Ramen Samurai

太子最新話題拉麵店‼️由屯門「頂立」拉麵crossover 「悄悄食堂」，目前以試業模式運作中，想試嘅就快啲去啦‼️.✨熟成雞煮肝醬油拉麵 （2/3雞湯、1/3煮肝）材料非常豐富，有油封玻璃豚肉、脆骨雞丸子、慢煮雞胸等，今次我揀咗雞油，但係成個湯底根本上一啲都唔油膩，比較輕盈，雞湯嘅味道同煮肝都幾match✨醬油熟成雞白湯拉麵湯底係經典奶白色，相對濃郁，質感好creamy，雞湯味道好突出，重口味嘅朋友可以試呢款🥰✨唐揚炸雞外皮炸得夠乾身，雞肉仲可以保持juicy，調味都唔錯👍🏻✨開心果巴斯克芝士蛋糕開心果味道濃郁，一定要try try🥰✨焦糖布甸質感好rich，蛋味香濃.📍 侍拉麵 (太子)太子運動場道3號地舖…Read More

太子地鐵站出口旁邊開咗間新嘅特色拉麵店，裝修係而家好hit嘅RAW風，超適合打卡！佢哋用開放式廚房，睇得出對自己嘅衛生同品質都好有信心～提提你，餐廳下晝3點會休息一陣㗎！.🌟濃蝦湯拉麵個蝦湯底真係超濃郁，飲落去鮮甜又香濃，蝦味好出！麵質彈牙，掛湯能力啱啱好。配料簡單但正，叉燒軟嫩，再加埋肉丸，有新意又好食！.🌟熟成雞煮干醬油拉麵熟成雞湯同煮干醬油撈埋一齊，味道好有深度。可以自己揀雞油同煮干醬油嘅比例，推薦加重煮干份量，鹹香味更加有層次！麵條爽滑，叉燒一樣咁軟嫩。.🌟Samurai炸雞日式炸雞外皮酥脆，肉質保持juicy，醃料味道恰到好處，配搭他他醬更開胃。.🌟Tiramisu巴斯克將經典Tiramisu整成巴斯克蛋糕，面頭嗰層可可粉帶啲微苦，裡面係好濃郁嘅馬斯卡彭起司同咖啡香，口感綿密濕潤，甜中帶苦，層次好豐富！好有創意，真心推薦！.🌟焦糖布甸另一款經典甜品，面頭脆脆哋又甜嘅焦糖，夾埋冰涼滑溜嘅蛋奶布丁，口感對比好正。布丁好細滑，蛋香好濃，甜度啱啱好。.🌟Cold Brew Coffee用冷萃方法整，飲落好乾淨清爽，酸度低又順喉。有明顯嘅坚果同可可風味，尾韻甘甜，一啲都唔苦，夏天飲真係透心涼！…Read More

【拉麵再戰食評】今次專登再訪呢間拉麵店，終於成功試到佢哋嘅招牌拉麵！同朋友分別試咗兩款湯底，各有特色。🍜 雞白湯拉麵湯底非常濃厚，帶有明顯忌廉香氣，口感順滑。麵體煙靭有咬口，掛湯能力不錯。配料中的雞肉丸比較特別，但味道不過不失，未算驚艷。整體來說，鍾意濃郁口感嘅人會幾喜歡。不過要留意，湯底本身唔包糖心蛋，需要另外加錢追加，但當日可惜已經賣晒，有少少遺憾。🍜 鹽湯拉麵朋友點的鹽湯底相對清爽，湯頭清澈但鮮味突出，適合喜歡淡口味的人。同樣搭配煙靭麵條，但整體感覺較輕盈，唔會膩口。同樣地，呢款湯底都唔包糖心蛋，想豐富口感就要額外加配啦。⚠️ 值得一提當日包左一份豬肉，但食落有生肉口感，質感令人卻步，最終無辦法完成。希望店家注意食材處理。總結：兩款湯底都各有千秋，雞白湯濃厚惹味，鹽湯清爽鮮美，但配料質素同追加選擇方面就有待改善。建議主打拉麵本身，暫時避開追加配料，同埋想食糖心蛋就要早啲去啦！…Read More

為食妹群組到太子超人氣拉麵店品嚐雞白湯拉麵4位可愛的為食妹小朋友今晚來到太子一間新開的拉麵店,要預先在下午排隊取籌,然後再在指定時間回來,一切都是值得,因為可以吃到有質素的雞白湯拉麵和煮干醬油拉麵,吃得津津有味~熟成雞煮干醬油拉麵拉麵配料好豐富,有雞肉丸子,慢煮叉燒,大蔥絲及風乾番茄~湯底則可以根據個人喜好,選擇雞味濃或干貝味的混合湯底~熟成雞煮干醬油拉麵以兩種湯頭製作,建議選擇1:1比例~湯底濃郁到不得了,完全感受到湯底在深海的干貝鮮味及雞肉的精華~熟成雞白湯拉麵熟成雞白湯拉麵最出色的是起泡的雞湯湯底,好香鮮雞味,熟成雞的鮮味完全融入湯中~雞湯奶白濃郁,麵條軟硬適中,吸湯力強,夾埋玻璃叉燒一起吃,肉香同湯底互相昇華~是我們在香港吃過最出色的雞白湯拉麵~Samurai炸雞即叫即炸,肉質預先醃制過鮮嫩多汁,雞皮炸到酥脆脆卜卜,加上蛋黃醬味道層次更加豐富~冷泡八女煎茶近年在九州好受歡迎的八女煎茶~顏色清澈見底非常透亮,但綠茶煎味卻非常香濃,帶有少少甘甜卻無澀味,好棒~昭和風布丁日式軟滑焦糖味香濃的布丁非常好味,布丁蛋香濃郁,口感輕盈,焦糖漿苦甜平衡,加上少量cream有另一番風味~開心果巴斯克巴斯克蛋糕好足料,蛋糕表面烤到香脆,內裡流心狀,開心果的質感真的跟芝士味好夾,口感綿密濕潤~侍拉麵太子運動場道3號地舖#侍拉麵 #太子 #拉麵 #ramen #為食妹 #fatty #日本菜 #日本拉麵 #雞白湯拉麵 #巴斯克 #蛋糕 #開心果 #布丁 #八女煎茶 #炸雞 #雞煮干醬油拉麵 #旺角 #mongkok #美食 #香港 …Read More

“熟成雞煮干醬油拉麵”($98)“熟成雞白湯拉麵”($98)“炸雞(2件)”(+$28)“焦糖布甸”($40)“芝麻巴斯克”($60)“冷泡八女煎茶”($45)太子有間新開嘅拉麵店🍜餐廳門面同裝修都好似一間潮牌店😆估唔到拉麵勁高質😍入座後用qrcode落單我地點咗2款拉麵先係熟成雞煮干醬油拉麵最特別係可以自己揀雞湯同煮干嘅比例我就揀咗1：1😙我覺得2隻味道平衡得岩岩好☺️另一款點咗鹽味熟成雞白湯拉麵🐔雞湯面頭打成泡,十分綿密雞湯味道夠哂鮮甜,正呀2碗麵都配有雞肉丸,油封玻璃豚肉🐖仲有啲風乾蕃茄仔,好有心思我地仲加配咗2件炸雞,食落外脆內爆汁食完拉麵就一定要叫埋呢道嘅甜品先有焦糖布甸🍮食落蛋香十足☺️芝麻巴斯克芝麻味夠哂香濃,好出色🤤…Read More

行經太子被呢間霓虹燈招牌吸引住，小店行簡約工業風，主打熟成雞湯及煮干湯拉麵🍜，湯底有特色，小食同甜品都超出預期，如果你係拉麵控，呢間絕對值得專程去試！熟成鹽味雞白湯拉麵第一啖湯已經被驚艷到！湯底濃郁唔會過鹹，熟成雞鮮味融入其中。麵質偏幼身，掛湯能力一流，每啖都掛滿湯汁精華。配料都好豐富，雞肉丸子，慢煮北海道黑豚梅頭，大葱絲，青葱，風乾蕃茄，雞油烤茭白荀，豚肉叉燒肥瘦比例適中，溏心蛋流心，正！熟成雞煮干醬油拉麵雞湯底加入煮干（由兩種沙甸魚熬製而成），最特別係可以自由搭配清雞湯同煮干湯底比例，兩者唔搶味，反而鮮味層次更加豐富!Samuri炸雞炸雞即叫即炸，外皮酥脆，肉質嫩滑仲好juicy！開心果巴斯克蛋糕甜品都好出色！巴斯克蛋糕妣美蛋糕店！表面烤到微焦，內裡軟心，開心果味香濃得來唔會太甜，口感綿密，每一啖都係幸福感！焦糖布丁布丁口感滑溜，焦糖醬甜度適中，帶微微苦香，平衡得剛剛好。配面層cream食奶香十足Cold Brew Cold Brew咖啡口感清爽，酸味同苦味平衡得唔錯冷泡八女煎茶茶香清新，回甘悠長，食完濃味嘢飲一啖，即刻解膩！…Read More

今次去咗一間日式拉麵舖，裝潢走工業風格，鐵灰色牆身，配合店內霓虹燈帶點新潮感覺，亦有一份玩味。氣氛輕鬆，坐低就好期待嚟一碗拉麵同甜品。Samurai炸雞先嚟小食 Samurai炸雞，外層炸得金黃香脆，肉質嫩滑多汁好juicy，咬落仲滲出肉香。Cold Brew Coffee/冷泡八女煎茶飲品方面點咗 Cold Brew Coffee 同 冷泡八女煎茶，前者帶微微果酸同咖啡豆香，清爽易入口；後者茶香清新，回甘舒爽，解膩效果一流。濃蝦湯拉麵 主角當然係拉麵，濃蝦湯拉麵湯底呈橙紅色，入口濃郁帶濃郁鮮鮮味，配上彈牙麵條同叉燒，非常塔配，而麵條仲超掛湯。熟成雞白湯拉麵 另一款熟成雞白湯拉麵就走濃厚雞湯風，湯頭乳白起泡，入口細膩綿滑，雞香濃而不膩，搭配洋蔥、叉燒，味道層次分明。焦糖布甸/芝麻巴斯克 焦糖布甸帶住微微焦香脆面，布甸本體滑溜香甜，入口即化。芝麻巴斯克則煙韌綿密，芝麻香氣濃郁，帶住淡淡炭焙味，甜度適中，食完拉麵嚟一件非常滿足。…Read More

嚟太子站D出口就見到呢間與別不同嘅餐廳水泥風裝潢．呢度仲有西式甜品同咖啡 Cafe x 拉麵 crossover有別於一般傳統拉麵店一間有水準嘅拉麵店．唔需要太多選擇拉麵靈魂在於湯底✨ 濃蝦湯拉麵湯底味道香濃．啖啖蝦味加入爆汁嘅蕃茄．配上香脆日本鮮蔥一試愛上✨ 熟成雞白湯拉麵大大片叉燒．雞軟骨肉丸我喜愛嘅麵質 配上鹽味雞白湯清甜不油膩可追加小食同甜品✨samurai 炸雞即叫即炸．外皮香脆肉汁豐富口感嫩滑✨焦糖布甸滑溜溜嘅布甸．加上香滑忌廉甜而不膩 ✨芝麻巴斯克蛋糕啖啖黑芝麻香．口感幼滑細膩食拉麵．唔一定要配汽水呢度咖啡同日式煎茶都好有水準✨Cold Brew Coffee✨冷泡八女煎茶…Read More

由知道悄悄食堂同頂立合作係太子開左間侍拉麵已經想試下，見今晚排隊條龍冇咁長就入去食濃蝦湯拉麵 ($98)濃蝦湯咁啱今日新上市，一入門口就聞到好濃嘅蝦味，湯底飲落真係幾濃郁，配埋豚肉、雞肉丸子、蕃茄乾同荀，其中豚肉係以油封處理嘅玻璃肉，脂肪同肉比例一半半，食落油香肉甜熟成雞煮干醬油拉麵 ($98)湯頭可以自行選擇雞同煮干嘅比例，風味油亦可以揀雞油或煮干，都幾滿足到唔同人嘅口味，呢碗揀左1雞：2煮干，令入口先有魚香同貝類嘅鮮味，後勁回返雞香，幾特別samurai 炸雞 ($28)炸雞有驚喜，外皮正正常常，咬落雞肉爆汁而且幾嫩滑，小食必點Cold Brew Coffee ($48)咖啡烘焙感突出，飲落清新又有層次冷泡八女煎茶 ($45)煎茶茶香濃郁，食完拉麵正好解膩焦糖布甸 ($40)布甸好出色，質地綿密滑嫩，雞蛋香味十足，焦糖濃郁唔算太甜，食落唔膩，勁滿足芝麻巴斯克 ($60)巴斯克蛋糕都好受歡迎，芝麻香濃郁，帶微苦甜味，質地濕潤，質素拍得住坊間蛋糕店📌侍拉麵 (太子)地址：太子運動場道3號地舖…Read More

拉麵店「Ramen Samurai」，主打自家特色的雙湯頭拉麵，顧客可以自由選擇雞湯與煮干湯的比例，打造最合自己口味的湯底。除了湯頭，風味油也可自選：雞油帶出雞湯的甜香，煮干油則強調魚介的鮮味，細節之處見心思。面底好特別，啡啡哋色，似蕎麥麵；師傅話係餐廳秘製拉麵，獨門秘方咁話！煙煙韌韌好好食🤭雞湯以本地高級平原雞熟成熬製，味道濃郁而不膩，為湯底增添深度。🥳每碗拉麵配料也相當講究，包括雞肉丸子、三元豬玻璃肉、慢煮北海道黑豚梅頭、大葱絲、青葱、風乾蕃茄，以及白荀，口感多樣，味道平衡。😍地鐵站一上樓梯就係，非常方便！❤️…Read More

FD屋企附近開咗一間好型格嘅日式拉麵店，咁試試。裝修以工業風為主，很有自己特色。店鋪唔單止提供拉麵，仲提供日式飲品同蛋糕，好特別。Cold Brew Coffee，好似返到日本嘅一杯冷萃咖啡。咖啡豆用冷萃方式製作，入口順滑同埋帶有少少果酸，飲落好清爽。冷泡八女煎茶，茶湯淡淡黃色，清澈見底非常透亮。入口茶味香濃，帶有少少甘甜，完全無澀味，好飲。Samurai炸雞，炸雞勁大一件，外皮炸到酥脆，內裡雞肉軟嫩帶有juice。炸雞預先醃制過，唔洗點醬已經很夠味。如果點埋自家制蛋黃醬，味道層次更加豐富:)。熟成雞煮幹醬油拉麵，哩份拉麵超有特色。湯底以兩種湯頭製作，客人可以揀湯頭比例，我地揀咗1：1比例。湯底用熟成雞同煮幹熬制，濃郁到不得了，飲一啖已經感受到深海嘅鮮味同雞肉嘅醇厚完美結合。麵條爽滑有咬口，掛湯能力一流，每啖都係精華。熟成雞白湯拉麵，兩碗拉麵配料都好豐富，有雞肉丸子，慢煮叉燒，大蔥絲，風乾番茄等。雞湯奶白濃郁，熟成雞嘅鮮味完全融入湯中。麵條軟硬適中，吸湯力超強，夾埋慢煮叉燒一齊食，肉香同湯底互相昇華。焦糖布丁，布丁蛋香濃郁，口感輕盈，焦糖漿苦甜平衡，唔會死甜。面頭加咗少量cream，食落又系唔同風味。芝麻巴斯克，蛋糕表面烤到焦黑香脆，內裡流心狀，芝麻味濃到好似食緊芝麻糊，但芝士嘅奶香又無被掩蓋。口感綿密濕潤，好味。…Read More

🗣️ 前排聽朋友講太子有間拉麵好得，bookmark咗好耐，我哋一行二人叫咗兩個拉麵🍜、一個小食，同埋升級加兩款甜品同飲品🍮🍰🌟 熟成雞白湯拉麵 ($108)呢個係我最期待嘅！個湯底一上枱已經嚇親我，面頭嗰層泡泡打到好似cappuccino咁綿密☕️，證明真係落足料去熬。飲第一啖，嘩！🤯 超級濃郁嘅雞湯精華喺，個湯杰身到可以完美掛喺每一條麵上面，唔會湯還湯、麵還麵。叉燒係用慢煮方法處理，口感嫩滑到接近入口即溶，肉味香濃，一啲都唔肥膩。成個配搭好正💯🌟 熟成雞煮干醬油拉麵 ($98)朋友叫嘅醬油拉麵都唔惹少！同雞白湯嘅濃郁唔同，呢個湯底行清澈路線，但味道一啲都唔單薄。醬油嘅鹹香同雞湯嘅鮮甜平衡得好好，仲帶有煮干（即係沙甸魚乾）獨特嘅魚介鮮味🐟，令到成個湯底層次感好豐富。配料有雞肉丸同叉燒，麵條係偏幼身嘅直麵，索湯力一流。如果你鍾意口味比較多層次，呢款係首選！👍🍗 samurai 炸雞 ($28)見到$28咁抵，就叫嚟試下。炸雞即叫即炸，上枱熱辣辣🔥！個皮炸到超級香脆，但入面嘅雞肉依然保持到鮮嫩多汁，完全唔乾柴。點少少沙律醬，邪惡得嚟又好滿足！CP值超高！🍮 焦糖布甸 ($40)食完拉麵，點可以無甜品？呢個布甸蛋味好香濃，質地超級滑溜！🍮 面頭嘅焦糖帶少少甘苦，正好中和咗布甸本身嘅甜味，食完成個都唔會覺得膩，反而好想再encore！🍰 芝麻巴斯克 ($68)食落去口感好綿密厚實，芝麻味濃到化不開，甜度啱啱好，仲食到芝麻嘅甘香。面頭嘅burnt top帶嚟焦香，加埋面頭嘅忌廉同芝麻粒，芝麻控必食！🖤…Read More

新開型格日式拉麵店，店內裝潢以水泥風為主調，主打數款優質拉麵、小食及甜品。拉麵都是自家製作，選用北海道春之戀麵粉，再混合熊本製粉的糯小麥製成，麵條比一般拉麵略粗身，食落富彈性，有掛湯效果。每款拉麵也配上雞叉燒、豚肉叉燒、脆骨雞丸子、風乾小茄及茭白筍，叉燒經過慢煮烹調，非常入味，肉質嫩滑，爽彈富油香。先試非常創新的煮干湯拉麵，選用沙甸魚煮干，煙燻鰹魚，以及本地沙白一同熬煮的湯底魚味濃郁，特別鮮甜。雞白湯拉麵湯頭濃郁鮮香，用大量雞骨熬煮，含豐富膠原蛋白，形成如牛奶般的濃厚口感。小食Samurai炸雞即叫即炸，金黃酥脆外皮，雞肉多汁嫩滑。甜品芝士蛋糕賣相吸引，帶有濃厚烘烤香氣，濃郁奶香，口感綿密。焦糖布甸同樣濃郁香醇、滑嫩細緻，淋上金黃的焦糖醬，更帶有濃濃蛋香，輕軟的慕絲口感，非常順滑。…Read More

暫時未有假期可以番鄉下🇯🇵唯有喺香港食拉麵以解思鄉之情🥹侍拉麵暫時以試業方式營運，想試嘅朋友記得留意佢哋嘅營業時間🫰環境：8/10餐廳走潮流型格路線，開放式廚房配搭海報霓虹燈等營造氣氛，有別一般傳統拉麵店🫣食物：8/10醬油熟成雞煮干湯 $98可以自由配搭清雞同煮干湯嘅比例，盡量迎合所有人嘅口味，我就揀左一半一半，兩邊味道都唔會互搶，雞同魚鮮味都將對方嘅味道提升👍🏿鹽味熟成雞白湯 $98 雞白湯都可以選擇嫌棄或者醬油口味，所有口味拉麵都會附上脆骨雞丸子🐔，油封玻璃豚肉🐷等配料，拉麵口感爽口冇overcook，重點要講豚肉肥瘦比例適中，以油封方式令到豚肉更加惹味及Juicy，正🥰Samurai 炸雞 （2件） $28炸得外脆內軟，雞肉依然保留到肉汁，作為小食都相當高質😎焦糖布甸及芝麻味巴斯克蛋糕 $40 & $65估唔到拉麵店都有甜品食，雖然唔係主角，但味道絕對比得上坊間不同嘅Cafe，芝麻味巴斯克蛋糕大推！！！💰性價比：7/10人均$200左右，同普遍Cafe價錢相若，但拉麵水準絕對值得大家過嚟一試🤩…Read More

太子新開嘅侍拉麵 見到門口裝修好特別 入到去發現餐廳裝修用了水泥工業風 有吧枱位或四人枱 空間感好過一般拉麵店 坐得舒服今次試咗鹽味熟成雞白湯拉麵 湯底用蘋果木煙燻過嘅藻鹽、特調鹽醬同經過熟成的雞熬煮而成 層次感豐富；上桌前仲用打泡器打出細緻綿密嘅泡泡 奶白色好濃郁 飲落去creamy得黎滑順又輕盈 叉燒係用油香嘅玻璃肉 肉質爽口 另外有粒脆骨雞肉丸子有驚喜 咬落有雞肉香味 如果有多一粒會更開心😆 小食的炸雞外脆內嫩 咬落仲有肉汁 飲埋杯冷泡八女煎茶清新又解膩！呢度竟然仲有cold blew飲 不過因為夜晚所以冇試另外少見拉麵店會有甜品食 呢度仲要有大熱的開心果巴斯克蛋糕 入面質感細膩 帶有開心果的堅果香 推薦～…Read More