倫住蒸倫哥私房菜 (Closed)

天氣開始凍，好想打邊爐，但食完又成身邊爐味，諗諗下蒸氣鍋都係個好選擇，上網 search 見太子有間叫倫住蒸嘅舖頭，好似同倫哥私房菜同一水，有啲保證，一睇價錢238👍,門口仲有咪錶同安全泊車位🚘，唔洗諗就book呢間啦燉雞湯一嚟就送個補湯，今日咁凍，一飲成個人暖晒😇，飲落好有屋企感覺，足料蠔皇花膠鮑魚😱蒸海鮮仲送花膠鮑魚，兩樣都炆得勁入味，花膠漿住個口果種感覺，只可講值回票價💪蒜蓉蒸蟹🦀啲蟹非常多糕，清蒸保留到蟹嘅肉汁，新鮮嘢都係清蒸最好龍躉🐟唔洗講啦，一睇就知啖啖肉，最正係配豉汁蒸，個味最夾龍蝦一嚟到嘩咗聲，勁大隻，成隻碟咁長，入面全部都係肉肉肉，啱晒我啲懶人清蒸蠔我話嘅，咩都唔洗加，你見佢脹卜卜，兩個字鮮甜，真材實料荷葉腸粉加足料荷葉飯一路蒸一路漂陣荷葉清香嚟，雖然已經食到飽飽地，但聞到陣味，又想繼續食落去，食唔晒仲可以打包，第二日食都保持水準甜品黑糖白涼粉，加啲提子乾上去又幾特別不得不讚座位寬闊，坐得好舒服，但店較細，所以最好 book 定位，重點係店員招呼好好👏，完全唔洗睇時間同清理啲海鮮殼，店員基本上人釘人咁招呼你，非常細心，今時今日咁嘅服務態度，邊到搵呀，我相信今個月內會再嚟食過😈…Read More

這間太子柏樹街的餐廳倫住蒸，蒸海鮮，朋友都讚𣎴絕口，我預早一星期訂了位，非常期待，今日終於到來。好在預早訂了位，我們去到已經滿座了，想必都是訂了位才來食。來到倫住蒸，當然就是食蒸海鮮套餐。蒸海鮮，可以自己揀喜愛的調味，餐廳非常照顧客人口味，這餐廳做得非常貼心。先上的是一個的虫草雞老火燉湯，非常清甜。跟上的有鮑魚扣花膠，鮑魚及花膠都炆得很入味。蟶子先蒸的是豉汁醤蒸蟶子，面上放了很多的通透的粉絲，蟶子清甜中帶爽。生蠔沒有花甲改為蒸生蠔，生蠔肥嘟嘟，啖啖肉，非常嫩滑鮮。蝦我們揀了蒜蓉蒸蝦，非常多的蒜蓉，蝦切開半邊，粉紅色的蝦殼雪白色蝦肉，見到已經垂涎，蝦肉新鮮帶爽，蒜蓉令蝦肉的鮮甜味更出。龍蝦艇家XO醬蒸龍蝦，龍蝦大大隻切開兩邊，XO醬帶到龍蝦的鮮味，令龍蝦更加惹味及鮮甜。龍躉腩。艇家XO醬蒸龍躉腩，魚味濃郁，龍躉腩真是非常新鮮嫩滑，及龍躉腩皮很厚，膠質豐富，正。奄仔蟹喜馬拉雅山礦物鹽蒸奄仔蟹，可能是食蟹的季節，奄仔蟹雖然不是很大隻，但是非常多蟹膏，蟹肉鮮甜之余，蟹膏也十分香。鮮魷魚腸粉蒜蓉蒸鮮魷腸粉，腸粉及魷魚用荷葉蒸，帶㸃荷葉清香，非常有特色。蒸蔬菓餐廳特別送了一個蒸蔬菓，有南瓜，椰菜花，紫薯，冬菇及西芹等，其實餐廳已經在每一個蒸鍋上，都已經配有蔬果豆腐等，不會因食得太多肉類而滯，非常貼心。蒸飯其實食完以上的海鮮等，都已經差不多飽了，大食的朋友就更不用擔心食不飽，因為跟著還有一個蒸飯，裏面非常多配料，有花生，腩肉，南瓜，芋頭，粟米粒，萵筍粒，榨菜及蔥粒等，令整個飯非常豐富香口。最後以一個晶瑩剔透的黑糖冰涼粉，為今晚的輪住蒸海鮮蒸鍋晚餐畫上完美句號。蒸煱就在自己枱上，看著侍㒣在自己面前由放入去蒸至調較時間，到蒸完熱辣辣的取出放到枱上，令人真正享受到那種悠閒，享受，美味佳餚的感覺。…Read More

今晚約了朋友去吃倫哥私房菜呢間餐廳 “倫住蒸”🥢。倫哥呢個私房菜，我就第一次吃。倫哥火鍋就吃過幾次，都算有品質保證。所以今次再去試試蒸氣海鮮鍋~首先職員叫我們去揀海鮮的配料去蒸。又問我們係咪第一次去食，如果係呢，就揀啲清淡啲的配料去配海鮮🦐🦞🦀🐟🦑。例如薑葱蒸，蒜容蒸，喜馬拉雅山礦物鹽蒸，蟲草花蒸。唔夠味的話，餐廳會提供豉油同辣椒🌶🌶添。咁我同朋友都覺得，可以都試吓叫啲，特別啲既就是老干媽醬蒸，豉汁醬蒸。Order 完海鮮點樣配搭後，職員們就快手地送上燉湯俾客人。今晚燉湯是猴頭菇燉雞湯，非常熱，飲時要小心🥰! 今晚咁啱天氣轉涼，都算配合! 還有蒸海鮮未到前，有花膠炆鮑魚吃添! 😋😋今次我揀了蒜蓉蒸聖子，薑葱蒸生蠔，豉汁醬蒸蝦，喜馬拉雅山礦物鹽蒸龍蝦，蟲草花蒸龍躉腩，老干媽蒸奄仔蟹，蒜蓉蒸鮮魷腸粉（跟甜醬），仲有個籠仔蒸飯添，之後有糖水吃架! 😊😊蒜蓉蒸聖子，當然要揀蒜蓉啦，非常野味，仲要配粉絲喎~豉汁醬蒸蝦🦐，係有點奇怪，但餐廳用開邊蒸，非常香濃豉汁味，又方便便吃。蟲草花蒸龍躉腩，龍躉腩多肉，魚皮又香，又滑。還配黑松露豆腐，一個字，正呀！薑葱蒸生蠔，非常大隻，蠔蒸完都好滑，又沒有點樣縮水。我怕腥，所以揀薑葱蒸，可以僻腥味。😝😝喜馬拉雅山礦物鹽蒸龍蝦🦞，有鹽可以突出龍蝦的鮮味，肉質又厚，又甜! 職員都會敲碎左鉗，咁蒸完時，食得方便。😋😋仲有喜馬拉雅山礦物鹽蒸南瓜，紫蕃薯，椰菜花。但鹽落了去南瓜蕃薯，有點鹹啦！😔老干媽蒸奄仔蟹🦀，因為怕蟹腥味，所以用老干媽去僻僻，都有幾多膏吃架~蒜蓉蒸鮮魷🦑腸粉，都幾特別，有荷葉去包住蒸，蒸出黎都有荷葉味，又有甜醬跟。講真呢個我都是第一次咁樣吃，但真的好好味!吃完海鮮，仲有個籠仔蒸飯。配料都好多料架，有雞肉，臘腸，南瓜，蝦乾，粟米，芋頭排骨等。令到飯蒸出黎好香，有點似糯米飯的感覺。😋仲有碗黑糖冰涼粉吃。評分時間又到啦💯💯💯💯💯:味道💯: 8/10價錢💯: 8/10環境💯: 8/10服務💯: 9/10回頭率💯: 9/10地址🏢: 太子柏樹街19號地下A號鋪交通🚇: 太子站…Read More

小編又食火鍋啦！冬天點可以唔打邊爐，不過今次係食蒸氣鍋。倫哥海鮮鍋係倫住蒸既精選蒸氣鍋，內容十分豐富，小編特別喜歡龍蝦同肉蟹。而食料份量根據用餐人數調整，所以唔怕同朋友去食又唔夠分，非常貼心。小編今次淨係同一位友人去食，每人半隻大龍蝦🦞，因為已經切開一半，基本上就咁就撩到d肉出黎食。因為蒸氣既關係，肉同殻好易分開，所以平時因爲有殻唔想剝既海鮮都可以輕鬆食，當然佢地都有提供鉗比有需要既朋友。肉蟹係時令食材，有機會會轉奄仔蟹或花蟹，視乎當日時令。肉蟹膏同肉比例完美，因為蒸氣關係，肉質更鮮嫩，蟹膏則半溶狀態，入口即溶。另一個時令食材就係蟶子，有機會會轉蚌仔或貴妃蚌。蟶子蒸完已經離殻，好香鮮味，配搭黑松露粉絲，十分開胃。鮑魚小編點左XO醬，蒸完淋上面，熱辣辣又彈牙。龍躉腩蒸完肉質鮮美，軟綿綿，配搭住黑松露豆腐，兩者口感相近。豆腐軟得黎唔會散開，唔難夾，食落軟滑。鮮魷腸粉配甜醬或沙嗲醬，小編揀左甜醬，蒸完既鮮魷同腸粉一樣水潤嫩滑，真係絕配，從來未食過咁既組合，呢個真係要細心品嚐🤤十足十二串足料蒸飯，聽個名就知多料，入面有雞肉、臘腸、蝦干、粟米粒、翠玉瓜、南瓜、蝦腩片、芋頭、萵筍、蒜蓉排骨。份量十足，小編同友人兩個人食都差d食唔晒，超飽。甜品係黑糖冰涼粉，食完晒暖凹凹既海鮮，最後食個涼浸浸既涼粉，真係好滿足～…Read More

我本身想book倫哥私房菜因為之前食過覺得唔錯打去book 位 佢話得太子蒸火鍋有位，咁我照book啦果度啲野食份量少238加完一260佢啲侍應無禮貌加撞聾可能淨係想做熟客生意叫左十幾次比熱水又唔比叫佢唔好蒸住因為我地未食得切，佢又撞聾唔理繼續蒸，勁趕客個waitress 仲溫馨提示話放多陣啲海鮮就唔新鮮喎，心諗唔新鮮你早講我唔黎食啦大佬明明已經叫左啤酒塔佢仲係咁問我地買唔買一送一洗水比錢買難受，其實佢唔係平嫁。唔明點解咁多好評，慘過食快餐。…Read More

好耐冇食蒸海鮮，今次想食D經濟D嘅，朋友介紹了一間每位＄２３８就可以食到魚蝦蟹甚至龍蝦鮑魚的蒸海鮮餐～原來是倫哥私房菜品牌旗下的蒸海鮮主題餐廳，有哂信譽保證！是日我地由深水埗行完街，用ＧＯＯＧＬＥ　ＭＡＰ查看一下，原來行１５分鐘就可以到世於太子的倫住蒸，咁當然要把握機會做下運動行過去啦！由於拎住Ｄ　ＳＨＯＰＰＩＮＧ戰利品，加埋唔多識路，到埗覺得好累，但聞到陣鮮味當堂醒哂～簡簡單單，一枱一個蒸鍋～點菜亦唔需要頭痛，因為倫哥幫你諗好哂，只要揀你想要的調味就可以了～ＬＩＫＥ佢地ＦＡＣＥＢＯＯＫ仲有汽水送～抵！大陸有個TERM叫流水線，即是一套有系統的流水作業式服務，可以理解成一個FORMULA，通常都是幾成功的。呢個餐比我的感覺就係一條好出色的流水線，俾＄２３８就可以安安樂樂享受層次分明的蒸海鮮了～蒸緊第一籠的同時，店員已為你放好下幾籠的在你枱隔離的車仔上，不放過任何一分一秒～首次是黑松露滑豆腐配龍躉腩，我選了滋補正氣的虫草花蒸，為幼滑的豆腐和龍躉腩帶來一些口感和香味，不用點鼓油都夠味了～龍躉腩太過鮮美了，忍不住一大口吃掉，真跨張，啖啖肉的～～無啦啦仲有個老火燉湯飲，係茶樹菇燉雞湯呀，好足料夠味！可能不是時令，是日的鮑魚是上湯汁扣的，卻依然不減其爽滑彈牙和鮮美～中間仲有Ｄ扣花膠，好補充骨膠原呀，食完皮膚靚靚～仲有BOSTON龍蝦呀~就咁清蒸才夠鮮味!啖啖肉，白雪雪，人人都想咬啖佢，咬落去真的覺得好幸福呀!!肉質非常爽，好新鮮!點D辣椒鼓油~真的一流~!接著蒜泥粉絲蒸耗仔，耗仔一啲都唔細隻，蒜到剛剛開殼同全熟，ＳＩＺＥ卻沒有縮水，其實火喉同時間一Ｄ差池都不能有才可以咁好味～呢條流水線其實也花了不才心機去研發的～！仲有蒜蓉蒸開邊蝦~食完龍蝦再食佢就有點比下去~不過都係好正的!仲有蔬菜盤，呢餐夠哂健康，有日本南瓜、紫薯、椰菜花、蘆筍等，讓呢一餐倍感健康然後有清蒸鮮蠔，肥美脹卜卜，勁甜好多明星合照呀，倫哥真係人緣好好~食完魚蝦就到蟹了，好多膏，冇得食大閘蟹、有得食返隻蒸膏蟹都好正~仲有沙嗲醬魷魚蒸腸粉，兩種不同口感夾雜，幾過癮，腸粉係幾滑!最後有呢個籠仔荷葉蒸糯米飯作結，好多料好香!原來仲未完，仲有呢個黑糖冰粉，食落有D涼茶味清香，有點冰凍，口感有D似JELLY，幾得意，我都幾鍾意食~呢條流水線真的做得不錯，樣樣都見得人同埋有些驚喜~!…Read More

倫哥私房菜成日都聽到，但係原來有蒸海鮮食，緊係要試一試。佢個位置都幾方便，出太子地鐵站行兩步就到。叫咗倫哥海鮮鍋套餐，有八樣海鮮，每樣海鮮都有唔同調味可以選擇。前菜係鮑魚同花膠仲要有碗老火靚湯，好足料食海鮮最驚就係煮得太耐，會乾哂，唔好食，不過依到就唔洗驚，因為依到有專人煮埋俾你，佢地會set 好哂timer，所以唔洗煩，蟶子，新鮮又爽口蝦龍躉腩，有鮮味同夠滑蠔蟹，多膏又多肉龍蝦鮮魷腸粉加沙嗲醬十足十二串足料蒸飯，好多料最後仲要有黑糖冰涼粉…Read More

倫哥集團既食物一向都好高評價，之前上網睇到太子店改咗做蒸海鮮，新店標榜活捉海鮮，即叫即劏，當然要搵個機會去試吓啦！門面鮮明，一定唔會去錯地方！分上下兩層，地方雖然唔係好大，但都坐得舒服，撐枱腳出奇地大張！開始會每人一個燉湯，足料夠味！蒜蓉蒸蟹，肉實，蟹膏多！鮑魚扣花膠夠淋夠入味！豉汁蒸龍躉，膠質重！豉汁蒸蟶子，蒜蓉蒸蝦，爽口彈牙！剁椒蒸龍蝦🦞，平時食開龍蝦都係原味多，今次揀咗川式味道又幾夾喎！岩鹽蒸生蠔，重蠔味，好鮮甜！沙嗲醬蒸鮮魷魚腸粉，配上甜辣醬，腸粉吸晒啲未，食唔停口！最美嚟一個籠仔蒸荷葉飯，有荷葉香味又多料，每人兩大碗，好滿足！收費$238但係已經可以食齊魚、蝦、蟹、龍蝦、聖子、鮑魚、原隻生蠔！汽水都係$10有2罐！最尾仲有個提子乾黑糖水晶涼粉送，飽到上心口！調味方面，亦可以按個人喜好有幾款選擇，唔會食食嚟食去係果一兩個味！埋單嗰時仲有八折，自己買料整都唔止呢個價啦！…Read More

之前食過倫哥火鍋好正今次就帶埋屋企人黎試下倫哥蒸海鮮前菜有花膠同鮑魚野飲方面老豆就叫左啤酒其他人就飲汽水/荔枝茶好抵 因為係推廣期間like 倫哥facebook就有免費既罐裝汽水/紙包飲品嫁啦萬眾期待既主菜 蒸海鮮黎啦！首先係菜單到揀每樣海鮮既調味店員亦會推薦最佳配搭同介紹番當日有既靚海鮮佢地真係好抵讚，服務好周到幫我地將新鮮既海鮮放落蒸爐較好時間 一蒸好就幫你上埋碟超貼心 我地坐係到等食就得睇住d新鮮海鮮即場蒸熟既感覺好amazing 蒜蓉蒸蝦蒸2-3分鐘就食得 蝦肉爽甜我最期待既清蒸龍蝦🦞清蒸最能帶出龍蝦既鮮味一夾就離殻，肉好爽薑蔥蒸肉蟹呢d時節食蟹就最正，肉蟹肉質鮮甜蒜蓉粉絲蒸聖子聖子皇超大隻，心心眼大廚落左大量蒜蓉，粉絲加金菇一齊蒸完美配搭八寶飯材料勁豐富，落左南瓜、栗米、冬瓜、芋頭、排骨 、蝦乾、臘腸、腩肉同炸菜呢個飯超有驚喜，本身食到尾聲其實都飽飽地，但我地都係忍唔住一人食兩碗飯清哂成碟首先佢落既水量同蒸既時間岩岩好15分鐘令材料同飯熟透之餘飯亦keep到好煙un 粒粒分明明明係一般白米食出黎好似糯米飯最意外既地方係配料好足好入味食起黎好香 腩肉仲帶左咸蝦味，落埋秘制煲仔飯甜豉油，超正！100分！最後食埋黑糖冰涼粉，勁飽勁開心！…Read More

太子-倫住蒸倫哥私房菜：倫哥海鮮鍋（$238）,+10% (星期五六日假期及前夕+$10）（圖為5人份量）-朋友話想食清d，所以蒸海鮮。今次食倫哥出品，倫哥wor！在我心目中係好穩陣之選，自然期望甚高！呢度既特色係每樣海鮮除左可以揀清蒸，仲可以比你揀用咩醬汁去蒸，例如蒜蓉、薑蔥、蟲草花、麵豉、剁椒、甚至老干媽都有！同埋開餐時有倫哥招牌燉湯最尾就係食一個勁足料既蒸飯。-可惜一開始既蒸蝦真係好失望，好細隻...😥一人兩小隻，係鮮甜既，但加埋開邊好似仲細左，好似呀媽既家常菜。另外更失望既蒸鮑魚變左細細粒扣鮑魚，即係平時食倫哥雞煲都有果隻，平時在倫哥邊爐佢係配角仔可以係加分位，但在蒸海鮮角度，就係搵替身替左個主角😥。蒸蟹甜既但無咩肉又無咩膏😥（見圖）....鮮魷蒸腸粉味道係ok既，但d鮮魷5人分量加埋都無一串鮮魷串燒咁多😥（見圖），魷魚又唔係貴，唔明點解要咁。-水準不錯的有貴妃蚌（雖然都唔係大隻）、蠔（嫩和飽滿）、龍躉片。而全晚最好食既係蒸龍蝦！呢個真心不錯，鮮甜彈牙多汁🤤！同埋最後個足料蒸飯，有雞豬臘腸蝦乾芋頭南瓜等等，撈埋食都好正。最後甜品係黑糖冰粉，但其實冰粉我覺得都係夾麻辣火鍋多d.-結論係食倫哥都係食番雞煲火鍋算啦，倫住蒸並沒有食倫哥咁滿足。$200幾就有齊龍蝦、鮑魚、蟹、生蠔、龍躉呢些，再又湯又飯係多既，但感覺係為左食材豐富而將貨就價左。唔用倫哥既標準去期待佢係ok既。-PS 呢度員工服務同態度都好好！！！讚👍🏻PS 每盤海鮮都有d配菜一齊蒸…Read More

朋友最近話介紹呢間話呢間倫住蒸食海鮮好抵食好正，就諗住黎一試! 餐廳地點就喺太子附近，行幾分鐘就到，好方便。平日7點鐘入到餐廳幾乎爆滿，人氣好高! 餐廳面積都幾大，仲有2層。我地坐左喺樓上。食呢個海鮮套餐，只需要自己揀每樣海鮮嘅用黎蒸嘅醬料就可以坐定定等食啦~店員會落手落腳幫你調較好時間，逐樣蒸，真你輪住蒸~先黎左個湯暖下個胃先!個湯真材實料味道唔錯，唔喺普通例湯咁。有花膠鮑魚!花膠夠林又煙韌，鮑魚仔好入味，咬落有口感~剁椒蒸蝦。好貼心地開左半邊。味道帶少少辣，同鮮蝦好夾。蝦肉爽口。蚌仔用薑葱蒸出黎非常鮮甜，熟度啱啱好。清蒸肉蟹好鮮味十足!肉蟹好新鮮，肉質好彈牙呀。豉汁醬蒸龍躉腩味道唔會過咸，好厚肉，肉質幾滑。新鮮冇腥味。xo醬蒸龍蝦好正。龍蝦好新鮮，鮮甜無比!好彈牙仲有蒸蔬菜，魷魚腸粉，大大個蒸飯同埋黑糖涼粉。2個女仔喺食唔晒呀，呢個餐廿百幾蚊認真好抵食!…Read More

之前食過倫哥都覺得正。原來呢間分店仲有蒸海鮮架！今日就拉埋幾個朋友一齊試下喇。一定要book位，去到都坐到full哂！尤其呢啲咁凍既天氣，一定更加多人食！海鮮層層鍋，又真係好抵食！$2xx就有9款蒸氣鍋，再有前菜，燉湯，甜品，食到超飽！先來每人一隻鮑魚，花膠！醬汁夠哂入味，都唔錯！燉湯:雞腳瘦肉湯 呢個湯好夠料，好好飲！味道濃郁，好暖胃！第一層:蒜蓉粉絲貴妃蚌蒸到啲汁出哂黎，蒜蓉粉絲既配搭真係無得頂。貴妃蚌好鮮甜！第二層:薑葱龍躉肉🐟正呀，魚肉好嫩滑，又大舊。落少少辣豉油更加鮮味！第三層:每人一隻蒸生蠔揀左鹽蒸，鮮味更出！生蠔都幾大隻。第四層：蒸海蝦海蝦鮮甜食落爽口，不是冰鮮蝦。😋第五層:蒸雜菜，紫薯，南瓜🎃解一解膩第六層:每人半邊大龍蝦🦞！🤗正呀！顏色鮮豔，睇見都流口水。揀左蒜蓉蒸，好惹味。龍蝦啖啖肉，好彈牙！第七層:奄仔蟹🦀哇！好多膏呀！正😬夠哂新鮮好鮮味！第八層:鮮魷腸粉 呢味岩哂我口味！好特別，配沙嗲甜醬，食落好香滑惹味！第九層:超大盤足料蒸飯好多唔同既材料蒸，仲加左花生落去！真係飽到一個點呀！最後仲有糖水:黑糖冰涼粉，好清甜解膩。岩哂呀！…Read More

朋友介紹話呢間倫住蒸有個好抵的海鮮鍋套餐，每人得$238！我同男朋友上星期就提早book左位黎試下。一入到黎發現成間餐廳坐滿晒，生意超好，好彩有book位咋。個海鮮鍋更加出乎我意料，冇諗過有咁多海鮮食，仲要每樣都非常新鮮。同埋呢到有服務員幫手將食物放入個蒸鍋、計時、蒸完之後再將食物分配俾客人。服務非常週到。個套餐超豐富: 首先每人有碗好夠火喉的燉湯。仲有鮑魚花膠作為前菜跟住就有蒸海鮮啦。蒜蓉粉絲蒜蟶子蟶子好鮮甜，好大舊肉，配上蒜蓉撈埋粉絲超正。羗蔥蒸生蠔第一次食蒸生蠔，幾特別。蠔味好出，好鮮。蟲草花龍躉腩龍躉腩好肥美，配合蟲草花蒸，口感更好。清蒸蝦非常鮮甜。蔬菜主要有南瓜、西蘭花及紫薯。清蒸龍蝦龍蝦好大隻好新鮮，肉質好彈牙，咬落啖啖肉。鮮味好出！清蒸蟹本人的最愛既新鮮又肥美，肉質非常鮮甜。鮮魷腸粉好特別一道菜。雖然鮮魷同腸粉各自口感同味道都好唔同，但兩者搭配一起又幾夾。籠仔蒸隻呢個飯好足料，有南瓜、花生、芋頭、排骨、腩肉、蝦乾等。成個飯都好香好入味，食到我地超飽！最後更加有甜品食。整體黎講超滿意。好抵呀！…Read More

之前食過倫哥火鍋，都幾高質！今次黎太子試下倫哥海鮮蒸鍋 - 倫住蒸。全海鮮menu，價錢只需$238，仲平過倫哥火鍋。有別於其他蒸鍋店，倫住蒸係可以自選味道架！花甲轉咗做生蠔，未出發先興奮！汽水十蚊罐，做緊買一送一，勁抵飲！燉湯，有猴頭菇、雞腳、雞件、豬肉、紅棗等，飲完成身慶合合，正！蠔皇鮑魚花膠，夠晒滋補，又腍又入味。黑松露豆腐又香又滑！蟲草花蒸龍躉腩，兩者都幾夾，龍躉腩超厚肉！蒜蓉蒸蝦，蒜用上生蒜+炸蒜，特別惹味！蝦用結實彈牙夠新鮮！豉汁粉絲蒸蟶子，勁大隻，鮮甜爽口，仲要一粒沙都冇！喜馬拉雅山岩鹽蒸生蠔，蒸蠔十分飽滿而且多汁，而岩鹽吊出蠔的鮮味，好味！清蒸龍蝦，勁大隻勁好肉！有工具可以輕鬆取出龍蝦鉗內的肉！配菜色彩繽紛，好看又健康！清蒸奄仔蟹，勁多膏，又香又濃，蟹肉亦鮮甜，正到爆！花生醬魷魚腸粉，都幾惹味！足料蒸飯，真係超足料，而且份量仲好多！阿姐會幫你落埋花生蔥花豉油，同埋幫我哋拌好，勁好service！黑糖冰涼粉，冰涼帶微甜。…Read More

家姐早前同朋友吃了間蒸氣鍋，回家讚不絕口說抵食又新鮮，聽倒呀媽心郁郁。見加左人工，假期就偷偷訂位請一家人食。餐廳爆滿，早到左都要等入座。蒸氣鍋以前都食過，但沒有像這間可自選蒸法。剩係海鮮都有8種，仲有前菜燉湯蒸菜蒸飯甜品。前菜竟然係鮑魚同花膠，好貴氣。（雖然同這地方不太夾😂）燉湯好多料，我對湯無感，呀媽煲開話飲得出真材實料。薑蔥蟶子：幾大隻，爽口。可惜我不愛薑味的食物（但家姐話乜蒸法都試🙄）剁椒蝦 ：可能我鍾意重口味，唔錯喎。薑蔥蠔：大大隻，有點腥呀。跳過。。蒜蓉蒸龍蝦：我至愛的龍蝦出場，爽口又鮮甜，配少少蒜蓉簡直無敵。蟲草花龍𧄌腩：啖啖肉，啱哂怕麻煩嘅我。清蒸蟹：算大隻，蟹肉結實，鮮甜。鮮魷腸粉：又係重口味，濃郁沙嗲醬配爽口魷魚，正。蒸菜：健康野，呀媽同家姐包辦。蒸飯：十幾種餡料，好豐富，口感味道唔錯，有d似臘味飯。甜品：冰粉，透明涼粉，甜甜地清清地。食哂真係飽到上心口，蒸飯直頭打包一半。海鮮控不要錯過～不是的話就覺得膽固醇超標了這餐哈哈～…Read More