傑仔酸辣米線 (Closed)

鴨脷洲地區不嬲都好少主打食米線嘅小店，雖然而家店舖開咗一段日子，但係都係最近先去試吓。今次嗌咗個豬扒酸辣米線，同埋一個雞絲撈米線。豬扒酸辣米線我覺得不過不失啦，豬扒都揸得幾酥脆，湯底口味比較淡，可能係走返區內比較多老人家啦，不過米線嘅口感都唔錯，軟硬適中。雞絲撈米線我覺得口感都幾特別，不過都係味道比較淡，不過勝在雞絲嘅配料都幾多，而且都有花生等等嘅配料增加佢嘅口感，我覺得整體來講算正常，大家有興趣都可以去試吓嘅。