錯。食咗45分鐘已經食完！ 再叫多一支啤酒飲完後埋單只見到有八達通機或現金！ 朋友比現金後大家用PayMe 夾返錢！ 後來先發現收咗我哋5支啤酒，有加一，再收茶芥…….朋友在谷裏討論整體感覺如下：又迫，環境感觉又唔好，服务又乍，总之就係想你快快趣趣食完好走啦咁…..我本人感覺並沒有這麼差！但未必有下次了.完😑

一班朋友食飯，想揀啲有鑊氣嘅中菜食可唔可以問就係利星喇佢哋嘅咕嚕肉非常之脆皮，酸甜汁教得啱啱好，唔會太酸又唔會過甜味道比教平均。羊腩煲嘅份量都唔細，非常之入味同埋腍，生仲要大大碟。食完係非常之暖。雞煲就比較濃味，炸漿有少少。佢嘅豬肺湯啦都係勿點系列，非常之足料。入口係淡淡的杏汁味道。另外最重要就係佢哋嘅火焰蟶子樓，提提大家一定要預留呢個，如果唔係都可能冇得食，佢哋非常咁貼心會團膠板以防彈到。食落係非常之嘅惹味仲有淡淡的酒香

平時都會跟朋友到深水埗利星食飯, 原因是食店近港鐵站, 多款式, 夠鑊氣, 夠大碟, 夠經濟, 服務又不錯😁今晚一行七人到利星食晚飯👇小炒皇: 韭菜花, 魷魚, 蝦乾, 菜脯&腰果, 材料配搭穩陣, 味道不錯👍雜錦大盤菜花: 椰菜花, 煙肉, 臘腸. 味道惹味, 不過較多油. 鐵板魚卜: 內有薑蔥, 洋蔥&主角魚卜, 魚卜煮得過火, 偏硬, 可能因為鐵板上菜問題, 魚卜底也鑊燶黑了椒鹽九肚魚: 椒鹽九肚魚炸得過火, 粉漿較薄, 肉嫩夠脆. 味道夠惹味, 不過食完有點熱氣胡椒豬肚大蜆湯: 鹹菜, 豬肚, 花甲, 蜆, 芹菜, 粉絲, 蒜子, 夠胡椒味👍豉汁蒸鱔: 濃烈的豉汁, 味道正常錦繡紅袍魚: 一條炸咗的桂花魚(應該是😬) 炸得有點過火, 不過欣賞它的番茄醬汁, 酸味味幾開胃, 撈飯食一流👍蒜香雞: 雞肉質都可以, 淡淡的豉油, 蒜蓉都好多, 配合它的餸名利星餸菜味道較濃味, 適合愛吃濃味人士. 最後食店免費送上甜品杞子桂花鯉魚果凍. 另外, 自攜蛋糕, 店舖沒有收取切餅費.

多得我地偉大既天文台,訓下醒下睇住幾時落波,訓得唔安樂,乾脆係抱住"一陣洗唔洗返工"既疑問下,召喚同樣爭扎中既街坊,進行"飲茶"哩樣久違既活動.係今時今日,八號波返工已經冇開工雙計哩支歌仔唱,有d人仲因為天文台決策問題而命都冇埋.但我地都係打電話confirm酒樓有開先,其實飲茶,我地應該去徐記或喜惶既,但大風大雨就算啦.一坐低,我要真普洱一壺,最早到既我,頭輪紙仔我先畫,蝦餃,食左兩籠,蝦腸,滑嘟嘟~~山竹牛肉,流心煎堆仔,腐皮卷,炸雲吞,我搶輸左冇得食,蘿蔔絲酥餅,雞扎,街坊到齊後再叫埋牛柏葉,釀魚肉,豉汁鳳爪,煎魚角,仲有甜既珍珠雞XD,唔知點解會甜,可能師傅覺得人生太苦啦,我最愛係蝦餃同腸粉,佢地既腸粉真係好滑~~影左點心紙餐牌架,不過只能upload 12張相upload 唔到嚕.食食下天文台話四點後先落波,大家都唔洗返工,食完各自返去偷閒一下.

今晚約咗好友響深水埗相見,諗起 晚飯好去處就諗起呢間小炒店。 於是早一日打電話嚟訂位,當坐低後員工好有禮貌地招呼我哋,之後我哋因為三人所以只係三碟小菜。 我首選揀咗個孖寶就係： 雜錦大盤花菜配錦繡紅袍魚,再加一個韭菜滑蛋蝦仁 。盤大花菜爽口再配上少量煙肉/臘腸及蝦米乾非常香口 ,另外個錦繡紅袍魚值得一試,呢條魚係用煎封煮法,皮脆肉嫩,配上番茄汁墊底,用嚟佐飯一流。其次就係個韭菜滑蛋蝦仁 ,隻蝦大大隻蛋夠滑 ；另外最後還送咗一個精美嘅鯉魚形狀桂花糕點作為呢餐飯嘅句號 。 呢間小菜館最大特色就係每樣小菜分量都係大大碟； 而且價錢亦算平民價,我哋三人食完都覺得好滿足。

平時屋企人喜愛食中菜，但周圍連鎖店多，味道無特色，經朋友介紹嚟利星食過幾次飯，呢度主打食中式街坊小菜，好好味又抵食！ 小菜夠鑊氣，味道令人意想不到地好食，每次叫唔同小菜都有驚喜㗎😁個人最喜歡一坐低就叫大盤花菜，送飯一流。火焰蟶子由侍應哥哥係上台之後再灑少少酒表演火焰🔥🔥熱辣辣仲好味。湯都好好飲，胡椒豬肚湯、咸蛋肉片湯都試過。其他睇相都夠吸引啦～ 🥳椒鹽九肚魚螺擺耐啲更加入味😉鎮江骨酸酸甜甜，開胃好味。 加上呢度啲員工好有禮貌，眼見佢哋同好多客人都好似朋友咁，應該都係熟客，真係好食自然回頭率高！ 有人情味嘅餐廳買少見少，利星絕對值得一嚟再嚟！！

星期六接男朋友放工，佢介紹咗呢間食過一次打好難忘嘅餐廳俾我食😛又真係一試難忘喎因為都唔係話好餓，所以就叫咗一個飯一個菜一個小食⭐️福建炒飯⭐️⭐️避風塘茄子⭐️⭐️一品菜⭐️📸️先講吓避風塘茄子🍆呢個真係無敵超級好食，茄子上面有墨魚膠炸到啱啱好再配合埋避風塘啲炸蒜椒鹽真係死而無憾然之後就去一品菜，我都係比menu嗰張相吸引住先決定一試上面有蟹子，汁有金銀蛋肉碎，菜份量超足‼️食完飯侍應哥哥主動送上甜品😋 不得不讚利星嘅服務員，又細心又好服務‼️希望以後都keep住呢個水準☺️唯一一樣嘢就係，呢度所有餸嘅份量都大碟，大家如果得2個人，最好就住叫😂唔好做大晒鬼

建議： 記得要對單😎 (錢銀最緊要清楚💰)終於去深水步食利星，海鮮小炒都好多選擇，而且環境都唔會太差，至少地下無油淋淋，杯/餐具都乾乾淨淨😌 Fd子係等位個時已經話：睇見餐牌樣樣想食，所以一坐底已經落得單🤣 店員阿姐都好快手，等左15分鐘就已經上菜。今次試左 ：▫️鐵板火焰聖旨王 (時價 HK$88@)全餐飯最期待而又最正既菜式🤤 蟶子好大隻啖啖肉，豉椒做底汁👍 整體都好鮮甜，而且酒味唔重，燒完後留番既酒香好香，食落甜甜地😋 上枱前店員會放上膠隔板，再問定相機Ready 未先會淋火👍 見到大家都嘩！🤣隔離枱本身准備埋單走，點知即刻坐底加單▪️孖寶套餐 (HK$358)套餐可以揀飛天芥蘭煲/雜錦大盤花菜 X 錦繡紅袍魚/三蔥炒龍蝦。最後揀左大盤花菜同埋紅袍魚😋 花菜姐係臘腸、蝦米炒椰菜花，上枱即食記得要小心睇熱。紅袍魚既底汁係蕃茄，酸酸甜甜送飯一流🤣 忍唔到口Encore左一碗靚仔🍚▫️鮮制砵仔煱魚腸 (HK$88)蛋焗到好脆，食落味道幾特別。問完店員先知，依款餸係用油炸鬼X魚腸X蛋整出黎，而煱既意思姐係用文火慢燉。面頭個層蛋食落有啲煙韌感，不過記得真係要襯熱食，因為凍左整體個口感有啲奇怪🤣

每次嚟到利星都好有驚喜，超好味今次第一次試佢個「鍋巴炒蟹」簡直正到暈👍🏻隻蟹又大隻，又勁多膏﹐配合埋鍋巴一齊食真係超級勁好味﹐值得推薦今次帶咗新朋友仔過嚟食﹐都讚不絕口﹐連平時唔食海鮮嘅人都encore 夾咗幾次﹗仲有隻走地雞﹐好滑，好新鮮﹐做得好正﹗唔使幾分鐘隻碟已經見底﹗

朋友介紹話好食，就4個人泥試下。叫左幾個餸，有梅花扣肉，胡椒豬肚湯，炒什菜同埋主角！米通炒膏蟹！呢個餸值得一試，蟹又多膏加埋米通既脆口重有茄子粒一齊炒，食落又唔濟！埋單每人幾百，合理價錢

有次諗起哩間就決定試下啦，味道比我想像中好味。尤其杏汁豬肺湯，龍蝦伊麵特別好味。依加喺開附近嘅總會諗起哩間，嘢食其實又大碟都幾好味。尤其下午茶價錢又抵食。餐牌款式選擇又多。

真心依間小菜夠鑊氣，特別鍾意佢個避風塘茄子 ，次次去都會叫，而且碟頭飯又大碟，價錢又適中， 令到我經常都會去食。每次經過都會見到好多人，可想而知呢間有一定程度嘅品質保證。