光榮冰室 (厚福街) (Closed)

天氣轉凍，係時候食下煲仔飯，朋友告知我厚福街新開了一間冰室，晚上就有煲仔飯食，而且性價比很高，當然要去試試。來到餐廳已爆滿，非常有人氣。餐廳裝潢港式經典冰室，供應快餐、飯類、意粉類、湯通粉類、三文治多士類、麥皮、小食、飲品和特飲等等，由晚上6：30開始就有煲仔飯供應。皮香脆肉嫩，而且好夠熱度，2隻好抵食。煲仔飯用南乳滑雞又幾有風味，加上飯帶焦香，幾有特色，雞肉嫩滑，如果南乳味再重些會更好。喜歡飯的質感，整體夠汁潤，唔會乾乾的，配上窩蛋更正。飯一到，要馬上拌一拌，再加上醬油，再蓋回，個人感覺會更好；如果放久了，飯會變得太焦而影響整體味道。肉餅好香，質感好軟滑又入味，加上鹹魚吊一吊味，再加隻窩蛋，令人回味。經典冰室飲品。

尖沙咀厚福街「光榮冰室」新開張未夠3個月，賣點係佢哋即叫即整嘅煲仔飯。新開張嚟講都算有人排下隊咁👌🏻午市亦有快餐選擇，都只不過係$45。其實係尖沙咀嚟講都算係價格相宜，食物又幾好嘅冰室。而家閒閒哋想係尖沙咀食餐便飯都要$50-$60再加一啦☠裝潢設計好有香港懷舊風，自由行旅客必到嘅港式茶餐廳之一🤫呢間餐廳我都會推薦比我啲新加坡嘅朋友嚟試吓哈哈🤣重頭戲嚟啦😍😍😍主打當然就係煲仔飯😛😛個油鴨脾飯好入味！！！但只限晚市供應😕價錢由$68-$78，非常合理。CP值都幾高🤓

今晚和朋友去尖沙咀厚福街搵食。見到新開了一間光榮冰室。店鋪門口的拉架主推煲仔飯。我和友人都好耐没有吃煲仔飯了,加上天氣凍。就好想吃一些熱辣辣的食物。那煲仔飯就是最好的選擇了。光榮冰室都好新淨企理。睇餐牌,有十款的煲仔飯可以選擇, 還可以再加鹹魚,臘肉,臘腸,潤腸,或窩蛋。豉汁排骨煲仔飯$68, 再加潤腸$15大概等了15分鐘,登登登! 熱辣辣的煲仔飯終於來了。排骨肉質剛好, 不過略嫌味道較淡。可以自己再加豉油。我最喜歡的是潤腸。潤腸鬆軟, 好好味道, 送飯一流, 所以如果要煲仔飯, 就記住要加潤腸了。煲仔飯煮得靚不靚, 睇飯焦就知道了, 這個煲仔飯的飯焦脆卜卜, 不錯!加了油菜- 唐生菜$20唐生菜爽脆~熱鮮奶$12熱鮮奶有好香的牛奶味。

最近天氣突然轉涼，除了打邊爐當然就係煲仔飯，這兩個偉大的發明在這個寒冷的冬天，絕對不用她想，最近在厚福街看見這間外表充滿懷舊味道的「光榮冰室」，在這個時候亦推出了一系列的煲仔飯，價錢適中一於試一試。油鴨髀煲仔飯加鹹蛋 $76油鴨髀煲仔飯，一整隻油鴨髀切開三件，鹹鮮的鴨油和乾身的飯粒混在一起，加少少豉油和鹹蛋黃一齊撈勻，每一口都非常甘香，食到最後脆卜卜的飯焦當然也不能放過。香蒜南乳滑雞煲仔飯 $72香蒜南乳滑雞煲仔飯，香蒜加南乳的味道非常特出濃而不鹹，雞件軟滑飯粒軟硬適中粒粒分明實在是煲仔飯的至高境界，比好多店舖的煲仔飯都要出色，食完煲仔飯來支大支裝可口可樂實在完美。好食到「美人照鏡，一粒都冇」煲仔飯大可樂正

今日行到尖沙咀厚福街，想去新唯一食上海麵，行到門口，咦？變左茶記！因為午飯時間得一小時，所以望下餐牌就入座。𥚃面店小二好似全女班，裝修亦好懷舊冰室look。都係要拼枱的。先叫野食，叫左干炒叉燒意加凍奶茶。偷望鄰座，發現佢的蔥油豬扒有點似之前間上海小店。再望單據，同之前間名一樣的。我的食物光速就送到。凍奶茶跟午餐，佢餐單寫11:30-14:30跟餐可以送一杯飲品。凍奶茶唔錯，好滑，奶味重。干炒叉燒意$48炒得唔錯，叉燒切得薄而片數都不少，唯一唔好係全個碟底都係油，如果少些油會更加好。全程用半小時完成叫餐及離座，仲唔係光速餐？但可能店小二係全女班，態度語調溫柔，不過我想叫辣油就冇人理我，如果真是沒有希望可以回覆客人的。結賬$48。用午市時間計，價錢算吸引，而且夠快手，

今日有野做要9 點幾先食dinner厚福街既餐廳收得夜而且天氣好凍岩哂食煲仔飯就選擇左光榮冰室佢環境乾淨企理好光猛煲仔飯好多款今日簡左紅棗滑雞煲仔飯加錢要埋窩蛋 鹹魚要埋芥蘭  雜果冰一上檯就聽到吱吱聲食指大動！一打開果個飯香攻埋黎勁足料 好多件雞真係又滑又嫩個蛋仲係流心溶落d飯到等一陣先挖d飯焦好正呀！！脆到咬落去卜卜聲唔係講笑食到停唔到加$20 既菜更抵食大大碟 好新鮮好粗身既芥蘭極滿足下次要再帶多幾個朋友黎因為見隔離檯個秘製叉燒飯都好正

厚福街新開張的光榮冰室主打煲仔飯，天氣開始轉凍就和女朋友來試一試。店來設計很有地道冰室風格，白色為主，不論枱櫈或餐牌都是簡約設計。窩蛋鮮牛肉煲仔飯加臘腸，熱辣辣很香飯焦味，牛肉鮮嫩，加了煲仔飯豉油就已經夠味道，飯焦一片片很脆又爽口。生炸雞全翼冬天最愛，剛炸好油份不多，又鎖著雞肉汁，出色的冰室小吃！光榮公司治有午餐肉、芝士、煎蛋、生菜、蕃茄、炸脆薄豬扒片，材料豐富，而且即叫即整，麵包剛烘好香脆，芝士還是半溶的。忌廉雞湯雞絲通粉湯底幾重忌廉雞湯味，不過整體偏淡，作為開胃早餐就不錯，晚上想吃濃味的。食物沒有味精，難得在茶記吃完飯不覺得口渴！而且價錢算便宜，煲仔飯真的值得再戰！

同朋友TST行完街街搵個tea食下比我地發現一間新開無耐嘅茶餐廳食物選擇多價錢實惠Tea set $30好抵食朋友叫左一個tea setd牛肉唔錯肉質好淋同夠入味估唔個tea set有配一隻炸雞翼好驚喜炸得好香脆好好味！成個tea set感覺好豐富茶走超香茶味好夠甜度剛好乾炒豬扒意粉炒意粉相當有鑊氣份量唔細味道好夠味道好正熱檸檬咖啡第一次飲熱檸啡感覺好特別原來都幾好飲ps.早餐$22起超抵食估唔到TST $22都有個早餐食呢度野食同服務都好好而且價錢唔貴d店員好有禮貌抵讚值得support的一間小店

初時以為是冰室，近來看到推出了煲仔飯，就來試試冰室的煲仔飯究竟味道如何。即叫即做，上碟時還是超燙。侍應提示我們加豉油焗一下，桌上豉油是李錦記，看來下的成本很高，幾十元可以有這種質素非常抵色。我點了土魷肉餅，肉餅非常軟身，土魷份量很多，味道夠濃，配搭飯一起吃很香，還吃得到炭烤味。煲底可以吃到飯焦，很香脆。鮮茄豬排意粉都很出色，鑊氣很足，蕃茄味濃，味道偏甜，豬排有五塊，雖然不同大小但份量還是非常多，肉質軟稔好吃。

朋友有事需要幫忙，要我開盤起卦問事，盛情難卻，推唔到！佢係尖沙咀返工，好正常，落厚福街食飯囉！厚福街多選擇嘛.... 經過光榮, 見到佢地個 Benner 有煲仔飯賣, 煲仔飯哩家野, 唔等依家天氣凍果時食, 等幾時呢?上一次係旺角食煲仔飯, D臘腸潤腸難食到嘔, 今次就叫煲潤腸臘味飯, 又睇下咩質素先, 另外再穩陣D, 叫煲排骨飯, 開餐!首先, 店員囉兩個煲仔飯上枱, 無即刻打開個煲蓋, 讚! 因為我中意焗一焗佢! 唔會一上枱就打開蓋.煲仔飯望上去以為好大煲, 食落一個人份量啱啱好, 排骨嘅豬油滲透入D飯裡面, 排骨份量無偷工減料, 滿意.臘腸, 潤腸, 臘肉每款臘味都出色, 飯粒同樣地吸引咗臘味嘅豬油香, 滿意.最最最驚喜係.... 兩個煲仔飯都有好多好好好味嘅飯焦架!!Sorry 囉, 飯焦好味到掛住食唔記得影相囉....  (^_^:     

今晚得到好友介紹，來了光榮冰室吃煲仔飯，因為他之前吃過，讚不絕口，於是一於試試啦！來到門口，非常有傳統冰室的感覺，看完餐牌後，我們點了臘味煲仔飯，加了一份鹹魚，和紅棗滑雞煲仔飯，加了一碟油菜，飲品點了凍檸茶及熱檸水。等了一陣子，雞飯上枱時，已聞到濃濃飯香，加了豉油後，已急不及待起筷了。雞肉肉質很滑，加了紅棗，更適合冬天進補食用。臘味飯用料充足，有臘腸、潤腸、臘肉，另加了一份鹹魚，混和飯一起食，美味無窮，簡直是傳統煲仔飯粉絲的至愛，我們吃到連肚底都見到啊！而油菜也是想不到的爽口，不消兩分鐘，已整碟吃進了肚子裏呢！整體來說，食物款式懷舊，品質高及新鮮，服務好，座位寬闊，下次一定會再來。

步入冬天喇！除左想打邊爐之外，當然唔少得就係食煲仔飯喇呢間冰室真係好有想當年既feel一入門口，見到每檯都食緊煲仔飯我都要叫一煲先好少會食到鯇魚煲仔飯，鍾意食魚既我就當然要捧捧場啦薑蔥鮮鯇魚煲仔飯（加臘腸）食煲仔飯一定唔少得臘腸的鯇魚皮痴住左煲邊，證明真係真材實料既煲仔飯鯇魚肉質好滑啖啖肉啲骨都係得幾條咋，唔駛驚俾骨整到，因為都好大條而且魚油湯左落啲飯度，特別香真係好好味仲可以食到飯焦架飯焦脆卜卜，夠乾身

天氣漸漸轉涼了，在厚福街行逛之際看到這間新開的冰室，就萌起了吃煲仔飯的念頭！冰室裝潢充滿懷舊氣色，光線充裕明亮。 而我們被安排了卡位，座位非常寬敞舒適！我和男友分別點了兩個煲仔飯。 等了大概15分鐘，第一個煲仔飯 — 鹹蛋肉餅煲仔飯來了！ 侍應為我們放上煲仔飯的時候就聽到滋滋剛煮好的聲音，讓人聽到都超興奮的！肉餅覆蓋了整個煲仔，而且非常厚身！肉質充滿水份又有嚼勁，肥瘦比例很適中！ 中間一大顆的鹹蛋是不可缺少的，再加上少量煲仔飯豉油再攪拌一起吃，美味的讓人一口接著一口！　男友就至愛吃它的飯焦，幾乎把整個煲仔飯吃到一顆米粒都不剩啊！不消一會，第二個煲仔飯 － 豉汁排骨煲仔飯也來了，同樣是以最高溫熱辣辣的送到！ 排骨的份量也非常之多，而且以瘦排骨居多，肉質粉嫩啖啖肉很爽！ 另外，很欣賞它除了豆豉之前還有好幾片薑絲，令整個煲仔飯增添一份層次 哈哈！除了煲仔飯，冰室還有不少選擇，下次要再來試試蠻多人叫的滑蛋叉燒飯！

呢晚同朋友來到一間懷舊冰室，未入去已經聞到陣陣煲仔飯香味。睇完餐牌，我們就點咗4個煲仔飯，加一個咸蛋芥菜肉碎煲同油菜。土魷肉餅煲仔飯我哋額外加咗膶腸，膶腸應該用咗加瘦版，食落唔多肥肉，正合我胃口，好甘香。土魷同肉餅混合埋一齊，肉餅食落彈牙，而且土魷爽爽韌韌嘅質感，真係好夾。紅棗滑雞煲仔飯嘅雞件，煮得岩岩熟，不會生也不會過火變老，好滑好鮮味。鮮牛肉片煲仔飯嘅鮮牛肉雖然唔肥，但就一啲都唔韌，牛肉味頗濃，而且有頭，唔錯!薑蔥鮮鯇魚煲仔飯嘅鯇魚完全冇腥味，真係好驚喜，以麵豉調味，清清哋，但就調出咗魚本身嘅鮮味，魚肉好滑，好好食! 咸蛋芥菜肉碎煲簡簡單單，食完熱氣嘅煲仔飯，飲呢個湯就下下火就最啱。另外，我哋加咗碟油菜，唐生菜好新鮮爽脆，而且一啲都唔油。估唔到尖沙咀鬧市都有咁高質嘅煲仔飯，下次可以同朋友再 encore!

天氣涼涼地係時候食下煲仔飯喇，本來諗住一定要去油麻地食，點知尖咀厚福街都有，舖面仲要非常新淨添！成間舖仿似七八十年代既茶室，充滿香港風味！連食煲仔飯都有咁多種選擇，即刻選擇困難症發作！最後都係問問老闆有咩推介，於是就叫左窩蛋牛肉飯同油鴨髀煲仔飯。雞蛋另上，份外貼心。窩蛋牛肉煲仔飯牛肉好軟熟，雞蛋撈匀後份外滋味，但唔太好睇所以唔影俾大家睇喇。食完飯就梗係唔少得飯焦喇！落些許豉油，真係睇到都想食油鴨髀煲仔飯味道相對牛肉飯清，雖然鴨脾有d咸，但油香和白飯配搭出清新的油飯，效果比豉油撈飯更有驚喜。鴛鴦冰本來冇聽過呢種飲品，但店員都好樂意介紹，係鴛鴦加上紅豆冰。飲落滑得黎又好有咖啡香，加埋咁多紅豆真係食到飽飽。連menu 都好有港式冰室既style成間冰室真係好似帶左你番去七八十年代咁，一切一切都保留左當年既風味。店員亦唔介意同你介紹各種懷舊菜式同飲品。個種老街坊既感覺真係邊度可以搵到？