Yee Siu Kitchen (Closed)

餐廳位於商場之內，距離牛頭角地鐵站路程只需要五分鐘左右，還算方便快捷，餐廳主打的也就是廣東菜，而我這天和朋友一同過來，當然要品嚐一番， 我點選的也就是他的 自家製水餃， 水餃分量極多，更有兩種口味可以選擇， 吃起來 絕對是家的味道，不會和外面吃的充滿味精，方便咀嚼， 完全不油膩。另外，我還點選了燉湯， 這間餐廳的燉湯喝起來完全沒有味精，絕對是健康之選，喝完燉湯過後，也沒有口乾的感覺， 真是一家良心食店， 單單因為這個原因，我已經知道我必定會再次光臨。…Read More

第二次食呢間餐廳。貪佢好味之餘又冇味精。🥢招牌手撕鹽焗雞 秘製醬撈麵 $60 +$8手撕鹽焗雞份量唔少，鹹香美味，肉質仲好嫩滑。每份套餐仲包埋蔬菜，確保營養均衡。生菜翠綠清甜。撈麵嘅醬汁份量多，質地都好掛麵。撈勻後每條撈麵都沾滿醬汁，少少辣但好惹味。好驚喜可以喺港式餐廳食到好食嘅台式拌麵🤪😚。最重要係手撕雞撈同拌麵嘅味道非常夾。而且每一啖除咗撈麵之外仲可以食到手撕雞。🥢蟲草花雞湯 +$13清甜滋潤仲好足料。湯裏面有好多瘦肉同雞件。佢地嘅湯品仲一啲都唔油膩。…Read More

二少廚房，食咗先講！今晚放工要食個快飯之後去做gym，就揀咗觀塘打工仔係人都識嘅canteen！食呢度唯一嘅中菜，二少廚房！麻辣手撕雞飯$57手撕雞份量都算多，去骨去皮啖啖肉！配埋四川麻辣醬撈飯特別惹味！韭菜豬肉餃八隻配粢飯$57韭菜餃皮薄餡靚，八隻餃食飽飽！粢飯留返做完占食！加$13就有個足料燉湯花膠燉雞湯燉湯好鮮甜！花膠肉養顏補血！有雞肉瘦肉雞腳湯渣，十分足料！蟲草花雞湯啖啖蟲草花，健脾益胃，補肺陰，啱晒我哋啲打工仔！#二少廚房#花膠燉雞湯#燉湯#麻辣手撕雞#觀塘美食#食好西#平民飯堂#性價比高#健康靚湯#健脾益胃…Read More

聽日去鴻圖中心食飯 今日特登清淡少少 行咗好耐終於見到一間主要食手撕雞飯同埋餃子嘅舖頭 相對清淡健康少少麻辣手撕雞泰國絲苖香米$57雞嘅份量都唔少仲有一大堆生菜 有肉有飯有蔬菜都幾健康㗎 想減肥keepfit健康少少嘅朋友,打工仔 就有多個選擇啦+$3 今次仲加咗幾蚊特登試佢嘅黑芝麻豆漿 飲落口都幾重芝麻味 而且都幾滑 3蚊抵試！$38 八隻韮菜餃子🥟見到呢度都有幾款餃子 🥟 飲完豆漿又想試返幾粒 就嗌黎try try 入面都幾足料 皮唔算厚 咬落去每啖有肉有皮 唔太餓又想e下肚仔 其實淨叫餃子豆漿都夠飽了總括嚟講 呢間食肆主打健康清淡食物 岩哂注重健康 keep fit 既朋友 咁就出街食都可以繼續keepfit no excuse!…Read More

收工後同男友係觀塘附近搵野食，記得前排佢話佢好耐無飲湯水好想飲，但我又懶得煲，所以帶左佢黎呢間二少廚房飲住家無味精靚燉湯🤣（仲可以一次過滿足佢兩個願望，因為手撕雞都係佢成日間唔中就會話想食既野黎😁）我地叫左招牌客家鹽焗同埋酸辣手撕雞，一個加$5轉菜飯少飯，一個加$8轉酸辣米線，跟酸菜胡椒豬肚雞湯同蓮藕章魚排骨湯😎手撕雞份量都唔少，嫰滑多汁😋 鹽焗帶啲鹹香味送飯一流👏酸辣係跟左個酸辣汁，質地有啲稠稠地，似係泰式雞醬做底再加啲酸辣汁上去調出黎，都幾開胃～跟餐仲送左啲西生菜，營養均衡👍我幾欣賞佢個菜飯，有誠意👍 唔係得兩三粒仔菜，而係好平均地多👏而且啲菜好爽脆👍泰國絲苗香米真係唔同啲！粒粒分明又有米香，絕對唔係平日有陣時出街食到果啲淡而無味既cheap米🙈燉湯超足料！！一打開聞到超香😍酸菜胡椒豬肚雞湯既胡椒味好突出，但唔會太辣👍加十幾蚊送既燉湯有齊豬肚，瘦肉同雞肉，好誇張😂蓮藕章魚排骨湯相對濃郁，似老火湯，好夠味😋紅蘿蔔同蓮藕夠晒淋👍食完呢餐男友話解晒想飲湯既癮嚕🤣…Read More

2021.5.8（六）$151今早開完會，食完飯仲要返去寫minutes，係樓下Aegean Place愛琴坊食個quick lunch先。同事話二少廚房有驚喜，佢點左$73蟲草花雞湯+酸菜魚飯$78花膠瘦肉雞湯+手撕雞+麻辣撈麵燉湯蟲草花雞湯：味濃，有1件雞花膠瘦肉雞湯：清，有1件花膠2粒瘦肉，1隻雞脚下午要用神去繼續工作，所以補一補。酸菜魚飯：魚塊很滑配了酸菜很惹味，送飯最合適手撕雞：滑、配上調味不搶雞絲味，送埋生菜添窩心麻辣撈麵：唔太麻辣的麵，剛剛好呀，我最like厘餐既重點：food court 很舒服，清清靜靜完成一餐美味午餐，又要返去工作了…Read More

二少廚房位於鴻圖中心地下的美食中心， 如果在鴻圖道的入口， 一進門見到整個鋪子以白色磚為主的鋪子就是了，很容易找。因為是美食中心， 所以外面的枱櫈都可以共用的。 星期六下午，人流不太多，隨意就找到位了。 在這個百物騰貴的日子， 一碗車仔麵都賣個幾十玩， 這裏的套餐價錢感覺更物有所值套餐有餸有菜有飯還包飲品，都是60元以下另加13蚊飲品可轉配燉湯， 加8蚊可以飯轉米線。 一個燉湯都幾十元呀。 不轉配的話實在太浪貴了。餐廳要先付款，拿一個黑色的通知器， 當黑色牌子震動時，就可以到店鋪拿取食物。 招牌客家鹽焗手撕雞 轉魚湯米線 +蟲草花燉湯 + 凍豆漿手撕雞的份量不少呀， 無皮無肥膏。 而且舊舊都好幼滑， 望落都感覺到很嫩滑。 撕出那麼多一條條雞肉， 就是心機呀～手撕雞的味道濃淡適中， 多食幾舊都唔會咸。 米線配以魚湯底， 加左少少胡椒粉僻腥。 我女一飲就飲得出係魚湯啦。 而且食完都唔會口渴。米線仲有酸菜， 腐竹，韮菜等的配料呢。 蟲草花燉湯湯是原盅上的， 熱辣辣的燉盅話你知呢個湯真係原盅燉的。 湯入面的湯料有成半盅咁多， 真材真料， 有雞， 瘦肉排， 蟲草花，圓肉。湯味濃郁香甜。 滿口回香。 另外多購了一個凍豆漿， 好有驚喜豆漿有濃郁的豆香， 如奶般幼滑，而且不會很甜呢這裏的食物水準不錯， 而且很有家的感覺。 就像媽媽為我們準備的自家飯和湯水，充滿了心思和感情。 感覺很溫暖呀…Read More

作為一名打工仔，經常醉心工作，又沒有時間煲湯水，的確會令自己殘很多😞！近排發現觀塘牛頭角開了一間以燉湯為旗號的食店。它位於鴻圖中心的good court，見到它的門面就去叫食物了！🤪觀看餐牌，除了有老火湯🥣之外，還有手撕雞飯🐓🍚。既然兩樣都是招牌，兩者我都叫了！我和朋友都叫了手撕雞飯，我叫了「招牌客家鹽焗手撕雞泰式絲苗香米」，朋友叫了「泰式酸辣手撕雞泰式絲苗香米」。兩者份量都很足，雞也很結實，很有咬口！😀來到重中之中，就是🥣燉湯了：🥣蟲草花雞湯一喝下去已經覺得相當足料，裡面有很多雞、龍眼肉、蟲草花，絕對適合上火的我！而它更有補肺陰、健脾益胃的功效。😁🥣酸菜胡椒豬肚雞湯朋友叫的是酸菜胡椒豬肚雞湯，同樣都是很足料，有很多豬肚、雞！之前喝過豬肚湯是很嗆喉，不過這碗卻沒有，少少微辣很開胃，而且還有暖身、驅寒暖胃作用。😙最後我們分別喝了凍豆漿和熱茉莉花茶，絕對是大滿足！🥰…Read More

今日成班frd見轉季都想補補身子所以決定去搵下啲燉湯飲下先😜💕咁啱上次係food court食野見到二少廚房一於今日試試佢先！一行4人一共點左4個套餐加全隻手撕雞；我就點左酸菜魚飯套餐+花膠燉雞湯，酸菜魚嘅辣好惹味，啲魚肉又大大舊啖啖肉，超好送飯！花膠燉雞湯係超級鮮甜！入面有燉到好軟糯嘅花膠同墊雞腳，十分足料，好飲到我將啲湯全部飲哂，湯渣都食埋！🥰🥰🥰另外3位朋友就點左唔同味道嘅手撕雞套餐（可選擇配飯/+$8配拌麵或米線）+燉湯分別有麻辣味、日式芝麻醬味同埋泰式酸辣味，手撕雞本身有調味，個人覺得泰式辣醬同手撕雞係最夾嘅，又係食食下唔覺唔覺就送哂啲飯喇🤣拌麵係用老乾媽醬拌，食落有啲乾，加返啲湯落去濕濕地會好食啲。另外兩位朋友都同我一樣點左花膠燉雞湯，我諗依個應該係大熱商品喇。不過好彩有朋友點左胡椒豬肚湯，試左係驚歎嘅味道，胡椒點唔會好辣，飲完個肚會暖笠笠，同樣又好足料，依間嘅燉湯真係無得輸！總結，想似老火燉湯一定要黎，絕對唔伏一試難忘👍🏻…Read More

出街食飯其實都可以食得健康，呢間餐廳主打滋補燉湯同家常菜，款式唔算多，主要都係手撕雞、酸菜魚同水餃，啱晒想食得清淡健康嘅朋友仔招牌客家鹽焗手撕雞泰國絲苗香米($60)手撕雞鹹香嫩滑，份量都好多，除咗鹽焗之外，仲有泰式酸辣、薑蔥、麻辣同日式芝麻醬，秘製醬拌麵(+$8)仲有花生碎同青瓜絲，口感豐富，香辣惹味四川酸菜魚泰國絲苗香米($60)魚肉嫩滑冇骨，味道鹹酸適中，非常開胃，份量亦都足夠，啱晒唔食辣嘅朋友買任何套餐都可以用優惠價+$13轉餐飲做滋補燉湯，燉湯非常足料，真係好抵飲❗️花膠燉雞湯(+$13)有花膠、雞腳、雞件同冬菇，而冬瓜瑤柱瘦肉雞湯(+$13)係季節限定，清熱消暑，夏天飲冬瓜就最適合啦…Read More

今日放假大日子，約咪幾個朋友一齊去觀塘食飯行街，好耐都無見既朋友仔，今次終於約到出黎啦。今次比我地發現左呢間餐廳，一於就試下啦。首先我地點左四個餐，第一個餐係泰式酸辣手撕雞加秘製醬拌麵，手撕雞份量非常多，而且入口口感一流，配咪秘製醬拌麵真係無得輸。呢個餐我地加多個酸菜胡椒豬肚雞湯，呢道既湯真係好香濃，而且好入味，所有材料既精華所在，一定要試試。第二個餐係招牌客家鹽焗手撕雞飯，呢個都好有驚喜，味道同份量都好好，呢個就配飯，雞味都幾好，都係不錯既選擇。呢個就配多個花膠瘦肉湯，個花膠真係真材實料，大大條花膠一啖食落口真係值得一試，湯底味道香濃，非常知音養顏。第三個餐係四州酸菜魚飯，酸度適中，味道岩岩好，友人都好鐘意。飯粒粒甘香。呢個餐都係配花膠瘦肉湯，真係非常好味，世界級值得一試。最四個餐係泰式酸辣手撕雞配酸辣魚湯米線，呢個有配咪泰式辣醬，雞肉點咪醬食非常野味。呢個餐加配咪花膠瘦肉湯，大家都讚不絕口，真正真材實料。最後叫多個手撕雞全隻，可以選兩種口味，我地選左日式芝麻醬同咪麻辣醬，兩種味道都好好，又唔會太辣，非常野味。…Read More

今日放工之後要上堂，冇咩時間食DINNER，呢個時候<二少廚房>一定係最佳選擇！ 薑蔥手撕雞泰國絲苗香米 ($57)好有住家飯感覺！薑蔥加手撕雞再撈飯，好開胃！白飯都好香，真係會忍唔住食晒成碗。好多飯餐都只係得一兩菜心，好多時想食菜都要自己再嗌一碟；但呢間俾嘅菜嘅份量都多，又唔油，夠晒健康！ 日式芝麻醬手撕雞泰國絲苗香米 ($57)本身想試下佢個酸菜魚，但可能本人太晏先去食，佢賣晒！不過呢間嘅日式芝麻醬撈手撕雞永遠都唔會令人失望！如果想試酸菜魚果個套餐，真係要早D去食！ 酸菜胡椒豬肚雞湯 (+$13)  花膠燉雞湯 (+$13)每個套餐加$13就可以轉燉湯，咁抵，梗係即刻轉啦！唔好以為佢咁平，可能只係得湯，但其實入面勁足料，抵食！…Read More

是日放假一天，決定去觀塘黎個爲食之旅！最後一站係鴻圖中心既二少廚房，臨返屋企之前食埋個宵夜先走。呢間二少廚房之前黎過兩次，我最鍾意呢度既燉湯，真材實料又夠健康。查實二少廚房只有一個小小既counter，你俾完錢就好似等外賣，攞左食物後就自己係隔離坐低食。餐牌簡單，主要做燉湯、餃子、手撕雞同酸菜魚套餐。所有套餐配凍熱豆漿或熱茉莉花茶。燉湯有五款，想飲燉湯就要叫套餐，因爲任何套餐加$13就可以轉燉湯，超抵！手撕雞套餐都有五款。所有手撕雞同酸菜魚套餐可以加$8轉米缐或拌麵。有辣有唔辣。我同同行友人一人叫一份手撕雞套餐連燉湯同黑芝麻豆漿。招牌客家鹽焗手撕雞濃湯魚湯米線, 花膠燉雞湯, 黑芝麻豆漿 $93薑蔥手撕雞濃湯魚湯米線, 鮑魚紅棗杞子雞湯, 黑芝麻豆漿 $93本身手撕雞泰國絲苗香米套餐連燉湯就只需$70。加錢要飲品就加$12，轉黑芝麻豆漿再加$3。轉濃湯魚湯米線加$8。招牌客家鹽焗手撕雞份量唔少。手撕雞雞有雞味，調味調得好，質感有咬口，有雞胸有雞髀肉，上面撒上白芝麻粒，加添香味。薑蔥手撕雞同招牌客家鹽焗手撕雞一樣，不過另外俾兜薑蔥蓉你自己點。建議一定要叫有另外調味既手撕雞套餐，多個醬俾你自己揀點定唔點都好呀。另外配生菜，生菜新鮮脆口，加左少少油。加$8轉濃湯魚湯米線，我次次都要轉。魚湯好清，非常健康。米線幼身滑溜，都幾好食，份量亦幾多。除左米線，配料仲有鹹酸菜，蔥條同腐竹。到主角燉湯啦！花膠燉雞湯好清，我最鍾意呢度d湯好足料，有得飲又有得食。花膠仔有一條，煲到淋嗮既雞脚一隻，豬肉兩舊，冬菇一隻。不過以下呢個鮑魚紅棗杞子雞湯仲正！呢個湯真係正到爆。味道鹹香，但係都仲係清清地唔油。湯料好足，有兩粒細鮑魚，質感特別好嚼。仲有煲到淋嗮既雞脚一隻同雞翼一隻，豬肉兩舊，紅棗同杞子。呢個湯强烈建議大家要試試。呢個黑芝麻豆漿係新野，一定要試下先，比普通豆漿貴$3。黑芝麻豆漿 $15黑芝麻豆漿色水呈淡灰色，帶微微黑芝麻味，甜度適中，大杯又好飲。$100樓下有燉湯有手撕雞有米線有豆漿真係幾抵。…Read More

呢間餐廳係food court 裏面，個food court 都有啲裝修同坐得都幾舒服。佢有飯有麵仲有燉湯飲。最吸引既係如果叫套餐可以加$13將飲品轉燉湯呢。酸菜魚套餐配飯佢既酸菜魚既調味啱啱好，夠酸但又唔會好辣。而份量方面魚同飯都幾多，同佢有幾多湯汁，配飯食好正。鮑魚紅棗杞子雞湯佢個燉湯好有誠意，佢真係一個燉盅咁上枱同入面都係滿滿既湯，而湯料都好足，有雞肉、豬肉同兩粒鮑魚仔，湯料足自然個燉湯好夠味啦。佢仲有得加健康野飲，今次有海底椰川貝雪梨茶，佢飲落去唔會太甜，仲有少少川貝既味，正！ …Read More

有時侯係返工返得耐 都會掛住屋企d湯 出街又多味精湯 飲完仲衰過唔飲話說小妹係牛頭角返工 平時諗食咩仲辛苦過返工 因為附近野食多選擇，但好難有一間好食，偶爾有一次係愛琴坊入面見到間二少廚房多人排隊而佢又有湯飲 於是咪試下 女仔最緊要養顏，佢又有花膠雞煲瘦肉，最緊要佢個湯又有湯渣，夠曬足料！另外 佢個飯有肉又有菜 岩曬打工仔一族，白飯可以加錢轉菜飯，但小妹都係「飯桶」一族 鍾意食返白飯個手撕雞食落唔會好鞋 有芝麻夠曬香口 價錢雖然唔平，但有靚湯飲 小妹就覺得CP值都幾高…Read More