Moon (Nan Fung Centre)

茶餐廳是很多香港人嘅飯堂, 食物多元化, 尤其炒粉麵飯和小炒, 給人大眾化和温馨感。在這間位於荃灣南豐中心嘅餐廳炒幾道小菜, 家常晚飯吃一番。咕嚕肉 肉質鬆化嫩滑, 加上菠蘿、甜樣和洋蔥, 酸甜香口。沙爹牛肉炒菜心 菜心清甜, 牛肉配以沙爹醬汁, 口感更加豐富, 味道清新。梅菜馬蹄蒸肉餅 蒸肉餅好爽滑, 不鹹不膩, 甜香梅菜配合爽脆馬蹄粒, 多層次嘅口感。枝竹豆卜火腩煲 火腩肥美腍滑有鹹香, 肉質肥瘦適中, 枝竹和豆卜吸收醬汁, 味道濃郁, 送飯最啱。椒絲腐乳炒白菜腍甜白菜配以椒絲腐乳, 口感清新。配以白飯和例湯, 一頓温馨家常菜。…查看更多

今天，又陪老公過來南豐中心睇醫生，睇咗好多次都唔得（皮膚科），但冇計，唔知睇邊個好，唯有繼續睇。睇完就再附近搵嘢食，見到呢間茶餐廳即管試吓啦！都有好多款，午餐選擇，食物其實都正常，一般。今次想講杯奶茶，我和老公都係叫熱茶走、少甜。奶茶到來的時候，好明顯一杯好多奶、一杯較少奶，顏色完全唔同，老公飲了一啖已經話好甜（他飲咗較深色的那杯），於是我唔敢攪拌，直接飲啦，點知甜到漏，真係唔知咩叫做少甜了，所以唔鍾意飲甜奶茶的人，千萬不可以選茶走😅…查看更多

放工後在荃灣吃晚飯，意想不到南豐中心內的一間冰室會帶來驚喜。點了三個小菜配白飯，跟餐加配的例湯熱騰騰上桌，大碗又鮮味，最適合乍暖還寒的天氣。黃金蝦賣相讓人垂涎欲滴，金黃色的蝦身油光閃閃，搭配上香脆的外衣，咬下去蝦肉彈牙，鹹蛋黃香氣四溢。川式水煮牛很有驚喜，大推！麻辣得來卻又不至於讓人感到過於刺喉，十分過癮。牛肉片煮至剛剛好的熟度，夠軟腍。最惹味是豐富的配菜，有大量芽菜和萵筍，吸收了湯汁的精華，配上水晶薯粉令口感更加豐富，送飯一流。沙爹金菇肥牛煲濃郁而不油膩，每一口都能感受到沙爹的香氣和牛肉的鮮美，配菜洋蔥和三色椒爽口入味，分量也相當足。跟餐半價加配兩杯飲品是經典的冰室凍飲。凍朱古力絲滑而不會過於甜膩，凍檸檬利賓納味道清爽，完美地平衡了酸甜。三個小菜連飲品也只是$299，性價比甚高。同行有未滿一歲的嬰兒，店員也親切招待，還特意安排卡位，值得一讚。兩個人吃到捧腹而回，大滿足。…查看更多

收工同家人食飯，去荃灣地鐵站對出南豐中心隨便一間餐廳。因為時間尚早，不用等位就可以進人餐廳。一間普普通通的茶餐廳，價錢大眾化。天氣凍就點了一個羊腩煲暖暖胃。羊腩煲一人份量，加$12轉套餐有餐湯同飲品。餐湯係中式老火湯，熱暖暖的，飲一口即暖心身。羊腩肉大大舊，羊腩肉都有四五件，一人份量都算合理。有枝竹，冬菇，生菜作襯配。還有，薑蔥蒸海鱸魚大大條，啖啖肉，二人份量。厚肉少骨，小朋友都食適合食。加多，黃金脆皮蝦球香濃鹹蛋味，正常海蝦大小。蝦肉結實。配上熱杏霜，又完滿了一餐。…查看更多

🌶️ 川菜同埋小炒出色嘅餐廳🌶️一個天寒地凍得嗰十三度嘅星期五，遇著一個啱啱起身又未食早餐嘅我，真係餓到不得了。正所謂早起的蟲兒被鳥吃，晏起的buddy有飯吃，起身梗係食返個飯保暖先啦🤣見到佢嘅大餐牌裏面有川菜系列，最鍾意食辣嘅我就當然唔可以放過啦，食咗佢哋嘅尖椒爆炒豬頸肉，同埋菠蘿咕嚕肉，仲叫咗紅豆冰同凍奶茶，真係太滿足啦！🔥🍴🍖 尖椒爆炒豬頸肉呢個川炒真係超級美味，豬頸肉嫩滑，尖椒辣得嚟又唔會太刺激， 師傅炒工十足鑊氣足夠， 辣辣地 食完暖粒粒！🍍 菠蘿咕嚕肉菠蘿咕嚕肉酸酸甜甜，外脆內鬆， 炸得卜卜脆，再加上菠蘿嘅香甜味道，真係好味😉🍹 紅豆冰紅豆冰好大杯，紅豆嘅甜味同冰涼嘅口感真係好夾，飲落去瞬間快樂感大增🥤 凍奶茶正常發揮📍 地址：荃灣青山公路 - 荃灣段264-298號南豐中心2樓38-39號舖🚇 港鐵荃灣站 A3 出口，步行約1分鐘#川菜 #小炒 #尖椒爆炒豬頸肉 #菠蘿咕嚕肉 #紅豆冰 #凍奶茶 #美食推薦 #荃灣美食 #香港美食 #餐廳推薦 #美食推介希望大家都可以嚟試下呢間高質餐廳，享受呢啲美味嘅川菜同小炒！🌶️🍖🍍🍹🥤😊✨@moon_8ight…查看更多

約朋友到荃灣區，去了這間八月茶室，以為茶記質素，誰不知原來很高質，價格亦吸引不少食客。裝修頗具摩登時尚感，獨特的月球主題設計讓人耳目一新，與傳統的茶記形象截然不同。餐廳內的座位設計也相當寬敞，令人舒適中式餐湯酸菜魚味道鮮美，魚肉肉質滑嫩，酸菜的酸味恰到好處，與魚肉相得益彰，讓人食指大動。湯底熬製得非常有深度，令人回味無窮。乾鍋椰菜花 炒得乾身，椰菜花烹調得恰到好處，保持了脆口的口感。香辣的調味料充分滲透，搭配炒香的配料，讓每一口都令人驚喜。湖南小炒肉片 小炒肉片的味道濃郁，炒至剛好的焦香，與青椒的搭配也十分和諧。湖南菜的辛辣感在這道菜中表現得淋漓盡致，適合喜歡重口味的食客。總體來說，茶記價錢優質食物，估不到茶記有如此高質，值得大家一試…查看更多

今日OT遲收工街市已經收擋，於是係屋企附近的八月茶室晚膳。荃灣港鐵站A出口步行二分鐘就到，交通十分方便。8點到達餐廳人流唔多，我便選擇靠在窗邊的卡位坐下。晚餐菜單價錢經濟實惠，順便點了一些菜式另加白飯。沙嗲金菇肥牛煲，肥牛肉質鮮嫩，金菇浸了濃濃的沙嗲醬，底層有粉絲索晒所有精華，增加了整道菜的層次感。蜜椒薯仔牛柳粒，牛柳粒外焦內嫩，咬下去食到啖啖肉汁好juicy。搭配三色椒的甜味，口感相得益彰。麻婆豆腐，一上枱的時候首先會被它的顏色吸引。紅油點綴著白嫩的豆腐，色彩鮮豔，令人垂涎。豆腐滑嫩的口感搭配辣味和麻味，瞬間在味蕾上舞動，是配飯必備菜式。總結：送餐速度快，職員服務態度好，價錢性價比高。…查看更多

荃灣有好多茶餐廳， 喺南豐中心， 呢間八月茶室， 乾淨企理， 嘆返個午餐就最好啦。呢間餐廳午市時間有好多人， 口碑都不錯， 餐廳嘅裝修好光猛， 枱同櫈之間唔會擺到好逼， 坐得都舒服。呢間餐廳嘅套餐有好多， 價錢唔會好貴， 店員嘅服務都好好， 好親切。今日想食清清地， 就叫咗個常餐， 好快就到咗。 麵包好脆口， 牛油味好出。 蛋都炒得好滑。好快就嚟咗個米粉， 清清地好開胃， 漢堡扒煎得好香。 朋友就叫咗個乾炒牛河， 色水好深， 可見廚師用功咁炒， 牛肉又好多，佢食得好滋味。總括來說， 呢間餐廳性價比好高， 食完職員唔會趕你走，好值得嚟食！…查看更多

上星期和朋友逛荃灣新之城，晚上順道在八月茶室食飯，餐廳佈置簡約舒適，有些木系和風的感覺。地點超方便，旁邊就是荃灣鐵路站。芝麻黑醋骨，份量都足，有好多件，黑醋汁醬濃郁香甜，但不會太甜，排骨肉質軟滑緊緻，口感相當不錯。金銀蛋浸菜心，都幾大碟，菜心鮮嫩爽口，咸蛋皮蛋都不少，口味清淡不會太咸，皮蛋幾彈牙，有大酒家水準。孜然牛肉，賣相幾吸引，見到已好想食，陣陣香氣，牛肉軟滑，沒有渣，配合大蔥炒，超惹味，孜然味不會太濃，一般人都容易接受。西蘭花炒雞柳，感覺清淡一些，西蘭花軟硬適中，幾爽口，雞柳亦嫩滑，一點都不油膩。例湯都不錯，好多料，飲後不口渴，感覺沒有什麼味精，幾清甜。…查看更多

今日下班跟爸爸來了荃灣食晚餐，看到這間八月茶室坐滿食客，而且餐牌十分多元化，炒粉麵、鐵板、川辣、小炒、小食⋯⋯應有仲有，太吸引了。我們看了餐牌後點了一客鐵板茄子斑腩炒麵，賣相相當吸引，鐵板燒得火紅紅熱辣辣，上面脆卜卜的炒麵，炒麵金黃香脆十分好吃，味道一流，煎得香脆勁惹味。上邊鋪滿了茄子和斑腩，茄子熱辣辣軟綿綿的，斑腩啖啖肉十分好味。這菜式相當香脆惹味，而且放在鐵板上仲可以保持熱度，可以慢慢吃。芝麻黑糖醋骨，甜甜的豬肋骨條，汁醬好味，一邊吃豬肋骨，一邊吃到又香又甜的味道，仲帶少少醋香，酸酸的相當醒胃。川辣辣子雞丁，雞丁脆卜卜的，外面脆卜卜金黃色，中間仍能保持雞肉的嫩滑，而且味道帶點點辣辣的，十分惹味。這種特別的酥炸口感辣炒雞丁十分特別，不知不覺就吃光光了。生炸雞中翼，外皮香脆，雞中翼肉嫩多汁，大人小朋友都一定喜愛。我仲點了一杯特飲，龍鳳七喜，有咸檸檬和鮮檸檬，兩種檸檬伴上七喜汽水，鹹鹹香香十分醒胃。餐廳仲有其他套餐可以點選，或者可以單點餸菜，再加配白飯等等都可以。…查看更多

今日收咗工就去咗南豐中心搵野食，見到八月茶室坐得都算幾舒服就入咗去見到餐牌都有好多嘢食，有川菜、常餐、炒粉麵飯等等咁今日就口淡淡啦，想食辣辣地，叫咗個細嘅酸菜魚，入面仲有好多薯粉，唔算太辣，魚肉都幾多，都幾好味🤤另外叫咗一個XO醬炒四季豆，XO醬炒得好香，四季豆都爽口另外仲叫左個魚香茄子炆米，呢個好入味好好味，再加埋茄子好夾，呢間啲嘢都叫做大件夾抵食我見到平日夜晚都幾多人，呢間性價比都幾高，平時都可以多啲嚟食吓…查看更多

眨眼就快到八月十五，放工跟月亮有個約會，南豐中心 有好多時裝和玩具小店，逛完商場就來到 八月茶室，品嚐一下他們的招牌川菜、小炒。招牌酸菜魚 同事喜歡食川菜，一於陪他吃一個火辣辣的招牌酸菜魚 。酸菜魚份量也不少，湯底好飲，酸辣適中。魚肉雪白，肉質超級嫩滑，肉汁滿滿而且魚味香甜，非常好食！寬粉滑順香口，配上大量配菜和酸菜，再加配珍珠白飯食，真係一流！避風塘炒魷魚 除咗川菜之外，這裏的小炒非常有鑊氣，一定要試吓！無花無假新鮮魷魚，很惹味的避風塘風味。主角魷魚，外脆內軟，微微燒香，加分不少。自家製咕嚕肉 估唔到茶室食廣東小炒都做得一樣有水準。自家製咕嚕肉 酸酸甜甜好開胃，用上口感清爽美味嘅肉，炸得酥脆可口，蘸上咕嚕醬汁，口感爽脆又有肉味香濃。特飲經典紅豆冰真係超大杯。雜果賓治，內裡充滿雜果，配搭七喜，味道有驚喜。服務細心，坐得幾舒服，店員有禮貌，一坐下來便慷慨送上例湯，都幾好飲。…查看更多

今晚同朋友系南豐中心機鋪度過週未，見外面下著大雨，就系附近搵食。見#八月茶室 環境舒適，而食川菜更是四季佳宜，反正到了晚飯時段，就決定入內一食吧。惹味水煮牛肉（小）+$168.00材料豐富，內有充足鮮牛肉，以水晶粉做底，牛肉本身十分吸辣油，食完入面啲牛肉，去食個水晶粉底，簡直一流👍🏻奇味雞煲+$98.00內裡豬肚，叉燒，雞，熱辣辣好香，豬肚入味有咬口而雞又夠滑，雞肉唔會好多碎骨，醬汁夠曬味。味道幾好冇伏，值得一試。金銀蛋浸時菜+$72.00小白菜夠哂清而且咸皮蛋聚火，忍唔住飲多兩啖湯，自己差不多食左半碟😂凍檸茶+$12.00 &凍柚子蜜+$12.00白飯＋$12.00總括嚟講，員工服務態度唔錯，食材新鮮，抵食又高質。…查看更多

收工經過荃灣同老公行咗一陣街就去咗南豐中心搵嘢食見到八月茶室有川菜食2個人食咗三個餸食到好飽飽👍🏻👍🏻1.招牌酸菜魚（小）2.川辣辣子雞丁3.魚香茄子肉鬆煲叫咗杯可樂叫龍鳳可樂😆原來入面係有話梅加檸檬🍋酸菜魚帶點酸酸辣辣既味道入面仲有麵條，金菇加杏鮑菇醒胃解膩既效果非常入味魚肉的鮮嫩鮮甜辣子雞丁鮮嫩多汁既雞肉加配乾辣椒碎表面焦脆酥香內裏依然保持着肉質嫩滑多汁d茄子烹煮過程中會完全吸收湯汁鮮美變得十分柔嫩多汁，咬落去茄子會呈現出絲滑線軟嘅質地令人回味無窮👍🏻👍🏻…查看更多

荃灣地鐵站有好多小食店，但連鎖#八月茶室 係性價比方面出色，同埋又系室內。唔洗系條街捱熱。店舖有港式小菜，可鍋飯系列，鐵板系列，最吸引梗係酸菜魚喇。招牌酸菜魚$188.00（小）鱸魚片無骨好滑，配菜有酸菜、芽菜、金菇同薯粉等配料，整體味道唔錯，都略嫌湯底個辣度唔夠！但飲完都唔會覺得有味精同口乾。乾炒牛肉意粉$59.00意粉偏淋軟身，入口順滑，份量多，而牛肉薄身蘚嫩。騰椒魚皮$42.00依個小食真係比較少見，魚皮爽口，而味道又做得酸辣，系悶熱天氣下特別醒胃!!四川回鍋肉$78.00食落口一D都無油膩嘅感覺，香辣惹味，伴飯佳品。雜果賓治$15.00 &紅豆冰$15.00…查看更多