众興燒臘飯店

Open Now

Now Closed

教會攪盆菜活動，經朋友介紹，已經知道好抵食，但估唔到30人叫了3 個細盆，竟然食剩一盆左右，可想而知有幾大份量，而且每道餸都入味，裡面還有燘門鱔，即使食開盆菜的圍村人都話超值。老闆娘也好好人，臨送貨前還問我們要不要白飯，主動送了5盒白飯給我們。

設有上門宴會服務 6盆起就得 今日春茗去左圍村食盆菜 成100圍 10人一圍一齊食今次盆菜都幾豐富 除咗有一般嘅雞 大蝦 豬肉 魷魚 魚蛋 豬皮 腐皮 蘿蔔 冬菇之外 仲有鮑魚同鮑片! 另外仲有新鮮門鱔魚!😍😍 真係好多料好豐富。。 之前食ge盆菜都會覺得好多肉 感覺係食肉獸 但呢個盆菜除咗有蘿蔔 仲有小唐菜 蔬菜份量足夠! 同時間又唔會覺得肉類唔夠😂味道方面， 今次個盆好夠味 但又唔會太鹹 個味道啱啱好 食完唔會話好口渴👍 啲汁仲好好餸飯😂 真係食到個個都肚滿腸肥。。🐖🐖

今日office唔知搞咩野拜神，無啦啦有燒肉食。有食唔食罪大惡極，所以我兩話不說即刻食翻幾件食先。果然好味喎，雖然舊燒肉已經凍哂，但個皮都仲係脆卜卜嫁，好味最鐘意佢既咸簡，令人停唔到手係咁攞來食～

然後又是讚美操的聚會，這次變成晚上操後一起來吃盆菜！吃過不少元朗老字號，這次吃的是專做燒味的 众興燒臘飯店 出品（2個大盆 + 數盒白飯 $1,800），沒想到很有驚喜呢。 它的魚蛋很彈牙好吃，蝦、燒鴨、豉油雞、冬菇等也好吃，但最美味是底下吸收了濃汁的腐皮、蘿蔔及芋頭，害我連吃三大碗，簡直是暴增肥啊！ 同場姊妹自家製的藍莓芝士蛋糕又是好吃到癲，超巨大又新鮮清甜的藍莓，配上香濃滑芝士蛋糕，以及清脆餅底，我可以獨享一整個嗎？

今日跟同事一齊買餸返OFFICE食，因為我地本身已經有飯，呢間小店開業多年，我細細個就已經幫襯，依家我原區就業，可以間中來買外賣，感覺倒親切~~~我地三個人見到D餸都覺得較俊賢坊附近橋底果間三餸外賣吸引，同樣$40三餸，不過梅菜扣肉貴DD，$35一份~~~今次我地叫咗$20叉燒，$40三餸，西檸雞好好食，叉燒不錯，我個人注重環保，所以自備飯盒~~~**同事仔想買$10叉燒，但原來最少買$20

是日午餐去咗買外賣，為咗響應環保，我便帶了餐盒買燒鴨油雞飯，可能斬料的哥哥仔見我咁支持環保，所以俾咗鴨脾我😊😊😊呢間雙拼燒味飯$22，包一個湯，或者唔要湯加$2有罐裝飲品，其實在09年果陣曾經底至$11盒飯，依家始於物價高漲，但真心講$22買盒飯真係好抵😇😇😇拎返office食，油雞肉唔會韌，鴨脾不錯，皮夠脆，如果想平食都可以買呢度的雙拼飯😅😅😅

而家物價高漲試過買十蚊义燒比人怒視話晒都係消費者十蚊都係錢不過呢間众興就冇出現過呢種不快事件, 冇話你幫襯得少, 就態度唔好.門口啲師傅好好人態度良好燒味&外賣小菜都OK