倫住蒸倫哥私房菜 (Closed)

放工约咗肥榮睇戲，散場後，佢提議去食火煱，但我話近排都成日食，不如試吓就咁蒸嚟食啦，同事推介過係太子附近有間叫倫住蒸嘅鋪頭，因為都好近我地，所以同肥榮慢慢行過去，都係二十分鐘就到。去到等咗一陣就有位，侍應招呼我倆坐底，跟住俾張菜牌我睇，推介我地食過二人套餐， 套餐入面都有好多款式，先呢一個係花膠扣鮑魚，飽魚，炆得好冧，好入味，好好食，仲有蟶子，生蠔，蝦 ，波士頓龍蝦，龍躉腩，奄仔蟹，同埋鮮魷腸粉，最後仲有個飯，每樣嘢都可以自己選擇點樣蒸，蟶子選擇咗用蟲草花蒸，入口蟲草花味比較濃，正生蠔呢就薑蔥蒸，蠔真係非常肥美，鮮味十是，蝦就咁清蒸都非常正，龍蝦就用咗喜馬拉雅山礦物鹽蒸，龍蝦都好大隻，肉質鮮甜，龍躉腩就用咗薑蔥蒸魚味濃， 蒸奄仔蟹就用咗艇家xo醬，蟹糕都好和味，蒸鮮魷腸粉都係，腸粉有鮮鱿味，又滑，最後重有過蒸飯，十足料，味香，飯又多，夠晒飽，同肥榮食吓，飲吓，不知不覺都飲咗數支啤酒。肥榮咁食得都話夠晒皮，話下次再來过。…Read More

位置離太子地鐵站很近，很容易搵，環境也算乾淨。首先是熱辣辣的靚湯，好足料，非常清香👍👍👍鮑魚、花膠，入味，很軟，而且味道也很好聖子，蒜蓉蒸，肥美，鮮甜，而且沒有沙👍👍生蠔：選擇清蒸，原汁原味的清甜龍躉魚，配豆腐，魚和豆腐一樣鮮滑，十分鮮美👍👍開邊蒜蓉蝦，蝦肉爽口，陣陣蒜蓉的香味，非常好食主角龍蝦大大支，口感相當好，彈牙蝦味也非常濃厚蟹：最鮮甜清蒸，原汁原味才能吃到蟹的鮮甜，好美美的蟹肉，好鮮，好甜最後是飯，12道材料，相當足料，香氣撲鼻，很飽也要試一下確實值得黎食，很美味，很滿足，沒讓我失望👍👍👍…Read More

本身平時都唔太好海鮮🦀最近食過一次蒸海鮮之後，覺得原來蒸既，係特別鮮甜原汁原味😋今日又再去食，聽講呢間倫哥都幾多分店~-🔹海鮮鍋($238/位)首先店員會比我地自己揀每款海鮮配搭咩配料去蒸✍🏻佢地問我地係咪第一次食，如果初次食最好揀清啲🤔所以我地大部分都揀蒜茸蒸/薑蔥蒸/礦物鹽蒸，夠哂清🤣亦都唔使怕會唔夠味，因為會提供豉油同辣椒🌶-開餐前有蟲草雞燉湯，勁熱呀！要小心！天寒地凍，個湯可以暖暖胃先🍲另外前菜仲有炆花膠同鮑魚😮-▫️蟶子，係會配搭粉絲，咁當然係要揀蒜茸啦😻蒜茸粉絲簡直係絕配呀！▫️蝦🦐全部已經幫我地開左一半，非常方便食呀👍🏻▫️龍躉腩🐟龍躉最好係淡淡肉，連層皮都好正👅配黑松露滑豆腐，真係勁滑😋▫️生蠔，好大隻呀😍蒸熟左縮左之後都仲好大隻呀，揀左薑蔥蒸可以僻左蠔既腥味，覺得自己揀得好岩😆▫️龍蝦🦞清蒸就最好，食到哂龍蝦既鮮甜，啲肉仲好厚肉，尤其是個鉗😍已經幫我地敲碎左，好方法就成舊肉拆到出黎✌🏻▫️蟹🦀我個朋友好鍾意食蟹，讓哂比佢🙌🏻就咁睇都見到好多膏！佢食得勁滋味▫️鮮魷腸粉，揀左沙嗲醬😋幾得意，第一次咁樣食▫️最後仲有個蒸飯🍚入面勁多料，有雞肉、臘腸、蝦乾、南瓜、排骨等等，因為有臘腸，令到成個飯勁香呀😋-🔺超級飽！$238黎講都幾抵食🤑…Read More

天氣轉冷，除了火鍋外，吃蒸鍋也是個絕佳的選擇，而且比火鍋感覺更健康，這晚朋友帶我們吃了頓豐富又超值的蒸海鮮鍋，回味無窮！先來一碗燉雞湯，以響縲、猴頭菇、雞腳、瘦肉、紅棗、杞子等熬製，十分足料又夠火喉，味道濃郁無比，滋潤暖入心，好棒，飲完想再encore。鮑汁扣花膠和鮑魚炆得軟稔入味，花膠和鮑魚都好大件，醬汁調得好出色，稠身又濃味，很好吃！全程由店員打理蒸鍋非常周到，我們坐定定等吃便可，好歎。蒸鍋設備都很安全又整潔衛生，吃得安心舒服。蒜蓉蒸貴妃蚌鋪上很多粉絲，索滿蒜蓉汁十分滋味，蚌肉鮮美彈牙，不會縮哂水，好味。薑蔥蒸龍躉腩好大件又厚肉，肉質好嫩滑，薑蔥令魚肉入味得來仍能保持鮮味。還有黑松露豆腐，口感滑溜，啖啖黑松露味，好正。蒜蓉蒸波士頓龍蝦超級大隻，完全真材實料，龍蝦啖啖肉極度彈牙，蒜蓉入哂味，連蝦鉗都是滿滿的肉，好正！喜馬拉雅山礦物鹽蒸生蠔同樣大隻，蠔肉飽滿肥美又多汁，礦物鹽充分帶出蠔的鮮味。清蒸奄仔蟹啖啖肉，還有不少蟹膏，肉質鮮美，完全不用沾醬汁都已經美味十足。清蒸蝦肉質也很鮮很彈牙，好好味。蒸蔬菜有南瓜、紫薯、蘑菇、萵筍、椰菜花，蒸得十分軟稔，清得來又夠入味。十足十二串足料蒸飯果真用料豐富，臘肉、芋頭、腩片、萵筍、南瓜等多不勝數，令蒸飯濃味得很，臘肉和腩片的油香滲入飯中增添惹味，冬天吃一流。黑糖冰涼粉好特別，透明的涼粉晶瑩通透，比一般的涼粉更滑溜，黑糖糖水甜度恰到好處，還加有甜甜的葡萄乾，好有咬口，是個出色的飯後甜品。…Read More

寒流襲港凍冰冰， 啲菜一上就凍曬， 想食暖笠笠嘅嘢， 但係又有啲喉嚨痛 ，打邊爐又好似好燥， 老友就介紹食蒸海鮮。上網一睇，見呢間倫住蒸好多好評，今次就試下佢啦。原來佐敦分店開張， 太子分店5~8pm全單八折， 覺得好抵呀。見店舖枱少，等左25mins,入到去內有乾坤,上面仲有一層，全部卡位， 而且好闊落。一心以為蒸海鲜只有蒜蓉同清蒸,調味花款多蘿蘿。冇諗過食蒸海鮮，佢會送猴頭菇燉湯同蠔汁鮑魚扣花膠， 呢個湯都相當之入味，好滋補。蟲草花蒸龍躉腩係主角， 但今次畀個配角搶咗鏡， 豆腐蒸蝦膠上面係有黑松露， 好驚喜呀。薑蔥蒸生蠔， 都幾大隻、好肥美、 肉質鮮甜。象拔蚌唔使加任何調味， 加蒜蓉粉絲蒸， 已經食到舐舐脷。清蒸肉蟹， 洗得好乾淨，蟹原汁原味， 冇得輸。多樣化嘅蒸蔬菜， 總有一款啱你嘅。xo醬蒸龍蝦， 龍蝦彈牙到不得了，棒棒棒💯。鲜鱿腸粉，十足十二串足料蒸飯 食埋之後就真係好飽好飽喇…… 整體嘅感覺非常良好, 每一種海鮮都有服務員幫你蒸， 佢哋都跟到足下 ，食得好舒服，大滿足嘅一餐，大家記住嚟食飯一定要book位， 因為佢都幾full下。…Read More

今天和朋友試著去吃了蒸汽海鮮鍋。在深圳吃過幾次，這是第一次在香港吃店面不大，有兩層樓，七點到場還沒多少人，過了一小時後就熙熙攘攘，甚至外面都排起了隊。一套海鮮套餐已經配好，落座後需要做的就是選醬料這一個環節。我們為了保留食材原本的鮮味，所有海鮮都簡單選擇了蒜蓉和薑蔥兩種這一套海鮮蒸汽過吃下來竟然有了吃法餐的感覺，一道一道蒸，一道一道上首先上來的是燉湯，現在這個季節喝，非常的暖胃扣鮑魚非常入味，柔軟入味，一下子就驚豔到了。花膠的味道偏淡，但是作為開胃的一道菜還是不錯的海鮮的蒸煮時間不需太長，不然就會肉質變硬。還好有店員幫我們一籠一籠擺在蒸汽鍋上掌握火候，完全無須我們動手。接下來的是蒜蓉蒸貴妃蚌，貴妃蚌Q彈爽口，但是個人覺得蒜蓉偏多，如果和貴妃蚌一起吃了就會有些太沖有些搶戲。不過沒關係，將多吃來的蒜蓉放在一邊，之後大有用途貴妃蚌過後便是生蠔了。實話講，我個人是不怎麼愛吃蠔的，後來發現朋友也是。但是今晚的蒜蓉蒸蠔給我的映像極為深刻，我們兩個一致好評！生蠔本身非常新鮮，再是蒸煮時間剛好，不會太硬，也不會過軟。稍稍沾一些醬油提鮮去腥也是很好的鮮蝦開背蒜蓉蒸，簡單但是鮮美蟲草花龍躉腩偏清淡，需要加一些醬油和在吃貴妃蚌時留下的蒜蓉體味。然後再吃一些一同蒸的豆腐換一下口蔬菜以南瓜為主，真怕我吃南瓜吃飽了接下來上來的是我們今晚最期待的龍蝦。蝦肉結實彈牙，連蝦鉗中也充滿了結實的肉，薑蔥的香味作為輔助，一人一半的肉我們也吃的極為滿足而後上來的是清蒸蟹肉，蟹肉軟糯鮮甜，就是沒有蟹黃讓我有些upset…鮮魷腸粉也抓住了我的胃。本身不愛吃腸粉，但是這裡的醬料非常和我胃口。麻醬的香味和甜醬的完美融合，我一個人竟吃了一大部分，只留給我朋友兩個一套海鮮吃下來看似量不多，但是我們都有些飽了。所以後面的蒸飯上來的時候我們都有些吃不動了。十足十二串蒸飯內容豐富，有芋頭，排骨，榨菜，臘腸南瓜等。米飯偏硬，有些韌韌的。排骨肉質柔軟不膩，很好吃:)蒸飯沒有吃完我們最後打包了，然而最後上來的黑糖冰涼粉又打開了我們的胃口。透明的涼粉配上甜甜的黑糖，冰涼爽口的甜點給今天的晚餐畫上完美的句號這家店的細節然我們非常滿意。比如每一道菜都有一小份蔬菜同時蒸著，給人很健康的感覺；比如店員勤快地幫我們料理；比如店裡提供免費wifi…摸摸肚子，真滿足…Read More

太子好似新開左呢間蒸海鮮店，即刻拉男朋友去食七點幾八點已經好多人排緊隊，我哋等左一陣都有位佢特別既地方係唔同海鮮可以自己揀唔同整法，揀好後佢就會想啲前菜同埋湯俾我哋食住等首先係花膠鮑魚，啖啖肉，特別鍾意個醬汁；燉雞湯，啱晒鍾意飲燉湯嘅我味精唔重，雞湯嘅香味好出好鮮甜蒜蓉粉絲蒸蟶子，蟶子比我想像中大隻，放入口好咬口又爽又好味蒜蓉開邊蒸蝦，雖然蝦唔算大隻，但係好新鮮好咬口睇蝦眼就知幾生猛蟲草蒸龍躉魚肉嫩滑鮮甜，黑松露豆腐亦係第一次食嘅配搭幾驚喜薑蔥蒸生蠔，比我想像中更鮮甜好味，生蠔大大粒，一啖放落口好滿足蒜蓉蒸龍蝦，龍蝦肉比我想像中彈口，係全晚我覺得最好食嘅海鮮清蒸肉蟹，原本係揀薑蔥蒸蟹，但最後都係想清蒸，更突顯蟹肉嘅鮮甜一人半隻啖啖肉係唔錯嘅再來係蒸雜菜，有南瓜、萵筍、冬菇、番薯和椰菜最鍾意食係萵筍同椰菜清蒸咁突出唔同菜瓜既味道再來係魷魚蒸腸粉放好多麻醬同茄汁一齊食，味道好香，腸粉好滑食到呢度已經差唔多飽最後在上一個荷葉飯兩個人食一大籠真係食唔晒，好多料，有花生、萵筍、芋頭、排骨、南瓜、臘腸、榨菜和豬腩肉用籠精起好香，加埋豉油撈埋食真係好好味最後食唔晒店員俾我哋打包返屋企總括嚟講，食咁飽又可以食到咁多海鮮，每人300唔使真係好抵…Read More

今年公司生意極好，由年頭旺到年尾，老細見我哋幾個晚晚做到咁夜，今晚良心發現，收工後，兜我哋去太子，請我哋去食 “蒸海鮮”。呢度地理位置優越，太子站一出，行一兩分鐘即達。至於揸車亦都方便，搵位泊車唔難。來到時，樓下已滿座，所以，我哋被安排坐到樓上。個餐係每位 $238，飲品唔包。老細要揸車，所以酒類免喇，汽水$10一罐，買1送1，抵飲過去7仔。個餐嘅食法有4個steps。第一個step 係飲燉湯，第2個step係食蒸海鮮 (8款)，我哋只要在order紙上剔選每款海鮮的蒸法，全程就會有職員幫手放啲食材去個蒸爐，校啱時間攞番出來就食得。第3個Step 係食十足十二串足料蒸飯。第4個step 係任食黑糖冰涼粉。[燉湯]雞腳、瘦肉、紅棗，清得來，好滋補。[花膠、鮑魚]本來鮑魚都係用來蒸的，職員話，最近轉咗為炆。無所謂，兩種造法，我哋都鍾意。鮑魚都幾大隻，有肉感。花膠亦夠腍夠黏口。好快，職員推來一車車的食來，準備幫我哋蒸嘢食。[蚌仔]用了蟲草花和粉絲來蒸，加些辣椒豉油，非常好味。[蠔]用薑蔥絲來蒸，可以辟腥。蒸得時間剛好，蠔本身新鮮，又大隻，食落好鮮美。[龍躉腩]用了豉汁醬來蒸。龍躉腩肉好新鮮，好滑，跟豆腐一齊食，滑上加滑。不過，至精彩其實係魚皮，超正。[蝦]開邊，蒜蓉蒸，啲蒜蓉香味完全滲進蝦肉內，又係好好食。[龍蝦]貨真價實無花假，好大隻，用咗喜馬拉雅山礦物鹽來蒸。雖然感受不出喜馬拉雅山礦物鹽有咩特別，但係，單單食龍蝦肉已經係無得輸，啲肉爽口又彈牙。[奄仔蟹]用薑蔥絲蒸。雖然奄仔蟹不是太大隻，但係，勝在新鮮，羔多，而且非常之香。[鮮魷腸粉]呢個真係第一次食，竟然諗到將鮮魷同腸粉一齊蒸，調味的是用了沙爹醬，非常有特色。海鮮蒸完食，就輪到食蒸南瓜、蒿筍、紫薯和椰菜花，清清地，好好食。跟住就食一大籠的蒸飯，上面的配料有很多，包括南瓜、芋頭、炸菜、花生、排骨、腩肉、蝦乾、臘膠等，可以予名為一品蒸飯，又係超好味。最後任食黑糖冰涼粉。涼粉本身沒什麼味道，不過，加咗黑糖就唔同晒，又甜又香滑。呢餐飯食咗成兩個鐘，其間當然係要聽老細嘅訓示，什麼的生意越做越旺，業務蒸蒸日上……，好在呢度啲嘢熟得好快，食完一輪又一輪，無咩空檔時間俾老細發言。…Read More

臨近聖誕節，又係外遊的黃金時間，今次跟朋友到東京，然後轉機去北海道，相約朋友討論行程安排。朋友話屋在附近有間吃特色蒸海鮮的店舖，好抵吃，只須$238，有新鮮海鮮，便試下吧。去到店舖，已坐満人，好彩還有2樓。套餐已包含多款海產，我們只須選擇蒸的時候用什麼調味料。我們有選擇薑沖、海鹽、蟲草花，清蒸，樣樣試下。今期推介$10/汽水，買一送一，超抵。先上的是猴頭菇燉雞湯，鮑魚+鮑汁花膠。嗰湯足料，好濃好甜，鮑魚彈牙，花膠雖然細只，但配上鮑魚汁，好味，不會太咸。再來是蟲草蒸蚌，加上粉絲，好美味。然後是薑蔥蒸蠔，蠔新鮮及好包滿。跟著是清蒸龍躉，好厚肉彈牙，魚味十足。蒜蓉開邊蒸蝦，雖然細只但好彈牙，配蒜蓉，無得輸。清蒸瓜菜，蕃薯及南瓜超甜，好鮮味。海鹽蒸龍蝦，好大只，好鮮甜。薑蔥蒸肉蟹，雖然細只，但爆糕。咖喱魷魚蒸腸粉，好滑溜，咖喱味充足。十足料蒸飯，用料充足，啲咪有糯米一起蒸，好味。雖然每樣海鮮都係得一件，但係用料上乘，新鮮美味，加上糖水作結尾，咁嘅價錢十分抵食。朋友真係好介紹。…Read More

呢幾年開始興起蒸氣海鮮呢種新食法,我亦只係過海試過一次不過都覺得價錢比較貴,有朋友話咁貴不如去街市自己買材料番屋企蒸仲好過啦!不過又咁喎...一來我又懶,二來海鮮買咁多種類番嚟嘅話要清洗乾淨都唔係一件容易嘅事,仲要如果係硬殼類都咪話唔難搞(?!)經過我多番搜索之後,終於都俾我搵到呢間價錢親民,海鮮種類繁多嘅<倫住蒸>嚟試吓~好彩我同阿肥得兩個人嚟,原來呢度店舖地方唔係好大,主要都係七張大枱仲要全部都係for家庭式多人座位,二人枱都係得一張咁大把咁啱就係俾我哋兩個用喇。坐低咗之後第一件事就係要喺張餐牌上面剔選自己心目中想要嘅海鮮味道,完全可以照顧到客人嘅不同口味,抵讚!揀好哂俾番店員之後佢哋就會開始一站式嘅全面服務原來呢度嘅蒸氣海鮮並唔係多層蒸爐嗰種㗎!而係逐盤咁新鮮送上,一層層咁輪住蒸俾客人食用。睇住職員親手喺你面前慢慢泡製,唔洗自己郁手,簡直就好似廢人餐咁,食得非常寫意悠閒。蝦：我哋揀咗清蒸,原汁原味,鮮蝦大大隻咬開啖啖肉,爽口鮮甜,初初開始食每人只係得兩隻,心諗食完呢餐飯會唔會唔夠飽呢(?!)原來好戲真係在後頭。扣鮑魚：餐店已經將鮑魚嘅味道預設好,冇得揀,所以上枱嘅時候已經係熟咗㗎喇~鮑魚雖然唔係好大隻,不過炆得好腍同埋蠔汁好入味,另外仲配上咗一小綴花膠,相當精緻。龍躉腩：阿肥剔咗面豉醬蒸,加添咗小小咸味但係龍躉嘅鮮味完全蓋唔住,估唔到平時唔多鍾意食魚嘅我覺得呢舊龍躉嘅肉質又滑又嫰,最緊要嘅就係冇骨嘅呢!蚌仔：本來想畫貴妃蚌嘅不過店員話今日時令嘅係蚌仔所以冇得揀,殼類海鮮通常都係用蒜蓉蒸嘅就已經非常美味,呢隻蚌仔亦唔例外,佢仲好似食帶子咁有埋粉絲喺上面一齊蒸,yummy yummy!跟手附上咗一人一盅嘅響螺燉雞湯：呢盅湯好似係餐牌裡面冇注明㗎,原來係送嘅咁又幾好喎!盅湯仲要係熱辣辣,裡面湯頭好足料,雞件有兩三件,響螺切咗片之後容易入口,好味又好滋補咁。生蠔：本身都驚會有啲腥味所以揀咗用喜馬拉雅山礦物鹽蒸,阿肥唔食生蠔所以兩大隻都係由我包辦~正呀!冇沙~肥美~唔腥龍蝦：足足一隻完整龍蝦一分為二,見到佢由生勾勾咁幫你用蒜蓉蒸熟咗再拎出嚟香噴噴,龍蝦肉熟咗之後脹卜卜又白𠽌𠽌,除咗肉身之外仲可以食埋佢隻鉗,龍蝦似乎係重本高質入手,肉質又夠哂彈牙,鮮味十足!絕對唔係死貨~!食咗一輪豐富嘅海鮮之後,就輪到食番啲蔬菜類平衡吓,呢一盤清蒸蔬菜：裡面又有南瓜,又有紫薯,又有椰菜花,仲有啲冬菇添,都算係一啲會令人飽肚嘅食材。奄仔蟹：而蟹類都係因應當日時令而上盤,所以都係冇得指定嘅,冇得食花蟹雖然有小小失望,不過薑蔥蒸奄仔蟹又有蟹膏啜,好似又幾啱阿肥口味喎~鮮魷腸粉：食到嚟呢一層,其實我都已經八/九成飽喇,呢一盤鮮魷腸粉對我嚟講幾有新鮮感,好似好少見呢兩樣嘢拼埋一齊,不過又幾好食,腸粉夠薄,點吓甜醬同花生醬就啱哂喇。十足十二串足料蒸飯：個名好架勢堂原來都真係冇花假,好似荷葉蒸飯咁嘅一大籠蒸完之後職員就喺你面前落埋豉油幫你撈勻,裡面除咗粟米之外仲有蝦米呀肉片呀排骨呀南瓜呀蠟腸呀芋頭呀咁...嘩...食到一半已經要叫投降喇最後最後每人仲奉送一碗甜品：黑糖冰涼粉,透明嘅涼粉又幾得意,清清甜甜咁。呢度可以食咁多款海鮮,質素上盛價錢又抵,唔怪之得全場爆滿,值得一試…Read More

之前聽朋友講左幾次話哩間野好掂，按人頭安排份量，甘就可以食到好多野啦。$238/人。太子站一出2分鐘就到，好容易穩，而且唔需要自己動手，距地會安排好，幫手按需要時間蒸好擺上台一樣樣甘食一開始送上一人一盅炖湯（雞等茶樹菇好濃郁）跟住前菜燜好花膠鮑魚（1人一隻，一塊，好入味，勁好食）海鮮套餐：1. 蟶子（我地選擇蒜蓉大大隻，每人一。 隻，鮮甜爽口，而且完全無沙）2. 蠔（我地選左海鹽，蠔好甜無渣）3. 龍等塊（d肉實而且滑，真係好新鮮）4. 蔬菜（椰菜花，南瓜，蘑菇⋯）5. 蝦（我地選擇左蒜蓉開邊蒸，勁好味，挑曬腸，蝦細細隻但好爽口，同蒜蓉絕配）6. 龍蝦（每人半隻，肉實而且脆）7. 奄仔蟹（每人半隻，食到哩度覺得好彩每人半隻，實在好飽）8. 鮮魷魚腸粉（第一次食甘蒸發腸粉，不過真係好好食）9. 蒸飯（辣味，南瓜，芋頭，榨菜，肉粒⋯蒸半糯米飯，好味）10. 黑糖冰涼粉（最後配埋個糖水，清清，簡直完美，非常滿足而且飽飽）…Read More

今日趁天氣開始轉凍同3個朋友去左食蒸氣鍋, 見到呢間蒸氣鍋唔係做任食, 反而係做一人SET覺得幾特別, 所以就黎試下到底有啲咩食。首先一人SET係$238一位再加一, 有10樣野食。我地食果日係閒日所以就唔洗加$10 (星期五,六,日要另外再加$10)首先一坐低就有個燉湯, 果日既湯係茶樹菇燉雞。個湯飲得出真係幾足料, 同埋好有菇味。除左有雞之外, 仲有加到瘦肉去加重肉味, 所以個湯都好濃味!!之後就有一個前菜, 果晚既MENU係花膠扣鮑魚 (一人一只鮑魚同一舊花膠), 餐廳話用啲咩海鮮要睇返果日有咩新鮮。呢個鮑魚真係不得不讚, 鮑魚炆得好淋好入味, 好好食。反而花膠我覺得唔係太入味同唔夠淋, 相比鮑魚就有小小遜色。重頭戲開始喇, 終於到蒸氣鍋出場。店員會好忙咁幫每一枱既客人逐層逐層咁蒸, 實在好花時間, 我都好欣賞店員為每一道海鮮都講解下產地, 應該用咩醬料去蒸會比較好。蒜蓉粉絲蒸蟶子蟶子既肉好爽口, 加埋蒜蓉真係好好食, 又唔會話太濃味好似食醬咁。同埋蟶子都好厚肉, 咬落去都啖啖肉。清蒸開邊蝦一打開蓋真係有啲失望, 啲蝦真係好細只, 拆埋殼唔係得好多肉, 清蒸就係冇咩味, 要靠自己點豉油調味。我建議大家可以揀其他口味,清蒸就唔太建議喇!蟲草花蒸龍躉腩龍躉腩好正, 一入口啖啖肉無骨, 又有小小蟲草花既香味。另外仲會有一舊黑松露蝦仁豆腐, 豆腐好滑, 連埋蝦仁一齊食, 好重黑松露味, 成件事竟然係好夾好香。成道菜都係好正, 絕對想再ENCORE薑蔥蒸蠔只蠔好厚肉好大只, 用左薑蔥蒸可以辟左陣腥味, 如果平時怕腥既朋友可以揀呢個蒸法, 真係一啲都唔會腥。喜馬拉雅山礦物鹽蒸龍蝦龍蝦好多肉, 蒸完啲肉汁依然保留係個殼度, 好JUICY。有小小鹽去吊味, 唔會搶哂龍蝦既鮮味, 味道好好。清蒸肉蟹食到呢度個肚都已經好飽, 不過見到啲蟹又點可以唔食。個蟹相對就比較普通, 無龍蝦咁出色, 但係最有膏可以食。十足十二串足料蒸飯有雞肉, 臘腸, 蝦干, 粟米粒, 翠玉瓜, 南瓜, 排骨, 芋頭, 蝦腩片, 萵筍, 成個飯都係用荷葉蒸, 所以有淡淡既荷葉香。個飯好足料, 加埋小小豉油就已經好好食。個份量好多, 每個人可以食到2碗幾。食到呢度已經係好飽, 所以大家食左一碗就已經停手, 要打包返去。甜品黑糖冰涼粉一個好簡單既甜品收尾, 用了黑糖所以有小小微甜, 冰涼粉就似透明色既啫喱。味道唔錯, 竟然仲係任食, 不過大家已經食唔落…Read More

倫哥私房菜非常有名，主要是吃海鮮火鍋，包含於一個有燉湯、鮑魚、刺身的套餐裡，十分豐富。得知倫哥新開了蒸氣火鍋，來試試用倫哥著名的新鮮海鮮的另一種體驗。這裡分兩個時段：17:00-20:00/20:00-01:00，幸好預先訂了枱，不然walk-in一定沒有位子。海鮮鍋套餐每位$238，包括燉湯、花膠扣鮑魚、六款蒸海鮮以及兩個主食，套餐豐富，有一貫倫哥的作風。最有趣的是每一款蒸海鮮都可以選擇蒸法，有些特別的如蟲草花蒸、麵豉醬蒸和艇家XO醬蒸只限於某些海鮮，以免有不配合之選，畢竟濃汁醬料蓋過淡味的海鮮會糟蹋了食材，所以餐廳在這細節的講究實在加分。 我們憑對食材味道的認知選擇了配醬，再跟專業的店員加以確認，幸好都選得不錯，大家不想動腦筋的話也可要求店員幫忙就不會出錯。原盅燉湯在倫哥私房菜是不可或缺的一員，是日的燉湯是猴頭菇紅棗瘦肉燉雞。即使看上去的質感清澈，有雞以及大量瘦肉令燉湯十分濃味。湯料很多，雞肉燉過後不柴，吃完猴頭菇和紅棗一陣暖。唯一可挑剔的就是雞沒有去皮去膏再燉，湯面的油花較多。花膠扣鮑魚也是倫哥有名的一道菜，這裡的鮑魚很有厚度，咬下去有質感得來也炆得夠透。花膠偏爽口，用鮑汁燴過很夠味道，跟其他的火鍋分店一樣水準。這裡的店員會幫客人蒸所有海鮮，無論是先後次序或是蒸的時間都控制得很好，客人一邊吃時店員一邊蒸，每道之間不用等太久，也不會吃不及令海鮮放涼，非常專業。蝦開邊蒸，蝦殼很薄，用叉子和筷子很容易便能拆開，不需用手剝，十分方便。想不到蝦子小小卻鮮味十足，蝦肉彈牙，還有少許蝦膏。這裡的蒜蓉先調味油泡過，十分惹味，極力推介可以多點選蒜蓉蒸！貴妃蚌很大隻，洗得很乾淨，沒有沙粒或黑邊。火候蒸得剛剛好，蚌肉彈牙不韌口。這裡的豉汁醬是用原粒豆豉，足料得來不過鹹，加上些少生蒜蓉調味，令粉絲吸盡精華，十分好吃。別看這個好像很清淡，其實魚肉本身已用適量礦物鹽調味，即使不蘸豉油也很夠味道！慶幸選了蟲草花蒸，健康有益之餘，味道也不會蓋過魚肉的原味，很是配合。龍躉腩咬下去有魚油的甘香，肉質爽滑彈牙，像吃鱔一般。旁邊有超滑豆腐，上面放了蝦膠以及黑松露，一腍滑一彈牙，香氣泗溢。這是我是晚最回味的一道。生蠔選了薑蔥蒸，雖然辟腥，但味道非常淡，要靠蘸辣椒豉油調味。生蠔新鮮，蠔肉飽滿，蒸至咬下去仍軟腍有汁，蠔的裙邊也沒有韌口的情況。其實每道海鮮都有蔬菜伴碟，但吃到中間還會有一碟蒸蔬菜，十分健康，也可以清清口腔。不得不讚這裡連蔬菜也十分清甜，無論是南瓜、紫薯、萵筍、椰菜花、鮮冬菇，只是加了少許礦物鹽蒸，已經很好吃。清清口腔後再戰海鮮，吃的是龍蝦，是味道較淡的海鮮，所以中間夾一道蔬菜真的十分聰明。龍蝦本身已很有鮮味，所以蒸法要選清淡一點，這個就是喜馬拉雅山礦物鹽蒸的。龍蝦肉十分彈牙爽口，啖啖肉。能夠吃到龍蝦的原汁原味，少許岩鹽已經能夠調起鮮味。最後還有蟹，是日供應的是羔蟹，真的十分多膏，而且很是鮮味，從沒吃過有這麼多膏的蟹呢！平常的羔蟹肉很少，但這裡的也有些肉可以吃，味道也頗鮮。薑蔥依然是比較清淡之選，不過配寒涼的羔蟹就比較合適。其實吃到蔬菜那道時已經被南瓜和紫薯填至大半飽，但套餐還有兩款主食，大胃口的朋友也不怕吃海鮮吃不飽。這個蒸腸粉頗為特別，用了自家製的沙嗲醬，啖啖原粒花生，十分香口。客人可自行添加甜醬和辣醬，更加惹味。腸粉蒸得很滑，鮮魷十分爽口彈牙，是個很好吃的主食。另一個更強的主食是荷葉蒸飯，有蝦乾、排骨、臘腸、榨菜、南瓜、芋頭等等的配料。蒸熟後加點自家製的醬油拌勻，最後灑上花生和蔥花，口感十分豐富，賣相很色彩繽紛。最香最濃郁的是蝦乾，大隻得來也很容易咬碎。最後還有甜品可以任吃，這個黑糖冰涼粉像是四川的冰粉，晶瑩透亮的，比黑色的涼粉少了點韌度，但感覺更清涼。黑糖醬甜度剛剛好，跟本來沒味道的冰粉夾起來不錯的吃。不過加添提子乾是有點怪，而且也很飽了，所以沒有再添加。店員逐道菜蒸、逐道菜上，吃著吃著不知不覺也吃了兩個半小時，無論時間上還是飽的程度都似是放題般，但海鮮的質素卻是更高。之前吃過其他地竹的蒸鍋，都要約$400一位但不算很飽，所以這裡十分抵吃！而且店員也很親切地跟我們推介在Facebook讚好會有飲料送，有汽水、冬瓜茶、荔枝茶選擇，解決了套餐沒包飲的問題。吃不完的話店員也會很樂意幫客人打包，以免浪費食物，我們最後也打包了一半份量的蒸飯呢。這裡能夠保持倫哥有名水準，會帶長輩來這裡享受享受。…Read More

窮遊香港-勁新鮮既蒸氣鍋.今次食左一間勁正既蒸氣鍋私房菜可以話係 👍🏻新鮮 👍🏻抵食 👍🏻服務好⭐️新鮮-樣樣海鮮都係店養住直到上台⭐️抵食-香港買一隻龍蝦都200啦⭐️服務好-每樣幫你計時 幫你蒸好自己唔洗動手 仲要主動比建議 細心服務‼️先講價錢$238一位.咁簡單講講流程啦佢有12樣野食會上（可睇菜單）佢會跟人頭比番相應既份量上菜前會問你 每一樣海鮮你想要咩煮法 薑蔥清蒸....（可睇菜單）👍🏻店員會主動比意見 加分.先上湯 同鮑魚花膠（可睇圖）店員話轉左用扣鮑魚之前用鮮鮑 但唔緊要 隻鮑魚好入味個湯都落足料當我諗住呢d已經好正果時.每樣海鮮都勁鮮甜‼️店員強調 蒸前可以望下d蝦腳👍🏻仲會仲會郁㗎特別正既係波士頓龍蝦 大大隻蟹鉗👍🏻比蟹殻包住黎蒸 鮮味包哂係入面 仲要好大隻👍🏻呢個我覺得最抵食 香港買一隻都要200蚊啦 一人有半隻.仲有蟹啦 有勁多蟹膏 （‼️呢d時令野 蟹季去會更正）🤦🏻‍♀️生蠔蒸完變左細粒👍🏻但一咬落去爆汁 同海鹽同甜味 正 要叫多2隻.唔一樣樣打啦.⭐️呢間私房菜值得推介‼️但呢間私房菜人比較多想去前訂位比較好（電話睇圖）.#倫住蒸地址：太子柏樹街19A號地舖.⭐️評分：味道：5/5環境：4/5服務：5/5 極好服務衛生：5/5抵食：4/5 香港一隻龍蝦都200啦…Read More

高質海鮮蒸鍋高質海鮮火鍋周圍有好多，而且近排仲有好多蒸氣火鍋推出，今次聽啲舊同事介紹，話呢間啲海鮮好新鮮，食材吸引，而且性價比高所以約咗幾個大學朋友，特登走過來太子呢邊試一試，我哋一行四人，叫咗個238套餐，食材有好多款，感覺幾豐富，但我知道出面有好多餐廳都標榜款式繁多，但係好多都唔係最新鮮。我一入到去，見到其他人食緊，海鮮嘅味道非常之香，已經開咗胃。一開波先來個燉湯，材料10分豐富，老火湯嘅味道跟住再嚟過聖子，非常之鮮甜，跟住你個新鮮海蝦，亦都係非常有蝦味，一定係新鮮游水嘅跟住再嚟過熱點， 配個龍躉， 呢個配搭真係唔錯跟住嚟到我最鍾意嘅鮑魚，非常足料好大隻，口感10分好龍蝦一見到，通常都會以為用咩調味，但呢間非常正宗用新鮮食材，所以清蒸都咁有鮮味再嚟多個膏蟹，一樣非常新鮮，蟹膏豐富，絕不麻虎呢個先有腸粉，配合鮮魷魚，我真係第一次食，呢個真係一試難忘跟住其實感覺都好似唔係好飽，跟住你個非常有特色嘅蒸飯，材料十足，分別有雞肉，臘腸，蝦干，翠玉瓜，南瓜，蝦腩片，再嚟過豉油撈飯，perfect !最後仲要你個黑糖冰涼粉，晶瑩剔透， 呢種清甜嘅味道，令到成餐飯嘅感覺不太油膩，真係想一試再試整體來講，用到呢個價錢，食到咁多唔同品種嘅新鮮食材，仲有滿腹嘅感覺。非常滿足，大家記得去之前要訂位啊…Read More