兆利飯店

Open Now

Now Closed

呢間小店鄰近荃錦， 林錦公路， 交通吾算方便， 揸車去可泊門口。 又或者行完大帽山， 落黎食個點心， 就算吾錯既選擇。佢既點心種類算齊， 味道吾錯， 特別要讚下佢既茶， 茶味濃郁。 價錢一般， 同酒樓價錢差不多。 但我好欣賞佢5點幾就開門， 方便一班行早山客。

傳統布拉腸粉~米漿現拉，口感滑嫩帶米香，推薦「鮮蝦腸」。蝦餃皇~外皮透薄不黏牙，蝦肉爽彈，一籠4粒足料。懷舊雞扎~腐皮包裹火腿、大大隻雞翼雞肉、豬皮，老派功夫菜，香港少見！山竹牛肉球~手打牛肉混馬蹄碎，蘸喼汁提味，經典不敗。豉汁鳳爪~蒸至軟糯入味，膠質感滿分，配茶一流。「叉燒包」要order定，老闆話唔會蒸定就唔好食。保留舊式圓桌、鐵皮茶壺，好有市井Feel嘅茶座。不妨約上三五知己，趁平日早晨避開人潮，來一場慢節奏的懷舊飲茶體驗。記得帶現金，這類老店多不收電子支付哦！

朋友說帶我去一家隱世茶樓，吃懷舊點心，我當然舉腳贊成。這間酒樓真的有點偏僻，如果不是揸車人士，應該不會特別去。雖然說飲早茶，但我們到達的時候已接近11點。來幫襯的是附近工作的地盤工人居多。很地痞，但也很熱鬧。茶樓其實就是很簡單的茶餐廳格局，不過門口就放有蒸籠，客人可以自己揀食乜嘢。我們兩個人，叫了大概六七樣點心，糯米卷、鵪鶉蛋燒賣、蝦餃、燒賣、牛肉球等，大食的，還點了一碗豉椒排骨飯。鵪鶉蛋燒賣彈牙爽口，好食！糯米卷入面的糯米煙韌又足料，個人認為是必點的。至於其他點心都是新鮮即蒸，雖然味道沒有驚為天人，但都好食。除了味道，來這裏飲茶，食的是一份地道風味。坐係馬路邊，飲住一杯香滑熱奶茶，嘆住一盅兩件點心，平時確實沒有這些機會。

好耐無飲茶最近鐘情有半室外嘅地方食嘢勝在空氣流通d今日又去錦田散步於是先去上村搵食門口見到一籠籠點心蒸住已經夠開心不過款式唔多款款$22雞扎粒雞係雞翼😮魚翅餃同蝦餃都ok有人見到鵪鶉蛋燒賣就好開心因為太耐無見我最鍾意嘅馬拉糕阿姐叫我地等等以為即蒸件新鮮點知應該拎咗去翻叮又乾又硬嗚嗚嗚浪費了食點心到喉唔到肺都係叫多碟星洲炒米佢哋做小炒比較好味😋如果專登為飲茶入嚟可能會失望但食下懷舊氣氛係ok嘅人情味都加分

今日難得胖侶個 daddy 唔使賭馬就同佢去行個大運先，佢提議去錦田一帶遊吓車河，印像中呢度都有好幾間茶檔，不過上次黎而又有坐低食野都恐防超過十年喇，今日好好回味吓先。意外搵到呢間舊式茶樓重竟然有水吧，即刻嗌杯凍奶茶先，不過就同普通茶仔爭咁啲喇。呢副爐具 long time no see..雖然個人對鵪鶉蛋燒賣無特別喜好亦都完全唔會話要掛念，不過冇見咁耐嘅嘢點都要嗌返一籠嘅。蝦餃皮極厚，內餡亦都唔係好夠味，唯有點吓野啦。又係一樣喺民間幾乎失傳嘅嘢，魚翅餃，即刻諗起周星星嘅唔似貓唔似狗師奶淫得很，個餃黎講呢就粉絲都唔係好搵到一條喇，都係豬肉餃一隻咁啦。排骨醃得入味，肥多過瘦嘅比例亦都多數係舊式茶樓先會做，係就係邪惡啲，不過多肥真係滑好多㗎。糯米雞汁多味濃，餡料方面除咗最常食到嘅肥豬肉，雞翼，臘腸同冬菇之外，最過癮係有塊火腩喺入面。