8 Happiness (Closed)

星期4放假去八喜飲茶，因為覺得佢既點心比較有特式，必食推介牛柏葉，帶有小小咖哩味道，牛柏葉又唔會UN喎平時d茶樓會比較un架，咬唔到！！另外係coffee糕la，好香濃既coffee味好好味，一層一層，滑lulu，我每次都會叫既甜品。…Read More

八喜點心選擇一般茶........不俗, 相對附近的茶樓, 這間美心集團的食品已算不俗:)23元的腸粉, 很滑, 點了"翠綠帶子腸粉", 好味!!:)下午茶時段 $18元嘆到很好味的"蟹籽滑燒賣" , GOOD~~~~:)招牌的"八喜擔仔面", 充滿鮮蝦味的湯, 吃完又沒有口乾的感覺, GOOD!!!!!!:)酒樓的侍應招呼算OK…Read More

又到八喜用餐，好在有早一日打黎卜，因為當晚好full~一行3人，叫咗半隻大盆雞、蛋白兩味蝦、芋棵、菜肉雲吞麵、招牌春卷、瑤柱雞絲羹同薑湯芋圓。半隻大盆雞大盆雞上枱時熱辣辣，用木盆裝住，半隻都幾夠份量。味道好豐富，又咸又辣又麻，仲有少少甜甜地。雞都好嫩滑，仲好入味，另一樣入味嘅就係薯仔，薯仔先泡油，好淋又吸晒啲味。瑤柱雞絲羹一窩有六碗，好熱，又唔會太杰，有好多雞絲，瑤柱就少啲。味道剛好，唔會太咸。蛋白兩味蝦兩味蝦係櫻花蝦同雪蝦，雪蝦無味，得個爽字。櫻花蝦好惹味，而蛋白就好滑，但好重牛奶味。招牌春卷一碟四大件，不過食唔出有咩咁招牌。餡料應該係豬肉、蝦同蔥類，但個餡好淋。菜肉雲吞麵遜色，湯底有如白開水，無味；上海面正常，唔太淋；菜肉雲吞個餡係好食，可惜個皮太厚。薑湯芋圓每次都必食，夠薑，芋圓煙韌，仲有黑珍珠同阿塔子，口感豐富。環境都ok，坐卡位舒適，但一多人就開始嘈。…Read More

婆婆由老遠的加國返港，當然要好好為她洗塵一番，由於她年事已高，不宜周居勞頓，所以在附近找了一間中菜廳八喜用餐，原來它是美心集團旗下的一間中式餐廳，以台灣菜式為招徠，同時也提供一般港式的點心和小菜，而且八喜位於黃大仙中心的地下，鄰近港鐡站出口，交通挺方便，餐廳面積也十分大，餐桌間非常寬敞，相信是個家人聚餐的好地點。翻開八喜的餐牌，主打的台灣菜式當然有不少，例如三杯雞，蚵仔煎和胡椒餅等，台式風味十足，而且款式比想像中更為豐富，家人對其中的青蟳米糕尤其在意，自己則被九份芋頭珍珠圓深深吸引著。 花膠筒雲吞雞湯--菜式以砂窩熱騰騰奉上，份量十足，當中滑溜的花膠筒也有不少，輕呷一口，奶白的湯底十分清甜，可能是由於雞肉和津白的味道已經融入湯內，雲吞則大小適中，外皮甚薄，內裡的蝦肉爽口彈牙，整個雞湯很快已經被橫掃一空。 八喜樟茶鴨(半隻)--樟茶鴨屬於中國川菜的一款，這客半隻樟茶鴨的份量也不少，足夠五人分享有餘，鴨皮相當酥脆，而且色澤呈紅亮，入口嚐到淡淡的茶香味，可是鴨肉比較乾瘦，若果肉質可以豐腴一點，相信這客樟茶鴨應該會更美味。 蛋黃肉--這是一款地道的台灣小菜，半肥瘦的豬肉，口感鬆化，而且肉質嫩滑，淡淡的蛋黃鹹鮮味道尤甚吸引，鹹甜適中，佐飯一流。 青蟳米糕--台灣菜中的一道著名佳餚，就是蒸蟹糯米飯，它是以蒸籠盛載上桌，熱度十足，沒有想到可以在八喜吃到這款台灣菜式，糯米飯上的肉蟹相當大隻，翻開蟹蓋，蟹膏只有少許，而肉質則鮮甜爽口，肉蟹下的糯米飯層，份量比想像中少，只有薄薄的一層，還幸糯米飯帶有荷葉香味，十分討好。   燕窩雙皮奶--雙皮奶上灑上點點燕窩，感覺特別矜貴，絲絲燕窩配上幼滑的雙皮奶，婆婆十分欣賞，若然奶味和蛋味可以再濃郁一點，甜品才說得上完美。 九份芋頭珍珠圓--飯前已經看上這個九份有名的粉圓，粉糰主要有黃色和紫色兩種，十分煙韌及有嚼口，口感豐富之餘，糖水的薑辣味又非常濃厚，實在是冬天暖胃之選。 秘製糖蕃薯--碗內只有糖水和蕃薯，賣相單調，蕃薯以秘製的糖醬煮過，已經完全吸收糖醬的甜味，而且蕃薯的質感相當鬆軟，愛好蕃薯的人士，應該要品嚐一下。一直以來都沒有留意八喜這間餐館，想不到它提供著特色的台灣菜和美味的中菜，今晚的菜餚說不上豐厚，不過可以跟婆婆邊聊邊吃地渡過一個晚上，心頭和舌頭同樣滿足。…Read More

今天行山路段要由慈雲山開始，所以在附近的黃大仙中心食個豐富早餐，儲蓄一定的體力﹗我選擇八喜，一來我需要盡快用清信用卡的cash dollars，二來我偏好台式食物，三來八喜最近都要到黃大仙才有分店，今日難得到此區又好難不選擇到這裡飲早茶呢﹗環境格局不似酒樓，反而似茶餐廳，幸好友人早到可以拿到卡座，否則坐其他枱就好迫夾，只因枱距離好貼身。一時忘記八喜是美心旗下的一份子，怪不得點心款式和美心皇宮有不少都相類似，當然，八喜除了做粵式還有連帶台式，比如有台南肉碎手卷﹑九份芋頭珍珠圓﹑擔仔麵﹑肉燥飯等等。不過很多台式小食粉麵飯都要在11點後供應，11點前提供的點心就只有一款肉燥扒豆腐叫做些微台味外，其他點心都是日常吃慣吃熟的款式。早市特價孖寶原來只在星期一至五供應，星期六日及假期的點心收費是全日同價，所以個人覺得反正價錢一樣，在11點過後來吃的話便會試得更多食物了。我和友人每人一碗澱粉質，友人選了鳳爪排骨飯$22，份量都幾大，有幾件排骨(肉多過骨，讚)及一隻鳳瓜，盅頭都不細，算抵食。我對於銀針粉是什麼都願意，縱使收特點，海鮮湯銀針粉$28我是滿心期待的...看到事實後我真是失笑了，海鮮竟然是兩隻發白的雪藏蝦和幾粒蟹柳?!這碗粉加埋一講緊是賣$31，店方如此薑辣給這些配料﹖我真是想退貨，但當然沒有這樣做啦。銀針粉的份量至少食完一定飽，但湯是無味道，想點呀﹖完全中伏﹗濃湯釀豆卜(中$18)的湯底好似魚湯般白，頭幾啖湯都幾清甜，但後尾攤涼後的湯竟然是鹹得非常，完全入不到口呢。豆卜吸了湯汁好難不好食，而入面的豬肉餡混入了少少魚肉，富彈性。金粟煎蝦餅(大$22)的的式式，蝦餅煎得十分香口，用料足每一啖都充滿蝦味，而且有著不少粟米粒，十分清甜﹗最後簡簡單單的鮮菇燴魚肚(大$22)，三色豆及草菇多到瀉，主要當然是食魚肚，有四大件，每件都爽口，吸汁後更加吸引。11點前的甜品只有三色腰豆糕和這個咖啡千層糕(小$14)。雖然我不飲咖啡但兩者之間比較想試咖啡糕，加上記得看過此糕的相片是很特別的樣子。由深啡及淺啡相間而成，十分工整，糕身質感頗彈，毫不淋糊，入口帶有少少咖啡香，不濃郁，加上牛奶層的混和下，不好咖啡的我都接受到。全場只有幾位店員，沒有美心皇宮的店員那麼快速和主動，好似叫店員加水 / 拿調味料，她們不會回應你(哦，好，等等)，照樣走左，這時候我們要好留意，如果發現她們之後是在做其他工作，就表示她們忘記了﹗最氣憤的，因為我食蝦餅習慣上要沾醋(醋 / 唿汁都可以，我貪酸咪咪的味道而已)，店員話什麼醋都沒有，我聽後都幾驚訝，因為八喜明明有小籠包提供但為何沒有醋﹖最後找經理問問，經理說紅醋/鎮江醋/唿汁都有，還拿一大碗給我。附近地帶實在有很多酒樓給選擇，如果再到此區飲茶的話，八喜不會是我的首選。…Read More

於子女入座後，我往洗手間與回座途中，瞄望數檯客人的菜式... 《大盆雞》色澤深暗，雞件細塊，狀似乾涸，鍋邊沾滿油膩。 《小籠包》賣相欠佳，蒸得過火、尖頂似硬、包身塌陷。 :是晚六人用膳如下列：–【龍井】茶葉不俗，勝過一般的食肆，還可以。【椒鹽黃花魚】最先上菜的，竟然是四條無頭魚... 毫無椒鹽味，遮蓋唔倒魚腥味？ 【鴨舌】太乾身冇哂肉，汁味怪怪的？【茶醬鴨】冇乜肉食，味道還可以。 :)【花膠雲吞雞湯】湯底味稍鹹、冇膠感；雲吞每人分到一粒，鹹雞共三件，多大白菜，但唔見花膠？【蚵仔砵】上檯的賣相蠻好看，但是內裏的蚵仔散碎，冇粒完整，粉料太多？【有機蔬菜鍋】有菇菌、車厘茄及雜菜，烹煮恰當，雜菜保持青嫩；湯底調入茄羔，味道頗好。 【蝦春卷】皮脆、有蝦，配料很好。 【胡椒包】皮鬆軟、饀料味道不錯。 【煎餃】煎煮恰當，但是餃內冇肉汁。 …Read More

臨番去加拿大讀書之前同朋友係八喜小聚:):)我地係一點果時等5個人既位等左3分鐘都駛就入得！正！但一入到去完全冇人帶位...最少連指下都冇T_T最後4個人盲中中終於搵到張table坐底左10分鍾之後先有人比點心紙我地:(落左單之後上菜速度真係好快！:)因為我地好多人都只係鍾意食普通港式點心,所以我地叫左最簡單既叉燒包,叉燒腸粉,鳳爪排骨,綿花雞同鳳爪排骨飯最記得係啲叉燒腸粉好滑,令人好想再食多一碟但其他就普通同出面茶樓冇咩分別...最後到比錢果時有個我地幾個女仔分帳係會比較慢(要計同攞現金)但個收數既經理就好唔耐煩咁吹我地快啲話:你地可以碌卡喎!同埋本來有個朋友可以用佢媽媽既員工85折卡.不過個經理最後話個持卡人唔係度所以唔比用,本身比左折,我地費時影響個朋友既媽媽,於是補番個差額比佢.....到第二日我朋友個媽媽無啦啦比琴日個經理指佢投訴佢,原因係因為佢琴日冇比到折...但我地任何野都冇做過…Read More

好多時星期六都會去八喜飲茶，因為鍾意佢地既點心比較特式，平時既茶樓會比較少見咖哩牛肉既餡料好入味，外邊既酥皮又鬆化，絕配!平時好少食咖啡味既食物，但係呢個咖啡糕真係超正，一層層，滑嘟嘟，次次都會叫既甜品!起初諗住叫D菜黎平衡下，無諗過個什菜煲咁好味，勁大粒蝦米，D粉絲又入哂魚湯味~男朋友去親飲茶都會叫牛柏葉，佢特別鍾意八喜既，少少咖哩味，牛柏葉唔會UN，又唔會太油~胡麻茄子同台南肉碎手卷都屬於推介系列，凍凍地茄子加麻醬，加上軟熟外皮既手卷，必食~~…Read More

記憶中依次已經喺第5次嚟幫襯八喜，不過對上4次都喺去灣仔店，而黃大仙店就首次光顧。諗住都喺集團式經營，分店間嘅水準應該差唔多，試過之後，似乎黃大仙店就差啲啲:(，好似幾款例叫嘅點心：灌湯小籠包、八喜招牌春卷、台南胡椒餅、肉燥蒸芋粿，除咗個小籠包仍然喺高水準之作外，其餘3款感覺水準下滑咗啲，例如個蒸芋粿，味道保持到，依然惹味，但質感有啲散。所以，又再次證明，分店不同，好唔好食，還看大廚手勢此真理。 因為之前都寫過咁多次八喜嘅食評，所以今次唔打算寫得太詳細喇，只想重點咁寫幾樣嘢。先講服務，落單時已吩咐先上點心，其他嘅等叫才上，唔使個次序咁亂，好多時啲食肆都做得好一般，不過八喜依方面做得幾好，井然有序。另外招呼都好妥貼，雖然喺星期日晚，既無分時段，又無時限，但依間分店又幾多人幫襯，高峰時段真喺坐到爆喎。 金瓜川味牛 $65之前晌灣仔店食過覺得好食，所以介紹俾屋企人試。唔太辣，少少麻，牛腩牛筋好腍，只可惜喺個南瓜未腍透，感覺若有所失。米湯魚腐翡翠苗 $48清淡菜式，因為上面個川味牛幾重口味，所以就揀個清淡蔬菜嚟平均一下。魚腐幾軟滑，有魚味，而翡翠苗清蔥翠綠，咬落爽爽哋。依個菜唔叫得好好食，但濃味以後來個清淡，感覺輕鬆啲。宜蘭茶壺老酒雞 $128:)需要預訂，賣相幾雅緻，真喺用個大茶壺盛載。其實主要飲個老酒雞湯，雞湯濃香，藥味唔重，酒味亦唔會太濃。侍應會先以小杯斟出，等各人嚐一下老酒雞湯個味，跟手再將啲湯料撈起上碟，原來真喺幾多料，有半隻雞、紅棗，黑棗，糯米，當歸，瘦肉……等等，而啲雞湯前前後後都可以沖到好多杯。由於覺得佢啲台式點心幾得，所以點心點多啲，主菜就只喺叫咗3款。最後輪到甜品時間，因為一早訂了半打壽包，賀一賀舅仔、姨仔生日，所以甜品即場只叫兩款。壽包晌餐牌無，可以臨時叫，都喺$24半打，不過預訂穩陣啲，其實好抵食，白蓮蓉餡，包身鬆軟又唔太甜。想晌度切餅慶祝，如帶集團同系嘅美心、東海堂就唔收切餅費，否則要收成舊水，唔划算囉。奶層咖啡糕 $14:)一客有3件，堂食價只喺賣$14，我就覺得幾抵。個咖啡糕其實喺一層咖啡啫喱夾一層咖啡奶凍，層層相間咁，咖啡味挺足，都幾好食！豆沙鍋餅 $20:)一客切開有成8小件，為起兩個零一件，豆沙香甜，外層香脆，既可一齊分享，又喺抵食嘅甜品。其他雜費依度都收得平啲，茶位$6，又唔收泡菜，白飯$10碗都比灣仔店平兩蚊雞，嗰邊茶位要$8架，仲要收泡菜錢$12一小碗添。今餐食咁多嘢都唔使五佰，但非常之飽呀！…Read More

黃大仙正德街104號黃大仙中心地下G4A舖 ---> 八喜真系無諗過咁差囉。。。牛肉餅無牛咪，又乾又鞋。煎南瓜朱肉飽〇K，但唔夠香口。擔擔麵把鬼，辣的一碗完全唔辣，唔辣個碗無味，D花生肉醬少到唔狠，味道又淡，同金X庭完全無得比，但價錢差不多。大盆雞味道都可以，但薯仔多過雞。柯仔砵無乜柯仔，有限的柯仔又無味，D蛋勁老，勁多火山洞。肉噪反〇K，當䜴油撈反加肥肉。酸辣湯麵〇K，酸D仲好。蝦春卷勁咸，又唔脆，失望。芋香珍珠奶茶好飲。小籠包好食，是唯一一樣讚好食物。:)九份芋圓，不知所謂，去過九份的人一定勁失望。:(好少食反，個個都輪住話D野食差，點解系openrice的黃大仙居然排第二，唔通黃大仙真系無好野食?…Read More

平時經過八喜都見到好多人等位, 今次特登早D去到試下, 點知去到都要等成20分中先黎蝦腸: 皮都算係簿既, 有米香, 而蝦肉大隻又爽口, 唔錯美心旗下, 最好食可算是呢味飽汁鳳爪, 飽汁味道濃郁而鳳爪入哂味正叉燒包同燒賣味道都幾好, 夠哂足料小籠包皮就厚DD, 不過都要少少湯汁既三色糕同擔擔麵一般般啦, 可以不試…Read More

媽媽之前o係灣仔食過 , 佢覺得唔錯 , 仲給左五個印仔 , 有一窩價值 $ 400 o既花膠竹笙雞絲翅送 , 於是 book 左一家人加細佬女朋友黎黃大仙分店食1. 冰鎮花膠筒~ 我本身唔食花膠o既 , 好怕o個 d 滑o都o都o既質感但呢個花膠筒好爽好好味 , 好香麻油味 ^^ 2. 煎牛肉餅 ~ 比我想像中鬆軟 , 牛肉帶芫茜味 , 屋企人都話好似山竹牛肉o既味奇怪事係我平時覺得山竹牛肉好臭 , 但呢個牛肉餅又覺得唔錯喎3. 椒鹽小黃魚~ 一 d 都唔小 , 兩大條魚炸得好脆好香口 , 細細條o既骨都可以食埋4. 灌湯小籠包~ 周圍食小籠包黎到第三站喇 , 上枱見到佢好似唔係幾得 ... 唔漲卜卜o既但一口食落去先知 , 原來真係有湯汁o家 , 熱到我口都歪埋 xd 皮都幾薄o家5. 左營夜市蚵仔砵~ 呢個就好似砵仔焗魚腸咁 ,不過用左蚵仔代替魚腸 , 幾好食o家 , 無魚腸咁腥 , 但得好少蚵仔 , 面o個層焗得香口但中間o既蛋都仲 keep 住幾滑 , 配料太少 , 似食蒸水蛋6. 花膠竹笙雞絲翅~ 唔知係咪真係值 $ 400 , 都幾好味o既 , 可惜我食唔到竹笙7. 客家蒸芥膽~ 呢個真係令我驚喜到不得了 !! 叫o個陣我己經大叫芥膽好苦o家 !!媽媽話煮得好就唔苦 , 見佢地食得咁自然 , 我又試左少少 ...ee．．．　真係唔苦喎 , 仲幾好味 , 甜甜地 , 有 d 梅菜汁 , 正喎食下食下都食左兩大條o家 , 大家最後係食淨晒 d 梅菜 xd8. 青蟳米糕~ 即係籠仔糯米蟹 , 呢排食得多粽 , 就連好鍾意食糯米o既我 ... 都打算食少少糯米就算 ... 嘩 !! 但係佢個米糕真係好鮮味 , 蟹o既功勞 隻蟹比我相像中大好多 , 而家仲好甜添喎 , $ 108 抵食到笑 =)9. 招牌大盆雞 ( 少辣 )~ 食到七七八八時佢先黎 , 大家都唔係幾食得落咁多肉而且仲有好多薯仔o係底 , 呢個時候又一驚喜送到 , d 雞好惹味 , 薯仔爆得好香 , 食下食下 , 都清晒成盆 , 唔知佢用左 d 咩香料 , 個味道真係幾特別 , 難怪成為招牌 ^^## 媽媽臨尾追加左個蒸銀絲卷 , 佢話點練奶食 , 都算係甜品 @@"銀絲卷似饅頭多 D , 裏面係無一絲絲o既 , 被迫食左一少件 -.-"此外仲有一樣好抵o既 , 就係特飲買一送一 ,即 $18 兩杯 ,沙冰 / 珍珠奶茶 / 綠茶 / 乳酸 / 雪香等等台式飲品 ,而且仲係用台式飲品店o個 d 膠杯黎裝 , 都幾攪笑 =)…Read More

可能臨近父親節, 所以好多人. 不過好彩之前有訂到枱.一向對美心集團都有d抗拒. 都預o左係又貴又唔好食. 不過呢次又有d驚喜. 價錢合理, 味道都ok.一行六人, 點o左8個菜. 剛剛好.醉雞~好重酒味. 不錯.麻辣鴨舌~份量頗多. 但沒有麻辣味.三杯豆腐煲~玉子豆腐.ok的. 酸辣湯~料及份量很足, 只是不夠酸.拔絲咕嚕肉~粉漿唔厚. 而且味道都ok. 唔太酸同唔太甜.炒年榚~OK, 唔太油. 魚麵好彈牙.肉燥飯~味道很好, 只是略縑肥肉多了一點.胡椒餅~全晚最差的一道菜. 白白的外皮, 外皮的口感就好似XX酥咁. 一層層的, 有黏口的感覺. 同真正的胡椒餅, 完全是四回事. 份量都OK, 而且坐位都蠻舒服.…Read More

　　今天和同事來這裏吃飯，我們同事佔了三張桌子，吃了很多食物，十分飽足，我甚至無法記起全部的點心，讓我盡可能把有印象的食物寫出來和大家分享：奶皇包：包皮夠軟糯，剛出爐，夠熱夠新鮮，燙手的，奶黃也恰到好處，有蛋黃也有鮮奶的味道，不太甜，是我摯愛之一。招牌大盆雞：這道菜因為是鎮店之寶，因此大家都太有期待。它是以木盆盛載著一個鍋，鍋裏是紅椒青椒薯仔，然而卻讓人稍為失望的是，大家　　　　　　以為這盆雞應該有點辣和惹味，但不是，可能醃的時間不夠，不夠入味，而且似乎十分油膩。鮮竹卷：這個點心我極力推介，因為它真的很清，不算油膩。蝦餃：蝦餃皮不夠韌，也不硬挺，碰一下便散了，蝦不夠爽口和新鮮。燒賣：用的豬肉太油。花膠筒：茨汁過於膠口，讓人感到很膩和飽滯。咖啡糕：似是千層卷，一層咖啡一層固體奶，不錯紅豆桂花糕：紅豆爽口，混和了桂花的香味，啫喱的裏層包夾著的夾脆，有口感　　每道點心都細緻小巧，賣相極佳；服務員的態度也很好，可是，有一點我們不明白，花膠每塊都這麼大，我請他們替我們切細，他們就只給我們剪刀算了，還有咖啡糕和紅豆桂花糕，都是大大塊的端上來，要切的話要自己動刀，為何他們不能為我們設想一下，在上菜前把東西切細呢，如果能照顧到這一點，給顧客的印象會更佳！…Read More

又係新年飯局, 10個人, 散叫了一大堆食物 ...最深刻係招牌春卷:)其他都不過不失 ...台南擔仔麵唔 ok :(因為唔係蚵仔麵仔線再者個湯味道都差太遠要食 ... 真係要飛去台南d街邊檔至掂 己經食6pm 個場周氐蝦卷+籠仔蒸米糕都賣灑 !!!! …Read More