元朗燒賣皇后妙舒

Open Now

Now Closed

本身係元朗都幾出名嘅燒賣，登報後開始全香港嘅人都認識，所以咁岩經過，決定試下佢哋嘅名物。燒賣魚蛋孖寶（ $20 ）魚蛋未算好爽口彈牙，魚香亦未算好出，拎嚟炸應該會好食啲。燒賣係香菇豬肉燒賣，同平時食嘅魚肉燒賣比較佢嘅質感冇咁煙韌，而肉質會較鬆散，不過只係因為一聽到香菇豬肉燒賣就會諗起酒樓食嗰啲，所以會唔覺意拉高咗個要求，跳返轉頭，$20有12粒嘅街邊小食價錢，已經算高質。如果大家想試吓嘅話建議食炸，應該會正好多👍🏻

原本結實而富有彈性嘅豬肉，係哩間燒賣身上喺搵唔到，就好似一個男人偷懶唔健身得返一個鬆弛咗嘅胸肌噤，咬落去一啲都唔實在。一粒好嘅燒賣除咗合適嘅調味，啲餡蒸完之後應該係有彈牙嘅口感，啖啖肉要有𡁻頭，噤先叫一粒好燒賣。P.S. 哩間啲辣椒豉油整得唔錯，用嚟掩蓋燒賣不足都叫岩岩好。

作為一個港島人，實在好少入元朗，今次區內朋友發起團購，團購元朗嘅燒賣皇后。難得可以唔使過海就食到新界嘅美食，咁就一定要支持下。我買咗佢嘅冬菇豬肉燒賣同埋牛肉球。去酒樓嘅時候我哋通常都喜歡大蝦燒賣因為佢有粒蝦，但呢個燒賣雖然冇大蝦，但有豬肉同冬菇嘅香味，隔水蒸熱之後都已經好飽滿。至於牛肉球，而家好多時響外面嘅牛肉球都好多粉食唔到牛肉同芫荽嘅香味，但佢哋嘅牛肉球就絕對有老牌酒樓嘅味道。自己加埋喼汁，就只係欠那一片山竹。

燒賣皇后係全香港最黃嘅燒賣，炸完點埋沙嗲醬直頭黃到金🤩  喺元朗同荃灣都食到！😋 沙嗲炸燒賣 5粒 $15炸燒賣有得揀沙嗲定係椒鹽，小編揀咗沙嗲，佢哋嘅沙嗲唔算辣，都幾香。燒賣唔算大粒，炸到外脆內軟！入面係香菇豬肉燒賣，咬到一粒粒冬菇，勁香😗

«914»她們的燒賣是黃色的🌕﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣▷招牌香菇豬肉燒賣 $12/5粒做嘢唔食嘢餓咗成日，經過燒賣皇后即刻狗衝督串燒賣頂住肚先😫香菇豬肉燒賣粒粒飽滿，豬肉比例多，食落唔會成口粉，加上有粒粒見得到嘅香菇，蒸完出黎離遠都聞到好香！加埋秘製鼓油正～繼之前登報後，啱啱睇發覺佢地聽日(9月15日)又登了！今次憑蘋果日報仲可以換燒賣，好人一生平安，繼續食到好味燒賣🙏🏻💛﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣元朗燒賣皇后妙舒元朗阜財街14號宏豐大廈地下11B及11C號舖元朗元龍街9號形點I期2樓2042號舖Foodeli荃灣荃興徑10-18號富榮大廈地下04號舖

元朗燒賣皇后，而家做到愈來愈大規模，又開分店又賣冷凍燒賣。未出名之前已經係本店食過一兩次，都係地膽元朗朋友介紹，證明當年質素保持得好。除左燒賣，舖頭仲有賣魚蛋、碗仔翅呢啲港式小食，串燒都好多人買！事隔多年再嚟食，招牌香菇豬肉燒賣($12/5粒)，細粒左啲喎🤨，黃色外皮未至於甩皮甩骨，但係可以同內餡完全分離。好在香菇味道仍在，亦清楚食到同魚肉燒賣完全唔同嘅口感，當然豉油都唔錯啦。性價比ok啦👌！

已經好耐冇嚟過元朗啦！當然呢期疫情依然好嚴重，但大家好似已經忍唔住都要出動。自從元朗燒賣皇后妙舒裝修咗之後，唔單止舖頭門面靚左，連小食種類多咗。不過我都係一如以往食番佢哋最出名嘅冬菇豬肉燒賣，12蚊有5粒。雖然佢冇我平時最鍾意食嘅魚肉燒賣嗰種彈牙爽口，甚至係可以話佢係好淋，但係呢度食嘅就係充滿冬菇嘅香味。仲有一定唔可以少得嘅，當然係佢哋自家製嘅辣椒油喇。不過唔食得辣嘅你，記得叫小辣啊如果唔係就會好似我咁，食完噴火嫁啦！

來到🚙元朗，依家晚市無得🙈堂食，朋友仔就推介咗呢間🔥人氣小食店，一齊買外賣🥡返屋企🤤食！呢間小食店叫做「元朗燒賣皇后」，顧名思義就係主打🤤燒賣，但就唔係一般小食店賣嘅🐟魚肉燒賣，而係🍄冬菇豬肉🐖燒賣！我哋就買咗蒸燒賣、椒鹽炸燒賣、陳皮牛肉球、碗仔翅同埋一啲串燒。蒸燒賣好香🍄冬菇同埋🐷豬肉味，至於陳皮🐂牛肉球好香滑，呢啲都係酒樓水準👍！碗仔翅🥣同埋串燒🔥就比較一般，但係😍椒鹽炸燒賣就十分 impressive 🤩，好香椒鹽味，夠鹹香，燒賣皮炸到脆卜卜好香口，咬落去入邊仲好有肉汁👍，食唔停口呀！

💛良心💛（❌Foodeli)位於元朗食街既妙舒，我由細細個$7/4粒食到依家喇🤣以前小學果陣爸爸成日收工就會買串比我食🥰呢幾年裝修左過後，味道依家不變😆除左燒賣仲有唔少小食架例如生菜魚肉、串燒等等。⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬🔸冬菇豬肉燒賣($12/5粒)到手時熱騰騰🥳唔係普通既魚肉燒賣啊！真材實料食得出既豬肉粒同冬菇🤪唔會食到粉粉地既感覺，配埋鼓油甜甜地好正😋由幾歲開始食，真係食左十幾年架😂✌🏻.之前都有食過佢地既白魚蛋非常彈牙😋配埋沙嗲醬一流🤩.🔸評分: 8/10

以往街邊燒賣都係魚肉或麵粉整成，今次入元朗食這間燒賣皇后，真係不遑此行👍👍招牌冬菇燒賣 $12/5粒冬菇好香，而且是豬肉餡，爽口彈牙😊😊椒鹽冬菇燒賣 $15/5粒即叫即炸，外層香脆，好似食薯片咁脆，加上椒鹽和辣粉非常惹味🤩🤩冬菇燒賣仲有真空包裝$28/12粒，可以買回家食添😋😋

豬肉燒賣我覺得有幾樣野係好緊要。首先黎就係塊皮，咬落煙韌唔會散開，但又唔係溶哂咁。第二就係燒賣個肉有咬口，最理想係有肉的鮮味，彈牙而且仲可以食到一粒一粒冬菇的質感嘅｡咁喺周圍食個唔同既豬肉燒賣，我都係最鍾意妙舒嘅冬菇豬肉燒賣，最重要係黎講就係要落少少佢地辣油，不過佢地的辣油都好辣，而個辣係喺喉嚨last 好耐，所以我就唔喺食得好辣的時候，只係點要小小辣就足夠。妙舒的燒賣好滿足一啖一粒，大細岩岩好。咁就同時食到豬肉，冬菇粒，同皮的味道，口感同層次都好豐富，爽。所以黎如果你都元朗都可以試下食燒買，因為一串五粒，食完仲可以食下其他又新街的其他食店tim~~

🉑 ：外賣自取 【💛 黃店 】​⭐評分: 7.5/10​——————————————————​好耐以前已經知有呢間嘢，不過個時多數直行直過😂既然係黃店，去開元朗順路幫襯！​——————————————————​▪️招牌冬菇豬肉燒賣 ($12/5粒)​​嗌完之後店員即刻幫我整，拎到手仲熱到噴煙！🤤比起平時嘅魚肉燒賣大粒小小，咬落個皮唔會蒸到稔哂，加埋冬菇食落都算彈牙，有啲肉汁又唔覺肥膩！不過燒賣好食極都係一粒燒賣，如果特登撘車入元朗食就不必啦🤔​✨ 元朗燒賣皇后妙舒 ✨​📍元朗阜財街14號宏豐大廈地下11B及11C號舖​⏰ 1000－0200​

又嚟元朗啦😆今次食元朗名物—-皇后豬肉冬菇燒賣😋雖然鋪頭主要賣小食 但門面裝修得好靚 俾人一種好舒服嘅感覺😌燒賣$12/5粒 我揀咗唔辣 所以店員淨係幫我落咗豉油 燒賣一啲都唔粉 好有口感 好好食 連我呢個唔中意食燒賣嘅人都覺得好味🤤👍🏻

元朗燒賣皇后在元朗區竟然有三間分店,你可以想像到用成本較低的燒賣為賣點的小食店也可以同區有3間分店,實在是一種奇蹟。更驚訝的是門口有很多客人在購買,買完就會立即食用最新鮮好味道的燒賣,實在是當地一種獨有的景色。香菇豬肉燒賣  4.5/5分  13元5粒唔會蒸得過熟太軟,香菇豬肉好新鮮好好味,畫龍點睛的是略甜的醬油,我實在想直接將醬油直接飲落肚呀~椒鹽炸燒賣  3.5/5分  15元5粒炸燒賣是即炸的關係,要等大約5分鐘才有,店員會叫你號碼取,我個人不是特別喜歡炸燒賣,所以分數會稍低一些,不代表炸得不好味,只是豬肉燒賣在前,實在太出色了。28元可以食到兩種燒賣,雖然份量不多略貴,但一次半次無所謂啦~

元朗名物❤️❤️燒賣皇后🌟豬肉加魚肉嘅燒賣確實同我哋平時喺七仔食既燒賣味道唔同 口感紮實好多👍🏻👍🏻佢同酒樓嗰隻呢又有啲唔同 🤔🤔 因為酒樓主要材料係蝦 如果去開元朗不妨試一試 係幾有驚喜嘅🙆🏻‍♀️