Video
Above information is for reference only. Please check details with the restaurant.
近排全記換左招牌 轉左名做光榮～希望個名唔好一語成讖...午飯時落街搵餐飯，落雨唔想行就選左全記，住係附近既都知道其實間野普普通通但又不算太差～叫做擺得入口～午市客飯套餐 有飯 有湯第一道菜。梅菜蒸鯇魚味道麻麻 鯇魚好多細骨頭，同平時街市買既有些不同。魚肉仲好似有d「梅」。第二道菜。沙薑雞 沙薑雞比較惹味，汁都唔錯幾餸飯。雞肉就比較「鞋」口感一般。似係放左好耐再翻熱。例湯反而比較ok禾赤小豆及其他豆類既豆味好香濃。但所有餸菜都有陣怪味。好似係味精高溫加熱後哥浸「酸叔」味。服務就正如一般茶餐廳服務，一如既往的差。話說當天隔離枱一位女士與小狗等左個客飯好耐，位女士不奈煩咁再三崔單，最後等左好耐碟飯先到，個女士已經嬲到食幾啖就走了。後記：可能換左老世，所有野都需要磨合。希望下次去到會有點改善！我會比 2粒半 至 3星左右
continue reading
行山一向喺秋涼嘅戶外活動，不過，最近都有同個行山老友挑戰吓，夏天如果天氣合適，都會照行。呢個周六，撞到天氣唔錯，至少唔會落雨，一於挑戰吓元荃古道，由荃灣（荃威花園）起步，一路上山經石龍拱，未到田夫仔屈條小徑落清快塘，最後終點喺深井。兩支公就唔會揀食燒鵝啦，快手快腳搵間茶記搞掂去，「全記」似乎多人啲，內鋪又有冷氣，就揀佢啦。喺村屋鋪，鋪前有啲非冷氣位，雖然有架起帳篷，但既焗且熱，故坐嘅人唔多，喺都會喺啲想食口煙嘅人。我哋當然揀坐入面啦，有強勁嘅冷氣，涼快好多，尤其啱啱行完山添。而內裡格局如一般茶記，細圓枱加卡位，有大電視，周牆都貼滿小炒或碟頭飯菜式。我哋大家都懶得諗，就喺揀是日快餐 / 午市客飯， 共有8款，包例湯及熱飲，定價都喺$45-$50，價錢喺咁上下啦，況且，深井都有唔少有錢人架，茶記都唔會特別平。例湯例湯講明送完即止，雖然喺免費，但店員都會問你要唔要，是日嘅例湯喺赤小豆眉豆鯪魚煲粉葛，飲落一啲都唔例牌喎，夠火喉，幾濃郁添。枝竹班腩飯 $45「班腩」即時令我諗起早前一單酒家違反商品說明條例嘅案件，小弟就只喺當笑話一則，幾驚有啲傻人去舉報菠蘿包無菠蘿、老婆餅無老婆呀，哈哈！作為茶記，佢哋啲班腩又做得唔差喎，粉漿唔算太厚，獻汁OK，唔會太杰到好餬咁，亦唔會好似有啲酒樓咁煮到好油。海南雞飯 $50佢哋賣嘅海南雞喺泰式，所以，伴嘅喺泰式酸辣醬。無論雞嘅份量，抑或飯嘅份量，都份量十足，不過，飯就只喺普通白飯，唔似新加坡式用上雞油飯。而啲雞就的確好食，雞皮幾爽，皮下脂肪又少，肉質夠嫩滑，沾點酸辣醬，更醒胃。熱奶茶、熱檸水講過好多次，去茶記飲餐飲奶茶喺小弟必然之選，不過，「全記」嘅奶茶無乜茶香，茶底比較弱，口感亦唔太滑，極為普通。後話，友人睇網上資料，話呢條線需時4個鐘，我哋為免正午太熱，9:00am起步，11:40am就已經到咗深井村，超額完成，梗喺啦，兩支公行起嚟都唔使點停（除停一停飲水之外），臨尾落清快塘又抄山路走捷徑，慳咗不少時間，但無行開山嘅人咪照跟，確喺有少少危險。
continue reading
晨早跑完步，未過11:30，所以就去深井村出面既『全記』茶餐廳食過早餐！呢到早餐價錢由 $31 至到 $36 不等...包餐飲，有四個 set 可以選擇。(早餐時間由 07:00 ~ 11:30)!坐低就即刻叫咗個早餐C...個 set 包咗兩塊牛油多士、雙蛋、雙火腿、同雙腸...另外，餐飲就 order 咗杯熱啡走(用練奶取代沙糖)。食物就真係好一般！兩塊牛油多士都冇搽牛乜制...雙疍就煎到爛晒穿黃！不過，杯啡走就沖得吾錯！
continue reading
喺深井其實冇乜好食，特別係宵夜時間，過左十一點好多食店都已經關門，所以通常我地夜晚肚餓都只有黎全記。如我之前所言，唔係覺得平，或者覺得好食，只係我冇乜選擇，哈哈。全記有室外、室內位置，不過天時暑熱，即時係晚上，都一滴風都冇，我地都係坐番入面。可能有好多人同我地一樣冇選擇，所以夜晚佢填都幾好生意，卡位好時都滿座。我地坐喺圓枱，圓枱有時頭頂會滴水，當然唔係坐得太安心。晚上選擇多，炒粉麵飯常餐一樣有，我地一人點左間餐，平均45蚊，又唔係話好貴嘅。腸仔、肉丁烏冬 $44本來可配公仔麵果啲唔洗加錢就38蚊，不過是日特然想食烏冬，要加6蚊。普通超市款式，冇乜特別，因為我點肉丁，即時湯底清到無倫，都冇乜所謂，總有少少肉丁辣味支撐。腸仔得一條，認真，邊個如果屋企煮到食，會想出街食呢啲，哈哈。沙嗲牛肉麵 配火腿奄列、方包烘底 $42平時我地食茶記通常都加錢轉一丁，不過全記冇架。沙嗲牛麵正正常常，餓起上黎都唔太計較肉老唔老，韌唔韌。麵冇煮到淋哂，我已經收貨。相對我嘅餐，呢份好似抵玩啲，起碼有塊多士、奄列。凍檸茶 (+$6)非常普通，偏甜，跟餐加6蚊配。
continue reading
今天貪就脚、走入了久未光顧的全記、坐下望望四周環境依舊的……坐得不自在、員工的服务態度依舊有待改善……拿起餐牌發現多了些新菜式、我選了……一) 干燒伊麵二) 两餸車仔麵伊麵一出……给我眼前一亮感覺、賣相靚、.醬油色金黄、熱辣辣……麵乾身得耒又夠湿润、軟得來爽滑、蠔油味濃、醬汁份量剛剛好！是一碟好有水準的麵！車仔米線……也给了我一個驚喜……豬紅夠彈牙爽滑、沒有雜味、豬皮鬆軟、吸收了湯的甜味口感很不错、湯是肉碎做的湯底很特別、食得出的甜味……雖然環境一般般、但有這樣的水準食物也是一個享受午餐啊！
continue reading