允升甜品

Open Now

Now Closed

首先講糯米糍先 芒果有點酸  但糯米好鬆軟  同裏面配料融為一體 但服務方面 職員態度惡劣同冇耐性 出面寫開心甜品屋 但最後就滿肚火離開🙁本來臨離開時想訂糯米糍外賣 但因為冇耐性 老闆娘就翻白眼同用惡態度 我覺得雖然好生意 甜品又幾正 (值得4分) 但見佢地對客人咁差 令我原本比整體4分都變2分 服務態度有待改善！下次都唔會堂食 外賣算吧

想食正宗既芒果糯米糍，同事話允升係始創，當然要去試下厚皮..果然好傳統？！可能一提起長洲糯米糍都會諗起皮薄+大大粒芒果雖然今次試既係榴槤..但食落一粒入面皮既份量佔左3/4，都幾令人失望，should I try the mango one next time?

成日困係市區，得閒出一出遠門都係一件賞心樂事對上一次黎長洲好似已經係兩年前既事黎到長洲必食既除左大魚蛋之外，對我黎講就係長洲糯米糍而家唔知係外判定抄定係合作店，全港冇啦啦多左好多賣芒果糯米糍既鋪頭仔但對我呢講，我都仍然係覺得要係長洲食先係最正宗，最好味今次入到長洲都唔例外，每次黎都必定係幫襯允升既可能係因為第一次係食呢間既情意結今次黎到都買左10個芒果糯米糍走見證住佢由8蚊賣到去而家11蚊味道係咪依舊呢?就份量而言係正常SIZE既，不過比起以前係細左D咬落糯米糍既口感加上芒果既甜味，無可否認係最佳組合今次我就覺得芒果既份量係少左，可能係因為想慳成本味道係冇變既，都係一樣果肉香甜，不過就貴左D

難得山長水遠入長洲玩一日，當然要食遍長洲各大小小食這裡的芒果糯米糍更是不容錯過大大塊芒果肉包裹在煙韌的糯米薄皮中，十分滿足另外和朋友各選了一款甜品芒果西米露，鮮什果芒果西米露，甜品屬正常水準，沒有特別驚喜，還是最愛糯米糍當日離開長洲前還冒雨走回去買4個回家給家人，榴連糯米糍也很好吃，雖然比芒果味的細粒，但都包含滿滿的榴連蓉，很滿足！

芒果紫米糯米糍★★★☆☆媽媽的朋友說只有在長洲才能吃到紫米糯米糍但我覺得沒想像中那麼好吃紫米與芒果的味道不太夾味道不至於怪但兩者味道不能融合糯米糍皮薄內裏有整半塊芒果因為我喜歡糯米糍皮所以對糯米糍皮薄這點不太滿意榴槤糯米糍★★★★★很好吃皮比芒果紫米糯米糍厚榴槤很香好像上次爸爸買的香港島平記的榴槤更甜但可能是當時是當造我不太清楚皮的話覺得沒什麼分別都是好吃

允昇係以為中學時期黎長洲，個個朋友都呱呱嘈話要黎食芒果糯米糍既地方，次次黎到都要排隊，但佢既芒果糯米糍得確令人難忘，值得等候但近年越黎越多芒果糯米糍既名店出現，允昇已經唔再係必到既地方，今次咁岩經過，決定再試下佢睇下水準如何。一入到去發現每人有最低消費$13，但糯米糍竟然唔包括在內！！！但人地明明係想入黎食糯米糍，結果迫於無耐就同朋友每人叫左個糖水...紅豆沙 $14：我叫左最普通既紅豆沙，紅豆量好多，令人驚喜，但量多郤未能彌補煮得唔夠稔身呢個問題同時糖明顯落得太多，完全蓋過左本身紅豆既香味！雖然紅豆量多，但似係食緊紅豆加紅豆水既感覺，唔算佳品。朋友叫左個芝麻糊豆腐花，相比起紅豆沙呢個好味啲，芝麻糊夠濃且香滑，但同樣係多糖，豆腐花就普普通通，算香滑但唔太食得出豆味，同樣屬於不過不失最令人失望莫過於呢個芒果黑糯米糍$11，明明為左呢個入黎咬一第啖，酸既芒果已經扣哂分，黑糯米純碎係個皮黑色，但完全食唔到有特別香味，皮好軟身同黏口，但毫無煙韌感，同記憶中既糯米糍差好遠！而且份量亦縮水......另外，當我朋友食緊個糯米糍，因為我地見唔到檯有叉，唯有用匙羹食，點知個店員勁大聲話：做咩唔問我地拎

小弟放大假，入長洲嘆世界。下午行到好鬼熱，入去允升食糖水消暑。叫食平凡甜品，芝麻糊豆腐花(16)，和芒果大西米(24)。 黎得好快好似唔洗整咁，食落真係平凡食品，冇傳聞咁好食。不過大西米粒粒煮熟晒，冇白芯，係幾好咬。豆腐花算滑，不過冇豆花味。如果大碗d，會開心d.食食下其他遊客走入黎，帶埋大魚蛋連糖水，諗住開餐。 跟住侍仔就過黎，大大聲講唔可以食出面野，話到貼住每邊牆同門口，提晒你地。係正隔離噴口水……隔一陣，成個場好多人好嘈，我地快快口食完就走。唔享受，似係返工俾人鬧埋一份，唔知做嘜。

長洲甜品店林立，識食一定來傳統老字號。西瓜西米露值得推介，大大粒西瓜肉，佔了大半碗，果肉鮮甜多汁夠冰涼解暑，西米夠林夠大又有椰奶香，夏天悶熱天氣最啱。🍉😋楊枝甘露反而有D失色，西米正，芒果味濃，卻看不見有芒果果肉，而柚子肉更少得可憐,以為是芒果味的西米玉露。👎豆腐花一般般啦，都滑嘅，冇乜豆香，沒有黃糖，檯面有糖水自己加。

入到黎長洲...緊係食大大粒GE芒果糯米池~好耐之前有黎食過...當時好似唔知$7定$9...而家已經$11~唔緊要...有幾可入到黎食...$11粒就$11粒~帶住爸爸媽媽...一心諗住1家4口坐定定試下...點知佢大大隻字寫住...每人最低消費$13, 仲要糯米池唔計!!即係無論食幾多粒糯米池...都唔包入最低消費內...算數...爸爸媽媽同細佬話唔食糯米池啦...是旦坐低食碗糖水算...細佬叫左豆腐花...爸爸叫左個涼粉...媽咪叫左個芒果腸粉...我就要碗紫米露算...點知個店員黎錯野...仲要之後係咁問我地叫左D咩, 每碗都要覆多次....大佬呀...落單果時又嫌我地慢...唔耐煩...又好理直氣壯咁話食糯米池唔計入最低消費....咁你點解唔威埋落去...要走黎問我地嗌左D咩!!!碗糖水唔係好食~而服務態度極之令人討厭...如果糯米池唔能夠計入最低消費....點解要放於店內賣...點解唔擺出去做外賣算?  食糖水途中見到有唔少為左糯米池而黎GE客人, 比人點入黎入面買... 可能你會話...咁佢唔係想賣糯米池呀...佢只係想做甜品....但個個黎到只係食糯米池...坐滿哂成個

到長洲必食，每次都要帶半打回家。允升的芒果糯米糍比從前進步了，曾經有段時期它的皮較厚。這次買的皮不會過厚，還透一點芒果的橙色。這次買得是時間，芒果香甜多汁，配著煙韌的糯米皮，半打也不夠呢！

黎到長洲當然要買芒果糯米糍啦!!Vi食過好幾間芒果糯米糍既店舖, 亦食過市區果d聲稱係長洲既芒果糯米糍, 始終覺得允升既出品最好食, 今次黎到, 見到多左一款黑糯米皮既芒果糯米糍, 價錢一樣, 都係$11, 就左左粒試下有咩分別~芒果糯米糍好大粒, 咬開糯米皮好軟熟煙un,唔太厚, 加埋芒果好大塊, 啖啖肉, 好正呀!而黑糯米皮食落分別唔大, 糯米味道會突出小小,2款一樣咁好味~~普通皮一樣咁大件, 真係好好味, 難怪咁多人排隊買!

長洲工作後必吃的允升！上年食過真係失望，因為芒果好酸，今年難得入長洲做嘢再挑戰！出乎意料芒果都好甜，見到顏色就知啦芒果水晶($23, 右上) 水晶我覺得無乜味，質咸似涼粉，都係爽爽地，所以整個味來自芒果的甜。而芒果凍奶($26, 右下) 有驚喜，凍奶滑滑地好似布甸，好有奶香味，同芒果也好夾。另外左上的糖不甩都不過不失，煙韌度夠，都係合乎水準嘅！食完爆quota，芒果係勁濕熱的東東。如果大家成日成個人易攰，濕熱的話，就唔好食咁多了。

有說允升甜品是長洲芒果糯米糍的始祖（好似係），所以怎麼都要來朝聖啦。 先外帶了一打芒果糯米糍回市區做手信，不知是否心理作用，覺得芒果好像真的比較甜和多汁，外皮也比較甜美。 另外堂食了一碗芒果豆腐花，試真一點芒果的味道，也證實了這一點。所以呢，吃芒果糯米糍還是要來一趟了。

執咗佢啦！本身我都冇openrice ac,不過今次要特登開個ac 黎寫衰佢！話說我第一次黎長洲，滿心歡喜諗住試吓長洲馳名嘅允升糯米糍，多得前面班師兄推介，今次真係好帶歇！本身見鋪面無人諗住入去買個糯米糍同女朋友靜靜地坐係度食，點知未入去個店員已經黑口黑面，咁我當無事買黎食啦見咁出名本來我買黎係想要同女朋友一人一個，然後買多八個比佢roommate 同我屋企人，所以買十個啦，個黑面店員話：「買多兩個啦！咁我唔洗執吖嘛！」好⋯我女朋友好人，幫佢買多兩個，最尾買左成百二蚊（十蚊個）。因為外賣諗住囉支叉啦，點知佢好大聲咁講：「食糯米糍唔可以用叉！」WoW我心諗，唔通用叉食會無咁好味？原來！你地有所不知喇！允升既叉呢，唔係睇你買左幾多錢糯米糍就比你用架，係要你買指定既甜品先乎合資格用！所以就算你幫櫬左佢成舊水，都唔用得佢啲叉架喎！聽到呢道已經覺得佢服務態度一流，原來仲未見真章，哈！當我地諗住坐低一人一件食左佢，同埋分開兩盒既時候，佢即卡出現響我地面前，話：「糯米糍不設堂食，一定要出去食架！」WoWoW！我地望多望，已經成六點半，間鋪鬼影都唔多隻，仲要大把位，我地食完分埋洗幾耐？咁都唔坐得低，又

臨離開長洲前到允升吃甜品，店內環境一般喇，未知是否天氣較涼，店內無開空調系統，空氣有點焗。一碗芒果西米露，芒果多汁夠甜，西米露粒粒分明並富一定口感，濃稠適中。芒果豆腐花質感比一般豆腐花實一點，但也無損那份合理的滑度。豆香頗濃亦是甜品優勢之處。至於面上的芒果，可以說是點睛之品，豐富了甜品的味道。