來多客餐廳

今日去完順豐取貨，轉角見到間茶餐廳，時間岩岩好，又係tea time我叫了羅宋湯豬扒公仔麵，羅宋湯底並不是罐頭湯，加入了蘿蔔條，鮮蕃茄，蕃膏加深了湯底的顏色，豬扒已經切成條狀，方便食用，豬扒夠厚身，吸收了湯汁，都唔錯，另外公仔麵鋪在底，條條分明，份量都大，一切飽肚老公叫了秘製豬扒包，無錯都係豬扒，豬扒包的麵包主要是豬仔包，包就熱辣辣，烘過很脆口，要小心食，但配上的居然唔係羅馬生菜又爭緊少少，鮮蕃茄片好鮮味，豬扒煎得岩岩好，仲好juicy,沙律醬少許，沒有搶走豬扒包的風味加$2升級飲檸蜜，如果三塊檸檬片就正，見佢好滿，收貨啦…Read More

收工行過見咁多人食，入面試試先！見個百搭鐵板扒餐先$65 咁平！就食你啦！佢唔同一般扒餐得普通豬、雞、牛！好特別可以要吉列魚柳、吉列豬扒！就連豬扒都可以選唔同味道：麻辣、香茅、巴西豬、煎豬柳扒.可以選2款食物.（牛扒同麻辣豬扒）配白飯意粉薯菜仲送羅宋湯同蒜蓉包，飲品仲可以轉糖水，抵食！我心諗咁平個碗都唔大得去邊，湯同蒜蓉包先嚟到！咁大碗嘅！鐵板到啦！啲份量都好大份下！扒都好大塊！牛扒唔會韌.麻辣豬扒冇想像中咁辣，但都幾好味.糖水：喳喳糖度適中，仲要好多豆！今餐飽到頂上心口！…Read More

與友人行完街就求其搵間餐廳食飯,間餐廳既裝修幾好, 又有卡位坐. 餐牌有好多菜式, 而且價錢又唔貴.我地兩個都叫佢海南雞飯套餐, 有中湯, 有一碟油菜, 碟雞大大碟, 雞肉都幾嫩, 好中意佢D 小配菜, 同D雞肉好Match….仲有個甜品椰汁黑糯米,唔太甜,味道岩岩好.真係食到超飽……Read More

難得放假，但媽咪無得放，想陪下佢食早餐，好乖咁就佢係翻工附近食，仲早過平時翻工起身牛扒餐（$37）其實牛份量唔算大塊，薄薄地，不過不失啦 都整得幾軟既。餐包仔就無咩烘過，都軟同暖暖地。佢寫係蘋果沙律，但有好多其他蘿蔔、青瓜粒，果d白色既係一半蘋果，一半薯仔。因為我唔鐘意薯仔沙律，有d後悔點左沙律。雞扒餐（$34）雞扒份量大d既，中規中矩啡走、鮮奶整體來講，都ok既，係出品正常水平既街坊茶餐廳，星期六日早餐，好多時都幾多人架。…Read More

Crispy pork cutlet with wavy fries.🐽🍟with a cup of hot Horlicks. Who doesn't love some good classic junk food here?🤪😋The pork cutlet was crispy on the outside, juicy and tender on the inside.🤤 With the iconic wavy fries, perfect combo!Other than that, we also ordered a stir-fried rice with a bowl of sago and beans dessert. 😋Eating fried rice with hot sauce is always a must! Cuz they're the perfect match! 🍚🔥😍The dessert was soo sweet and I love it!😋…Read More

今日黎到深水埗完全唔熟路男朋友問我食茶記好無？我話好呀之後佢同我講個到有糖水食架喎你岩唔岩食架？我即刻黑人問號❓我簡左日式帶子烏冬估唔到都幾有水準湯底唔太咸配料足料帶子數量不算少係非日式餐廳來說呢個烏外冬都算有水準呢到飲品有呢啲糖水選擇我就要左椰汁西米露夠凍 西米露又林無煮得過火 亦都無變一舊舊食得開心…Read More

經過深水埗，好似比較品流複雜。經過茶餐廳。想去試下。第一裏邊係比較坐得舒適。第二款質素也都偏高。可惜的是，普遍食物比較鹹。咖喱太辣。要飲凍檸茶。凍檸茶太多冰，影響茶嘅味道。這間茶餐廳仍然有進步空間。😊😊…Read More

來多客算係茶餐廳式食店，賣嘅除咗有一般茶餐廳都有嘅菜式外，亦會有一啲與別不同嘅新派菜，所以間中都會幫襯吓深水埗呢間分店面積幾大，座位間間隔闊落，而且基本上都係以大大小小嘅卡位，無論係一人獨食，定係三五成群，都會有足夠舒適嘅個人空間下午荼都有好多選擇因為我肚餓，又會當晚餐食埋，所以就揀咗連湯都可以飲埋嘅羅宋湯雞扒公仔麵，跟餐仲有熱飲或糖水選擇，我order咗渣咋最先上枱嘅係糖水都幾大碗，仲好足料，唔會因為係跟餐送嘅就HEA做之後主菜都好快上枱預期以外嘅香味，令我更加肚餓，即刻起筷開餐羅宋湯唔辣，夠酸，有唔少菜，仲有少少牛肉碎，飲咗更開胃雞扒碎上，方便食用，而且有另外煎香咗先再放入麵中，細微用心值得欣賞公仔麵煮得啱啱好，唔會過淋，索咗羅宋湯別有一番風味渣咋唔會太甜，就算攤凍咗少少，都仲幾好味，食晒成個餐，足夠飽肚，好滿足~個人認為來多客嘅茶餐都幾抵食，經過嘅朋友有機會可以一試！…Read More

深水埗人多車多店鋪多，熱鬧非常。路經此地，忽見一餐廳門面裝修相當顯眼注目，名叫來多客，和友人躍躍欲試。碰巧下午茶時分，顧客疏落，不用等候。無獨有隅，大家都選擇拉面。好喜歡它家拉面的面質，湯底也不會太鹹太油膩。除了肉外，還有蛋、粟米、海帶等配料，不錯。 煙鴨胸拉面日式叉燒拉面除了餐茶，來多客還有糖水選擇，圖為椰汁黑糯米和免費的清茶。黑糯米量不少，不會太甜，水準拍得上糖水舖。埋單兩人承惠八十八蚊。好意頭…Read More

今日經過深水埗探朋友，原來深水埗好多嘢食，朋友推薦我呢間餐廳食嘢，佢話又平又靚，我一向冇乜所謂，就跟咗佢去試吓！呢度嘅午餐選擇都好多，價錢唔貴，全部都唔使$50，比起我住嗰區，真係起碼平20以上！朋友叫咗個豆豉鯪魚炒飯，講真我真係第一次試，聞落浸味有啲怪怪地，點知食落又幾過癮喎，原來都幾夾嘅！我就正路啲，叫咗個乾炒牛河，估唔到呢間茶餐廳都炒得好有水準，乾身得來完全冇乜油膩嘅感覺，水準不錯！跟餐有埋嘢飲，兩個人埋單都係$100左右，咁嘅消費真係經濟又實惠，下次有機會經過呢邊，都會多啲黎試吓！…Read More

係長沙灣附近探親友，行到附近求其入左一間茶餐廳食個下午茶，其實食都係其次，至在有個舒服又靜靜地既地方傾下計。依度大部份都係卡位，格局夠舒服，唔洗亂咁搭枱。一人叫左一個餐，試下係咪真係如其名要《來多客》豬扒夠晒淋，好好切又夠大件。燒汁又多，撈飯一流。而且仲配薯菜，大碟又抵食。炸雞翼好乾，又黑，似係番炸左幾次，而且又細隻。薯條都尚可，夠粗身又熱辣辣，唔係炸幾次好乾果種。跟餐可以跟飲品/糖水，我地就要左喳咋。有好重既椰汁味，甜度適中，而且豆又夠淋，好食！下次可以來多客既應該唔會係炸雞翼。…Read More

打工仔最多在街吃的，不外早餐和午餐，一覺醒來就趕返工，唔通仲要自己煮早餐咩， 所以屋企附近嘅餐廳都俾我食過曬白色的是米通粉，米粉米線經常見，本區用米通粉的餐廳，相信只此一家。即磨咖啡也不錯👍，招呼亦佳，所以我會再來多次…Read More

幫襯左呢間食肆大大話話兩三年，由佢一間鋪做到而家已經打通左兩間舖，我同屋企人早午晚三餐都有幫襯過，食物水準絕對可靠，價錢仲係好超值，我敢話所有員工嘅服務態度都俾你想像更好，如果你有機會你試佢哋嘅下午茶就真係更加理想，特別係港式茶餐廳嘅楊州炒飯、乾炒牛河及星洲炒米，食過你就知道呢度做得好正宗！食物嘅種類又多，早餐嘅選擇都非常豐富，我特別推介炸魚柳，佢會分開個碟同埋沙律醬俾你，唔會浸落啲湯度搞到林左，我淨係即叫即炸，不過趕時間就唔好試，因為要等10分鐘左右，大家有時間可以去試吓呢間地道嘅茶餐廳…Read More

今日訓到下午兩點左右 好雞肚餓 咁岩係下午茶時間 咁就去食個茶記先啦 呢到都係食中菜多 叫左個楊州粉炒飯 因為最穩陣 都上碟個時都係熱辣新辣既 咁都幾好呀 肉粒都幾多 啖啖飯都有肉食 幾好…Read More

看名字和英文名字的拼音，好像非常之中國化的一間餐廳。因為在深水埗那邊，吃茶餐廳，還是商場內的餐廳都非常之悶，於是走過來長沙灣看看。原來有不少學生，角落真有趣有這麼一個L型的卡位，可能見坐不了多少人，兩個人坐又好像太擠迫，不知坐在轉角處好，還是平排坐好，於是店員也安排我坐這個座位，真好在角落一處，悠閒靜局，享有私人空間。這個焗千島醬汁豬柳飯，其實也只是名字改得好一點，加「千島」兩個字，其實也不是普通的沙律千島醬汁😏；然後豬柳，也即是豬扒，但是也算是童叟無欺，他說豬柳，就真的做得到用比較嫰滑的豬扒位置:)，而非像其他餐廳一般，要用普通豬扒，但是餐牌卻寫上豬柳。豬柳比較滑，有點兒肉汁，肉質比較滑溜，味道不錯，千島醬汁輕微酸，酸酸的醬汁用來拌飯，味道開胃，不錯。這焗飯的器皿也不少，但是飯的份量不太多，還好，因為有時吃太多，很容易吃到飽飽滯滯，這個飯的份量其實剛剛好，但是不知道，對於還在發育的學生來說，會不會不夠飽呢。…Read More