佳記小食咖啡食店

Open Now

Now Closed

今天突然想回味小時候的味道，就去左小時候經常光顧的大排檔。。。。由於是下午2時多，所以不是太多人，可以直接找到位置。。。 坐下來餐牌都不用看，點了一碗沙嗲牛肉上海麵，侍應姨姨說上海麵賣晒咁唯有點奶油多加凍檸茶少甜少冰不消一會食物就送上，超正呀！因為奶油多麵包是用簿的方包，沒有麵包皮，而且多練奶及牛油，真的好正。而家很少地方會這樣“重手”，它的味道和我小時候吃的是一模一樣的。。。真的值得大家一試。。。P.S.怕熱的人建議坐入有風扇的地方。。。

三月上旬•炎熱在附近有工作，怎說也要喝杯咖啡才開工。選這間茶檔，純為近便。要了杯熱咖啡，夠熱，薄身，苦苦的，不過就勝在夠提神。再來一件鮮油占多，工作去也。這裡雖然沒空調，但人客不少。大抵區內街坊都不介意，慣了。

十月中旬‧晴由落場比賽轉了做支援，工作是完全不同。就在購買補給品的同時，來這裡喝杯奶茶。奶茶夠熱，有茶香卻不太滑，在我來說算不錯。也要了一件油占多，多士一看已知烘得脆，吃起來果然如是。果占塗得多過牛油，要自行刮走一點味道才會平衡一點。如果有得選擇，我寧願落場比賽。

基本上, 朝朝都要飲番杯"西茶"先安落... 佳記, 真係食左10年XD我仍然係咁鐘意食火腿蛋公仔麵, 熱奶茶, 日日食都唔厭~!!今日同老細傾開計, 聽到佢講話OPENRICE...係喎~!! 我成日黎食野都有影相, 不如POST上黎... 同大家分享一下啦XD呢度杯茶真係好好飲, 茶香又夠滑...麵又夠彈牙, 唔會太稔, 我好怕食發晒水既麵囉...雞翼記得叫另上, 咁先夠脆~!!平日就咁兩餸麵加杯茶, 都係30蚊有找...而家去餐廳食個晏都唔止啦? 抵到丫~!!

九月下旬‧晴習慣了要喝一杯咖啡的，不喝人又「烏眉hub睡」，就在坐車去操練之前，來這裡喝一杯。不要少看這個冬菇亭的幾個咖啡檔，都相當之多人的。熱咖啡濃濃的，略帶酸味，不過勁道夠，至少可以醒一醒神。放下8蚊，精神爽利的上車。

晚上約了朋友在元朗食飯，見放工後還有早，又見很多人在這裡飲熱奶茶(好像都唔差)，就決定來試試。叫了一碗餐蛋麵、鮮油多和熱奶茶。餐蛋麵- 餐肉煎得好香又夠厚，幾好；麵係超力光麵、想不到又煮得幾好喎、麵的軟硬度剛剛好，實在比很多地方煮得出色。鮮油多- 牛油唔夠厚，部份上枱 時已經溶了，令多士變淋了，所以只是一般吧！熱奶茶- 茶味唔係好濃、但都幾香；奶味又唔會太重，感覺都算幾好飲。店鋪實在好細，環境也不是很好，但以價錢計，都算食得過。

在大西北血拚一輪之後，歇歇腳之餘又收拾一下行裝。就是喜歡它「不倫不類」的上熱奶茶- 跟港式奶茶「亂咁溝」的雛型有所共鳴；熱奶茶是用黑白淡奶開的，不知何解很「水」...因茶不大濃，普洱太多（因為錫蘭紅茶味不出，色澤也...）？午飯時間見它在冬菇亭中最旺，自然有它道理，但應該不關那全場只有我叫的熱的奶茶事吧？

7.16(日)食完拉面就同男朋友行番過黎飲奶茶,上次試過強記,今次就試下呢間叫左1凍1熱奶茶同1件奶油多奶茶同強記一樣香濃滑奶油多吩咐多"烘"真係"烘"得足夠,其實多士只要烘得夠香脆,好難會唔好食總括而言,同強記quality差不多~不過強記一坐底有冰水供應,同埋呢到比我見到有mickey mouse~兩者比我揀,我會揀番強記囉~